17:29 06.05.2019
Ճապոնական JICA-ն ՀՀ-ին տրամադրել է 36 միավոր հրշեջ ավտոմեքենա, 3 ավտոսանդուղք, կարգավար 1 մեքենա, շարժական արհեստանոցներ և պահեստամասեր: Աջակցությունը տրամադրվել է Ճապոնիայի միջազգային համագործակցության գործակալության ծրագրով: Տեխնիկան հատկացվելու է Սյունիքի, Լոռու և Շիրակի մարզերին: Հանձնման պաշտոնական արարողությանը ներկա են վարչապետ Նիկոլ Փաշինյանը, Հայաստանում Ճապոնիայի դեսպան Ջուն Յամադան, հայ և ճապոնացի այլ պաշտոնյաներ:
Իր խոսքում վարչապետ Նիկոլ Փաշինյանը հայ ժողովրդի անունից երախտագիտություն է հայտնել բարեկամ ժողովրդին, խոսել բարեկամության, Հայաստանի համար նվիրաբերվող տեխնիկայի կարևորության մասին: Նշել է, որ 14.5 մլն ԱՄՆ դոլարի օգնություն է տրամադրվում:
«Ձեր աջակցությունը մշտապես օգնել է Հայաստանի զարգացման ծրագրերի իրականացման, տնտեսության արդիականացման հարցում: Հայ և ճապոնական բարեկամական օգնությունը հատկապես զգալի է եղել աղետների դեմ պայքարում»,- ընդգծել է նա:
Նա հիշատակել է իրականացված այլ ծրագրեր ևս: Խոսել է երկու ժողովուրդների ընդգծված ազգային ինքնության մասին:
Իսկ ՀՀ-ում Ճապոնիայի դեսպան Ջուն Յամադան իր հայերեն ելույթի ընթացքում խոսել է Հայաստանում նման տեխնիկայի անհրաժեշտության մասին:
«Ինձ համար մեծ պատիվ է մասնակցել սարքավորումների տրամադրման ծրագրի բացման հանդիսավոր արարողությանը: Այն ուղղված է աղետների առաջնային շրջաններ հանդիսացող Շիրակի, Լոռու և Սյունիքի մարզերին առաջնային օգնության հրշեջ մեքենաներ տրամադրելուն: Հայաստանում հաճախակի են տեղի ունենում բնական աղետներ, ինչը գյուղական բնակավայրերի զարգացման համար խոչընդոտ է, այս պատճառով Ճապոնիան առաջնահերթ է համարում աջակցել»,- ասել է նա:
17:45 17.06.2025
ԿԲ-ի խորհրդի որոշմամբ վերֆինանսավորման տոկոսադրույքը մնացել է անփոփոխ՝ 6.75 %Այսօր տեղի ունեցած նիստում Հայաստանի Կենտրոնական բանկի խորհուրդը որոշել է անփոփոխ թողնել վերֆինանսավորման տոկոսադրույքը՝ սահմանելով 6.75 տոկոս: 2025թ.-ի 2-րդ եռամսյակի ընթացքում 12-ամսյա գնաճն արագացել է՝ մայիսին կազմելով 4.3 տոկոս: Այս մասին ասուլիսին հայտնել է Կենտրոնական բանկի նախագահը: Մանրամասները՝ տեսանյութում: ...
17:36 17.06.2025
«Չելսիի» հաղթական մեկնարկը․ ԱԱԱՈՒԵՖԱ-ի Կոնֆերենցիաների լիգայի հաղթող «Չելսին» սկսել է պայքարն ԱՄՆ-ում ընթացող աշխարհի ակումբային առաջնությունում: Էնցո Մարեսկայի թիմը D խմբի առաջին խաղում 2-0 հաշվով հաղթել է ամերիկյան «Լոս Անջելեսին»: Գոլի հեղինակ են դարձել պորտուգալացի Պեդրու Նետուն և արգենտինացի Էնցո Ֆեռնանդեսը: ...
17:28 17.06.2025
Տանիքում կանեփի բույս աճեցրած տղամարդը ձերբակալվել էՀունիսի 13-ին Ոստիկանության օպերատիվ կառավարման կենտրոն հաղորդում է ստացվել, որ Գարեգին Նժդեհի փողոցում գտնվող շենքերից մեկի տանիքում 70-ամյա բնակիչը կանեփի բույսեր է աճեցնում։ Այս մասին հայտնել են ՆԳՆ ոստիկանությունից: Նշված հասցե մեկնած օպերատիվ-քննչական խմբերը հայտնաբերել են կանեփի տասնվեց բույս, որոնք առգրավվել են։ 70-ամյա տղամարդը ձերբակալվել և տեղափոխվել է Համայնքային ոստիկանության Շենգավիթի բաժին։ Տղամարդը և կազմված […] ...
17:19 17.06.2025
Թրամփի սպառնալիքները ցույց են տալիս, որ Իսրայելը պարտության շեմին է. ՀՀ-ում Իրանի դեսպանԱՄՆ նախագահ Դոնալդ Թրամփի սպառնալիքները Թեհրանի հասցեին վկայում են, որ Իսրայելը պարտության եզրին է: Այս մասին հայտարարեց ՀՀ-ում Իրանի դեսպան Մեհդի Սոբհանին՝ անդրադառնալով Իրան-Իսրայել հակամարտությանը: «ԱՄՆ նախագահի սպառնալիքները վկայում են, որ թշնամին պարտության շեմին է, և Թել Ավիվում իրավիճակը դուրս է եկել վերահսկողությունից։ Թրամփն այժմ «մեռած ձիու» վրա է նստած», – ասաց դեսպանը Երևանում հրավիրված […] ...
17:11 17.06.2025
Խաչանովը և Միքելսենը հաղթանակով են սկսել պայքարը Հալեի ATP-500 կարգի մրցաշարի զուգախաղումՌուսաստանը ներկայացնող հայազգի թենիսիստ Կարեն Խաչանովը և ամերիկացի Ալեքս Միքելսենը հաղթանակով են սկսել պայքարը Հալեի ATP-500 կարգի մրցաշարի զուգախաղում: Զույգը հաղթել է իտալացիներ Յանիկ Սիներին և Լորենցո Սոնյեգոյին: Խաչանովն ու Միքելսենը քառորդ եզրափակչում կմրցեն Կևին Կրավից/Թիմ Պյաց (Գերմանիա) – Անդրե Գորանսոն (Շվեդիա)/Սեմ Վերբեկ (Նիդերլանդներ) զույգի հաղթողի դեմ: ...
17:01 17.06.2025
Նիկոլ Փաշինյանն ու Ալեքսանդր Թիմանը քննարկել են Հայաստանի և ԱՄՀ-ի համագործակցությամբ իրականացվող ծրագրերին վերաբերող հարցերՎարչապետ Նիկոլ Փաշինյանն ընդունել է Արժույթի միջազգային հիմնադրամի հայաստանյան առաքելության նորանշանակ ղեկավար Ալեքսանդր Թիմանին: Վարչապետը շնորհավորել է պարոն Թիմանին պաշտոնը ստանձնելու առիթով և կարևորել ԱՄՀ-ի հետ համագործակցությունը՝ ի նպաստ մեր երկրում տնտեսության զարգացման և կայունության ապահովման: Զրուցակիցները քննարկել են Հայաստանի և ԱՄՀ-ի համագործակցությամբ իրականացվող ծրագրերին վերաբերող հարցեր և անդրադարձ կատարել հետագա քայլերին: Մտքեր են փոխանակվել […] ...
