19:30 25.04.2019
Դեռ անցած տարի կառավարությունը հաստատել էր Շիրակի մարզի հրատապ խնդիրների լուծման ծրագիրը, որը վերաբերում էր 16 օբյեկտի հիմնանորոգման: Բայց 8 ամիս է պահանջվել, որ կազմված նախագծերը փոխվեն, որից հետո տեղի են ունեցել մրցույթները։ Մեկ տարի անց ոչ բոլոր օբյեկտներում շինաշխատանքները նոր են սկսվել: Բայց այդ մեկնարկը Գյումրիի ժողովրդական գործիքների նվագախմբի շենքին դեռ չի հասել, ավելին, շինմրցույթն էլ դեռ չի կայացել։
Ժողգործիքների պետական նվագախմբի համար 30 տարի է, ինչ այս տնակն է փորձասենյակ ծառայում։ Հերթական փորձն են անում մեծ համերգից առաջ, նույն անփոփոխ վիճակն է` փորձից առաջ երաժիշտները ձեռքերն ու գործիքներն են տաքացնում վառարանի մոտ։
Աշխատանքային պայմանները նվագախմբի ձեռքբերումների հետ համադրելի չեն։ Նվագախումբը հիմա էլ նոր ու պատասխանատու համերգի է պատրաստվում։ Հայկական կինոն է երգելու ապրիլի 26-ին Գյումրիի թատրոնի բեմում:
Տարածքը, որտեղ տեղադրված է նվագախմբի տնակ-փորձասենյակը, օտարվելու է «Օյունջյան» հիմնադրամին, որի միջոցներով ֆիլհարմոնիա է կառուցվելու, իսկ տարածքն օտարելու դիմաց «Օյունջյան» հիմնադրամը նվագախմբին 20 մլն դրամ է տվել, մոտ 25 մլն դրամ էլ պետական բյուջեն է հատկացնելու, որպեսզի նվագախումբը ոչ թե ժամանակավոր, այլ հիմնական փորձասենյակ ունենա:
Տարածքն էլ Գյումրիի նախկին «Վան» առողջարանի շենքն է լինելու։ Հիմնանորոգվելու է, որից հետո նոր հատկացվելու է նվագախմբին, իսկ թե երբ, հայտնի էլ չէ, նախագծային փոփոխություններն են հետաձգել գործը:
Ժողգործիքների նվագախմբի տնօրեն Մուրադ Մալխասյանի խոսքերով, 8 ամիս առաջ կազմված նախագծով, շենքի ջրահեռացման համակարգ նախատեսված չի եղել, հետո են ավելացրել: Պարզվում է, նախկին «Վան» առողջարանը երկար տարիներ գործել է առանց ջրահեռացման ցանցի: Շենքը 1990-ականներից չի շահագործվում:
Մասնագետները եկել, ուսումնասիրել են ու եզրակացություն տվել, որ շենքն ամուր է, միայն վերանորոգում է հարկավոր: Ապագայի շատ նախագծեր ունեն, շենքի հարևանությամբ 3 քոթեջները ևս հատկացվելու են նվագախմբին, որտեղ դրսի երաժիշտներին կընդունեն:
Ամիսներ տևած փոփոխությունից հետո նախագիծը պատրաստ է, բայց հիմա էլ այլ խնդիր է առաջ եկել: Պարտադիր է նախագծանախահաշվային փաստաթղթերը հայերենից թարգմանել ռուսերեն, նոր մրցույթի ներկայացնել: Ի դեպ, այս փոփոխությունը վերաբերում է բոլոր տեսակի գնումների գործընթացներին և գործում է մարտի 25-ից, ԵԱՏՄ-ի առջև Հայաստանի ստանձնած պարտավորություններից մեկն է:
Ըստ մարզպետարանի պատասխանատուների` մինչև փաստաթղթերը չթարգմանվեն, օբյեկտի մրցույթ չի հայտարարվի: Հիմա էլ փաստաթղթերի ռուսերեն թարգմանությունը կուշացնի նվագախմբի փորձասենյակի շինարարությունը: Այստեղ այլ խնդիր էլ կա` թարգմանիչ-մասնագետների պակասը:
Հայաստանում երկար տարիներ նախագծային փաստաթղթերի թարգմանություն չի կատարվել և հայտնի էլ չէ, արդյո՞ք նման մասնագետներ կգտնվեն: Օրենքով ամրագրված է, որ թարգմանությամբ զբաղվելու են նախագծող կազմակերպությունները: Այս պահանջը նախագծային արժեքը կթանկացնի, ըստ այդմ էլ, շինարարության ծախսերը կավելանան: Փոխարենը, շինմրցույթներն ու գնումները բաց կլինեն նաև ԵԱՏՄ երկրների համար, այսինքն` նվազագույն արժեք ներկայացնելու դեպքում, կարող է մրցույթի շահողը լինի ԵԱՏՄ երկրներից որևէ շինկազմակերպություն:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
