21:55 19.05.2019
Քաղաքական գործիչները, փաստաբանները արձագանքել են ՀՀ վարչապետ Նիկոլ Փաշինյանի կոչին։ Նրանցից ոմանք նաև դիմել են ՀՀ նախագահ Արմեն Սարգսյանին։
Հայտարարություններն ու գրառումները ներկայացնում ենք ստորև։
«Մեկ Հայաստան» կուսակցության համահիմնադիր Արթուր Ղազինյան
«Կոչ եմ անում մեր քաղաքացիներին ձեռնպահ մնալ էքտրիմիստական գործողություններից, պահպանել քաղաքացիական զգոնություն, մնալ ՀՀ օրենսդրության սահմաններում և չտրվել սադրանքների։
ՀՀ Սահմանադրությամբ երաշխավորվում է իշխանությունների բաժանումը և իշխանության թևերի անկախությունը, զսպումների և հակակշիռների համակարգը։
ՀՀ գործադիր իշխանության ղեկավարն իր այսօրվա կոչով առերևույթ խախտում է ՀՀ Սահմանադրությամբ ամրագրված իշխանությունների բաժանման սկզբունքը, կոպտագույն ձևով միջամտելով դատական իշխանության գործունեությանը։
ՀՀ ոստիկանությանը կոչ եմ անում ապահովել հասարակական կարգի պահպանությունը և պետական ու ազգային ինստիտուտների անվտանգությունը և նրանց բնականոն գործունեությունը»:
«Բարգավաճ Հայաստան» խմբակցության պատգամավոր Նաիրա Զոհրաբյան
«Ավելի վտանգավոր բան, քան քաղաքացուց ամբոխ սարքելն է՝ չկա
Ավելի զարհուրելի բան, քան մանկահասակ երեխաների ներկայությամբ մարդու վրա հարձակվելն ու հայհոյելն է՝ չկա: Ի՞նչ են հիշելու այդ փոքրիկները. որ իրենց պապիկին հրում և հայհոյում էին ադեկվատությունը կորցրած մարդի՞կ, որոնք բոլորովին ուրիշ թեմայով էին ցույցի դուրս եկել ու ճանապարհին պատահաբար հանդիպել են թոռների հետ զբոսնող Հրանտ Մարգարյանի՞ն: Ավելի վտանգավոր բան, քաղաքացուց ամբոխ սարքելն է, որի միակ բնազդը ատելությունն ու թշնամանքն է` չկա:
Կանգ առնել է պետք: Հանուն ոչ մի նպատակի չի կարելի, ուղղակի չի կարելի հասարակությանը բաժանել ներքին թշնամիների: Ատելության այս շղթան ջարդել է պետք, այլապես` ուշ կլինի, եթե արդեն ուշ չէ: Տեղի ունեցավ այն, ինչից զգուշանում էինք, բայց հասկանում էինք, որ այլևս անխուսափելի է: Ատելության լավան սոցցանցերից հորդաց իրական կյանք ու ես վախենում եմ սահմռկեցուցիչ հաշվեհարդարներից: Ճանապարհը մեկն է` իշխանությունը, որպես քաղաքացի, չպիտի սնվի սոցցանցերում սեփական՝ իրական ու ֆեյք նվիրյալների ագրեսիվ ադրենալինով:
Սա շատ վտանգավոր ճանապարհ է, որը կասեցնելու համար իմաստնություն, լրջություն և խոհեմություն է պետք»:
Արփինե Հովհաննիսյան
«Հիշեցնում եմ՝ երկիրը ունի ղեկավար ու դա Արմեն Սարգսյանն է։ Սա Սահմանադրության համապատասխան հոդվածն է՝ ինչ պիտի անի նախագահը։ Հոկտեմբերի 2-ին բան չարեց, տեսնենք հիմա ինչ կանի»։
«Բարգավաճ Հայաստան» խմբակցության պատգամավոր Գևորգ Պետրոսյան
«Ես հարգանքով եմ վերաբերում մեր երկրի նախագահին, բայց Փաշինյանի վերջին հայտարարությունից հետո չեմ հասկանում նրա այժմյան անգործությունը:
Չէ՞ որ Սահմանադրության պահպանմանը հետևելու պարտականությունը կրում է ՀՀ նախագահը…»։
«Սիրելի ժողովուրդ, խնդրում եմ վաղը դրսևորել քաղաքացիական բարձր գիտակցություն և չներգրավվել դատական համակարգը ոչնչացնող գործընթացների մեջ:
Հիշեք, հակառակ դեպքում կանգնելու ենք քաղաքացիական պատերազմի իրական առջև, ինչին հաջորդելու է պետականության սասանումը…
Խնդրում եմ լինել ողջամիտ…»:
Փաստաբան Տիգրան Աթանեսյան
«Հայաստանի բոլոր դատավորները եթե վաղը հրաժարական տան, դա կլինի Հայոց երրորդ Հանրապետության վախճանի սկիզբը։
Ո՞վ կարող է այս ամենի դեմն առնել»:
«Իմ քայլը» կուսակցության պատգամավոր Գևորգ Պապոյան
«Հարգելի ուսանողներ, վաղը ոչ միայն չեմ լինելու ՀՊՏՀ-ում դասի, այլև առաջարկում եմ դասադուլ անել և միասին արգելափակել բոլոր դատարանների մուտքերը։
ՀԳ։ Դասերն անպայման լրացնելու ենք, սակայն հեղափոխության երկրորդ փուլից հետո»:
ՀՀ Պետական վերահսկողական ծառայության նախկին պետ Դավիթ Սանասարյան
«Վաղը առավոտյան 8:30-ից փակելու եմ Քոչարյանին ազատություն նվիրող դատարանի դուռը (Ավան և Նոր Նորք վարչական շրջանների ընդհանուր իրավասության առաջին ատյանի դատարան)։
Հեղափոխությունը պետք է հասցնել տրամաբանական ավարտին։
Սիրում եմ բոլորիդ, մինչ հանդիպում»:
Իրավապաշտպան Արթուր Սաքունց
«Այն, որ Ռ.Քոչարյանի աջակիցների դաշինքը ստեղծվել էր մայիսի 13-ին դատական նիստի ժամանակ հավաքվելու դատարանի մոտ և ճնշում գործադրել դատարանի վրա, չեմ կասկածում:
Առաջին օրը միայն Վարդգես Գասպարին էր փաստորեն հակացույց անողը, որի նկատմամբ բռնություն գործադրվեց, որից հետո հաջորդ օրը արդեն ավելի մեծ թվով հակացույցի մասնակիցներ հավաքվեցին:
Այս ամենը վկայում է իրապես դատական իշխանության և դատարանի նկատմամբ բացառիկ անվստահության մասին:
Բայց արդյոք այդ անվստահության հարցը կարելի՞ է լուծել նույն ճնշման մեթոդներով, միանշանակ ՈՉ:
Այդ պատճառով, կոչ եմ անում, հրաժարվել նույն մեթոդներից, որը կիրառեցին Ռ.Քոչարյանի կողմնակիցները:
Խնդիրը լուծելու համար կա Ազգային Ժողովը՝ որպես մարմին, քննարկման տեղը ԱԺ-ում է:
Իսկ դատական իշխանության կտրուկ փոփոխությունների մեխանիզմները կարող են միմիայն լինել իրավական:
Առանց իրավական մեթոդների, մնացած ցանկացած մեթոդները ոչ միայն անթույլատրելի են լեգիտիմ օրենսդիր մարմնի առկայության պայմաններում, այլ նաև խիստ վտանգավոր:
Հրաժարվեք պարոն վարչապետ այդ քայլից:
Նախ և առաջ, թե ինչու չեն արվել համարժեք քայլերը իրավական լուծումներ տալու դատական կտրուկ, արմատական բարեփոխումների համար, դա պետք է քննության առնել և լուծել այդ պատճառի խնդիրը»:
«Իրավական ուղի» հասարակական կազմակերպության հիմնադիր, Արցախի նախկին ՄԻ պաշտպան Ռուբեն Մելիքյան
«ՀՀ վարչապետ Նիկոլ Փաշինյանը հրահանգել է ՀՀ քաղաքացիներին արգելափակել ՀՀ բոլոր դատարանները: Դրանով խափանվում է դատարանների՝ որպես մարդու իրավունքների պաշտպանություն իրականացնող և վեճերը իրավունքի հիման վրա լուծող սահմանադրական ինստիտուտի գործունեությունը, ուստի փաստացի դադարեցվում է ՀՀ Սահմանադրության 1-ին, 3-րդ և 4-րդ հոդվածների գործողությունը: Դա, քրեաիրավական գնահատմամբ, սահմանադրական կարգի տապալում է:
Կոչ ենք անում՝
1) Հանրապետության նախագահին՝ ՀՀ Սահմանադրության պահպանմանը հետևելու իր գործառույթի շրջանակներում, միջոցներ ձեռնարկել Դատական իշխանության գործառնության խափանում թույլ չտալու, ինչպես նաև առկա իրավիճակի մասին ՀՀ գործընկեր պետությունների դեսպաններին, ՀՀ մասնակցությամբ միջազգային կազմակերպություններին իրազեկելու ուղղությամբ և այդ մասին հանդես գալ ուղերձով:
2) ՀՀ քաղաքական համակարգի և քաղաքացիական հասարակության ինստիտուտներին՝ հանդես գալ իրավիճակին համարժեք գնահատականով:
3) Հայաստանի Հանրապետությունում հավատարմագրված օտարերկրյա պետությունների և միջազգային կազմակերպությունների դիվանագիտական ներկայացուցչություններին՝ խստորեն դատապարտել ժողովրդավարության և մարդու իրավունքների ոլորտում ՀՀ ստանձնած միջազգային պարտավորությունների կատարումը փաստացի դադարեցնելու՝ Հայաստանի Հանրապետության վարչապետի փորձը»:
Փաստաբան Գևորգ Գյոզալյան
«Ինքս միշտ գտել եմ, որ դատական իշխանության 80%-ին պետք է տուն ուղարկել, համապատասխանաբար գնահատականներս էլ են եղել սուր, բայց այն ինչ հայտարարել է վարչապետը վաղվա համար, ինձ մտահոգում է, անկեղծ մտահոգում է։ Տղերք, ախր այդպես չեն անում, ախր դա նիհիլիզմի անմիջական հաստատումն է։ Կրկին հիշեցի Անատոլ Ֆրանցի՝ «Աստվածները ծարավի են» վեպը։ Ախր, եթե դուք ունեք իշխանություն խնդիրները լուծելու իրավունքի սահմաններում, չշտապելով, համբերատար, ի վերջո ՊՐՈՖԵՍԻՈՆԱԼ, ինչո՞ւ այսպես․․․»:
«Այլընտրանքային նախագծեր խումբ»
«Հայաստանը մտնում է չափազանց վտանգավոր փուլ: Երկրի վարչապետ Նիկոլ Փաշինյանը կոչ է անում շրջափակել դատարանների շենքերը:
Իրավիճակը էքստրաօրդինար է: Այս իրավիճակին պետք է շատ արագ արձագանքեն նախագահ Արմեն Սարգսյանը (օրենսդիր, գործադիր, դատական իշխանությունների ապահովումը նախագահի Սահմանադրական պարտականությունն է) ԲԴԽ ղեկավարը, ԱԱԾ պետը, գլխավոր դատախազը, Ոստիկանապետը:
Այս իրավիճակում լռելը ծանր հետևանքների կարող է հանգեցնել: Վարչապետը, հենվելով լյումպեն զանգվածի վրա, որը չի կարող գիտակցել իր գործողությունների հետևանքները, ըստ էության փորձում է երկրում տապալել Սահմանադրական կարգը:
Վաղը արդեն կարող է ուշ լինել: Վարչապետի հայտարարությանը պետք է արձագանքել շատ արագ և ամենաբարձր մակարդակներով: Պետք է արձագանքեն քաղաքական ուժերը, հասարակական կազմակերպությունները, մարդու իրավունքի պաշտպանը, իրավապաշտպան կազմակերպությունները, մտավորականները բոլոր նրանք, ովքեր գիտակցում են պահի լրջությունը»:
Կոտայքի մարզպետ Ռոմանոս Պետրոսյան
«Կոտայքի մարզի ընդհանուր իրավասության դատարան. Հրազդանի նստավայր»։
Ժուռնալիստների «Ասպարեզ» ակումբի խորհրդի նախագահ Լևոն Բարսեղյան
«Առավոտյան ժամը 08.30-ից արգելափակում ենք հանրապետության՝ առանց բացառության բոլոր դատարանների ելքերն ու մուտքերը, այնպես, որ ոչ ոք ներս չմտնի: Ժամը 12.00-ին իմ ելույթը հեռարձակվում է ուղիղ եթերում»։
Ուղիղ կես ժամ առաջ արած այս գրառումը 7200 արձագանք, լայք ու դիսլայք ունի, 3200 տարածում և 1300 մեկնաբանություն, հիմնականում՝ դրվատական, հատուկենտ քննադատական: Եվս կես ժամ անց այս թվերը կկրկնապատկվեն, դժվարանում եմ ասել առավոտ ժամը 8-ին այդ թվերն ինչպիսին կլինեն: Այս արձագանքը խոսում է դատական համակարգի ապականության դեմ հանրային մեծ զայրույթի մասին անշուշտ, բայց նաև՝ այդ ոլորտի բարեփոխման ուշացման մասին:
Կարծիքս հետևյալն է. դատարանների արգելափակման կարիքը չկար, այդ կոչի կարիքը չկար բոլորովին, ժամը 12-ի ելույթից հետո դատավորների մի մասը հրաժարական կտար, կգնար տուն, մյուսները, մի շարք քննիչներ և բազմաթիվ ուրիշներ կսպասեին զարգացումներին: Արդարադատության արմատական բարեփոխման մեքենան գործի կգցվեր: Դրանք էլի կլինեն, բայց կլինեն նաև մեղադրանքներ առ այն, թե գործադիրը ճնշեց դատարաններին:
Խնդրում եմ ցածը ինձ չբացատրել, թե դատարանները ապականված են, բա ինչ աներ: Ես երևի դատարաններից ու իրավապահներից տուժածների առաջին հինգհարյուրյակում եմ, շատ լավ գիտեմ հայաստանյան «արդարադատության» վիճակը տարբեր կողմերից:
Իրավաբան Արսեն Բաբայան
«Ըստ պաշտոնյաների՝
1. ՀԱՆՐԱՊԵՏՈՒԹՅԱՆ ՆԱԽԱԳԱՀԸ պետք է անմիջապես զրուցեր օրենսդիր, գործադիր և դատական իշխանության ղեկավարների հետ և Սահմանադրության ու իր հեղինակության ուժով փորձեր խափանել այս խելահեղությունը:
2. ԳԼԽԱՎՈՐ ԴԱՏԱԽԱԶԸ պետք է հանձնարարեր Հատուկ քննչական ծառայությանը նյութեր նախապատրաստել Սահմանադրական կարգի տապալման փաստի առթիվ:
3. ՀԱՏՈՒԿ ՔՆՆՉԱԿԱՆ ԾԱՌԱՅՈՒԹՅԱՆ ՂԵԿԱՎԱՐԸ պետք է նախաձեռներ Սահմանադրական կարգի տապալման փաստի առթիվ նյութերի նախապատրաստումը:
4. ՈՍՏԻԿԱՆԱՊԵՏԸ պետք է հանձնարարեր ապահովել բոլոր դատարանների բնականոն գործունեությունը և խափանել դատարանների արգելափակումը՝ արձանագրելով բոլոր նրանց, ովքեր տապալում են Սահմանադրական կարգ:
5. ԲԱՐՁՐԱԳՈՒՅՆ ԴԱՏԱԿԱՆ ԽՈՐՀՈՒՐԴԸ պետք է անմիջապես հանդես գար Վարչապետի հանձնարարությունը քննադատող հայտարարությամբ և դատական կարգադրիչների ծառայությանը հանձնարարեր ապահովել բոլոր դատարանների բնականոն գործունեությունը և խափանել դատարանների արգելափակումը:
Հիշեցում: Սահմանադրական կարգի տապալման հանցակազմի վաղեմության ժամկետը սահմանված է 15 տարի: Բոլորի համար»:
Մարդու իրավունքների պաշտպան Արման Թաթոյան
«Իմ քայլի» պատգամավոր Հայկ Սարգսյան
«Գեղարքունիքի մարզի հպարտ քաղաքացիներ, վաղը 8։30-ից սկսած պաշարում ենք մարզի բոլոր դատարանները։
Կամավորներին խնդրում եմ դատարանի մոտ հավաքված մեր քաղաքացիներին ապահովել ջրով և սննդով»:
Փաստաբան Կարեն Թումանյան
«Ես՝ որպես փաստաբան, վաղը գնալու եմ դատարան, և եթե հանկարծ որևէ մեկի մտքով կանցնի խոչընդոտ հանդիսանալ դատարանի շենք մտնելիս, ապա ես հաղորդում կտամ քրեական գործ հարուցելու համար և զուգահեռ ուղիղ կդիմեմ Եվորպական դատարան, առանց ներպետական ատյանները սպառելու, այն հիմքով, որ Հայաստանում դատարան չկա։
Վարչապետի հայարարությունն էլ կկցեմ որպես ապացույց»։
«Իմ քայլի» պատգամավոր Հայկ Սարգսյանը ֆեյսբուքյան իր էջում գրում է.
«Գեղարքունիքի մարզի հպարտ քաղաքացիներ, վաղը 8։30-ից սկսած պաշարում ենք մարզի բոլոր դատարանները։
Կամավորներին խնդրում եմ դատարանի մոտ հավաքված մեր քաղաքացիներին ապահովել ջրով և սննդով»:
ՀՅԴ ՀԱՅԱՍՏԱՆԻ ԳԵՐԱԳՈՒՅՆ ՄԱՐՄԻՆ
«Ընդամենը մեկ օր առաջ ՀՅԴ Հայաստանի Գերագույն մարմինը հանդես եկավ քաղաքական հայտարարությամբ՝ արձանագրելով, որ վերջին շրջանում ահագնացած ատելության խոսքը, փողոցային արդարադատության մերժելի դրսևորումները, հանրությանը բաժանարարներով թշմանացնելն ու երկրում անհանդուրժողականության մթնոլորտի շիկացումը խաթարում են Հայաստանում ժողովրդավարական և պետական ինստիտուտների կայացմանը և լրջագույն սպառնալիք են երկրի առջև ծառացած արտաքին և ներքին մարտահրավերների լուծմանը։
Այն համոզումն ունեինք, որ երկրի քաղաքական իշխանությունը և հատկապես վարչապետ Ն․Փաշինյանը քաղաքական կամք կդրսևորի և համապատասխան միջոցներ կձեռնարկի՝ երաշխավորելու պետական իշխանության առանձին մարմինների և հատկապես իրավապահ համակարգի անխափան գործունեությունը՝ երկրին վերադարձնելով բնականոն զարգացման ընթացքը։
Ավաղ, մեր սպասելիքները չարդարացան․ամենայն համոզումով գտնում ենք և արձանագրում, որ վաչապետ Փաշինյանի՝ «վաղն առավոտյան հանրապետության առանց բացառության բոլոր դատարանների ելքերն ու մուտքերը արգելափակելու» ժողովրդին ուղղված կոչն անդառնալի հետևանքներով հղի նոր մարտահրավեր է՝ ուղղված պատերազմի և խաղաղության մեջ ապրող հայ ժողովրդին, երկրի կայունությանն ու անվտանգությանը։
ՀՀ վարչապետի կոչը դիտելով որպես Հայաստանում սահմանադրական կարգի դեմ կատարված քայլ, որպես դատական իշխանության խոչընդոտում և, առհասարակ, պետականությունն արկածախնդրության տանելու չկշռադատված քայլ՝
Կոչ ենք անում մեր հայրենակիցներին չգնալ սադրանքների և պաշտպանել երկրի համար այդքան կարևոր կայունությունը։
Կոչ ենք անում բոլոր քաղաքական ուժերին, քաղաքացիական հասարակությանը աջակցել և նպաստել երկրում հանրային համերաշխության մթնոլորտի պահպանմանը։
Կոչ ենք անում դատավորներին չտրվել փողոցային տրամադրություններին և ճնշումներին՝ պահպանելով և կատարելով սահմանադրությամբ երաշխավորված իրենց լիազորությունները։
Միաժամանակ, մեր կոչն ենք հղում ՀՀ նախագահ Արմեն Սարգսյանին՝ իրացնելու ՀՀ Սահմանադրությամբ իրեն լիազորված իրավունքը՝ հետևելու Հայաստանում Սահմանադրության պահպանմանը։
Սիրելի հայրենակիցներ, մեր ժողովրդի մեջ փողոցային որակների և բնազդների ներմուծումը թանկ է նստելու մեր պետականության վրա, երկիրն արկածախնդրության տանելու իրավունք ոչ ոք չունի»։
ԱԺ «Իմ քայլը» խմբակցության անդամ Արեն Մկրտչյան
«Սիրելի լոռեցիներ, գնում եմ Ալավերդի։ Ժամը 08:00-ին կլինեմ Ալավերդու դատարանի դիմաց։ Եկեք հանդիպենք»։
Հայաստանի Հանրապետական կուսակցության Գործադիր մարմնի հայտարարարությունը
«Հայաստանի Հանրապետական կուսակցությունը ընդգծում է, որ՝
• Սահմանադրության 4-րդ հոդվածը սահմանում է, որ պետական իշխանությունն իրականացվում է Սահմանադրությանը և օրենքներին համապատասխան՝ օրենսդիր, գործադիր և դատական իշխանությունների բաժանման ու հավասարակշռման հիման վրա:
• Սահմանադրության 162-րդ հոդվածը սահմանում է, որ արդարադատության իրականացմանը որևէ միջամտություն արգելվում է:
• Սահամանդրության 164-րդ հոդվածի համաձայն՝ արդարադատություն իրականացնելիս դատավորն անկախ է, անաչառ և գործում է միայն Սահմանադրությանը և օրենքներին համապատասխան:
• ՀՀ քրեական օրենսգրքի 332-րդ հոդվածի 1-ին մասի համաձայն` արդարադատության իրականացմանը խոչընդոտելու նպատակով դատարանի գործունեությանը ցանկացած ձևով միջամտելը, այդ թվում` պաշտոնեական դիրքն օգտագործելով, քրեական հանցագործություն է:
• ՀՀ քրեական օրենսգրքի 300.1-ին հոդվածի համաձայն`Սահմանադրական կարգը տապալելը` Սահմանադրության 1-ից 5-րդ հոդվածներով կամ 6-րդ հոդվածի առաջին մասով նախատեսված որևէ նորմը փաստացի վերացնելը, որն արտահայտվում է իրավական համակարգում այդ նորմի գործողության դադարեցմամբ` քրեական հանցագործություն է:
• ՀՀ քրեական օրենսգրքի 301-ին հոդվածի համաձայն`իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչերը` քրեական հանցագործություն է:
Ելնելով վերոնշյալից` Հայաստանի Հանրապետական կուսակցությունը հայտարարում է՝
• Հայաստանի Հանրապետությունում կրկին վտանգված է սահմանադրական կարգը, իշխանությունների տարանջատման եւ հավասարակշռման սկզբունքը եւ մարդկանց մի շարք հիմնարար ազատություններ եւ իրավունքներ։
• Խստորեն դատապարտում ենք վարչապետ Նիկոլ Փաշինյանի կողմից ձեռնարկվող աննախադեպ ճնշումը Հայաստանի Հանրապետության դատական համակարգի վրա։
• Այս գործելաոճը չվերականգնվող վնաս է հասցնելու երկրում արդար դատավարության եւ իրավունքի գերակայության սկզբունքներին։
• Այն խորացնում է հասարակության պառակտումը, խաթարում հանրային համերաշխիւթյան մթնոլորտի ձեւավորումը եւ նոր զարկ տալիս անհանդուրժողականությանն ու ատելության քարոզչությանը, ինչը հղի է անկանխատեսելի հետեւանքներով:
Ստեղծված իրավիճակում կոչ ենք անում.
1. Հայ ժողովրդին՝ զերծ մնալ Նիկոլ Փաշինյանի կողմից հրահրվող, վտանգավոր եւ արկածախնդիր գործընթացներին մասնակցելուց։
2. Կուսակցություններին, քաղաքացիական հասարակության ինստիտուտներին, հասարակական գործիչներին միանալ պետականակործան այս գործընթացների դատապարտման եւ կանխման աշխատանքներին։
3. Իրավապահ համակարգին ապահովել դատական իշխանության բնականոն գործունեությունը բացառապես Հայաստանի Հանրապետության Սահմանադրության եւ օրենքների շրջանակում, միջոցներ ձեռնարկել երկրում սահմանադրականության համար սպառնալիքներ ստեղծող անձանց նկատմամբ՝ անկախ զբաղեցրած պաշտոններից։
4. Միջազգային հանրությանը, Հայաստանում հավատարմագրված դիվանագիտական առաքելություններին՝ հստակ գնահատական տալ Հայաստանի գործող իշխանությունների կողմից կազմակերպված գրոհին Սահմանադրության և դատական համակարգի հանդեպ»։
Կրթության և գիտության նախարար Արայիկ Հարությունյան
«Լուրջ քաղաքական գործընթացից առաջ յուրաքանչյուրը դիրքավորվում է: Բայց 2018 թվականի մարտի 31-ից էլ, ապրիլ-մայիսից էլ 99 տոկոսիդ կոորդինատները գիտենք:
Անկեղծ մտահոգություն հայտնողներին էլ ասեմ, որ ինչպես նախորդ տարվա ապրիլ-մայիս ամիսներին, այս անգամ էլ ժողովուրդը մնալու է օրենքի սահմաններում: Ժողովուրդը սովորել է պաշտպանել և իրացնել իր սահմանադրական իրավունքները»:
ԱԺ «Իմ քայլը» խմբակցության պատգամավոր Հայկ Սարգսյան
«Գեղարքունիքի մարզի հպարտ քաղաքացիներ, վաղը 8։30-ից սկսած պաշարում ենք մարզի բոլոր դատարանները։
Կամավորներին խնդրում եմ դատարանի մոտ հավաքված մեր քաղաքացիներին ապահովել ջրով և սննդով»։
00:02 10.05.2024
Թրամփը Բայդենին հրավիրել է բանավեճ անցկացնել Սպիտակ տանը23:54 09.05.2024
Զախարյանը վարձավճարով չի տեղափոխվի այլ ակումբ23:37 09.05.2024
Թրամփը Բայդենին մեղադրել է Իսրայելից հրաժարվելու մեջ23:21 09.05.2024
Մեքսիկան ալյումինի պակասի առաջ է կանգնել. Bloomberg22:51 09.05.2024
Հ.15 տրոլեյբուսային երթուղին մայիսի 10-ին չի սպասարկվի22:40 09.05.2024
Հայաստանի Մ14 հավաքականը զիջել է Լիբանանի թիմին21:24 09.05.2024
Էդգար Սևիկյանը` «Ֆերենցվարոշի» ամսվա լավագույն ֆուտբոլիստ19:55 09.05.2024
Մխիթարյանը բարձր մակարդակի ֆուտբոլիստ է. Մարկո Պառոլո19:26 09.05.2024
Էրիկ Բազինյանը մնացել է անպարտելի18:47 09.05.2024
Տուսկը խոստովանել է, որ Ուկրաինայում ՆԱՏՕ-ի զինվորներ կան17:28 09.05.2024
Սենեգալում ինքնաթիռը թռիչքի պահին վթարվել է17:18 09.05.2024
Ռոյսը որոշում է կայացրել իր ապագայի վերաբերյալ17:10 09.05.2024
Արեգակի վրա նոր հզոր բռնկում է տեղի ունեցել16:59 09.05.2024
Թուրքիան ուշադիր հետևում է Ուկրաինայում տիրող իրավիճակին. Էրդողան16:48 09.05.2024
Զելենսկին ասել է, որ ցանկանում էր Բելառուսին տեսնել Եվրամիությունում16:39 09.05.2024
ՊՍԺ-ն որոշում է կայացրել Էնրիկեի ապագայի վերաբերյալ16:28 09.05.2024
Աստրախանում անհայտ նյութից թունավորումից հինգ մարդ է մահացել15:37 09.05.2024
Զելենսկին Զալուժնիին նշանակել է Մեծ Բրիտանիայում դեսպան13:14 09.05.2024
Ինչպիսի եղանակ է սպասվում առաջիկա օրերին12:47 09.05.2024
Հայ ըմբիշները սկսում են պայքարը օլիմպիական ուղեգրերի համար12:41 09.05.2024
Գազայի հատվածում զոհերի ընդհանուր թիվը հասել է 34 904-ի12:23 09.05.2024
Պուտինն ասել է, որ Ռուսաստանը ոչ մեկին թույլ չի տալիս իրեն սպառնալ12:19 09.05.2024
Սպերցյանի գոլը հավակնում է դառնալ ՌՊԼ-ի ամսվա լավագույնը12:11 09.05.2024
Անտառուտում և Բյուրականում գործարկվելու են էլեկտրական շչակներ11:31 09.05.2024
Ժաննա Անդրեասյանն այցելել է Մադրիդի Պրադո ազգային թանգարան11:17 09.05.2024
Մոսկվայի Կարմիր հրապարակում մեկնարկել է Հաղթանակի շքերթը11:05 09.05.2024
Երևանի, Կոտայքի և Արմավիրի մարզերի մի շարք հասցեներում ջուր չի լինի20:50 09.05.2024
Վերջին 2 տարում կատարվում է գուցե ամենակարևոր բանը մեր երկրի համար, Հայաստանը սկսում է իրականում անկախանալ. Ռուբեն Բաբայան«Հեռանկարն» այսօր հյուրընկալել է ռեժիսոր, արվեստի վաստակավոր գործիչ Ռուբեն Բաբայանին: Զրույցի ընթացքում անդրադարձ է եղել հաղթանակի օրվա խորհրդին, օրվա հետ կապված տարբեր զգացողություններին, հասարակության պառակտվածությանը, անհանդուրժողականության և ատելության մթնոլորտի հաղթահարման կարևորությանը: Ռուբեն Բաբայանը խոսել է նաև ներքաղաքական իրադարձություններից, սահմանազատման և «Տավուշը հանուն Հայաստանի» շարժմանը վերաբերող թեմաներից: Ի՞նչ է տեղի ունենում Հայաստանում, այս վեճի մեջ իշխանությո՞ւնն […] ...
18:19 09.05.2024
Մայիսի 9. Հաղթանակի ու խոնարհումի օրը Երևանում79 տարի առաջ Մեծ հայրենականում տարած հաղթանակը Հայաստանում այսօր հատկապես վառ է 44 վետերան պապիկ-տատիկների հիշողություններում: Նրանց մի մասն արդեն տարիների հետևում դար է թողել: Մեծ մասն այսօր ունի հենաշարժողական խնդիր. զբոսայգի եկած վետերան ընկերները բոլոր ընկերների անունից են խոնարհում ծաղիկներ, խոնարհվում և բոլորիս կոչ անում փայփայել ու աչքի լույսի պես պահպանել մեր հայրենիքը, միշտ […] ...
16:20 09.05.2024
ՆԳՆ-ն հերքել է լուրերը, թե ոստիկաններն Աբովյանում ճանապարհներ են փակել մարդկանց մասնակցությունը երևանյան հանրահավաքին կանխելու նպատակովՀայաստանի ներքին գործերի նախարարությունն արձագանքել է սոցիալական ցանցերով տարածվող լուրերին, թե ոստիկաններն Աբովյանում փակել են ճանապարհները, որպեսզի մարդիկ չկարողանան լքել քաղաքն ու հասնել Երևան՝ մասնակցելու «Տավուշը հանուն հայրենիքի» շարժման հրավիրած հանրահավաքին։ «Արմենպրես»-ի հարցին ի պատասխան՝ ՀՀ ՆԳՆ մամուլի խոսնակ Նարեկ Սարգսյանն ասել է․ «Նշված ճանապարհի երթևեկությունը մի պահ դադարեցվել է դեպի Երևան եկող երթի մասնակիցների […] ...
14:33 09.05.2024
Պուտինն ու Փաշինյանը պայմանավորվել են Հայաստանի որոշ շրջաններից ռուս զինվորականների դուրսբերման շուրջ․ ՊեսկովՄոսկվան և Երևանը պայմանավորվել են ռուս զինվորականների և սահմանապահների դուրսբերման շուրջ Հայաստանի որոշ շրջաններից, ասել է Կրեմլի խոսնակ Դմիտրի Պեսկովը։ Հայկական կողմի խնդրանքով ռուս սահմանապահները կմնան Իրանի և Թուրքիայի հետ սահմանին, հավելել է նա։ ...
11:36 09.05.2024
Ռուս սահմանապահ և զինվորական կետերը կդադարեցնեն իրենց տեղակայումը ՀՀ մարզերում և «Զվարթնոց» օդանավակայանում. Հայկ ԿոնջորյանՀՀ ԱԺ ՀՀ Ազգային Ժողովի «Քաղաքացիական պայմանագիր» խմբակցության ղեկավար Հայկ Կոնջորյանը ֆեյսբուքյան իր էջում գրում է. «Համաձայն ձեռք բերված պայմանավորվածության, 44-օրյա պատերազմի ընթացքում եւ դրանից հետո Տավուշի, Սյունիքի, Վայոց ձորի, Գեղարքունիքի, Արարատի մարզերում տեղակայված ռուս սահմանապահ եւ զինվորական կետերը կդադարեցնեն իրենց տեղակայումը եւ դուրս կգան այդ կետերից: Բարձրագույն մակարդակում հաստատվել է նաեւ «Զվարթնոց» օդանավակայանում ՌԴ […] ...
10:55 09.05.2024
Այսօր կայանալիք հավաքի մասնակիցներին և կազմակերպիչներին հորդորում ենք զերծ մնալ հասարակական կարգի խախտմանն ուղղված գործողություններից. ՆԳՆՀՀ Ներքին գործերի նախարարությունը հորդորում է խստորեն պահպանել հասարակական կարգը՝ հայտնելով. «ՆԳՆ ոստիկանությունը հետևողականորեն շարունակում և շարունակելու է իրականացնել օրենքով իրեն վերապահված գործառույթները՝ ապահովելով հասարակական կարգը և քաղաքացիների անվտանգությունը: Այսօր կայանալիք հավաքի մասնակիցներին և կազմակերպիչներին հորդորում ենք զերծ մնալ հասարակական կարգի խախտմանն ուղղված գործողություններից, հարգել համաքաղաքացիների իրավունքները և ենթարկվել հասարակական կարգի պահպանություն իրականացնող ոստիկանության ծառայողների […] ...