19:07 12.07.2019
Ուկրաինայի դատախազությունը կասեցրել է Ռուսաստանում բնակվող, հայկական ծագումով գործարարներ Սերգեյ և Նիկոլայ Սարկիսովների նկատմամբ հետապնդումը։ Միաժամանակ, հայկական իրավապահների թիրախում է հայտնվել նրանց դատի տված ուկրաինացի գործարար Լև Խլյավիչը։
Պատմությունը սկսվել է նրանից, որ հայ գործարարները, որոնց պատկանում է «РЕСО-Гарантия» ապահովագրական ընկերությունը, որոշել են իրենց գործունեությունը ընդլայնել ու ներդրումներ անել Ուկրաինայում։ 2008 թվականին նրանք դիմել են իրենց գործընկեր ու մտերիմ Լև Խլյավիչին, որը պատրաստակամություն է հայտնել շուրջ 17,5 միլիոն դոլարով հայ եղբայրներին վաճառել իրեն պատկանող «Укринмедстрах» ընկերության ակտիվների մեկ երրորդը։
Ռուսաստանցի բիզնեսմենները ուկրաինացուն են փոխանցել 14 միլիոն դոլար։ Մնացած գումարը վճարելու փոխարեն նրանք իրենց ենթակա ունեցվածքի մի մասը գրավ են դրել՝ որպես երաշխիք։ Սակայն ուկրաինական ընկերության ներսում աուդիտը ցույց է տվել, որ ուկրաինացին մի շարք հաշվապահական խարդախություններ է իրականացրել ընկերության գինը բարձրացնելու համար։
Արդյունքում ռուսաստանցի հայ գործարարները որպես երաշխիք ներկայացրած գույքը հանել են գրավից ու օգտագործել ըստ իրենց հայեցողության։ Սրա հետևանքով ուկրաինացու և ռուսաստանցիների հարաբերությունները վատացել են, և ուկրաինացին դիմել է իրավապահներին։ Սակայն որոշ ժամանակ անց դատախազությունը մերժել է Սարկիսովների նկատմամբ հետապնդումը, քանի որ Խլյավիչը նրանց մեղավորության պատշաճ ապացույցներ չի ներկայացրել։
Դրանից հետո արդեն Սարկիսով եղբայրներն են դատի տվել Խլյաշիչին։ Նրանք ունեն նաև հայկական քաղաքացիություն և դիմել են Հայաստանի իրավապահներին՝ Խլյավիչի նկատմամբ միջոցներ ձեռնարկելու համար։ Խլյավիչին մեղադրանք է առաջադրվել շորթման հատկանիշներով, ու նրա նկատմամբ, ըստ ռուսական «Կոմերսանտի», հայտարարվել է միջազգային հետախուզում։
Նույն լրատվամիջոցը, սակայն, նշում է, որ հիմա հետախուզվող գործարարը Ուկրաինայում է, իսկ այդ երկիրն իր քաղաքացիներին չի արտահանձնում այլ պետությունների իրավապահներին։
11:30 24.06.2025
Հրդեհ անասնագոմումՀունիսի 24-ին, ժամը 01:12-ին Վայոց ձորի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Հերհեր գյուղի դպրոցի մոտակայքում գտնվող անասնագոմի տանիքում հրդեհ է բռնկվել։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։ Հրդեհը մեկուսացվել է ժամը 02։45-ին, մարվել՝ 09։15-ին։ Այրվել է անասնագոմը (մոտ 64 քմ)։ ...
11:18 24.06.2025
Տարադրամի փոխարժեքները հունիսի 24-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 385 դրամ, վաճառքի նվազագույն արժեքը՝ 387․5 դրամ: Եվրոյի առքի առավելագույն արժեքն է 443 դրամ, վաճառքի նվազագույն արժեքը՝ 450 դրամ: Ռուսական ռուբլու առքի առավելագույն արժեքն է 4.87 դրամ, վաճառքի նվազագույն արժեքը՝ 4.98 դրամ: ...
11:07 24.06.2025
Իսրայելի կողմից իրականացված հարձակման հետևանքով զոհվել է իրանցի միջուկային գիտնական․ ԶԼՄԻսրայելի կողմից իրականացված հարձակման հետևանքով զոհվել է իրանցի միջուկային գիտնական Մոհամմադ Ռեզա Սադիղին: Այս մասին հաղորդում է NourNews գործակալությունը։ Լրատվամիջոցի հաղորդմամբ՝ Իսրայելը հարձակումը սկսել է առավոտյան, նախքան հրադադարի պայմանավորվածության ուժի մեջ մտնելը։ ...
10:55 24.06.2025
Իսրայելը կարձագանքի հրադադարի ցանկացած խախտման․ Նեթանյահուի գրասենյակԻսրայելը մտադիր է վճռականորեն արձագանքել Իրանի կողմից հրադադարի ցանկացած խախտման, հայտարարել է այդ երկրի վարչապետ Բենիամին Նեթանյահուի գրասենյակը։ «Իսրայելը վճռականորեն կարձագանքի հրադադարի ցանկացած խախտման: Իսրայելի քաղաքացիները պետք է շարունակեն հետևել հրամանատարության հրահանգներին մինչև հրադադարի լիարժեք պահպանումը», – ասվում է պաշտոնական հայտարարության մեջ: ...
10:43 24.06.2025
Արտերկրի գիտնականների ղեկավարությամբ կստեղծվի 12 հեռավար լաբորատորիա. մրցույթի արդյունքները հայտնի ենՀՀ ԿԳՄՍ նախարարի հրամանով հաստատվել է «Հեռավար լաբորատորիաների հիմնադրման ծրագիր-2025» մրցույթի արդյունքում ֆինանսավորման երաշխավորված գիտական նախագծերի ցանկը։ Մրցույթի արդյունքում ընտրվել է արտերկրի գիտնականների ղեկավարությամբ ՀՀ պետական գիտական կազմակերպությունում հեռանկարային, ժամանակակից գիտական ուղղություններով նոր ստորաբաժանումների ստեղծմանն ուղղված 12 հնգամյա նախագիծ՝ 5 տարվա կտրվածքով մինչև 130 միլիոն ՀՀ դրամ բյուջեով: Մրցույթի մանրամասները ...
10:34 24.06.2025
Հրդեհ Հերհեր գյուղումՀունիսի 24-ին, ժամը 02:45-ին Վայոց ձորի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Հերհեր գյուղում այրվում է տուն։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 04։02-ին, մարվել՝ 06:43-ին: Այրվել է տունը (մոտ 80 քմ): ...
