19:05 07.12.2020
Եռակողմ համաձայնագրի ստորագրումից հետո Լեռնային Ղարաբաղում տեղակայված ռուս խաղաղապահները ոչ միայն վերահսկում են կրակի դադարեցման ռեժիմի պահպանումը, այլև ականազերծում են տարածքները, վերականգնում կապի միջոցներն ու ենթակառուցվածքները: ՌԴ ՊՆ ներկայացուցիչ, գեներալ-մայոր Իգոր Կոնաշենկովն այսօրվա բրիֆինգում ներկայացրել է մինչ այժմ կատարված աշխատանքները:
Ռուս խաղաղապահ ուժերի կողմից Լեռնային Ղարաբաղի տարածքում կատարվում է շուրջօրյա մոնիթորինգ: Կրակի դադարեցման ռեժիմը պահպանվում է շփման գծի ամբողջ երկայնքով: Խաղաղապահների ինժեներական ուժերով շարունակվում են տրանսպորտային տեղաշարժի վերահսկման և հսկիչ անցագրային կետերի կահավորման աշխատանքները: Ռուս խաղաղապահների ջանքերով ապահովվում է բնակիչների վերադարձն իրենց մշտական բնակության վայրեր: Հումանիտար օգնություն է ցուցաբերվում, վերականգնվում են քաղաքացիական ենթակառուցվածքները:
Հայաստանից Լեռնային Ղարաբաղ վերադարձող բնակիչների թիվը մեկ օրվա ընթացքում կազմել է 859 մարդ: Խաղաղապահների տեղակայումից ի վեր ավելի քան 34.000 բնակիչ է վերադարձել, ավարտվել է գազատար խողովակի և կապուղիների նորոգումը: Ավելի քան 12 կմ գազատար խողովակ և 15 կմ կապուղի է վերականգնվել: Շարունակվում է էլեկտրական հաղորդալարերի վերականգնումը՝ մեկ օրում վերականգնվել է 2 հենակետ և ավելի քան 2 կմ էլեկտրական հաղորդալար:
Խաղաղապահները շարունակում են Լեռնային Ղարաբաղի տարածքում պայթյունավտանգ իրերի վնասազերծումը: Մեկ օրում ականազերծվել է մոտ 1 հա տարածք, 1 կմ ճանապարհ, ոչնչացվել է 2876 պայթյունավտանգ առարկա: Ընդհանուր առմամբ՝ ականազերծված է ավելի քան 62 հա տարածք, 21 կմ ճանապարհ, վնասազերծվել է ավելի քան 4000 պայթյունավտանգ իր:
ՌԴ պաշտպանության նախարարության շարժական հոսպիտալի բրիգադները մասնագիտացված օգնություն են ցուցաբերել 11 բնակչի, այդ թվում՝ մեկ երեխայի: Ռուս բժիշկները, ընդհանուր առմամբ, օգնություն են ցուցաբերել 280 բնակչի, այդ թվում՝ 29 երեխայի: Խաղաղապահների և Կարմիր խաչի միջազգային կոմիտեի ուժերով շարունակվում է զոհերի մարմինների որոնումն ու փոխանակումը: Գործում է անհետ կորածների մասին տեղեկություններ հավաքելու և տրամադրելու թեժ գիծը: Այս ընթացքում ավելի քան 286 զանգ է գրանցվել, տեղի է ունեցել 1947 հանդիպում քաղաքացիների հետ»,- տեղեկացրել է Իգոր Կոնաշենկովը:
Մանրամասները՝ տեսանյութում․
21:55 27.06.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 30-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11:00-17:00 Թումանյան փ. 30, 32, 34 շենքեր, Թումանյան փ. 21 շենք և հարակից ոչ բնակիչ-բաժանորդներ, Տերյան փ. 42 շենք և հարակից ոչ բնակիչ-բաժանորդներ, Աբովյան փ. 5, 7 շենքեր, Սայաթ-Նովայի պող. […] ...
21:50 27.06.2025
Վահե Գևորգյանը՝ «Ալաշկերտի» գլխավոր մարզիչՎահե Գևորգյանը նշանակվել է «Ալաշկերտի» գլխավոր մարզիչ, հայտնում է երևանյան ակումբի մամուլի ծառայությունը: ««Ալաշկերտն» իր նոր էջը սկսում է Վահե Գևորգյանի գլխավորությամբ»,- նշված է հայտարարության մեջ: 37-ամյա մասնագետը մինչև այս գլխավորել է Վայքի «Նորավանքը», Չարենցավանի «Վանը»: «Ալաշկերտի» գլխավոր մարզչի պաշտոնում նա եղել է նաև 2023 թվականի դեկտեմբերից մինչև 2024 թվականի հունիսը։ 2021/22 մրցաշրջանում «Նորավանքը» նրա […] ...
21:43 27.06.2025
Պուտինը ավարտել է իր այցը ԲելառուսՌուսաստանի նախագահ Վլադիմիր Պուտինն ավարտել է իր այցը Բելառուս, հաղորդում է Կրեմլի մամուլի ծառայությունը։ «Ռուսաստանի նախագահի այցը Բելառուս ավարտվեց», – ասվում է Կրեմլի Telegram ալիքում։ Պուտինը երկօրյա այցով գտնվում էր Մինսկում։ Պետության ղեկավարը հինգշաբթի օրը ելույթ ունեցավ Եվրասիական տնտեսական ֆորումի լիագումար նիստում։ ...
21:37 27.06.2025
Շրջանառվող պնդումները, թե «Քրեակատարողական հիմնարկներում ընդամենը 100 ազատ տեղ է մնացել», չեն համապատասխանում իրականությանը․ ՀՀ ԱՆՀՀ արդարադատության նախարարությունը հաղորդագրություն է տարածել, որտեղ ասվում է․ «Տեղեկացնում ենք, որ սոցիալական ցանցերում և զանգվածային լրատվամիջոցներում շրջանառվող պնդումները, թե «Քրեակատարողական հիմնարկներում ընդամենը 100 ազատ տեղ է մնացել», չեն համապատասխանում իրականությանը։ Նման հարցադրում Նախարարությունը չի ստացել, և այն հանդիսանում է ակնհայտ կեղծիք։ Հորդորում ենք զերծ մնալ կեղծ և չհաստատված տեղեկություններ տարածելուց»: ...
21:30 27.06.2025
Թրամփը հայտարարել է, որ չի տատանվի կրկին հարձակվել Իրանի վրաԱՄՆ նախագահ Դոնալդ Թրամփը հայտարարել է, որ չի տատանվի կրկին հարձակվել Իրանի վրա, եթե հետախուզական տեղեկությունները ցույց տան, որ այն ուրան է հարստացնում։ «Իհարկե, առանց որևէ հարցի», – Սպիտակ տանը լրագրողներին ասել է Թրամփը՝ ի պատասխան հարցի։ ...
