17:15 14.09.2019
Տիգրան Մանսուրյանի քույրը` աշխարհահռչակ սոպրանո Արաքս Մանսուրյանը ժամանել էր Հայաստան` եղբոր հոբելյանական համերգաշարին ներկա գտնվելու համար։
SHANTNEWS.am-ի հետ զրույցում օպերային երգչուհին հետաքրքիր դրվագներ ու պատմություններ է հիշել իրենց ընտանիքի` Արթիկում անցկացրած տարիներից, մանկության դժվար օրերից ու եղբոր` Տիգրանի երաժշտության հանդեպ ունեցած հետաքրքրություններից։
«Հիշում եմ, որ մենք Արթիկում ունեինք մի ակումբ, այդ ակումբը, որտեղ ֆիլմեր էին ցուցադրում, որտեղ կար մի դաշնամուր և պատմություն կա, որ եղբայրս առաջին անգամ հանդիպել է այդ դաշնամուրին և դա իր ճակատագրական հանդիպումն է եղել: Հորս խնդրել է, որ թույլ տա իրեն ամեն օր գնա և այդ դաշնամուրի վրա նվագի»,- հիշում է Արաքս Մանսուրյանն ու ավելացնում, որ եղբայրը` Տիգրանը, ինքնուրույն է սովորել նոտագրությունը, և իրենց հայրենադարձ ընտանիքը ուսուցիչ վարձելու հնարավորություն այդ տարիներին չի ունեցել։
Արաքս Մանսուրյանը պատմում է, որ իրենց երաժշտական ժառանգությունը եկել է ծնողներից` հայրն ու մայրը երգել են և իր ծնողների ամուսնությունը նույնպես եղել է երաժշտական հիմքերի վրա` մայրը սիրահարված է եղել հոր ձայնին:
«Մեր տանը միշտ եղել է երաժշտություն, եղել է և սով և այդ ամենի մեջ եղել է ուրախություն, մենք բոլորս միասին էինք։ Հայրիկիս երազանքն էր իր երեխաներին բերել Երևան և արվեստի մեջ տեսնել։ Մենք մեր հայրիկին կորցրել ենք 46 տարեկան հասակում։ Ես ու եղբայրս հայրիկիս երազանքը իրականություն դարձրեցինք»,- ասում է աշխարհահռչակ սոպրանո Արաքս Մանսուրյանը։
Երգչուհին եղբոր կինոերաժշտությունը համարում է հոգուց բխող, պատմությունից եկող, նուրբ ու խորը, որը մատչելի է յուրաքանչյուր հայի ու ոչ միայն հայերին:
«Ես հիշում եմ, որ ինքը գիրք ուներ իր թևի տակ և միշտ այդպես էր քայլում։ Փողոցում կար մի մեծ ռադիո և հաճախ, երբ դասական երաժշտություն էր հնչում, ու ես եղբորս հետ վերադառնում էի մեր հայրիկի ֆոտոյից, միշտ կանգ էր առնում, ասում էր` սպասի, երաժշտությունը պիտի վերջանա, պիտի մինչև վերջ լսեինք ու նոր շարունակեինք ճանապարհը։ Նման մարդիկ շատ հազվադեպ են լինում: Ես այս պահին խոսում եմ ոչ եղբորս մասին, ում պաշտում եմ, այլ խոսում եմ երաժշտի մասին, ում էլի պաշտում եմ»,- իր հիշողություններով է կիսվել Արաքս Մանսուրյանը, որը եղել է եղբոր գրած վոկալ շարքերի առաջին կատարողը։
18:25 07.05.2025
Կառավարությունը նախատեսում է ընդլայնել Երևանի և այլ բնակավայրերի ջրահեռացման համակարգերի արդիականացման ծրագրերըՀՀ կառավարությունը նախատեսում է առաջիկա տարիներին ընդլայնել ջրահեռացման համակարգերի կառուցման ու արդիականացման ծրագրերը։ «Արմենպրես»-ի հաղորդմամբ՝ այս մասին տեղեկացրել է Տարածքային կառավարման և ենթակառուցվածքների նախարար Դավիթ Խուդաթյանը՝ մայիսի 7-ին Կառավարության հարցուպատասխանի ընթացքում պատասխանելով «Քաղաքացիական պայմանագիր» խմբակցության պատգամավոր Բաբկեն Թունյանի հարցին։ Պատգամավորը բարձրաձայնել է Երևանի՝ անձրևների ժամանակ կրկնվող ջրակուտակումների խնդիրը՝ նշելով, որ մայրաքաղաքը կրկին վերածվել էր «մինի […] ...
18:18 07.05.2025
Ամենայն Հայոց Կաթողիկոսը հրաժեշտի հանդիպում է ունեցել Բելառուսի դեսպանի հետՄայիսի 7-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է Հայաստանի Հանրապետությունում իր դիվանագիտական առաքելությունն ավարտող Բելառուսի Հանրապետության արտակարգ և լիազոր դեսպան Ալեքսանդր Կոնյուկին։ Նորին Սրբությունն իր գնահատանքն է հայտնել դեսպանին Հայաստանում իրականացրած առաքելության համար՝ վստահություն հայտնելով, որ իր հետագա ծառայության մեջ պիտի շարունակի ջանքեր ներդնել հանուն հայ-բելառուսական […] ...
18:12 07.05.2025
Կրթահամալիրները կծառայեն որպես համայնքային զարգացման կենտրոններ․ Աժ-ում քննարկվել է «Կրթության մասին» օրենքի փոփոխությունըԱժ լիագումար նիստում երկրորդ ընթերցմամբ քննարկվել է «Կրթության մասին» ՀՀ օրենքի փոփոխության նախագիծը։ Հիմնական զեկուցող ԿԳՄՍ նախարարի տեղակալ Արաքսիա Սվաջյանը նշել է, որ առաջին ընթերցումից հետո նախագծում կատարվել են փոփոխություններ։ Ըստ այդմ՝ առաջարկվում է ներդնել հանրակրթական հաստատությունների նոր մոդել, որի համաձայն՝ փոքրաթիվ բնակչությամբ բնակավայրերում կգործեն կրթահամալիրներ, որոնք կծառայեն որպես համայնքային զարգացման կենտրոններ։ «Նախագծում ներկայացված է […] ...
18:06 07.05.2025
Ժաննա Անդրեասյանն ընդունել է Աշխարհի և Եվրոպայի կարատեի ֆեդերացիայի նախագահ Անտոնիո ԷսպինոսինԵրևանում մայիսի 7-11-ն անցկացվող կարատեի Եվրոպայի մեծահասակների առաջնության շրջանակում ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Աշխարհի և Եվրոպայի կարատեի ֆեդերացիայի նախագահ Անտոնիո Էսպինոսին: Հանդիպմանը ներկա են եղել ԿԳՄՍ նախարարի տեղակալ Հասմիկ Ավագյանը, Հայաստանի կարատեի ֆեդերացիայի նախագահ Վազգեն Հարությունյանը և Եվրոպայի կարատեի ֆեդերացիայի գլխավոր քարտուղար Դավոր Չեպեկը: ԿԳՄՍ նախարար Ժաննա Անդրեասյանը […] ...
17:54 07.05.2025
Մեր արտաքին քաղաքականության տրամաբանության մեջ երբևէ չի եղել ՌԴ-ի հետ հարաբերությունները չխորացնելը. ՓաշինյանՀայաստանը վարում է բալանսավորված արտաքին քաղաքականություն և մի ուղղությամբ հարաբերությունները չի կառուցում՝ ի հաշիվ այլ հարաբերությունների: «Արմենպրես»-ի փոխանցմամբ՝ ԱԺ-Կառավարություն հարցուպատասխանին այս մասին վստահեցրել է ՀՀ վարչապետ Նիկոլ Փաշինյանը՝ անդրադառնալով հնչող տեսակետներին, թե Մայիսի 9-ին Մոսկվա այցը կարող է խաթարել Արևմուտքի հետ հարաբերությունները: «Մենք բալանսավորված և բալանսավորման արտաքին քաղաքականություն ենք որդեգրել: Եվ այդ քաղաքականության մեջ չի […] ...
