11:43 30.03.2020
ԱԺ-ն այսօր արտահերթ նիստ է անցկացնում, որը նախաձեռնել է կառավարությունը և առաջարկել քննարկել 4 հարց:
Դրանցից երեքը կառավարությունն առաջարկել է քննարկել հատուկ ռեժիմով, այսինքն` երկրորդ ընթերցումը կազմակերպել առաջին ընթերցմամբ ընդունվելուց 24 ժավա ընթացքում:
Նախագծերը ներկայացրել է արդարադատության նախարար Ռուստամ Բադասյանը:
Ըստ այդմ` օրակարգում ընդգրկված է 4 հարց:
Օրակարգի առաջին հարցը նախատեսում է փոփոխություն «Արտակարգ դրության իրավական ռեժիմի մասին» և «Էլեկտրոնային հաղորդակցության մասին» ՀՀ օրենքներում:
«Հաշվի առնելով կորոնավիրուսի պանդեմիայի տարածման տեմպերը` անհրաժեշտություն է առաջացել ժամանակակից տեխնոլոգիաներով միջոցառումներ իրականացնել, ստեղծվել է փորձագետների հատուկ խումբ, որը մշակել է կանխարգելման ամենաարդյունավետ միջոցները, ուսումնասիրել այլ երկրների առաջատար փորձն այս ոլորտում։ Այս ամենը հաշվի առնելով՝ մշակվել է այս նախագիծը: Առաջարկվում է օպերատիվ կերպով ներդնել թվային տեխնոլոգիաների միջոցով համաճարակի կանխարգելման նոր մեխանիզմ»,-ներկայացրել է Ռուստամ Բադասյանը:
Օրակարգի երկրորդ հարցը վերաբերում է «Բնակչության բժշկական օգնության և սպասարկման մասին» օրենքում փոփոխություն կատարելուն:
«ՀՀ-ում գործող ախտաբանաանատոմիական ծառայություններ մատուցող կազմակերպությունները չունեն կորոնավիրուսային հիվանդության հետևանքով մահացած անձանց հերձում իրականացնելու համար անհրաժեշտ պայմաններ և չեն բավարարում դրա համար նախատեսված միջին պայմանները։ Հերձման արդյունքում կարող են առաջացնել վարակի անդառնալի հետևանքներ, ինչպես նաև վարակելիության հետևանքն ամբողջությամբ բացահայտված չէ, բացահայտված չէ դիակի մեջ կորոնավիրուսային հիվանդության ապրելիության ժամանակահատվածը, անհրաժեշտ է կորոնավիրուսային հիվանդության հետևանքով անձի մահվան դեպքում չիրականացնել հերձում»,-նկարագրել է նախարարը:
Երրորդ հարցի բովանդակությունը չի վերաբերում կորոնավիրուսի համաճարակին, և այն միակ հարցն է, որը չի առաջարկվում քննարկել հատուկ ռեժիմով: 2019 թ հոկտեմբերի 19-ին ՀՀ կառավարության և Վերակառուցման ու զարգացման բանկի միջև կենսական նշանակության ծրագրի երկրորդ ֆինանսավորման նպատակով ստորագրվել է կենսական նշանակության ճանապարհի վարկային համաձայնագիրը, որի համաձայն՝ ուժի մեջ մտնելու վերջնաժամկետը 180 օր է, որը լրանում է ապրիլի 7-ին:
Օրակարգի չորրորդ հարցով առաջարկվում է լրացումներ կատարել «Բաժնետիրական ընկերությունների մասին» և մի շարք այլ օրենքներում և բաժնետիրական ընկերություններին հնարավորություն տալ հեռակա տարեկան ժողովներ անցկացնել և իրականացնել հեռակա քվեարկություն:
16:00 15.07.2025
Ալեքսանդրա Քոուլը նշանակվել է Հայաստանում Միացյալ Թագավորության դեսպանԱլեքսանդրա Քոուլը նշանակվել է Հայաստանում Մեծ Բրիտանիայի և Հյուսիսային Իռլանդիայի Միացյալ Թագավորության դեսպան: Նա կփոխարինի Ջոն Գալագերին: Քոուլն իր լիազորությունների կատարմանը կանցնի 2025 թվականի սեպտեմբերին: Նախկինում Քոուլն աշխատել է Թբիլիսիում, Դոհայում, Թեհրանում: ...
15:41 15.07.2025
Օգոստոսի 1-ից հասարակական տրանսպորտի միասնական տոմսային համակարգը շարունակելու է գործել 3 նորարար վճարման տարբերակովԵրևանում օգոստոսի 1-ից հասարակական տրանսպորտի միասնական, ժամանակակից տոմսային համակարգը շարունակելու է գործել 3 նորարար վճարման տարբերակով. ▫️տրանսպորտային քարտ ▫️անհպում բանկային քարտ (բացի ՎՏԲ-ից) ▫️բջջային հավելված ...
15:25 15.07.2025
Նոր Զելանդիայի ափերի մոտ երկրաշարժ է տեղի ունեցելԱՄՆ երկրաբանական ծառայությունը (USGS) հայտնում է, որ Նոր Զելանդիայի հյուսիսային ափերի մոտ տեղի է ունեցել 5.7 մագնիտուդով երկրաշարժ։ Երկրաշարժը գրանցվել է UTC-ի ժամանակով ժամը 9:54-ին՝ Օքլենդ խոշոր քաղաքից մոտ հազար կիլոմետր հյուսիս-արևելք, որտեղ բնակվում է 11,800 մարդ։ Էպիկենտրոնը գտնվել է 10 կիլոմետր խորության վրա։ Զոհերի կամ ավերածությունների մասին տեղեկություններ չկան։ ...
15:04 15.07.2025
Հայտնաբերվել է 421 ոչ սթափ վարորդ․ պարեկների անցած շաբաթվա ծառայության արդյունքներըՀուլիսի 7-ից 14-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 4211 խախտում՝ պահպանվող հատուկ տարածք տեղափոխելով 154 ավտոմեքենա։ Մասնավորապես, հայտնաբերվել է ոչ սթափ 183 վարորդ, առանց վարորդական իրավունքի վկայականի՝ 249 անձ։ Հայտնաբերվել է հաշվառման համարանիշի հետ կապված՝ 20, չամրակապված վարելու՝ 853, առանց մանկական նստատեղի՝ քարսիթի՝ 21, վարելու ընթացքում ծխելու՝ 333, վարելիս […] ...
14:43 15.07.2025
ՆԳՆ-ն պարզել է շանը մեքենային կապած վարորդի ինքնությունըՀամացանցում տեսանյութ էր տարածվել, թե ինչպես է մի տղամարդ շանը կապած մեքենային վարում՝ կենդանու նկատմամբ ցուցաբերելով դաժան վերաբերմունք։ Համայնքային ոստիկանության Կոտայքի բաժնի ծառայողները պարզել են վարորդի ինքնությունը։ Բյուրեղավանի 62-ամյա բնակիչը հայտնաբերվել, ձերբակալվել և մեքենայով հանդերձ տեղափոխվել է ՆԳՆ ոստիկանություն։ Հիշեցնենք, որ կենդանիների նկատմամբ դաժան վերաբերմունքը քրեորեն դատապարտելի արարք է և յուրաքանչյուր դեպք առաջացնելու է իրավական […] ...
14:35 15.07.2025
Ռյաբկովը հայտարարել է, որ Ռուսաստանը պատրաստ է բանակցել Ուկրաինայի ճգնաժամի կարգավորման շուրջՈւկրաինայում հակամարտության կարգավորման դիվանագիտական ուղին նախընտրելի է ռուսական կողմի համար. Մոսկվան պատրաստ է բանակցություններ վարել։ Այս մասին ՏԱՍՍ-ին հայտնել է Ռուսաստանի Դաշնության փոխարտգործնախարար Սերգեյ Ռյաբկովը՝ մեկնաբանելով ԱՄՆ նախագահ Դոնալդ Թրամփի վերջին հայտարարությունները ուկրաինական կարգավորման վերաբերյալ։ «Մենք պետք է կենտրոնանանք քաղաքական և դիվանագիտական աշխատանքի վրա։ Ռուսաստանի Դաշնության նախագահը բազմիցս ասել է, որ մենք պատրաստ ենք բանակցել, […] ...
