Գյումրիում մոտ 200 նախկին տնակների տարածքում կառուցված տներ են սեփականաշնորհվել – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
29 03 2024
  • $
    394.46
  • RUBLE
    4.27
  • 425.62
WEATHER
+16.09 oC

Գյումրիում մոտ 200 նախկին տնակների տարածքում կառուցված տներ են սեփականաշնորհվել

19:30 25.08.2020

Այն ժամանակավոր կացարանները, որոնք տարիների ընթացքում քարապատվել են ու դարձել սեփական տներ, կարող են սեփականաշնորհվել: Տարիներ առաջ քաղաքապետարանը նման որոշում կայացրեց, որի արդյունքում մոտ 200 նախկին տնակ օրինականացվել է և բնակիչները այլևս բնակարանային պարտք ու պահանջ չունեն: 1988-ից հետո տեղադրված շատ տնակներ են քարաշեն դարձել: Դրանց օրինականացումը ժամանակատար և թղթատար գործընթաց է, որը սակայն ոչ միշտ է, որ ավարտվում է հօգուտ բնակչի: Խոսքը մասնավորապես կանաչ տարածքներում տնակների տեղում կառուցված տների մասին է: Քարաշեն կառույցները չեն կարող սեփականաշնորհել, որովհետև քաղաքի գլխավոր հատակագծով կանաչ տարածքները հատուկ պահպանվող գոտիներ են:

Ավտոկայանի բանավանն այն տարածքն է, որտեղ ձևավորվել էր քաղաքի ամենամեծ տնակային թաղամասը: Հիմա տնակների շարքերը նոսրացել են: Տնակատերերը բնակարաններ են ստացել, տնակներն ապամոնտաժել են ու նոր տուն տեղափոխվել: Բանավանում մնացել են այն տնակները, որոնք վաճառվել կամ վարձակալությամբ են տրվել կամ տնակը վերածվել է քարաշեն սեփական տան՝ հարակից բակով ու այգիով:

Նախկին այգիների տարածքում Հերիքնազ Դավթյանը տնակներ է տեղադրել, հետո դրանք քարապատել է, վերածել սեփական տան: Անօթևանի կարգավիճակ չունի: Թաղամասում առաջիններից է եղել, որ դիմել է քաղաքապետարան տարածքն ու քարաշեն տունը սեփականաշնորհելու, օրինականացնելու համար: Այս տարածքի բնակիչների դիմումներին ընթացք չի տրվել: Պատճառը քաղաքի գոտիավորումն է:

 

«Ժողով հրավիրվեց, որին մասնակցեցին մեր թաղամասի բնակիչները: Մեզ ասեցին, որ կսեփականաշնորհեն, եթե քարաշեն է, բայց մինչև հիմա սայլը տեղից չի շարժվում, չեն սեփականաշնորհում: Ասում են, որ կանաչ գոտի է այս տարածքը: Հատակագծային փոփոխություններ են պետք, որ մեզ թույլ տան սեփականաշնորհել»,- shantnews-ին ասել է թաղամասի բնակիչ Հերիքնազ Դավթյանը:

Կառուցապատման համար տարածքը հարմար չէ, բայց փաստացի, շինարարություն կատարվել է: Տնակների տեղում քարաշեն ու անգամ երկհարկանի տներ են կառուցվել: Դրանք, ըստ քաղաքի գլխավոր ճարտարապետի, հուսալի շինություններ չեն, ըստ այդմ էլ օրինականացումը մերժում են:

«Ավտոկայանի հարակից տարածքի բնակիչների սեփականաշնորհման դիմումները մերժում ենք, որովհետև այդ տարածքը կանաչ գոտու մեջ է ընդգրկված և այդտեղ  սեյսմիկ տեսակետից անբարենպաստ է: Մինչև երկրաշարժն էլ այդ տարածքում շինարարություն չէր կատարվում: Տնակների տեղում արդեն կառուցված տներ կան, բայց նախ նայում ենք հուսալիության աստիճանը: Այդ շինությունները շատ կասկածելի հիմքեր ունեն և մեծ ռիսկի գործոն կա: Եթե օրինականացրեցինք՝ արդեն նշանակում է, որ մենք մեր վրա ենք վերցնում լրիվ պատասխանատվությունը»,- նշեց Գյումրիի գլխավոր ճարտարապետ Հենրիկ Գասպարյանը:

Ըստ գլխավոր ճարտարապետի՝ կանաչ գոտիներում կառուցապատումների արգելքը սկսել է գործել 2006 թվականից: Մինչ այդ նույն  ավտոկայանի բանավանում սեփականաշնորհումներ եղել են: Հիմա էլ շարունակում են քաղաքի տարբեր հատվածներում կանաչ գոտիներից օրինականացմանը վերաբերող դիմումներ ստանալ: Հատակագծային փոփոխություններ չկան, բայց բացառություններ կան:

«Եթե հատուկ ուսումնասիրություն կատարվի, համապատասխան եզրակացություն լինի, որ տվյալ շինությունը կառուցված է շատ հուսալի, և եթե տարածքը կանաչ գոտի է, ենթարկում ենք փոփոխությունների՝ Քաղշին կոմիտեի համաձայնությամբ: Միայն այդ դեպքում կարող է լինել բացառություն: Կան այնպիսի տարածքներ, որտեղ հաշվի առնելով, որ արդեն կառուցապատված է կապիտալ և հնարավոր չէ վերականգնել կանաչ գոտին, լոկալ լուծումներ եղել են»,- ասաց Հենրիկ Գասպարյանը:

Քչերն են, որ հատուկ մասնագիտական եզրակացություններ են ներկայացնում նախկին տնակի տեղում կառուցված տների տեխնիկական մասին: Եթե այդ եզրակացությունը փաստում է, որ կառույցը համապատասխանում է սեյսմիկ նորմերին, ապա տվյալ տան տարածքը դուրս է բերվում կանաչ գոտուց: Մինչ այժմ Գյումրիում 200 տուն է սեփականաշնորհվել, որոնք կառուցված են նախկին տնակների տարածքում:

Բոլոր լուրերը

Կապակցված լուրեր

Քննարկվել են սպառազինության և ռազմական տեխնիկայի զարգացման ծրագրի ընթացքին վերաբերող մի շարք հարցեր

14:48 29.03.2024

Քննարկվել են սպառազինության և ռազմական տեխնիկայի զարգացման ծրագրի ընթացքին վերաբերող մի շարք հարցեր

Մարտի 29-ին ՊՆ վարչական համալիրում պաշտպանության նախարար Սուրեն Պապիկյանի գլխավորությամբ տեղի է ունեցել ՀՀ պաշտպանության նախարարին կից կոլեգիայի նիստ: Քննարկվել են սպառազինության և ռազմական տեխնիկայի զարգացման ծրագրի ընթացքին վերաբերող մի շարք հարցեր: Նախարարը պատասխանատու ստորաբաժանումների ղեկավարներին տվել է մի շարք հանձնարարականներ: ...

Կքննարկվի «Հայաստանի եվրաինտեգրման նոր հեռանկարները եւ մարտահրավերները» թեման

13:37 29.03.2024

Կքննարկվի «Հայաստանի եվրաինտեգրման նոր հեռանկարները եւ մարտահրավերները» թեման

Եվրոպական ինտեգրման հարցերի մշտական հանձնաժողովը մարտի 29-ի արտահերթ նիստում որոշել է ապրիլի 4-ին` ժամը 11:00-ին, ԱԺ նիստերի դահլիճում հրավիրել խորհրդարանական լսումներ: Կքննարկվի «Հայաստանի եվրաինտեգրման նոր հեռանկարները եւ մարտահրավերները» թեման: ...

Իրավիճակը՝ ՀՀ ավտոճանապարհներին

12:51 29.03.2024

Իրավիճակը՝ ՀՀ ավտոճանապարհներին

Մարտի 29-ին՝ ժամը 12։30-ի դրությամբ, միջպետական և հանրապետական նշանակության բոլոր ավտոճանապարհները բաց են: Այս մասին հայտնում է «Ճանապարհային դեպարտամենտը»։ ...

Հայաստանն առաջին անգամ կմասնակցի ԵՄ երկրների խորհրդարանների նախագահների հավաքին

11:34 29.03.2024

Հայաստանն առաջին անգամ կմասնակցի ԵՄ երկրների խորհրդարանների նախագահների հավաքին

Հայաստանն ապրիլին առաջին անգամ կմասնակցի Եվրամիության երկրների խորհրդարանների նախագահների՝ Իսպանիայում կայանալիք հավաքին: «Արմենպրես»-ի փոխանցմամբ՝ այս մասին ասել է Ազգային ժողովի նախագահ Ալեն Սիմոնյանը Հանրային հեռուստաընկերությանը տված հարցազրույցում: «Առաջին անգամ Հայաստանը մասնակցելու է ԵՄ երկրների ԱԺ նախագահների հավաքին, որը տեղի է ունենալու Իսպանիայում գալիք ամսվա կեսերին: Հայաստանն առաջին անգամ է հրավիրված»,–ասել է Սիմոնյանը: ԱԺ նախագահի տեղեկությամբ՝ […] ...

Օդային ճանապարհով փորձ է արվել ՀՀ ներմուծել առանց հայտարարագրման բջջային հեռախոսներ

11:13 29.03.2024

Օդային ճանապարհով փորձ է արվել ՀՀ ներմուծել առանց հայտարարագրման բջջային հեռախոսներ

ՀՀ ՊԵԿ էլեկտրոնային առևտրի և օդային տրանսպորտով իրականացվող փոխադրումների վարչությունում օրերս հայտնաբերվել է մաքսային կանոնների խախտման նոր դեպք։ Աբու-Դաբի-Երևան չվերթով ՀՀ ժամանած քաղաքացին ՊԵԿ Էլեկտրոնային առևտրի և օդային տրանսպորտով իրականացվող փոխադրումների վարչության ուղևորների մաքսային հսկողության բաժնում հատել է «Կանաչ ուղի» մուտքի գիծը, որը համարվում է մաքսային հայտարարագրման ենթակա ապրանքների բացակայության մասին ֆիզիկական անձի կողմից արված […] ...

Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն

10:51 29.03.2024

Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն

Հայաստանի Ազգային ժողովի նախագահ Ալեն Սիմոնյանը մանրամասներ է ներկայացրել Ադրբեջանի Միլի Մեջլիսի նախագահ Սահիբա Գաֆարովայի հետ Ժնևում կայացած հանդիպումից։ «Արմենպրես»-ի փոխանցմամբ՝ Հանրային հեռուստաընկերության տված հարցազրույցում Ալեն Սիմոնյանը նշել է, որ դա առաջին հանդիպումն էր Հայաստանի և Ադրբեջանի խորհրդարանների ղեկավարների միջև։ «Աննախադեպ բան տեղի ունեցավ։ Առաջարկը Միջխորհրդանական միության կողմից էր, որի շրջանակներում էլ այդ հանդիպումը տեղի […] ...

BACK_TO_TOP