21:39 11.09.2019
Պետական սուբվենցիոն ծրագրով և Գյումրու բյուջեի գումարներով փոքր ծավալների փողոցաշինական աշխատանքներ են կատարվել երեք փողոցներում։ 3 փողոցում միասին ասֆալտապատված հատվածների երկարությունը 500 մետրի չի հասնում: Կարճ հատվածներում կատարված աշխատանքները կարճ ժամկետներում էլ շինարարներն ավարտել են:
Ֆինանսավորման 45 տոկոսը տեղական բյուջեից են, 55 -ը պետական սուբվենցիոն ծրագրի գումարներ են: Գյումրու Մանուշյան փողոցի 100 մետր ասֆալտապատման, եզրաքարերի ու մայթերի կառուցման աշխատանքների համար 10 մլն դրամ է հատկացվել: Այս փողոցում շինաշխատանքները թերություններով են կատարվել, թեքահարթակ կառուցվել է միայն մի մայթին, այսինքն՝ մի մայթից մյուսն անցնելն անվասայլակով հնարավոր չէ: Քաղաքապետարանը, որպես պատվիրատու, շինարարի գործն էլ ընդունել է այնպես, ինչպես կա։
Կատարած գործը նույն հաջողությամբ պատվիատուն ընդունել է նաև Հովսեփյան փողոցում: Այստեղ էլ 2800 քառակուսի մետր մակերեսով փողոցում, որի երկարությունը դարձյալ մեկ կիլոմետր չկա, ասֆալտապատված հատվածը 160 մետր երկարության է: Հովսեփյանում թեքահարթակները ճիշտ տեղում էին, հետիոտնային անցումներով ու գծանշումներով: Այս փողոցում մեկ այլ շինընկերություն է աշխատել՝ Վանաձորից և աշխատանքների ֆինանսավորումը եղել է միայն տեղական բյուջեից, կազմել է 18 մլն դրամ։
Խաչիկ Դաշտենցի անվան փողոցն էլ 170 մետր երկարության է, այդքանն է ասֆալտապատվել: Կարճ փողոցում աշխատանքները կարճ ժամկետում էլ ավարտել են, աշխատանքները տևել են ուղիղ 15 օր:
Փողոցների ընտրությունը եղել է հանրային քննարկումով, մանկապարտեզներին ու դպրոցներին հարող են բոլորը: Իսկ աշխատանքի ծավալները որոշվել են՝ ըստ ունեցած ֆինանսների:
Սրանք այս տարվա փոքր ծավալի ասֆալտապատումներ են: Մնացածը լայնածավալ փողոցաշինությունն է՝ Վերակառուցման և զարգացման եվրոպական բանկի ֆինանսավորմամբ: Վերջին երկու ամիսների աշխատանքի տեմպերն ավելացել են, անորոշ ժամկետներով փողոցաշինական աշխատանքները մինչև սեպտեմբերի 21-ը նախատեսում են ավարտել Տիգրան Մեծ և Վազգեն Սարգսյան փողոցներում, Գարեգին Նժդեհի հրապարակում: Մեծ ծրագիրը շարունակություն կունենա նաև հաջորդ տարի, զուգահեռ դարձյալ սուբվենցիոն ծրագրով քաղաքապետարանը նախատեսում է փոքր հատվածներով ու մի քանի փողոցներում՝ ընդհանուրը 6 կմ երկարության, ասֆալտապատում իրականացնել։
17:16 07.07.2025
Քրեակատարողական ծառայության պետը շրջայց է կատարել «Վանաձոր» ՔԿՀ-ի նոր վերանորոգված և կահավորված տարածքներումՔրեակատարողական ծառայության պետ Ծովինար Թադևոսյանը տեղակալներ Սահակ Գրիգորյանի և Վահե Նանուշյանի հետ այցելել է «Վանաձոր» քրեակատարողական հիմնարկ։ Հիմնարկի պետ Արկադի Թադևոսյանի ուղեկցությամբ Ծառայության պետը շրջել է հիմնարկի ամբողջ տարածքում, այցելել նոր վերանորոգված և կահավորված խցերը, սանհանգույցները, բնակելի գոտու հիմնանորոգված այլ հատվածներ։ Շրջայցի ընթացքում Ծովինար Թադևոսյանը ծանոթացել է նաև մատուցվող սննդին։ Ազատությունից զրկված անձանց հարցերին և […] ...
17:10 07.07.2025
«Նոան» նոր պայմանագիր է ստորագրել պորտուգալացի ֆուտբոլիստի հետ«Նոան» նոր պայմանագիր է ստորագրել պորտուգալացի հարձակվող Հելդեր Ֆերեյրայի հետ, հայտնում է ակումբի մամուլի ծառայությունը։ Համաձայնագիրը կգործի մինչև 2027 թ. հուլիսի 1-ը։ Այն ևս մեկ տարով երկարաձգելու կետ կունենա։ Պորտուգալացին «Նոային» միացել է 2024 թ. հուլիսին, 42 խաղում 13 գոլ է խփել, կատարել նույնքան գոլային փոխանցում։ ...
17:02 07.07.2025
Գրանցվել է 656 դեպք, որից 255-ը՝ արտակարգ. Փրկարար ծառայությունն ամփոփում է անցած շաբաթըՀունիսի 30-ից հուլիսի 6-ը ՆԳՆ ՓԾ ճգնաժամային կառավարման ազգային կենտրոնում գրանցվել է 656 դեպք, որից 255-ը՝ արտակարգ: Մասնավորապես՝ հրդեհի՝ 169, փլուզման, պայթյունի, կենսաապահովման կոմունալ համակարգերում վթարի, քարաթափման, դիակի հայտնաբերման, որոնողափրկարարական, դժբախտ պատահարի՝ 1-ական, ուժեղ քամու՝ 7, երկրաշարժի՝ 4, զինամթերքի հայտնաբերման՝ 2, կեղծ ահազանգի՝ 8, թունավորման՝ 6, վայրի կենդանիների հարձակման՝ 9, օձի նկատման՝ 46, ինքնասպանության փորձի՝ […] ...
16:54 07.07.2025
Հայտնաբերվել է 420 ոչ սթափ վարորդ․ պարեկների անցած շաբաթվա ծառայության արդյունքներըՀունիսի 30-ից հուլիսի 7-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 4938 խախտում՝ պահպանվող հատուկ տարածք տեղափոխելով 145 ավտոմեքենա։ Մասնավորապես, հայտնաբերվել է ոչ սթափ 180 վարորդ, առանց վարորդական իրավունքի վկայականի՝ 293 անձ։ Հայտնաբերվել է հաշվառման համարանիշի հետ կապված՝ 41, չամրակապված վարելու՝ 809, առանց մանկական նստատեղի՝ քարսիթի՝ 20, վարելու ընթացքում ծխելու՝ 500, […] ...
16:48 07.07.2025
Փրկարարներն ու ջրային պարեկները Սևանա լճում և առափնյա հատվածներում իրականացնում են շուրջօրյա հերթապահությունՀուլիսի 1-ից Սևանա լճում և առափնյա շրջաններում մեկնարկած ուժեղացված հսկողությանն «Արմենպրես» լրատվական գործակալությունում անդրադարձել են ՆԳՆ Փրկարար ծառայության Գեղարքունիքի մարզային փրկարարական վարչության հատուկ ջրափրկարարական ջոկատի հրամանատար Արմեն Ճզմաչյանն ու Ոստիկանության պարեկային ծառայության Գեղարքունիքի մարզի գումարտակի ջրային պարեկների վաշտի հրամանատար Դավիթ Գալոյանը: Փրկարարները ծառայությունն իրականացնում են 2 հերթափոխով` 24 ժամյա սկզբունքով: Փրկարարները դիտաշտարակներից հեռադիտակների միջոցով հետևում […] ...
16:40 07.07.2025
Էդգար Սևիկյանը «Ֆերենցվարոշի» հայտացուցակում էՀայաստանի ազգային հավաքականի կիսապաշտպան Էդգար Սևիկյանը Հունգարիայի չեմպիոն «Ֆերենցվարոշի» հայտացուցակում է և մասնակցում է Ավստրիայում մեկնարկած ուսումնամարզական հավաքին։ Հայ ֆուտբոլիստը հայտավորված է «24» համարով։ Բուդապեշտը ներկայացնող ակումբն ուսումնամարզական հավաքի ընթացքում երկու ընկերական հանդիպում կանցկացնի չեխական «Զլինի» և գերմանական «Կարլսռուեի» դեմ։ Սևիկյանը «Ֆերենցվարոշ» է տեղափոխվել 2024 թ. հունվարին, 17 խաղում խփել է 2 գոլ, կատարել 1 […] ...
