Ինչ չվերթներ են նախատեսված Մոսկվայից Երևան հունվար-փետրվար ամիսներին

ՌԴ-ում ՀՀ դեսպանությունը ներկայացրել է տեղեկատվություն Մոսկվայից Երևան չարտերային չվերթների մասին / 2021թ.հունվար-փետրվար/։
✔ ️22.01 – Մոսկվա – Երևան / «Դոմոդեդովո», «Nord Star» ընկերություն (ժամը 17:00-ին)
✔ ️25․01 – Մոսկվա-Երևան / «Դոմոդեդովո», «Red Wings» ընկերություն (ժամը 16:35-ին)
✔ ️29․01 – Մոսկվա – Երևան / «Դոմոդեդովո», «Nord Star» ընկերություն (ժամը 17:00-ին)
***
✔ ️01 ․ 02 – Մոսկվա – Երևան / «Դոմոդեդովո», «Red Wings» ընկերություն (ժամը 16:35-ին)
✔ ️05․02 – Մոսկվա – Երևան / «Դոմոդեդովո», «Nord Star» ընկերություն (ժամը 17։00-ին)
✔ ️08․02 – Մոսկվա-Երևան / «Դոմոդեդովո», «Red Wings» ընկերություն (ժամը 16:35-ին)
✔ ️12․02 – Մոսկվա – Երևան / «Դոմոդեդովո», «Nord Star» ընկերություն (ժամը 17։00-ին)
✔ ️15․02 – Մոսկվա-Երևան / «Դոմոդեդովո», «Red Wings» ընկերություն (ժամը 16:35-ին)
✔ ️19․02 – Մոսկվա – Երևան / «Դոմոդեդովո», «Nord Star» ընկերություն (ժամը 17։00-ին)
✔ ️22․02 – Մոսկվա – Երևան / «Դոմոդեդովո», «Red Wings» ընկերություն (ժամը 16:35-ին)
✔ ️26․02 – Մոսկվա – Երևան / «Դոմոդեդովո», «Nord Star» ընկերություն (ժամը 17։00-ին)

Հայաստանի Հանրապետություն մուտք գործելու ընթացակարգում փոփոխությունների վերաբերյալ.

ՀՀ կառավարության 2020թ. սեպտեմբերի 11-ի № 1514-Ն որոշման մեջ կատարված և 2021թ. հունվարի 12-ից ուժի մեջ մտած փոփոխությունների համաձայն կորոնավիրուսային հիվանդությամբ (COVID-19) պայմանավորված՝ Հայաստանի Հանրապետության տարածքում սահմանված կարանտինի ժամկետը երկարաձգվել է մինչև 2021թ. հուլիսի 11-ը։

Հայաստանի Հանրապետության քաղաքացի չհանդիսացող անձանց համար Հայաստանի Հանրապետություն ցամաքային ճանապարհով մուտք գործելու սահմանափակումները վերացվել են և այսուհետ բոլոր օտարերկրացիները կարող են մուտք գործել ինչպես օդային, այնպես էլ՝ ցամաքային ճանապարհով։

Հայաստանի Հանրապետության տարածք օդային և ցամաքային սահմանային անցման կետերով մուտք գործելիս ներկայացվում է կորոնավիրուսային հիվանդության (COVID-19) ախտորոշման ՊՇՌ հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ: Սերտիֆիկատը պետք է լինի հայերեն, ռուսերեն կամ անգլերեն լեզվով` հետազոտությունն իրականացրած բժշկական կառույցի բոլոր կոնտակտային տվյալները և ղեկավարի անունը պարունակող ձևաթղթով՝ նշելով հետազոտված անձի անունը և ազգանունը, անձը հաստատող փաստաթղթի համարը, ծննդյան տարեթիվը, հետազոտության արդյունքը, ստորագրված կազմակերպության ղեկավարի կողմից ու հաստատված կազմակերպության կնիքով:

Առողջապահական և աշխատանքի տեսչական մարմնի կողմից անհապաղ կատարվում է զննություն (հեռահար ջերմաչափում, արտաքին զննություն, վարակին բնորոշ կլինիկական ախտանիշների դեպքում՝ լրացուցիչ հարցումների իրականացում)՝ վարակի ախտանշանների բացահայտման նպատակով, ստուգվում է սերտիֆիկատի առկայությունը:

Սերտիֆիկատ չունեցող անձինք ենթակա են նմուշառման օդանավակայանում կամ ցամաքային սահմանի անցման կետերում և պարտադիր ինքնամեկուսացման՝ մինչև ՊՇՌ հետազոտության բացասական արդյունքի ստացումը:
Զննության արդյունքներով անձի նկատմամբ կիրառվում է հոսպիտալացում, եթե առկա են համապատասխան ախտանշաններ:
ՊՇՌ հետազոտության և հնարավոր բուժման հետ կապված ծախսերը հոգում է քաղաքացին։