17:28 27.12.2019
ՃՈ պետի տեղակալ Արման Չիլինգարյանն այսօր ներկայացրել է հունվարի 1-ից ուժի մեջ մտնող տուգանային միավորների համակարգը, որն այլ կերպ անվանում են Բալային համակարգ:
Այսպիսով, վարորդն ամբողջ տարվա համար ունենալու է 9 բալ ու տարբեր խախտումների ժամանակ տարբեր բալեր է կորցնելու: Մեկ տարվա ընթացքում 9 բալը սպառելու պարագայում վարորդի` տրանսպորտային միջոց վարելու իրավունքը կասեցվում է 6 ամսով: 3 ամիս անց նա կարող է հանձնել տեսական քննություն և վերականգնել վարելու իրավունքը, իսկ եթե չի հանձնում քննություն, ապա 6 ամիս անց առանց քննության է վերականգնվում այդ իրավունքը:
Մեկ տարվա ընթացքում երկրորդ անգամ 9 միավորը սպառելու պարագայում վարորդը զրկվում է տրանսպորտային միջոցներ վարելու իրավունքից՝ մեկ տարի ժամկետով: Այս դեպքում նա միայն մեկ տարի հետո ու ամբողջական քննություն հանձնելու պարագայում կարող է վերականգնել վարելու իրավունքը: Խախտումներն առայժմ արձանագրվելու են միայն տեսանկարահանող սարքերի միջոցով: 2020 թվականի սեպտեմբերից բալային համակարգով վարորդների հետ կաշխատեն նաև ոստիկանական խմբերը:
«ՃՈ ոլորտի մոտ 100 զանցակազմերից կամ իրավախախտումների տեսակներից տուգանային միավորներ նախատեսել են 25-ի համար: Դրանք այն իրավախախտումներն են, որոնցով պայմանավորվում են հատկապես ծանր հետևանքով ճանապարհատրանսպորտային պատահարները կամ նրանք, որոնց հետևանքով ունենում են հապաղումներ, խցանումներ կամ շատ հաճախ՝ փակված երթևեկությամբ փողոցներ»,- ասել է Չիլինգարյանը:
Ըստ ՃՈ պետի տեղակալի՝ ոչ միայն նոր միավորներ են ներդրվել, այլև տուգանքների չափերն են փոփոխության ենթարկվել.
«Սանկցիաներից 7-ը նվազեցվել է ավելի քան 50 տոկոսով, 9-ը՝ 50 տոկոսով և ևս 9-ը՝ 50 տոկոսից մի փոքր պակաս չափով»,- հավելել է Չիլինգարյանը:
Ըստ Չիլինգարյանի՝ որոշակի բալեր վերականգնելու հնարավորություն մշակվել է: Եթե սպառված բալերի մնացորդային նիշը 3-ից պակաս է, վարորդն իրավունք ունի հանձնել տեսական քննություն և իր ունեցած բալերին ավելացնել ևս երկու բալ:
14:24 05.06.2025
Հայտնի է՝ երբ տեղի կունենա ԱՊՀ գագաթնաժողովը
14:16 05.06.2025
Պեսկով. Ռուսաստանը կպատասխանի Ուկրաինայի՝ ռուսական ավիաբազաների վրա hարձակմանըՌուսաստանը կպատասխանի Կիևի կողմից իր օդանավակայանների վրա հարձակմանը, երբ և ինչպես զինվորականները կհամարեն նպատակահարմար։ Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը։ «Ինչպես և երբ մեր զինվորականները կհամարեն նպատակահարմար», – ասել է Կրեմլի ներկայացուցիչը: Ավելի վաղ SHATNEWS.am-ը հայտնել էր, որ հեռախոսով զրուցել են Միացյալ Նահանգների և Ռուսաստանի նախագահները: Զրույցից հետո Դոնալդ Թրամփը […] ...
14:09 05.06.2025
Միշուստինն ԱՊՀ-ին հրավիրել է միանալ ԵԱՏՄ մաքսային տարանցման համաձայնագրինՌուսաստանի վարչապետ Միխայիլ Միշուստինը հրավիրել է ԱՊՀ գործընկերներին միանալ Եվրասիական տնտեսական միության (ԵԱՏՄ) մաքսային տարանցման միասնական համակարգի համաձայնագրին։ Այս մասին հայտնել է RIA Novosti-ին: «Միավորման արտաքին տնտեսական կապերն ամրապնդելու համար ընդունվել է Մաքսային տարանցման միասնական համակարգի մասին համաձայնագիրը։ Այն բաց է բոլոր երկրների համար և թույլ է տալիս միանալ Եվրասիական տնտեսական միության տարածքով անցնող բեռնափոխադրումներին, […] ...
13:57 05.06.2025
Պարզաբանում. Սևանա լճից լրացուցիչ ջրառ չի իրականացվիՀՀ շրջակա միջավայրի նախարարություն հայտարարություն է տարածել. «Կառավարությունն այսօրվա նիստում հաստատել է․ Ոռոգման նպատակով Սևանա լճից 2025 թվականի ոռոգման շրջանում ջրառի չափաքանակը սահմանել մինչև 131.8 մլն մ3՝ ներառյալ ջրօգտագործման թույլտվությամբ սահմանված «Գեղարքունիք» ջրօգտագործողների ընկերության 4.3 մլն մ3 ծավալով ջրառը: Այսինքն, օրենքվ նախատեսված առավելագույն ջրառից 38.2 մլն մ3՝-ով պակաս ջրաքանակ։ Լրատվադաշտում որոշումը մեկնաբանվում է որպես ոռոգման […] ...
13:49 05.06.2025
Առաջիկա օրերի եղանակային կանխատեսումը«Հիդրոօդերևութաբանության և մոնիթորինգի կենտրոն» ՊՈԱԿ-ից հայտնել են, որ Երևանում հունիսի 5-ի ցերեկը, 7-10-ին սպասվում է առանց տեղումների եղանակ։ Հունիս 6-ին կեսօրից հետո հնարավոր է կարճատև անձրև և ամպրոպ, ամպրոպի ժամանակ քամու ուժգնացում՝ 15-18 մ/վ արագությամբ։ Մարզերում հունիսի 5-ի ցերեկը, 8-ին, 9-10-ի գիշերը սպասվում է առանց տեղումների եղանակ։ Հունիսի 6-7-ին գիշերը և կեսօրից հետո, 9- 10-ին […] ...
13:34 05.06.2025
Հայտնաբերվել է թմրամիջոցների իրացման մեղադրանքով հետախուզվող կին․ խափանման միջոցը՝ կալանքՔրեական ոստիկանության Կոտայքի մարզային վարչության ծառայողները, հետախուզվողի թաքնվելու վերաբերյալ ստացված օպերատիվ տվյալներն իրացնելիս, հունիսի 3-ին` ժամը 8.30-ին, Երևանի Օրբելի եղբայրների փողոցի մի բնակարանում հայտնաբերել են Արագածոտնի մարզի բնակիչ 30-ամյա կնոջ: Հունիսի 2-ից նա հետախուզվում էր առանձնապես խոշոր չափերով թմրամիջոցներ ապօրինի իրացնելու մեղադրանքով, խափանման միջոցը՝ կալանք։ Նա ներկայացվել է վարույթն իրականացնող մարմին։ Ծանուցում. Ենթադրյալ հանցանքի մեջ […] ...
