14:28 28.01.2019
ՀՀ ոստիկանության լրատվության և հասարակայնության հետ կապերի վարչության պետ Աշոտ Ահարոնյանը ֆեյսբուքյան իր էջում շնորհավորել է Հայոց բանակի օրը, պատմական էքսկուրս կատարել դեպի Հայոց բանակի կազմավորման ժամանակահատված:
«Այսօր Բանակի տոնն է՝ խորհրդով ու արժեքով եզակի օր Հայոց տոնացույցում, քանի որ եզակի ու անզույգ է բանակի դերը Հայաստան պետության կազմավորման, զարգացման ու հարատևման մեջ:
Հայոց բանակը ծնունդ առավ ծանրագույն 90-ականներին, երբ դրված էր ոչ միայն պետության, այլև հայ ժողովրդի լինել-չլինելու հարցը, և այդ հարցը լուծվում էր ռազմաճակատի գծի ողջ երկարությամբ՝ Օմարի լեռնանցքից մինչև Տավուշի դիրքերը:
Հենց ռազմաճակատում ծնունդ առավ Հայոց բանակը՝ արյունոտ, դժվարին մարտերում, սխրանքով ու անձնազոհությամբ: Հայրենիքին իրենց ուժը, զորությունը, հաճախ կյանքը տվող շինականը, ուսուցիչը, գիտնականը, ուսանողը դարձան բանակ, իսկ համաժողովրդական բանակը չհաղթել չէր կարող: Եվ հաղթեցինք…
1992 թվականի հունվարի 27-ին պաշտոնապես ծնունդ առած հայկական Զինված ուժերը ընդամենը երեք ամիս անց ազատագրեցին անառիկ Շուշի բերդաքաղաքը, ապա և հայոց գերեվարված այլ շեներ ու քաղաքներ՝ ապահովելով Արցախի և Հայաստանի սահմանների անձեռնմխելիությունն ու մեր ժողովրդի անվտանգությունը:
Այսօր՝ 27 տարի անց Հայոց բանակը շարունակում է լինել և լինելու է մեր ապահովության ու անպարտելիության երաշխավորը, նաև տարածաշրջանի խաղաղության հզոր երաշխավորներից մեկը, որովհետև մեր բանակը ծնվեց հաղթանակի երազանքով, բայց խաղաղության կանչով, որը հարկ եղած դեպքում նաև պարտադրվում է նրանց, ովքեր չգիտեն հաղթանակի գինն ու խաղաղության արժեքը:
Հայոց մեծ ազատամարտի առաջին օրերին ռազմաճակատում, աշխարհազորային ջոկատների հետ ուս ուսի կանգնած էին ոստիկանության ստորաբաժանումները՝ առաջին կանոնավոր զորամասերը մեր նորագույն պատմության մեջ: Եվ զինվորի ու ոստիկանի՝ սխրանքով թրծված զինական եղբայրությունը այսօր էլ շարունակվում է, երբ կողք կողքի սահմանին մարտական հերթապահություն են իրականացնում Հայաստանի Զինված ուժերի և ոաստիկանության զորքերի ստորաբաժանումները: Եվ միասնական սխրանքի այս ավանդույթը միասնական է դարձնում ոչ միայն հաղթանակն ու պատասխանատվությունը երկրի և ժողովրդի համար, այլև Բանակի տոնը, որ բոլորինս է:
Շնորհավորում ենք բոլորիս Բանակի տոնը:
Շնորհավորում ենք հաղթական Զինված ուժերի հերթական տարեդարձը նշող մեր զինակից եղբայրներին և մաղթում ուժ, զորություն ու բարի ծառայություն խաղաղության խրամատներում»,- գրել է նա:
23:59 23.05.2025
Ոչխարաբուծության և այծաբուծության զարգացման 2024-2028 թվականների ծրագրով Կառավարությունը պատրաստ է փոխհատուցել տոհմային կենդանիների ձեռքբերման գնի 50 տոկոսըՈչխարաբուծության և այծաբուծության զարգացման 2024-2028 թվականների քառամյա ծրագրով Կառավարությունը պատրաստ է փոխհատուցել տոհմային կենդանիների ձեռքբերման գնի 50 տոկոսը: Տեղում բուծված կենդանիների դեպքում այն կազմում է մինչև 150 հազար դրամ, ներկրվածինը՝ 225 հազար: Մանրամասները՝ կառավարության տեսանյութում: ...
23:51 23.05.2025
Ֆրանսիան խոստանում է պատասխանել ԱՄՆ արտահանման 50% մաքսատուրքերինԱՄՆ նախագահ Դոնալդ Թրամփի կողմից ԵՄ ապրանքների վրա հունիսի 1-ից ուժի մեջ մտնող 50% ներմուծման մաքսատուրքերն անընդունելի են, BFMTV-ին ասել է Ֆրանսիայի արտաքին առևտրի հարցերով լիազոր նախարար Լորան Սեն-Մարտենը։ Նա նշել է, որ եվրոպացիները կձեռնարկեն պատասխան միջոցներ։ «Սա մեզ համար անընդունելի է», – ասաց նա՝ հաստատելով, որ նման մաքսատուրքերի դեպքում կոնյակի և այլ ապրանքների մատակարարումը […] ...
23:43 23.05.2025
Թրամփը չի պատրաստվում վերանայել ԵՄ-ի նկատմամբ 50% ներմուծման մաքսատուրքեր սահմանելու որոշումըԱՄՆ նախագահ Դոնալդ Թրամփը հայտարարել է, որ չի պատրաստվում վերանայել ԵՄ-ի նկատմամբ 50% ներմուծման մաքսատուրքեր սահմանելու որոշումը, սակայն հաստատել է բանակցությունների պատրաստակամությունը։ «Ես չեմ ձգտում գործարք կնքել։ Մենք արդեն գործարք կնքել ենք (խմբ.մաքսատուրքերի) 50%-ի չափով։ Սակայն, կրկնում եմ, մաքսատուրքերը չեն կիրառվի, եթե նրանք (ԵՄ երկրները) արտադրություն ստեղծեն այստեղ (ԱՄՆ-ում): Եթե ինչ-որ մեկը գա և ցանկություն […] ...
23:34 23.05.2025
ԲՏԱ նախարարն ընդունել է Amazon Web Services ընկերության փոխնախագահի գլխավորած պատվիրակությանըՀՀ բարձր տեխնոլոգիական արդյունաբերության նախարար Մխիթար Հայրապետյանը մայիսի 23-ին ընդունել է ամպային հաշվողականության համաշխարհային առաջատար Amazon Web Services (AWS) ընկերության փոխնախագահ և ամպային տեխնոլոգիաների գլխավոր պատասխանատու Ջեֆֆ Բարրի գլխավորած պատվիրակությանը։ Այս մասին հայտնել են ՀՀ ԲՏԱ նախարարությունից: Հանդիպման նպատակն էր ամրապնդել շարունակական համագործակցությունը, Հայաստանի թվային վերափոխման ռազմավարության առաջխաղացումը, Հայաստանում AWS ընկերության ենթակառուցվածքների ներդրումը, ինչպես նաև […] ...
23:26 23.05.2025
Bild: Համբուրգում դանակով հարձակման հետևանքով 12 մարդ վիրավորվել էՀամբուրգի գլխավոր երկաթուղային կայարանում դանակով հարձակման հետևանքով վիրավորվել է առնվազն 12 մարդ։ Այս մասին հայտնել է Bild թերթը։ Հրատարակության տվյալներով՝ տուժածներից մի քանիսը գտնվում են ծանր վիճակում։ Համբուրգի ոստիկանությունը հաստատել է քաղաքի գլխավոր երկաթուղային կայարանում դանակով հարձակման փաստը։ «Կասկածյալը ձերբակալվել է ոստիկանության կողմից», – հայտնել են տեղի իրավապահ մարմինների ներկայացուցիչները։ Որոշ լրատվամիջոցներ հայտնել են, որ […] ...
23:18 23.05.2025
Ողբերգական դեպք՝ Երևանում. նոր կառուցվող էլիտար շենքի շինհրապարակում հայտնաբերել են տղամարդու մարմինՄայիսի 23-ին, Երևանում, աշխատանքային կանոնների չպահպանման պատճառով, հերթական ողբերգական դեպքն է տեղի ունեցել նոր կառուցվող էլիտար շենքերից մեկում։ Ինչպես հայտնում է shamshyan.com-ը, ժամը 17:10-ի սահմաններում ահազանգ է ստացվել Երևանի 103 շտապօգնության թիվ 26 խմբի բժշկի կողմից, ով հայտնել է, որ իրենք կանչով մեկնել են Դավթաշեն վարչական շրջանի Փիրումյանների 13 հասցեում գտնվող նոր կառուցվող շենք, որտեղ […] ...
