13:38 11.06.2019
Համացանցում տարածված տեսանյութից հայտնի վարորդին աշխատանքից հեռացնելուց բացի՝ նրա նկատմամբ ՃՈ-ն վարչական տույժ է կիրառել ղեկին ծխելու համար: Այս մասին SHANTNEWS.am-ի հետ զրույցում հայտնեց Երևանի ավագանու «Իմ քայլը» խմբակցության անդամ Լևոն Զաքարյանը: Նա ասաց՝ խոսել է Երևանի տրանսպորտի վարչության պետ Հենրիկ Նավասարդյանի հետ, փոխանցում է նրանից ստացած տեղեկությունները:
«Ինքս շատ եմ այս հարցերով զբաղվում, նաև ուզել եմ պայմանագիրը, որ տրամադրել են, դրա գնահատականն իրավաբանները կտան, բայց իմ կարծիքով՝ շատ լավ պայմանագիր է կազմված, որտեղ կետերից մեկը վերաբերում է վարորդի՝ չծխելուն, հեռախոսով բարձր չխոսելուն և երաժշտությունը բարձր չմիացնելուն, բայց բոլորս լավ գիտենք` և´ ծխում են, և´ երաժշտությունն են բարձրացնում, և´ հեռախոսով են խոսում: Իմ կարծիքով՝ նախկինում եղած այդ արատավոր երևույթները պետք է վերանան. երբ վարորդը գալիս է աշխատանքի, պայմանագիր են տալիս, այն պետք է ձևական բնույթ չունենա, նա պիտի ծանոթանա դրա հետ, ստորագրի դրա տակ, բայց նաև պետք է պահպանվեն այն կետերը, որտեղ վարորդի իրավունքներն են, այդ թվում՝ աշխատանքի ժամանակը ևս»,- ասաց նա:
Զաքարյանը նկատեց՝ մեծ հաշվով՝ պայմանագիրը պիտի բխի ՀՀ աշխատանքային օրենսգրքից, այն պետք է չանտեսի նաև վարորդների շահերը: Ավագանու անդամը շեշտեց՝ և´ վարորդի իրավունքը պիտի պաշտպանվի, և´ ուղևորի: Նրա կարծիքով՝ վարորդները պետք է ամեն օր առավոտյան բժշկական ստուգում անցնեն, և´ օրենքն այդպես էլ պահանջում է, քանի որ եթե վարորդը պատասխանատվություն է կրում, այդքան մարդու է տեղափոխում, բնական է՝ առողջ և սթափ պիտի լինի ղեկին:
Զաքարյանի համոզմամբ՝ վարորդը պիտի լիարժեք օգտվի իր արձակուրդից, ունենա բժշկական և սոցիալական այլ ապահովագրություններ, կարողանա օգտվել սոցփաթեթից:
«Կարծում եմ՝ շատ լարված ու պատասխանատու աշխատանք է, նրանք շփվում են ամենատարբեր մարդկանց հետ: Ու հենց նրանց իրավունքների պահպանման դեպքում, երբ վարորդները նորմալ աշխատաժամանակ ունենան, հանգստի ժամանակ, նորմալ վարձատրվեն և այլն, շատ ավելի խստորեն կարող ենք պահանջներ ներկայացնել»,- ասաց նա՝ նշելով, որ վարորդը պիտի աշխատի շաբաթական 40-ժամյա գրաֆիկով, դրանից ավելի աշխատանքը պիտի լինի համաձայնեցված:
Ավագանու անդամը հայտնեց՝ այս խնդրի վերաբերյալ քննարկումների կարիք կա, հույս հայտնեց, որ ներքաղաքային տրանսպորտային ցանցը հնարավորինս շուտ կփոխվի, մարդիկ կսկսեն երթևեկել նորմալ, քաղաքակիրթ տրանսպորտով:
20:30 05.08.2025
Լիտվան ՆԱՏՕ-ին կոչ է արել երկրում տեղակայել հակաօդային պաշտպանության միջոցներԼիտվան դիմել է Հյուսիսատլանտյան դաշինքի ղեկավարությանը իր տարածքում անօդաչու թռչող սարքերի դեմ համակարգեր (ԱԹՍ) տեղակայելու խնդրանքով, լրագրողներին հայտնել է երկրի պաշտպանության նախարար Դովիլե Շակալիենեն։ «Մենք խնդրում ենք անօդաչու թռչող սարքերի դեմ պայքարի լրացուցիչ հնարավորություններ, նույնիսկ եթե դրանք փորձարարական համակարգեր են։ Մենք պատրաստ ենք փորձարկել դրանք փոփոխվող հանգամանքներում»,-ասել է նա։ Այս խնդրանքով, ինչպես նշել է Շակալենեն, […] ...
20:20 05.08.2025
Կամավորական փրկարարական շարժման զարգացման գործընթացը շարունակվում էԿամավորական փրկարարական շարժմանն աջակցության նպատակով Ավստրիական զարգացման գործակալության և Ավստրիական կարմիր խաչի ընկերության ֆինանսավորմամբ Հայկական կարմիր խաչի ընկերության հետ իրականացվող «Հայաստանի Հանրապետությունում առաջին արձագանքման կամավորական ծառայության ինստիտուցիոնալիզացում» (VOLFIRE) ծրագրի շրջանակներում օգոստոսի 5-ին Արագածոտնի մարզի Թալին համայնքի Արագածավան բնակավայրում բացվեց հերթական կամավորական հրշեջ-փրկարարական հենակետը: Ողջույնի խոսքով հանդես եկան ՆԳՆ ՓԾ փրկարարական ուժերի վարչության պետ, փ/ծ գնդապետ […] ...
20:13 05.08.2025
«Նոայի» մրցակիցը ԵԼ-ում «Լինկոլնի» արգելքը հաղթահարելու դեպքումՀայաստանի չեմպիոն «Նոան» Եվրոպա լիգայի որակավորման երրորդ փուլում Ջիբրալթարը ներկայացնող «Լինկոլն Ռեդ Իմպսի» արգելքը հաղթահարելու դեպքում կմրցի «Կլուժ» (Ռումինիա) – «Բրագա» (Պորտուգալիա) զույգի հաղթողի դեմ։ «Լինկոլն Ռեդ Իմպս» – «Նոա» դիմակայության առաջին հանդիպումը կկայանա օգոստոսի 7-ին Ջիբրալթարում, իսկ պատասխան խաղը` օգոստոսի 14-ին Հայաստանում։ Եվրոպա լիգայի որակավորման փլեյ-օֆֆի առաջին հանդիպումները կկայանան օգոսոստի 21-ին, իսկ պատասխան մրցավեճերը` […] ...
20:04 05.08.2025
Նիկոլ Փաշինյանը ներկա է գտնվել Ազգային երիտասարդական երկրորդ համաժողովի բացման արարողությանըՎարչապետ Նիկոլ Փաշինյանը Գաբրիել Սունդուկյանի անվան ազգային ակադեմիական թատրոնում ներկա է գտնվել Ազգային երիտասարդական երկրորդ համաժողովի բացման արարողությանը: Համաժողովը, որի նախաձեռնողը ՀՀ սփյուռքի գործերի գլխավոր հանձնակատարի գրասենյակն է, կանցկացվի օգոստոսի 5-7-ը։ Միջոցառմանը մասնակցում են 18-35 տարեկան 600 սփյուռքահայ երիտասարդներ ավելի քան 50 երկրից։ Համաժողովի ընթացքում նրանց են միանալու 200 մասնակիցներ Հայաստանից։ Վարչապետն իր ելույթում ողջունել […] ...
19:52 05.08.2025
Քննարկվել են ՀԲ հետ Հայաստանում իրականացվող ծրագրերըՓոխվարչապետ Մհեր Գրիգորյանն ընդունել է Համաշխարհային բանկի (ՀԲ) Հարավային Կովկասի տարածաշրջանային տնօրեն Ռոլանդ Փրայսին և Համաշխարհային բանկի հայաստանյան գրասենյակի նորանշանակ ղեկավար Ֆաբրիցիո Ձարկոնեին: Հանդիպման սկզբում փոխվարչապետը շնորհավորել է Ֆաբրիցիո Ձարկոնեին նշանակման կապակցությամբ՝ մաղթելով հաջողություններ իր պատասխանատու պաշտոնում: Զրուցակիցները քննարկել են ՀԲ հետ Հայաստանում իրականացվող ծրագրերը: Մհեր Գրիգորյանն այդ համատեքստում շեշտել է ՀԲ հետ համագործակցության կարևորությունը […] ...
