Համաձայն նոր օրինագծի՝ սանիտարահամաճարակային կանոնների խախտողներին սպառնում է տուգանք՝ 500 հազարից մինչև մեկ միլիոն ռուբլի, կամ մասնագիտական իրավունքից զրկում մինչև երեք տարի ժամկետով, կամ նույն ժամկետով ազատազրկում:
Եթե խախտումը հանգեցրել է մարդու մահվան կամ ստեղծել մարդկանց զանգվածային հիվանդության սպառնալիք, ապա նախատեսվում է պատիժ՝ 1-2 միլիոն ռուբլու տուգանք, մինչև 5 տարով մասնագիտության իրավունքից զրկում կամ 5 տարով ազատազրկում:
Երկու կամ ավելի անձանց մահվան դեպքում ազատազրկման առավելագույն ժամկետը կավելանա մինչև 7 տարի:
Դիտավորյալ խախտումը, որը հանգեցրել է մահվան, որակվելու է որպես ահաբեկչություն, խուլիգանություն կամ դիվերսիա և պատժվելու է Քրեական օրենսգրքի համապատասխան հոդվածներով:
Նշվում է, որ ծանր հանցագործությունների հետաքննությամբ զբաղվելու է Քննչական կոմիտեն, իսկ ավելի թեթևներով՝ ոստիկանությունը:
