ԱԺ-ն ընդունեց դատական համակարգի բարեփոխման օրենքի նախագծերը. տարակարծություններ չեն եղել 22 նախագծերի ընդունման շուրջ

ԱԺ-ն այսօր շարունակել է աշխատանքները, քվեարկության են դրվել երեկ քննարկված նախագծերը:

Այսպիսով՝

1. Կառավարության ներկայացրած Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին օրենքի նախագիծը երկրորդ ընթերցմամբ ընդունվել է 84 կողմ, 24 դեմ, 2 ձեռնպահ ձայներով,
2. Հայաստանի Հանրապետության հարկային օրենսգրքում փոփոխություններ և լրացումներ կատարելու մասին հարցն ընդունվել է 101 կողմ, 1 դեմ, 1 ձեռնպահ ձայներով,
3. Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ և լրացում կատարելու մասին օրենքի նախագիծն առաջին ընթերցմամբ ընդունելու մասին հարցն ընդունվել է 101 կողմ ձայներով,
4. «Զենքի մասին» Հայաստանի Հանրապետության օրենքում լրացում կատարելու մասին հարցն ընդունվել է 84 կողմ, 3 ձեռնպահ ձայներով,
5. «Ռադիոակտիվ աղբյուրների տեղափոխման հարցերով Անկախ պետությունների համագործակցության մասնակից պետությունների տեղեկատվական փոխգործակցության մասին» համաձայնագիրը վավերացնելու մասին օրենքի նախագիծն ընդունվել է 88 կողմ ձայներով,
6. Կառավարության ներկայացրած «Հանրային ծառայության մասին» օրենքում փոփոխություններ և լրացումներ կատարելու մասին և կից ներկայացված օրենքներում փոփոխություններ կատարելու մասին փաթեթն ընդունվել է 84 կողմ ձայներով,
7. «Հայաստանի Հանրապետության դատական օրենսգիրք» սահմանադրական օրենքում լրացում կատարելու մասին և կից ներկայացված փաթեթն առաջին ընթերցմամբ ընդունվել է 85 կողմ, 15 դեմ ձայներով,
8. Մեկ այլ՝ «Հայաստանի Հանրապետության դատական օրենսգիրք» սահմանադրական օրենքում լրացում կատարելու մասին և կից ներկայացված փաթեթն առաջին ընթերցմամբ 84 կողմ 22 դեմ, 3 ձեռնպահ ձայներով է ընդունվել,
9. Հակակոռուպցիոն կոմիտեի մասին և կից ներկայացված օրենքներում փոփոխություններ կատարելու մասին հարցն ընդունվել է առաջին ընթերցմամբ՝ 84 կողմ, 16 դեմ, 4 ձեռնպահ ձայներով,
10. Վլադիմիր Վարդանյան, Աննա Կարապետյան, Հովհաննես Հովհաննիսյան, Վիկտոր Ենգիբարյան, Արփինե Դավոյան, Քրիստինե Պողոսյան, Վահագն Հովակիմյանի կողմից ներկայացված «Հայաստանի Հանրապետության դատական օրենսգիրք» սահմանադրական օրենքում փոփոխություն և լրացում կատարելու մասին հարցը երկրորդ ընթերցմամբ և ամբողջությամբ ընդունվել է 86 կողմ, 1 դեմ, 2 ձեռնպահ ձայներով,
11.  Նիկոլայ Բաղդասարյան, Սերգեյ Ատոմյանի ներկայացրած Հայաստանի Հանրապետության քրեական դատավարության օրենսգրքում փոփոխություններ և լրացումներ կատարելու մասին հարցը երկրորդ ընթերցմամբ ընդունվել է 87 կողմ, 1 ձեռնպահ ձայներով,
12. «Կոռուպցիայի կանխարգելման հանձնաժողովի մասին» Հայաստանի Հանրապետության օրենքում լրացումներ և փոփոխություններ կատարելու մասին և կից ներկայացված օրենքում փոփոխություն և լրացում կատարելու մասին նախագծերի փաթեթն ընդունվել է երկրորդ ընթերցմամբ և ամբողջությամբ՝ 83 կողմ, 3 ձեռնպահ ձայներով,
13. «Ազատությունից զրկելու հետ չկապված պատիժների կատարումը փոխանցելու մասին» Անկախ պետությունների համագործակցության մասնակից պետությունների կոնվենցիան վավերացնելու մասին օրենքի նախագիծն ընդունվել է 87 կողմ ձայներով,
14. «Երեխայի իրավունքների մասին» կոնվենցիայի` հաղորդագրություններ ներկայացնելու կարգի վերաբերյալ կամընտիր արձանագրությունը վավերացնելու մասին օրենքի նախագիծն ընդունվել է 85 կողմ ձայներով,
15. «Քաղաքացիական և քաղաքական իրավունքների մասին» միջազգային դաշնագրի՝ մահապատժի վերացմանն ուղղված երկրորդ կամընտիր արձանագրությունը վավերացնելու մասին օրենքի նախագիծն ընդունվել է 88 կողմ ձայներով,
16. Հայաստանի Հանրապետության քաղաքացիական օրենսգրքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթը երկրորդ ընթերցմամբ և ամբողջությամբ ընդունվել է 115 կողմ, 4 ձեռնպահ ձայներով,
17. Հայաստանի Հանրապետության պաշտոնական փաստաթղթերը ապոստիլով վավերացնելու մասին օրենքի նախագիծն ընդունվել է երկրորդ ընթերցմամբ և ամբողջությամբ՝ 87 կողմ ձայներով,
18. Իրավաբանական անձանց պետական գրանցման, իրավաբանական անձանց առանձնացված ստորաբաժանումների, հիմնարկների և անհատ ձեռնարկատերերի պետական հաշվառման մասին» Հայաստանի Հանրապետության օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթն ամբողջությամբ ընդունվել է 85 կողմ, 3 ձեռնպահ ձայներով,
19. Քաղաքացիական կացության ակտերի գրանցման մասին և կից ներկայացված օրենքների նախագծերի փաթեթը երկրորդ ընթերցմամբ ընդունվել է 88 կողմ ձայներով,
20. «Պետական տուրքի մասին» օրենքում լրացում և փոփոխություն կատարելու մասին հարցն ընդունվել է երկրորդ ընթերցմամբ և ամբողջությամբ,
21. «Երեխայի իրավունքների մասին» օրենքում լրացումներ կատարելու մասին օրենքի նախագիծն ընդունվել է երկրորդ ընթերցմամբ և ամբողջությամբ՝ 86 կողմ ձայներով,
22. «Թմրամիջոցների և հոգեմետ (հոգեներգործուն) նյութերի մասին» Հայաստանի Հանրապետության օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթն ընդունվել է երկրորդ ընթերցմամբ և ամբողջությամբ: