17:35 02.12.2019
ՀՀ ԱԳ նախարար Զոհրաբ Մնացականյանն այսօր արձագանքեց Թուրքիայի իր պաշտոնակցի՝ Մևլյութ Չավուշօղլուի հայտարարությանը, թե հայկական կողմն է ձախողել հայ-թուրքական արձանագրությունների ընթացքը: Սա, ըստ նախարարի, հարց է, որի մասին նման ձևակերպումները տարօրինակ են այն առումով, որ այս ամենը գոնե տեղի է ունեցել մեր օրոք, մեր աչքի առջև, 100 տարի առաջ չի եղել:
«Մենք բոլորս ականատես ենք եղել, միջազգային հանրությունը ևս, այդ ամենը շատ թարմ է, շատ նոր է: Այն, ինչ է եղել Ցյուրիխում, ինչ զարգացում է եղել դրանից հետո, դա այսօրվա պատմություն է: Եթե թուրքական պետությունը ներկայացնող մարդիկ որևէ բարդույթ չունեն խեղաթյուրելու այս մեր օրերի պատմությունը, չհարգելու իրենց հանձնառությունները, արձանագրությունների տակ դրված իրենց ստորագրությունը, չունեն բարդույթ ձախողման մեջ մեղադրելու ուրիշներին, մասնավորապես՝ մեզ, ակնհայտ է, թե ինչպես մեկնաբանել 100 տարի առաջ տեղի ունեցած դեպքերի, փաստերի վերաբերյալ այդ ամենը, որ լսում ենք, վերանայելու մասին իրենց առաջարկները: Եթե խոսում են պատմաբանների համատեղ հանձնաժողով ստեղծելու մասին, դա առաջարկ է՝ համաձայնելու ժխտողականությանը»,- ասաց նախարարը:
Հայաստանի՝ հակասական քաղաքականություն վարելու մասին մեղադրանքներին ի պատասխան՝ Մնացականյանն ընդգծեց, որ Հայաստանի քաղաքականության մեջ որևէ հակասություն չկա, շատ հստակ է:
«Մենք ասել ենք՝ պատրաստ ենք առանց նախապայմանների հարաբերությունների, բայց դրա համար երկու կողմ է պահանջվում, իսկ երկրորդ կողմի քաղաքականությունն ամբողջովին այլ ուղղությամբ է աշխատում: Թուրքիայի՝ սպառնալիք լինելն արտահայտվում է իր վարած քաղաքականությամբ, գործողություններով ու հռետորաբանությամբ: Այն, ինչ մեր աչքի առաջ է տեղի ունենում՝ շարունակվող շրջափակումը, հարաբերությունների հաստատման որևէ քայլի բացակայությունը, ռազմական անվերապահ քաջակցությունն Ադրբեջանին՝ ԼՂ հարցի կոնտեքստում, այս ամենն իր ամբողջության մեջ արտահայտում է անվտանգային սպառնալիք ՀՀ համար»,- նշեց Մնացականյանը:
23:59 13.08.2025
Աջափնյակ վարչական շրջանի մի շարք հասցեներում անխնամ և զավթված տարածքների փոխարեն արդեն կառուցվել են բարեկարգ բակերԵրևանի քաղաքապետարանը հետևողականորեն շարունակում է համայնքային հողերն ապօրինի կառուցված ավտոտնակներից, ինքնակամ կառույցներից և զավթված հողատարածքներից ազատելու գործընթացը։ Աջափնյակ վարչական շրջանի մի շարք հասցեներում անխնամ և զավթված տարածքների փոխարեն արդեն կառուցվել են բարեկարգ բակեր՝ խաղահրապարակներով և կանաչապատ գոտիներով։ Նույն աշխատանքներն իրականացվեցին նաև Հալաբյան փողոցի 31 հասցեում․ ապամոնտաժվեցին ապօրինի ավտոտնակներն ու ցանկապատերը, և տարածքում կկառուցվի նոր, հարմարավետ […] ...
23:56 13.08.2025
Մեծ Բրիտանիան պատժամիջոցների նոր փաթեթ է պատրաստում Ռուսաստանի դեմՄեծ Բրիտանիան արդեն սկսել է հակառուսական պատժամիջոցների մեկ այլ փաթեթի պատրաստումը։ Այս մասին հայտարարել է Մեծ Բրիտանիայի վարչապետ Քիր Սթարմերը։ «Կարևոր է հիշեցնել գործընկերներին, որ մենք նույնպես պատրաստ ենք մեծացնել Ռուսաստանի վրա ճնշումը, հատկապես տնտեսական ոլորտում՝ պատժամիջոցների և ավելի լայն միջոցառումների միջոցով, անհրաժեշտության դեպքում։ Դուք արդեն կարող եք տեսնել այդ միջոցառումների արդյունքները, և մենք՝ Մեծ […] ...
23:51 13.08.2025
Վարագավան-Տավուշ ճանապարհի՝ 13.4 կմ հատվածում ընթանում են միջին նորոգման աշխատանքներՀ-82 /Հ-37/-Վարագավան-Տավուշ-/Հ-36/ ճանապարհի կմ5+600+կմ19+020 հատվածում կատարվում են միջին նորոգման աշխատանքներ։ Նորոգվող ճանապարհի ընդհանուր երկարությունը մոտ 13.4կմ է։ Այս պահին տեղադրվում է ասֆալտբետոնե ծածկ։ Այդ մասին հայտնել են «Ճանապարհային դեպարտամենտ» հիմնադրամից: Միջին նորոգման աշխատանքներն իրականացվում են ՀՀ պետական բյուջեի միջոցներով։ Ասֆալտբետոնե ծածկի տեղադրումից հետո նորոգվող ճանապարհը կգծանշվի, կհարթեցվեն կողնակները, կտեղադրվեն ուղղորդիչ սյուներ։ ...
23:48 13.08.2025
Թիկնիզյանի «Ցրվենա Զվեզդան» դուրս է եկել ՉԼ որակավորման փլեյ-օֆֆՉեմպիոնների լիգայի որակավորման երրորդ փուլի պատասխան խաղում Սերբիայի չեմպիոն «Ցրվենա Զվեզդան» սեփական դաշտում ոչ-ոքի (1-1) է գրանցել լեհական «Լեխի» հետ։ Դաշտի տերերի կազմում ամբողջ հանդիպմանը մասնակցել է Հայաստանի ազգային հավաքականի պաշտպան Նաիր Թիկնիզյանը։ Բելգրադի թիմը դիմակայությունում հաղթել է 4-2 հաշվով և դուրս եկել որակավորման փլեյ-օֆֆ, որտեղ կմրցի Կիպրոսի չեմպիոն «Պաֆոսի» հետ։ ...
23:44 13.08.2025
Ավինյան. Կառուցումից հետո առաջին անգամ հիմնանորոգված հ. 61 մանկապարտեզում 260 երեխա արդեն խաղում և սովորում է ապահով ու հարմարավետ միջավայրումՄանկապարտեզների վերակառուցումն ու հիմնանորոգումը մեր կարևոր ուղղություններից է և մեր նպատակն է ստեղծել բարեկարգ ու ժամանակակից պայմաններ մեր երեխաների համար: Այս մասին Ֆեյսբուքի իր էջում գրել է Երևանի քաղաքապետ Տիգրան Ավինյանը: «Կառուցումից հետո առաջին անգամ հիմնանորոգված հ. 61 մանկապարտեզում 260 երեխա արդեն խաղում և սովորում է ապահով ու հարմարավետ միջավայրում»,- գրել է նա: Մանրամասները՝ տեսանյութում: ...
23:38 13.08.2025
Մերց. Թրամփը Պուտինի հետ հանդիպումից հետո դրա արդյունքների մասին կտեղեկացնի Զելենսկիին և ԵՄ առաջնորդներինԳերմանիայի կանցլեր Ֆրիդրիխ Մերցը հայտարարել է, որ ԱՄՆ նախագահ Դոնալդ Թրամփը անմիջապես կտեղեկացնի Վլադիմիր Զելենսկիին և եվրոպացի առաջնորդներին Ալյասկայում Ռուսաստանի նախագահ Վլադիմիր Պուտինի հետ իր հանդիպման արդյունքների մասին։ «Մենք մաղթեցինք նախագահ Թրամփին հաջողություն։ Մենք համաձայնեցինք, որ նախագահ Պուտինի հետ հանդիպումից անմիջապես հետո նա նախ կտեղեկացնի Վլադիմիր Զելենսկիին։ Այնուհետև, դրանից անմիջապես հետո, նա կտեղեկացնի նաև այս […] ...
