18:42 12.08.2020
Դեպի Ռուսաստան ուղևորափոխադրումներ իրականացնող գյումրեցի անհատ վարորդները 5 ամիս է անգործ են: Ուղևորափոխադրումների համար հայ-վրացական սահմանը փակ է և փակ կմնա առնվազն մինչև արտակարգ դրության ավարտը: Հարկադիր պարապուրդում հայտնվելու պատճառով սոցիալական լուրջ խնդիրների մասին այսօր բարձրաձայնել են ուղևորափոխադրումներ իրականացնող վարորդները: Որևէ կազմակերպության հետ պայմանագիր չունեն, աշխատել են անհատապես, բայց անհատ ձեռներեցի կարգավիճակ էլ չունեն: Հիմա հայտնվել են անելանելի վիճակում:
«Շաբաթական մեկ անգամ կամ ամիսը երեք անգամ ուղևորափոխադրումներ էինք կատարում Ռուսաստան: Հիմնականում գնում էինք Կրասնոդարի երկրամաս՝ Գելենջիկ, Սոչի, Սլավյանսկ: Որևէ ընկերության հետ պայմանագրային հարաբերություններ չունենք: Ընտանիքների էինք տեղափոխում Ռուսաստան, հարսանիքների մասնակցելու կամ այլ միջոցառումների: Հայաստանի տարածքում էլ տարբեր հանգստյան գոտիներ էինք տանում: Հիմա զբոսաշրջիկներ էլ չկան: Ուզում ենք իմանալ, թե ինչպես ենք յոլա գնալու: Կամ մեզ աշխատանքով ապահովեն կամ սահմանները բացեն ու թույլ տան, որ կատարենք մեր աշխատանքը»,- shantnews-ին ասել են վարորդները:
Կորոնավիրուսի հետևանքով տուժած ոլորտների պետական աջակցության ծրագրերից ևս չեն կարող օգտվել։ Վարորդներն այսօր հավաքվել են Շիրակի մարզպետարանի դիմաց և պահանջել են հստակ ժամկետներ նշել, թե երբ ՀՀ-ը սահմանը կբացի ուղևորափոխադրումների համար: Թե մեկ, թե մյուս հարցի լուծումը մարզպետարանի իրավասության շրջանակում չէ: Այս մասին վարորդների հետ հանդիպման ընթացքում ասել է Շիրակի մարզպետի խորհրդական Տիգրան Մինասյանը:
«Արտակարգ դրությունը ևս մեկ ամսով երկարացվել է: Այստեղ հարցը երկու պետությունների միջև է: Միայն ՀՀ կառավարությունից չէ, որ կախված է: Դուք անցնելու եք Վրաստանով: Հետևաբար, Վրաստանի դիրքորոշման խնդիրն է նաև: Այս հարցերի լուծումը որքանով է մեր տիրույթում, ես կփոխանցեմ Շիրակի մարզպետին»,- վարորդների հետ հանդիպմանն ասել է Շիրակի մարզպետի խորհրդական Տիգրան Մինասյանը:
Նշենք, որ համավարակով պայմանավորված, Շիրակի մարզպետարանը հաշվառել էր մարզում արտագնա աշխատանքի չմեկնած շինարարներին: Նրանց տվյալները փոխանցվել են Շիրակի մարզում աշխատող շինընկերություններին:
15:36 03.05.2025
Քարկոփում տեղադրվել է ժամանակավոր ավտոմոբիլային նշանակության մետաղական կամուրջՔարկոփ բնակավայրում ևս տեղադրվել է ժամանակավոր ավտոմոբիլային նշանակության մետաղական կամուրջ: Այս մասին ֆեյսբուքյան իր էջում տեղեկացրել է վարչապետ Նիկոլ Փաշինյանը և տեսանյութ հրապարակել: ...
15:24 03.05.2025
Հրդեհ Սևան քաղաքումՄայիսի 3-ին` ժամը 11:38-ին, Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սևան քաղաքի Ցամաքաբերդ թաղամասի Ազատության փողոցում այրվում է տուն։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Հրդեհը մեկուսացվել Է ժամը 11։57-ին, մարվել` 12։27-ին։ Ցամաքաբերդ թաղամասի Ազատության փողոցի տներից մեկի բակում այրվել է հացատուն […] ...
15:12 03.05.2025
Մաքուր բնությունը սկսվում է յուրաքանչյուրիս փոքր քայլից. Շրջակա միջավայրի նախարարությունՇրջակա միջավայրի նախարարության աշխատակազմը, ինչպես նաև նախարարության ենթակա պետական ոչ առևտրային կազմակերպությունների ներկայացուցիչները նախարար Հակոբ Սիմիդյանի գլխավորությամբ միացել են համապետական շաբաթօրյակին` նախարարության «Հայանտառ» ՊՈԱԿ-ի` անտառածածկ տարածքների մաքրապատման նախաձեռնությամբ: Նախարարության թիմը մաքրման աշխատանքներ է իրականացրել Երևան-Սևան մայրուղու հարակից անտառածածկ հատվածներում, որտեղ մաքրվել են ծառուղիները, մուտքուղիները և հավաքվել են բնության գիրկը նետված կենցաղային թափոնները։ Շաբաթօրյակի ընթացքում հավաքվել […] ...
14:51 03.05.2025
Համապետական շաբաթօրյակին մասնակցել է ՀՀ ԱԺ աշխատակազմըՀՀ Ազգային ժողովի աշխատակազմի ղեկավար-գլխավոր քարտուղար Դավիթ Առաքելյանի գլխավորությամբ աշխատակազմի տարբեր ստորաբաժանումների աշխատակիցներ մասնակցել են մայիսի 3-ին կազմակերպված համապետական շաբաթօրյակին: Մայրաքաղաքի Կոմիտասի անվան զբոսայգում իրականացվել են մաքրման, հողի փխրեցման, խոտածածկ տարածքների բարեկարգման աշխատանքներ: ...
14:37 03.05.2025
Կառուցվել է Մ-6-ն Ախթալայի հետ կապող պողպատե կառուցվածքով ժամանակավոր 2-րդ կամուրջը. վարչապետԿառուցվել է Մ-6-ն Ախթալայի հետ կապող պողպատե կառուցվածքով ժամանակավոր 2-րդ կամուրջը: Դրանով լուծվել է նաև բեռնատար տրանսպորտային միջոցներով երթևեկության հարցը: Այս մասին ֆեյսբուքյան իր էջում տեղեկացրել է վարչապետ Նիկոլ Փաշինյանը և տեսանյութ հրապարակել: ...
