14:30 17.12.2019
Կառավարության որոշմամբ փոխվել ու պարզեցվել էր ավտոտրանսպորտային միջոցների հաշվառման ու գրանցման կարգը: Փոփոխությունը կատարվել է՝ հաշվի առնելով Հայաստան ավտոմեքենաների ներկրման աննախադեպ ծավալները, ինչի պատճառով գրանցման ու հաշվառման կենտրոններն անցել են աշխատանքի ծանրաբեռնված գրաֆիկի: Գյումրիի ճանապարհային ոստիկանության գրանցման, հաշվառման և քննական հյուսիսային կենտրոնում հերթերը կանոնակարգելու համար վերջին մեկ ամսվա ընթացքում ավելացել է սպասարկող աշխատակիցների թիվը:
Ավտոմեքենաների գրանցման ու հաշվառման կենտրոնն օրական այնքան մեքենա է սպասարկում, որքան նախկինում մեկ շաբաթում: Մաքսազերծման գործառույթների կենտրոնացումը Գյումրիի մաքսատանը, ինչպես նաև մեքենաների ներկրման ծավալների աննախադեպ աճը ստեղծել են աշխատանքային ծանրաբեռնվածություն, բայց ոչ հերթեր:
Գրանցման նոր սրահում հերթեր ու կուտակումներ չկան, սպասարկող անձնակազմի թիվը կրկնապատկվել է, իսկ մեքենաների զննությունն ու փաստաթղթերի ձևակերպման գործընթացը կատարվում է հոսքագիծ եղանակով։ Վրաստանից, Ճապոնիայից ու եվրոպական երկրներից բերվող ավտոմեքենաները շատ են, գրանցման, փաստաթղթավորման ծավալները կրկնակի ավելացել են: Երկու շաբաթ է տրանսպորտային միջոցների հաշվառման ու քննական կենտրոնում սպառվել են հաշվառման վկայագրերի տպագրման պաշտպանիչ թաղանթները: Դրա փոխարեն քաղաքացիներին տրամադրվում են ժամանակավոր վկայագրեր:
Սահմանափակ քանակությամբ պլաստիկ վկայագրեր կենտրոնները տրամադրում են միայն օտարազգի քաղաքացիներին, որ տրանսպորտային միջոցները երկրից դուրս բերելու հնարավորություն ունենան: Պաշտպանիչ թաղանթների բացակայության պատճառով ժամանակավոր են նաև նոր վարորդական իրավունքի վկայականները: Բաժնի պետը հավելում է՝ եթե վարորդական իրավունքի վկայականի ժամկետը չի լրացել կամ այն չի կորել, փոխարինման անհրաժեշտություն չկա: Փոփոխությունը միայն տրանսպորտային միջոցների գրանցման ու հաշվառման գործընթացում է:
Գրանցման, հաշվառման հյուսիսային կենտրոնում նախկինում գրանցված մեքենաների փաստաթղթերը ներկայացնել մեքենայատիրոջը հարկավոր է այն ժամանակ, երբ առք ու վաճառքի գործարք կամ անվանափոխություն է կատարում: Սեփականատերը տեղում անպայման լրացնում է նաև հայտարարություն, որ մեքենան ձևափոխությունների ենթարկված չէ:
Մեքենան վերասարքավորելը, ձևափոխելը համապատասխան թույլտվությամբ է լինում, հակառակ դեպքում՝ դա համարվում է թաքուն կատարված փոփոխություն, խախտում, որը չունի փաստաթղթային գրանցում: Նման տրանսպորտային միջոցների վարորդները տուգանվում են նվազագույն աշխատավարձի քսանապատիկի չափով:
23:59 15.05.2025
Երևանի հեռուստաաշտարակը նոր լուսավորման համակարգ կունենա. ԲՏԱ նախարարՀՀ ԲՏԱ նախարար Մխիթար Հայրապետյանը Ֆեյսբուքի իր էջում գրել է, որ Երևանի հեռուստաաշտարակը նոր լուսավորման համակարգ կունենա: «Երևանի հեռուստաաշտարակի արդիականացման ծրագրի նպատակն է փոխարինել հեռուստաաշտարակի գեղազարդ լուսավորման համակարգը՝ ներդնելով ժամանակակից, բազմաֆունկցիոնալ և գեղագիտական բարձր արժեք ունեցող նոր լուսային լուծումներ, ինչը ոչ միայն կընդգծի մայրաքաղաքի ճարտարապետական ինքնատիպությունը, այլև զգալիորեն կբարձրացնի տուրիստական գրավչությունը»,- գրել է նա։ ...
23:57 15.05.2025
Մերց. Ռուսաստանի դեմ նոր պատժամիջոցների փաթեթը պատրաստ է և կընդունվի մայիսի 20-ինԳերմանիայի կանցլեր Ֆրիդրիխ Մերցը հայտարարել է, որ Ռուսաստանի դեմ պատժամիջոցների նոր փաթեթը պատրաստ է և կընդունվի Բրյուսելում մայիսի 20-ին։ «Այս (խմբ.պատժամիջոցների) փաթեթը պատրաստ է և կընդունվի հաջորդ երեքշաբթի Բրյուսելում։ Խորհրդակցություններն ավարտվել են», – ասել է Մերցը ZDF հեռուստաընկերության եթերում: Միաժամանակ, Գերմանիայի կառավարության ղեկավարը նշել է, որ պատժամիջոցները ուժի մեջ կմտնեն անմիջապես։ «Դրանք (խմբ.սահմանափակումները) պատրաստ են, […] ...
23:54 15.05.2025
TASS. Թուրքիայի, Ռուսաստանի և Ուկրաինայի եռակողմ հանդիպումը նախատեսված է մայիսի 16-ին ՍտամբուլումԹուրքիայի, Ռուսաստանի և Ուկրաինայի ներկայացուցիչների եռակողմ հանդիպումը նախատեսված է ուրբաթ օրը Ստամբուլում։ Այս մասին TASS-ին հայտնել է Թուրքիայի արտաքին գործերի նախարարության աղբյուրը։ «Վաղը կկայանան հանդիպումների ևս մի շարք՝ տարբեր ձևաչափերով։ Դրանք են՝ ԱՄՆ-ն, Ուկրաինան, Թուրքիան։ Օրակարգում են նաև Ռուսաստանի Դաշնության, Ուկրաինայի և Թուրքիայի միջև եռակողմ բանակցությունները», – ասել է աղբյուրը: Նշվում է, որ «դեռևս հայտնի […] ...
23:49 15.05.2025
Սպիտակ տունը հույս ունի, որ Թրամփ-Պուտին հանդիպումը կկայանա շատ շուտովԱՄՆ վարչակազմը սպասում է, որ շատ շուտով կկայանա ամերիկացի առաջնորդ Դոնալդ Թրամփի և Ռուսաստանի նախագահ Վլադիմիր Պուտինի հանդիպումը։ Այս մասին հայտարարել է Սպիտակ տան Ազգային անվտանգության խորհրդի հակաահաբեկչական հարցերով ավագ տնօրեն Սեբաստիան Գորկան։ «Գործարքները կախված են ժամանակից։ Երբ ժամանակը գա, այդ ժամանակ (խմբ.Միացյալ Նահանգների) նախագահ Դոնալդ Թրամփը կլինի (խմբ.Ռուսաստանի առաջնորդ Վլադիմիր) Պուտինի հետ նույն սենյակում։ […] ...
23:44 15.05.2025
Արագածոտնի մարզում բախվել են «Infiniti»-ն և «Mercedes»-ը․ կա վիրավորՄայիսի 15-ին, ավտովթար է տեղի ունեցել Արագածոտնի մարզում։ Ժամը 16։20-ի սահմաններում Մարգարա-Վանաձոր ավտոճանապարհի 24 կմ հատվածում բախվել են Արագածոտնի մարզի բնակիչ 41-ամյա Դավիթ Ասատրյանի վարած «Mercedes» և Կոտայքի մարզի բնակիչ 20-ամյա Արայիկ Նազարյանի վարած «Infiniti» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 1 հոգի մարմնական վնասվածքներով տեղափոխվել է հիվանդանոց։ Վթարի մասին ՊԾ Արագածոտնի մարզի […] ...
23:37 15.05.2025
Ծիծեռնակաբերդի բարձունքի՝ տարիներ շարունակ անխնամ մնացած տարածքն անտառային գոտու է վերածվելԾիծեռնակաբերդի բարձունքի՝ տարիներ շարունակ անխնամ մնացած ու աղբով պատված, համայնքին պատկանող շուրջ 9 հա տարածքը անտառային գոտու է վերածվել: Այս մասին Ֆեյսբուքի իր էջում գրել Երևանի քաղաքապետ Տիգրան Ավինյանը: «Տարածքում տնկվել է շուրջ 5000 ծառաթփատեսակ: Քաղաքային անտառն ապահովված է ոռոգման համակարգով. նախագծի շրջանակում անցկացվել է 2300 գծմ մայր ոռոգման համակարգ և 1600 մ ոռոգման ցանց»,- […] ...
