17 05 2024

$

387.60
4.26
€

420.12

+17.09 ^oC

Շիրակի մարզի գյուղական համայնքների 15 ընտանիքների այսօր բնակարանների գնման վկայագրեր են հանձնվել

ՀԱՅԱՍՏԱՆ

19:55 05.09.2019

Շիրակի մարզի Ախուրյան, Հացիկ, Գետք, Քեթի բնակավայրերից 15 ընտանիքների այսօր Շիրակի մարզպետարանում բնակարանների գնման վկայագրեր են տրամադրվել։ Նրանք քաղաքաշինության նախարարության որոշմամբ՝ մարզի գյուղական համայնքներից 2012-2013 թվականներին շահառու ճանաչված 163 ընտանիքների թվում էին։ Ընտրվել են այն համայնքները, որտեղ շահառուների թիվը 10-ից պակաս է։ Պետական բյուջեից այդ նպատակին 75 մլն դրամ է հատկացվել։

Բնակարանների գնման վկայագիր ծրագրի իրականացումից մինչ օրս առաջին անգամ, վկայագիր տրամադրելուց առաջ հաշվի է առնվել շահառուի կարծիքը՝ վկայագիրն է ուզում, թե գումարը՝ ունեցած կիսակառույցն ավարտին հասցնելու համար։ 15 ընտանիքներից միայն 1-ն է ցանկացել գումարը վերցնել շինարարության նպատակով։

Վկայագիր նախընտրած ընտանիքներն էլ, թեև դրա արժեքը բարձրացել է, բայց նշում են, որ սենյակների թվով սահմանված վկայագրի արժեքով բնակարան չեն կարողանա գտնել: 1 սենյականոց բնակարան գնելու համար 3 մլն 548 հազար դրամ է հատկացվել, 4 սենյականոցի համար՝ 5 մլն 913 հազար դրամ: Իսկ վկայագիր ստացած ընտանիքների խոսքերով` շուկայում բնակարաններն ավելի թանկ են:

Շիրակի մարզպետարանի քաղաքաշինության վարչության պետ Ալբերտ Մարգարյանը նշեց, որ բնակարանների գները Գյումրիում և Արթիկում ավելի բարձր են, քան գյուղական համայնքներում: Այդ իսկ պատճառով էլ, որպես վկայագրի արժեք վերցրել են ոչ թե գյուղական, այլ այդ 2 բնակավայրերի բնակարանների կադաստրային միջինացված արժեքը: Բայց տվյալ համայնքներում էլ վաճառվող բնակարաններ չկան։ Այս խնդրից վկայագիր տրամադրելուց առաջ քաղաքաշինության կոմիտեն տեղյակ էր, մարզպետարանի ուսումնասիրություններն են դա փաստել: Ալբերտ Մարգարյանի խոսքերով՝ նշված 4 համայնքներում 15 վկայագրի դիմաց ընդամենը 1 վաճառքի բնակարան կա, բայց ընտանիքները կարող են բնակարաններ գնել նաև այլ համայնքներում, կարգը դա թույլ տալիս է:

Իսկ վկայագիրն իրացնելու համար ընտանիքները մինչև դեկտեմբերի 20-ը ժամանակ ունեն։ Սա պետական աջակցությամբ բնակարանատեր դառնալու նրանց վերջին հնարավորությունն է, այն չիրացնելու դեպքում, պետությունը այդ ընտանիքների նկատմամբ բնակարանային պարտավորություն այլևս չի ունենա: Այժմ մարզում տնակներում ապրող ու 2012-ին բնակարանի շահառու ճանաչված 71 ընտանիք նույն պատճառներով բնակարան ստանալու արտոնությունը կորցրել է:

Այս կարգը կգործի նաև այս անգամ, եթե վկայագիրը չիրացվի։ Գյուղական բնակավայրերի մյուս 148 շահառուների համար բնակարանային փոխհատուցման այլ տարբերակ կսահմանվի հաջորդ տարվանից: Ըստ մարզպետարանի պատասխանատուի, այս անգամ բնակչին են հարցնելու, թե նա ինչ տարբերակով է ուզում լուծվի իր բնակապահովման խնդիրը՝ վկայագրի տրամադրմամբ, կիսակառույցի շինարարությունն ավարտելով, թե բնակարան կառուցելով: Հաջորդ տարվա պետական բյուջեով արդեն գումար նախատեսված է, որով կլուծվի մարզի գյուղական բնակավայրերի բոլոր շահառուների բնակապահովման հարցը։

Կարինե Կազարովա

Բաժանորդագրվեք SHANTNEWS.am-ին Telegram-ում

Բոլոր լուրերը

19:55 17.05.2024
Մեսսին MLS-ի ամենաբարձր վարձատրվող ֆուտբոլիստն է

Կապակցված լուրեր

19:50 17.05.2024

Վահան Կոստանյանը հանդիպել է Միգրացիայի միջազգային կազմակերպության գլխավոր տնօրենի տեղակալի հետ

Մայիսի 16-ին ՀՀ ԱԳ նախարարի տեղակալ Վահան Կոստանյանը հանդիպում է ունեցել Միգրացիայի միջազգային կազմակերպության գլխավոր տնօրենի տեղակալ Իռենա Վոյաչկովա-Սոլորանոյի հետ: ԱԳ նախարարի տեղակալն անդրադարձել է միգրացիայի ոլորտում ՀՀ-ում ընթացող բարեփոխումներին, այդ թվում` թվայնացման ուղղությամբ իրականացվող քայլերին: Բարձր են գնահատվել կազմակերպության ջանքերը՝ միտված Լեռնային Ղարաբաղից բռնի տեղահանված անձանց հումանիտար խնդիրների հասցեագրման ուղղությամբ: Իռենա Վոյաչկովա-Սոլորանոն շեշտել է […] ...

19:44 17.05.2024

Արարատ Միրզոյանը հանդիպել է Ավստրիայի ԱԳ նախարարի հետ

Մայիսի 17-ին ՀՀ ԱԳ նախարար Արարատ Միրզոյանը հանդիպում է ունեցել Ավստրիայի ԱԳ նախարար Ալեքսանդր Շալենբերգի հետ: Հանդիպումը տեղի է ունեցել ՀՀ ԱԳ նախարարի՝ Ստրասբուրգ կատարած աշխատանքային այցի շրջանակներում: Զրուցակիցները քննարկել են երկկողմ հարաբերությունների օրակարգի, ինչպես նաև ՀՀ-ԵՄ գործընկերության խորացմանն ուղղված քայլերը։ Անդրադարձ է կատարվել ՀՀ դիմակայունության ամրապնդմանը, տնտեսական զարգացմանն աջակցելու նպատակով ԵՄ գործիքակազմի կիրառման ընթացիկ […] ...

19:36 17.05.2024

Գործարկվել է Անձնական տվյալների պաշտպանության գործակալության կայքը

Արդարադատության նախարարության Անձնական տվյալների պաշտպանության գործակալության նախաձեռնությամբ՝ տեղի է ունեցել գործակալության պաշտոնական կայքի և Անձնական տվյալների պաշտպանության առցանց դասընթացի շնորհանդեսը: Գործակալության պետ Գրիգոր Ներսիսյանն ընդգծել է, որ շուրջ 10 տարի գործող կառույցի համար կայքի ստեղծումը կարևոր է՝ ուղիղ, ոչ միջնորդավորված կապ հաստատելու քաղաքացիների, շահագրգիռ կառույցների ու անձանց հետ, և նաև այս միջոցով ապահովելու Հայաստանում անձնական […] ...

19:20 17.05.2024

Սուրբ Աթոռում Հայաստանի դեսպանն իր հավատարմագրերն է հանձնել Նորին Սրբություն Ֆրանցիսկոս Պապին

Մայիսի 17-ին Սուրբ Աթոռում Հայաստանի Հանրապետության դեսպան Բորիս Սահակյանն իր հավատարմագրերն է հանձնել Նորին Սրբություն Ֆրանցիսկոս Պապին: Այս մասին հայտնում են ՀՀ ԱԳ նախարարությունից: Արարողությանը հաջորդած առանձնազրույցի ընթացքում դեսպան Սահակյանը իր երախտագիտությունն է հայտնել տարածաշրջանում տևական կայունության հաստատմանն ու հոգևոր և պատմամշակութային ժառանգության պահպանման հարցում Նորին Սրբության շարունակական կոչերի ու ուղերձների համար, ինչպես նաև Հայոց […] ...

19:14 17.05.2024

Մայիսի 18-ին կնշվի Թանգարանների միջազգային օրը և «Թանգարանների գիշեր» ծրագիրը. ԿԳՄՍՆ

Մայիսի 18-ին նշվում է Թանգարանների միջազգային օրն ու «Թանգարանների գիշեր» համաեվրոպական միջոցառումը՝ «Թանգարաններ, կրթություն և հետազոտություն» խորագրի ներքո: Թանգարանների միջազգային օրվան և «Թանգարանների գիշեր» համաեվրոպական միջոցառմանն ընդառաջ՝ մայիսի 17-ին, Երվանդ Քոչարի թանգարանում տեղի է ունեցել մամուլի ասուլիս: Ներկայացվել են թանգարանների ոլորտում իրականացված աշխատանքները, ձեռքբերումներն ու անելիքները: Մամուլի ասուլիսի բանախոսներն էին ՀՀ կրթության, գիտության, մշակույթի և […] ...

19:07 17.05.2024

«Արմավիր» ՔԿՀ տեսակցության եկած քաղաքացու մոտ հայտնաբերվել է Հերոին տեսակի թմրամիջոցին նմանվող զանգված

Քրեակատարողական ծառայության կենտրոնական մարմնի օպերատիվ վարչության «Արմավիր» տարածքային բաժնի ծառայողները, ունենալով օպերատիվ տեղեկություններ, մայիսի 17-ին՝ ժամը 13։15-ի սահմաններում, կալանավորված անձի մոտ կարճատև տեսակցության եկած քաղաքացի Կ․Խ․-ին հրավիրել են աշխատասենյակ։ Վերջինս քրեակատարողական ծառայողների պահանջով ներկայացրել է տաբատում թաքցված փաթեթը, որի մեջ առկա է եղել հերոին տեսակի թմրամիջոցին նմանվող, 5,22 գրամ, շագանակագույն զանգված։ Քաղաքացի Կ․Խ․-ն ձերբակալվել է […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.