Անգելա Մերկել. երկաթե լեդիի ոճը

Ինչպես արդեն հայտնել ենք, Քրիստոնյա դեմոկրատական կուսակցությունը կիրակի օրը կայացած ընտրություններում առավելագույն ձայներ է հավաքել, եւ Անգելա Մերկելը արդեն չորրորդ անգամ զբաղեցնելու է Գերմանիայի կանցլեր: ShantNews-ը որոշել է  անդրադառնալ աշխարհի ամենահայտնի կին քաղաքական գործչի ոճին: Անգելա Մերկելի ոճը power dressing-ի վառ օրինակներից մեկն է: Եթե փորձենք բառացի մեկանաբանել այս ոճը, ապա այն կանվանենք հագուստ, որը նախատեսված է ղեկավարելու համար: Սա բոլոր երկաթե տիկինների ոճն է՝ քաղաքական գործիչներ, բիզնես լեդիներ, առաջին տիկիններ: Իսկ ինչո՞վ է պայամանվորված այս ոճի ընտրությունը: Իհարկե  բոլորը միաբերան պնդում են, որ աշխարհում գենդերային հարցերի հակասությունների պատճառով: Այն  կանայք, որոնք զբաղեցնում են լուրջ պաշտոններ հենց այս ոճով են հանդես գալիս, որպեսզի իրենց ենթակայության տակ աշխատող տղամարդկանց հետ ավելի հեշտ լեզու գտնեն:

1970թ

1989թ

1990թ

Իսկ ինչ վերաբերում է Անգելա Մերկելին, ապա նա power dressing ոճը նախքան կանցլեր դառնալն էր նախընտրում: Ինչպես փաստում են  աղբյուրները, նրա նման պահվածքը պայմանավորված է նրա դաստիարակությամբ: Մերկելը մեծացել է շատ համեստ ընտանիքում: Հայրը Լյութերական եկեղեցու քահանա է եղել, իսկ մայրը՝ օտար լեզվի ուսուցչուհի: Երիտասարդ տարիքում Մերկելը ընդունվել է համալսարանի ֆիզիկայի ֆակուլտետը, որտեղ ինչպես և ենթադրելի էր հագուստին և ոճին առանձնապես ուշադրություն չեն դարձել: Իսկ քաղաքական ասպարեզում իր գործունեությունը Մերկելը սկսել է 1990 թվականից: Ընդամենը 15 տարի, որից 12-ը նա եղել է Գերմանիայի կանցլերի պաշտոնում և առաջիկա 4 տարիներին էլ պատրաստվում է ղեկավարել Եվրոպայի սրտում գտնվող հաջողակ պետություններից մեկը: Նրա կառավարման ընթացքում Գերմանիան կայուն զարգացման ուղին է բռնել և որպես ղեկավար նա հայտնի է իր հետևողական և շատ հաճախ հակասական դիրքորոշումներով: Այդ թվում նաև նրա հագուստը շատերն են քննարկում և համարում են կանխատեսելի, հոգնեցնող և կրկնվող: Նա հիմնականում նախըտրում է նույն ոճի, բայց տարբեր գույների կոստյումներ: Բոլոր հանդիպումներին նա գնում է կլասիկ տաբատով, շատ հասարակ բլուզով և փոքր ինչ երկար կոստյումանման ժակետով: Կանցլերի նախընտրելի գույներն են սևը, մուգ կապույտը, կարմիրի երանգները և կանաչը՝ բաց կանաչից սկած մինչև մուգ նեֆրիտ: Եվ նրա բոլոր կոստյումները կարում է նրա անձնական դերձակը՝ Բետիննա Շենբախը:

Գերմանիայի կանցլերին զգեստով հազարից մեկ կարելի է տեսնել, ավելի կոնկրետ նա այս ամբողջ ընթացքում 3 անգամ է զգեստ հագել՝ 1996, 2002 և 2008 թվականներին: Հենց 2008-ին Օսլոյի օպերայի բացմանը նա ներկաներին զարմացրեց իր համարձակ զգեստով, որը  շատ ընդգծված դեկոլտե ուներ: Այս զգեստը դարձավ քննարկումների և մեմերի թեմա:

2008թ Օսլոյի Օպերայի բացմանը

Հատկանշական է, որ Մերկելը ընդհանրապես չի մտահոգվում այս թեմայով և անգամ ուշադրություն չի դարձնում նորաձևության գիտակների կարծիքների վրա:

Մի անգամ Շանել նորաձևության տան ղեկավար Կառլ Լագերֆելդը նրան դիտողություն է արել, իր կազմվածքին ոչ հատուկ տաբատներ կրելու համար, բայց Անգելա Մերկելը մի որոշ ժամանակ անց այդ նույն տաբատով գնացել է G20-ի գագթնաժողովին: