16:46 06.02.2019
Ադրբեջանը, միջազգային հետախուզում հայտարարելով Արցախի Հանրապետությունում պատիժը կրած և ազատ արձակված իր քաղաքացու՝ Էլնուր Հուսեյնզադեի նկատմամբ, ևս մեկ անգամ ապացուցեց, որ չի հարգում միջազգային մարդասիրական իրավունքը: SHANTNEWS.am-ի հետ զրույցում նման կարծիք հայտեց Արցախի մարդու իրավունքների պաշտպան Արտակ Բեգլարյանը:
«Միջազգային մարդասիրական իրավունքի շրջանակներում քաղաքացին իրավունք ունի երրորդ երկիր տեղափոխվել, հենց քաղաքացին է որոշում իր հետագա ճակատագիրը: Ադրբեջանի նման վերաբերմունքը տհաճ է, որովհետև վկայում է այն մասին, որ նրանք սպասում էին իրենց քաղաքացուն, որպեսզի համապատասխան ճնշման ենթարկեն, միգուցե նաև քարոզչական գործիք դարձնեն»,- ասաց Արցախի ՄԻՊ-ը:
Հիշեցնենք, որ ԱՀ ընդհանուր իրավասության առաջին ատյանի դատարանի 2018 թվականի փետրվարի 9-ի դատավճռով Արցախի սահմանը հատելու համար 2 տարի ազատազրկման դատապարտված Էլնուր Էլմանօղլի Հուսեյնզադեն ԱՀ ոստիկանության ՔԿՎ քրեակատարողական հիմնարկում պատիժը կրելուց հետո 2019թ. փետրվարի 2-ին ազատ է արձակվել:
Արտակ Բեգլարյանը նաև տեղեկացրեց, որ Արցախի Հանրապետությունը չի բացահայտում Էլնուր Հուսեյնզադեի գտնվելու վայրը՝ ելնելով թե՛ միջազգային մարդասիրական իրավունքից, թե՛ հենց քաղաքացու անվտանգության տեսակետից:
«Համոզված եղեք, որ Արցախի Հանրապետությունը ամեն ինչ կատարել է, որպեսզի պահպանվի Էլնուր Հուսեյնզադեի իրավունքները: Ես ևս հետևել եմ գործընթացին, որպեսզի մինչև վերջին պահը ամեն ինչ Արցախի օրենսդրությանը և միջազգային իրավունքի նորմերին համապատասխան լինի»,- ասաց նա:
Հարցին, թե ինչու հայկական կողմը գերիների փոխանակում չարեց, Արտակ Բեգլարյանը կրկին հղում կատարեց միջազգային մարդասիրական իրավունքին, որի գլխավոր սկզբունքներից մեկը տվյալ քաղաքացու կամքն է:
«Եթե տվյալ անձը չի ցանկանում վերադառնալ իր քաղաքացիության երկիր, բնականաբար, ոչ ոք իրավունք չունի իրեն ստիպել, ինչպես նաև ինչ-որ քաղաքական փոխանակման կամ քաղաքական առևտրի առարկա դարձնել: Եթե Հուսեյնզադեն ցանկանար վերադառնալ իր քաղաքացիության երկիր, ավելի վաղ հնարավոր կլիներ փոխանակում անել, մինչև ազատ արձակումը: Իր ժամկետը լրանում էր փետրվարի 2-ին, հենց այդ օրն էլ բաց է թողնվել: Իսկ այդ ժամանակ արդեն իրավունք չունեինք փոխանակում կատարել»,- ասաց Արտակ Բեգլարյանը:
23:00 07.07.2025
Մեծ Բրիտանիան նոր պատժամիջոցներ է սահմանել Ռուսաստանի դեմՈւկրաինայում հակամարտության հետ կապված՝ Մեծ Բրիտանիան պատժամիջոցներ է կիրառել Ռուսաստանի զինված ուժերի ճառագայթային, քիմիական և կենսաբանական պաշտպանության զորքերի ղեկավար, գեներալ-մայոր Ալեքսեյ Ռտիշչևի և նրա տեղակալ, գեներալ-մայոր Անդրեյ Մարչենկոյի նկատմամբ, ըստ Մեծ Բրիտանիայի կառավարության կայքում թարմացված սև ցուցակի տվյալների: Սահմանափակումները ներառում են Մեծ Բրիտանիա մուտք գործելու արգելք և ակտիվների սառեցում, եթե դրանք հայտնաբերվեն։ ...
22:40 07.07.2025
Մբապեն «Ռեալի» բոլոր ժամանակների ռեկորդ է սահմանելՄադրիդի «Ռեալի» հարձակվող Կիլիան Մբապեն բացառիկ ռեկորդ է սահմանել։ Ինչպես նշում է Madrid Xtra-ն, Մբապեն «Ռեալի» պատմության առաջին խաղացողն է, որը մեկ մրցաշրջանում գոլ է խփել թիմի կազմում 6 տարբեր մրցաշարերում։ Աստղային հարձակվողը նախկինում գոլ է խփել «Ռեալի» մրցակիցների դեմ՝ Լա Լիգայում, Չեմպիոնների լիգայում, Իսպանիայի գավաթի, ՈւԵՖԱ-ի Սուպերգավաթի, Իսպանիայի Սուպերգավաթի և Միջմայրցամաքային գավաթի խաղարկություններում։ ...
22:25 07.07.2025
Տեխասում ջրհեղեղի զոհերի թիվը հասել է 89-իԱՄՆ Տեխաս նահանգում ջրհեղեղների հետևանքով զոհերի թիվը հասել է 89-ի, տասնյակ մարդիկ դեռևս անհետ կորած են համարվում, հաղորդում է CBS-ը։ Ավելի վաղ CNN-ը, հղում անելով տեղական իշխանություններին, հայտնել էր մահվան 80 դեպքի մասին։ «Տեխասում տեղի ունեցած ավերիչ ջրհեղեղներից հետո առնվազն 89 մարդ է մահացել, տասնյակներ դեռևս անհետ կորած են համարվում», – ասվում է հրապարակման մեջ։ ...
22:11 07.07.2025
Անվանվել է մոտեցող ծերացման առաջին նշանըԵրկարակեցության մասնագետ Պեդրո Աբիզանդան ասել է, որ թվացյալ անվնաս նշան կա, որը վկայում է ծերության մոտենալու մասին։ Նա դա բացահայտել է El Español-ին տված հարցազրույցում։ Աբիսանդան ասել է, որ ծերության առաջին նշանը քայլելու արագության մի փոքր նվազումն է: Նրա խոսքով՝ կան ուսումնասիրություններ, որոնք ցույց են տվել, որ նման փոփոխություններ սկսում են տեղի ունենալ 50 տարեկանից […] ...
21:57 07.07.2025
ՊՍԺ-ն ցանկանում է ձեռք բերել Մադրիդի «Ռեալի» հարձակվող ՌոդրիգոյինՊՍԺ-ն ցանկանում է ձեռք բերել Մադրիդի «Ռեալի» հարձակվող Ռոդրիգոյին, գրում է ESPN-ը։ Փարիզյան թիմը հավանական տրանսֆերի վերաբերյալ կապ է հաստատել 24-ամյա ֆուտբոլիստի հետ։ «Ռեալը» շահավետ առաջարկի դեպքում պատրաստ է բաց թողնել բրազիլացուն։ Նրա ծառայություններով հետաքրքրված են նաև «Արսենալն» ու Սաուդյան Արաբիան ներկայացնող «Ալ Նասրը»։ Ռոդրիգոն Ալոնսոյի` «Ռեալը» գլխավորելուց հետո կորցրել է տեղը մեկնարկային կազմում և […] ...
