17:36 15.05.2020
Պարետի որոշմամբ՝ մայիսի 18-ից կվերագործարկվի հանրային տրանսպորտը։ Այս որոշումը կայացվել է հանրային տրանսպորտում վարորդների և ուղևորների կողմից որոշակի կանոններ պահելու պարտադրանքով։ Մասնավորապես, պարտադիր է դառնում տրանսպորտում ուղևորների և վարորդների դիմակ կրելը, ախտահանիչ լուծույթների առկայությունը և տրանսպորտային միջոցի օրական երկու անգամ պարտադիր ախտահանումը։
Գյումրիի հանրային տրանսպորտը սպասարկող ընկերություններին համապատասխան հանձնարարականներ են տրվել։ Նրանք պետք է մինչև մայիսի 18-ը պայմանագրեր կնքեն ախտահանման ծառայություն մատուցող ընկերությունների հետ։ Սպասարկող ընկերությունների, վարորդների և ուղևորների պարտականությունները, որոնք գործելու են արտակարգ դրության ընթացքում, ներկայացրել է Գյումրիի քաղաքապետարանի տրանսպորտի բաժնի պետ Արտյոմ Սարգսյանը:
«Սպասարկող ընկերությունները պետք է նշանակեն հատուկ մարդ, որը պետք է պատասխանատվություն կրի ամբողջ պրոցեսի՝ մեքենաների ախտահանման, վարորդների դիմակ և ձեռնոց կրելու համար։ Նաև յուրաքանչյուր մեքենայի մեջ՝ ավտոբուս, թե միկրոավտոբուս, պարտադիր պետք է լինի մուտքի մոտ հատուկ տարա՝ լցված ալկոգելով, որպեսզի ուղևորները բարձրանալուց, իջնելուց ախտահանեն ձեռքերը։
Մյուս կարևոր պայմանը, որ պետք է լինի հատուկ գրանցամատյան, որտեղ պետք է գրանցումներ կատարեն բժիշկները։ Ամեն առավոտ պետք է կատարեն վարորդների ջերմաչափում, իսկ ուղևորները մայիսի 18-ից պետք է հանրային տրանսպորտից օգտվեն բացառապես դիմակներով։
Հորդորում ենք նաև ուղևորներին իրենց մոտ ունենալ մետաղադրամներ։ Սա արվում է նրա համար, որպեսզի շփումը փողի հետ հնարավորինս նվազեցվի։ Ավտոբուսներում և միկրոավտոբուսներում տեղադրված կլինեն հատուկ արկղեր, որտեղ ուղևորները կդնեն 100 դրամանոց մետաղադրամները և կիջնեն»,- ասել է Գյումրիի քաղաքապետարանի տրանսպորտի բաժնի պետը:
Նա նաև նշել է, որ հանրային տրանսպորտը Գյումրիում աշխատանքը կվերսկսի ուղևորների քանակի որոշակի սահմանափակումներով։
Միկրոավտոբուսներում և ավտոբուսներում թույլատրելի է միայն նստատեղերի քանակով ուղևորների առկայությունը։ Կանգնած ուղևորների տեղափոխումը բացառելու պահանջը վերահսկելու են քաղաքապետարանի տրանսպորտի բաժինը և ճանապարհային ոստիկանությունը։
Գյումրիում որոշ միկրոավտոբուսային երթուղիների ուղեգծերի փոփոխություններ են տեղի ունենալու։ Խոսքը թիվ 14 և թիվ 18 միկրոավտոբուսային երթուղիների մասին է, որոնց շահագործման համար մրցույթ չի հայտարարվել։ Այս երթուղիները ժամանակավորապես կսպասարկեն այլ միկրոավտոբուսային երթուղիներ, մինչև նոր մրցույթների անցկացումը։
23:26 03.05.2025
Երևանում «Volkswagen ID.4»-ը բախվել է կայանված «BMW»-ին
00:00 04.05.2025
Տիգրան Սողոմոնյանը «Sardinia World Chess Festival 2025» շախմատի միջազգային մրցաշարի B խմբի հաղթողՏիգրան Սողոմոնյանը դարձավ Իտալիայում անցկացված «Sardinia World Chess Festival 2025» շախմատի միջազգային մրցաշարի B խմբի հաղթող։ Այս մասին հայտնել են Հայաստանի շախմատի ֆեդերացիայից։ Տիգրանը 9 հնարավորից վաստակեց 7.5 միավոր և 188 կետով բարելավեց իր միջազգային վարկանիշը: ...
23:51 03.05.2025
Գեղարքունիքի և Կոտայքի մարզերի մի շարք հասցեներում ջուր չի լինի«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված՝ ս.թ. մայիսի 5-ին՝ ժամը 08:00-ից մինչև մայիսի 6-ը՝ ժամը 08:00-ն, կդադարեցվի՝ Գեղարքունիքի մարզի Սևանի քաղաքի, Գագարինավան, Վարսեր գյուղերի, ինչպես նաևԿոտայքի մարզի Ջրառատ գյուղի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
23:45 03.05.2025
Երևանում «КамАЗ»-ը բախվել է գազատար խողովակներին, ինչի հետևանքով սկսվել է գազի արտահոսքՄայիսի 3-ին, արտակարգ դեպք է տեղի ունեցել Երևանում։ Ժամը 16։50-ի սահմաններում Սուրեն Սաֆարյան և Շոպրոն փողոցների խաչմերուկում «КамАЗ» մակնիշի բեռնատարը բախվել է գազատար խողովակներին։ Ինչպես հայտնում է shamshyan.com-ը, բախման հետևանքով տուժածներ չկան, սակայն գազախողովակները վնասվել են և սկսվել է գազի արտահոսք։ Դեպքի վայր են ժամանել ՀՀ ներքին գործերի նախարարության փրկարար ծառայության Երևանի հրշեջ -փրկարարական ջոկատից՝ […] ...
23:39 03.05.2025
Telegram-ում ավելացվել է նոր գործառույթՊավել Դուրովը հայտարարել է Telegram-ում նոր գործառույթի՝ խմբային զանգերի գործարկման մասին, որի կարող է միանալ մինչև 200 մասնակից։ Այս մասին նա գրել է իր Telegram ալիքում։ «Telegram-ի վերջին թարմացումը կներդնի ուլտրա անվտանգ խմբային զանգեր։ Դրանք պաշտպանված են ոչ միայն բաժանորդների կոդավորմամբ, այլև բլոկչեյնանման տեխնոլոգիայով՝ ապահովելու համար, որ ոչ ոք չկարողանա գաղտնի կերպով միանալ դրանց», – […] ...
23:26 03.05.2025
Երևանում «Volkswagen ID.4»-ը բախվել է կայանված «BMW»-ինՄայիսի 3-ին, արտակարգ դեպք է տեղի ունեցել Երևանում: Ժամը 13:50-ի սահմաններում «Volkswagen ID.4» մակնիշի ավտոմեքենան, ըստ նախնական տեղեկությունների, տեխնիկական անսարքության պատճառով Պարույր Սևակի փողոցում բախվել է ճանապարհի թույլատրելի հատվածում կայանված «BMW» մակնիշի ավտոմեքենային, ապա անցել երթևեկելի 2 գոտիով, բախվել մեկ այլ կայանված ավտոմեքենայի, անցել բազալտե եզրաքարի վրայով, հայտնվել հետիոտնի համար նախատեսված մայթին և բախվել քարե […] ...
23:09 03.05.2025
Finnair-ը Հելսինկիում գործադուլի պատճառով չեղարկել է գրեթե 100 չվերթFinnair -ը հայտարարել է մոտ 100 չվերթի չեղարկման մասին՝ Ֆինլանդիայի ավիացիոն միության կողմից մայիսի 5-ին նախատեսված գործադուլի պատճառով։ Այս մասին հաղորդում է kommersant.ru-ն։ Ընկերության ներկայացուցիչների խոսքով՝ սպասվում են թռիչքների ժամանակացույցի զգալի փոփոխություններ։ Հելսինկիում գործադուլը կտևի չորս ժամ և կընթանա հերթափոխով։ Finnair-ը հայտարարել է, որ 7500 ուղևորի տեղեկացրել է այլընտրանքային երթուղիների մասին։ Բացի այդ, գործադուլը կարող […] ...
