23:23 15.06.2020
ԱՄՆ-ի «Գիտությունների ազգային ակադեմիայի տեղեկագիր» հանդեսում լույս տեսած նոր ուսումնասիրության համաձայն՝ կորոնավիրուսի տարածումը նվազեցնելուն ուղղված բոլոր ռազմավարությունների շարքում վիրուսի տարածումը կանխորոշող հիմնական փոփոխականը դեմքը ծածկող դիմակներն են։ Այս մասին հաղորդում է Forbes-ը։
Ամերիկյան մի շարք համալսարանների գիտնականներից կազմված խումբն ուսումնասիրել է վիրուսի մեղմմանն ուղղված մի շարք միջոցներ, որոնք ձեռնարկվել են բռնկման 3 գլխավոր օջախներում՝ Ուհանում, Իտալիայում և Նյու Յորքում՝ 2020թ.-ի հունվարի 23-ից մինչև մայիսի 9-ն ընկած ժամանակահատվածում։
Խումբը նաև ուսումնասիրել է նոր դեպքերի թիվը ներկայացնող կորերը և դրանց փոփոխությունը յուրաքանչյուր միջոցառում ձեռնարկելուց հետո։ Օրինակ՝ Նյու Յորքում տանը մնալու և սոցիալական հեռավորությունը պահպանելու պահանջները շատ բան չեն փոխել. կորը սկսել է փոխվել միայն այն բանից հետո, երբ պարտադիր են դարձել դիմակները։ Գիտնականները դա համեմատում են ԱՄՆ-ի մնացած հատվածի հետ, որտեղ դիմակ կրելը չի պարտադրվել։
Ուհանում վիրուսին արձագանքը ոչ միայն արագ էր, այլև միաժամանակ պարտադիր դարձան մի շարք միջոցառումներ՝ սոցիալական հեռավորություն, կարանտինային միջոցառումներ և դիմակ։
«Համավարակին արձագանքը հիմնականում դանդաղ էր արևմտյան աշխարհում, իսկ միջամտող միջոցառումների պարտադրումը տեղի էր ունենում հաջորդաբար»,- նշում են գիտնականները։
Խումբը նաև ուսումնասիրել է վիրուսի տարածման ուղիները, տարածման արագությունը, նշված աշխարհագրական տարածքներում եղանակային պայմանները և եկել է այն եզրակացության, որ օդակաթիլային ճանապարհով փոխանցումը COVID-19-ի տարածման հիմնական եղանակն է։
Ուսումնասիրության հեղինակները նշում են, որ դիմակի օգտագործման շնորհիվ՝ վիրուսի կաթիլները հազալիս ոչ միայն չեն հասնում չվարակված մարդկանց, այլև չվարակված մարդիկ անմիջապես չեն շնչում այն կաթիլները, որ հիվանդներն արձակում են խոսելիս և որոնք կարող են մթնոլորտում մնալ տասնյակ րոպեներ և անցնել մի քանի մետր տարածություն։
Հետազոտության արդյունքում նաև պարզվել է, որ Նյու Յորքում մեկ ամսվա ընթացքում դիմակ կրելու շնորհիվ հնարավոր է եղել կանխել շուրջ 66 հազար վարակի դեպք, Իտալիայում՝ 78 հազար։
«Այս մատչելի միջոցը, սոցիալական հեռավորության պահպանման և այլ գործողությունների համադրությամբ, ամենահավանական եղանակն է կորոնավիրուսի համավարակը կանգնեցնելու համար»,- եզրակացրել են ուսումնասիրության հեղինակները։
23:59 15.05.2025
Երևանի հեռուստաաշտարակը նոր լուսավորման համակարգ կունենա. ԲՏԱ նախարարՀՀ ԲՏԱ նախարար Մխիթար Հայրապետյանը Ֆեյսբուքի իր էջում գրել է, որ Երևանի հեռուստաաշտարակը նոր լուսավորման համակարգ կունենա: «Երևանի հեռուստաաշտարակի արդիականացման ծրագրի նպատակն է փոխարինել հեռուստաաշտարակի գեղազարդ լուսավորման համակարգը՝ ներդնելով ժամանակակից, բազմաֆունկցիոնալ և գեղագիտական բարձր արժեք ունեցող նոր լուսային լուծումներ, ինչը ոչ միայն կընդգծի մայրաքաղաքի ճարտարապետական ինքնատիպությունը, այլև զգալիորեն կբարձրացնի տուրիստական գրավչությունը»,- գրել է նա։ ...
23:57 15.05.2025
Մերց. Ռուսաստանի դեմ նոր պատժամիջոցների փաթեթը պատրաստ է և կընդունվի մայիսի 20-ինԳերմանիայի կանցլեր Ֆրիդրիխ Մերցը հայտարարել է, որ Ռուսաստանի դեմ պատժամիջոցների նոր փաթեթը պատրաստ է և կընդունվի Բրյուսելում մայիսի 20-ին։ «Այս (խմբ.պատժամիջոցների) փաթեթը պատրաստ է և կընդունվի հաջորդ երեքշաբթի Բրյուսելում։ Խորհրդակցություններն ավարտվել են», – ասել է Մերցը ZDF հեռուստաընկերության եթերում: Միաժամանակ, Գերմանիայի կառավարության ղեկավարը նշել է, որ պատժամիջոցները ուժի մեջ կմտնեն անմիջապես։ «Դրանք (խմբ.սահմանափակումները) պատրաստ են, […] ...
23:54 15.05.2025
TASS. Թուրքիայի, Ռուսաստանի և Ուկրաինայի եռակողմ հանդիպումը նախատեսված է մայիսի 16-ին ՍտամբուլումԹուրքիայի, Ռուսաստանի և Ուկրաինայի ներկայացուցիչների եռակողմ հանդիպումը նախատեսված է ուրբաթ օրը Ստամբուլում։ Այս մասին TASS-ին հայտնել է Թուրքիայի արտաքին գործերի նախարարության աղբյուրը։ «Վաղը կկայանան հանդիպումների ևս մի շարք՝ տարբեր ձևաչափերով։ Դրանք են՝ ԱՄՆ-ն, Ուկրաինան, Թուրքիան։ Օրակարգում են նաև Ռուսաստանի Դաշնության, Ուկրաինայի և Թուրքիայի միջև եռակողմ բանակցությունները», – ասել է աղբյուրը: Նշվում է, որ «դեռևս հայտնի […] ...
23:49 15.05.2025
Սպիտակ տունը հույս ունի, որ Թրամփ-Պուտին հանդիպումը կկայանա շատ շուտովԱՄՆ վարչակազմը սպասում է, որ շատ շուտով կկայանա ամերիկացի առաջնորդ Դոնալդ Թրամփի և Ռուսաստանի նախագահ Վլադիմիր Պուտինի հանդիպումը։ Այս մասին հայտարարել է Սպիտակ տան Ազգային անվտանգության խորհրդի հակաահաբեկչական հարցերով ավագ տնօրեն Սեբաստիան Գորկան։ «Գործարքները կախված են ժամանակից։ Երբ ժամանակը գա, այդ ժամանակ (խմբ.Միացյալ Նահանգների) նախագահ Դոնալդ Թրամփը կլինի (խմբ.Ռուսաստանի առաջնորդ Վլադիմիր) Պուտինի հետ նույն սենյակում։ […] ...
23:44 15.05.2025
Արագածոտնի մարզում բախվել են «Infiniti»-ն և «Mercedes»-ը․ կա վիրավորՄայիսի 15-ին, ավտովթար է տեղի ունեցել Արագածոտնի մարզում։ Ժամը 16։20-ի սահմաններում Մարգարա-Վանաձոր ավտոճանապարհի 24 կմ հատվածում բախվել են Արագածոտնի մարզի բնակիչ 41-ամյա Դավիթ Ասատրյանի վարած «Mercedes» և Կոտայքի մարզի բնակիչ 20-ամյա Արայիկ Նազարյանի վարած «Infiniti» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 1 հոգի մարմնական վնասվածքներով տեղափոխվել է հիվանդանոց։ Վթարի մասին ՊԾ Արագածոտնի մարզի […] ...
23:37 15.05.2025
Ծիծեռնակաբերդի բարձունքի՝ տարիներ շարունակ անխնամ մնացած տարածքն անտառային գոտու է վերածվելԾիծեռնակաբերդի բարձունքի՝ տարիներ շարունակ անխնամ մնացած ու աղբով պատված, համայնքին պատկանող շուրջ 9 հա տարածքը անտառային գոտու է վերածվել: Այս մասին Ֆեյսբուքի իր էջում գրել Երևանի քաղաքապետ Տիգրան Ավինյանը: «Տարածքում տնկվել է շուրջ 5000 ծառաթփատեսակ: Քաղաքային անտառն ապահովված է ոռոգման համակարգով. նախագծի շրջանակում անցկացվել է 2300 գծմ մայր ոռոգման համակարգ և 1600 մ ոռոգման ցանց»,- […] ...
