13:08 04.07.2018
ՀՀ պաշտպանության նախկին նախարար Սեյրան Օհանյանը Մարտի 1-ի գործի շրջանակներում հարցաքննվել է որպես վկա: Այս մասին լրագրողների հետ զրույցում նշեց Հատուկ քննչական ծառայության պետ Սասուն Խաչատրյանը: Վերջինս հրաժարվեց այդ գործով այլ մանրամասներ հաղորդել՝ նշելով, որ չի ցանկանում նախաքննության գաղտնիք հրապարակել և իրենց հետագա քայլերի մասին խոսել:
«Ինչպես մեկ շաբաթ առաջ խոսք տվեցի՝ այն, ինչ կատարվում է քրգործով և բոլոր քրգործերով, որ գտնվում են ՀՔԾ վարույթում, այդ ամենի մասին կհրապարակվեն տվյալներ այն ծավալով, որ չի վնասի»,- ասաց նա:
Խաչատրյանն անդրադարձավ նաև ՀՀ երկրորդ նախագահ Ռոբերտ Քոչարյանի՝ նույն այս գործով հարցաքննության հրավիրվելուն, նշեց, որ նա իսկապես երկրից բացակայում է: Հարցին՝ տեղյա՞կ է՝ ծանուցագիրը հասե՞լ է երկրորդ նախագահին, նա պատասխանեց.
«Ծանուցագիրը ուղարկել ենք, տեղ հասավ, թե ոչ՝ մեզ պետք է չուղղեք այդ հարցը»:
Այս գործով հետագա քայլերի մասին հարցերին Խաչատրյանը պատասխանեց, որ չի կարող գաղտնազերծել իրենց գործողությունների հաջորդականությունը, նշեց՝ դա քննչական տակտիկա է: Ըստ ՀՔԾ պետի՝ Ռոբերտ Քոչարյանն այս պահին հարցաքննության է հրավիրվել որպես վկա: Խաչատրյանը վստահեցրեց՝ հարցաքննության են հրավիրվելու բոլոր այն անձինք, ովքեր կարող են որևէ տվյալ հայտնել Մարտի 1-ի գործի հետ կապված:
«Որևէ կաշկանդվածություն՝ կապված անունների, զբաղեցրած պաշտոնների հետ, չկա, կարծում եմ՝ դուք համոզվել եք դրանում»,- ասաց նա:
Լրագրողները հետաքրքրվեցին՝ իր և իր ընտանիքի անդամների անվտանգության հետ կապված մտավախություններ չունի՞ արդյոք: Խաչատրյանը բացասական պատասխան տվեց, ապա մեկնաբանեց.
«Եթե ամբողջ թիմը ազնիվ է, թիմը աշխատում է կոռուպցիան արմատախիլ անելու, հանցագործությունները բացահայտելու ուղղությամբ, ապա թիմի մի անդամին շարքից հանելը որևէ արդյունքի չի կարող հանգեցնել»:
Նա անդրադարձավ նաև լայնորեն քննարկվող մի հարցի, այն է՝ հարուցվել է գործ մի հոդվածով, որը 2008-ին գոյություն չի ունեցել: Խաչատրյանի գնահատմամբ՝ դա ոչ կոմպետենտ մեկնաբանություն է, որովհետև այդ արարքը՝ կոնկրետ սահմանադրական կարգի տապալումը, քրեորեն հետապնդելի է եղել նաև 2008 թ., պարզապես այն նախատեսված է եղել մեկ այլ հոդվածով:
Հարցին՝ ստացե՞լ է արդյոք զանգեր նախկին իշխանությունների կողմից, ՀՔԾ պետը պատասխանեց.
«Ոչ, ես չեմ կարող նման զանգեր ստանալ»:
23:59 12.05.2025
Վեդիի նորակառույց ջրամբարում մեկնարկել է ջրալցումըԱնկախ Հայաստանի պատմության առաջին նորակառույց ջրամբարում արդեն սկսել են ջուր կուտակել` Վեդի և Խոսրով գետերից արդեն ամբարել են 1.7 միլիոն խորանարդ մետր: Մոտ 85 մետրանոց մեծ պատվարին հասնելու ու ջրամբարն ամբողջությամբ լցնելու համար 3 տարի կպահանջվի, և արդյունավետ կերպով կլուծվի մոտ 3200 հեկտար հողերի կայուն ջրամատակարարման խնդիրը: Մանրամասները՝ կառավարության տեսանյութում: ...
23:52 12.05.2025
Մ. Սարյանի տուն-թանգարանում տեղադրվել են Սարյանի 6 «խոսող» շոշափելի կտավներ. ԿԳՄՍ նախարարությունԵրբ պատմում են ցուցանմուշները. Մարտիրոս Սարյանի տուն-թանգարանը ոչ միայն մեծ վարպետի ստեղծագործական ուղու վկան է, այլև մի տարածք, որտեղ նկարները շարունակում են խոսել նրա գույների լեզվով։ Այստեղ ամեն ինչ պահպանվել է այնպես, ինչպես եղել է նրա կյանքի վերջին տարիներին՝ արվեստանոցը, նամակները, նույնիսկ ներկերի հոտը կարծես դեռ թարմ է։ ԿԳՄՍՆ աջակցությամբ Մարտիրոս Սարյանի տուն-թանգարանում տեղադրվել են […] ...
23:47 12.05.2025
Ավետ Ավետիսյան փողոցում հին նատրիումային լուսատուները փոխարինվել են նոր ու ժամանակակից LED լուսատուներով. ԱվինյանԵրևանի քաղաքապետ Տիգրան Ավինյան Ֆեյսբուքի իր էջում հայտնել է, որ Ավետ Ավետիսյան փողոցում հին նատրիումային լուսատուները փոխարինվել են նոր ու ժամանակակից LED լուսատուներով։ Մանրամասները՝ տեսանյութում: ...
23:39 12.05.2025
Իրավիճակը Հայաստանի ճանապարհներին և ԼարսումՓրկարար ծառայությունը տեղեկացնում է, որ ՀՀ տարածքում ավտոճանապարհները անցանելի են։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:28 12.05.2025
56-ամյա վարորդը «ՎԱԶ 2106»-ով Մալիշկա գյուղում վրաերթի է ենթարկել ոստիկանության ծառայողինԵրեկ՝ մայիսի 12-ին, վրաերթ է տեղի ունեցել Վայոց ձորի մարզում։ Ժամը 11։35-ի սահմաններում Մալիշկա բնակավայրի «Նավեր» կոչվող տարածքում Վայոց ձորի մարզի բնակիչ 56-ամյա Խաչիկ Ս․-ն իր վարած «ՎԱԶ 2106» մակնիշի ավտոմեքենայով վրաերթի է ենթարկել հետիոտն, Վայոց ձորի մարզի բնակիչ 45-ամյա Արարատ Ս․-ին։ Ինչպես հայտնում է shamshyan.com-ը, վարորդը փախուստի չի դիմել, ահազանգել է շտապօգնություն և օպերատիվորեն […] ...
23:07 12.05.2025
Գեորգի Հարությունյանի «Պուշկաշ Ակադեմիան» հաղթել էՀունգարիայի առաջնության 31-րդ տուրում «Պուշկաշ Ակադեմիան» ընդունել է «Դեբրեցենին» և հաղթել 4-2 հաշվով: Տանտերերի կազմում ամբողջ խաղին մասնակցել է Հայաստանի ազգային հավաքականի պաշտպան Գեորգի Հարությունյանը: 20-ամյա ֆուտբոլիստը կրկին խաղացել է կենտրոնական կիսապաշտպանի դիրքում: Հունգարիայի առաջնության ավարտից երկու տուր առաջ «Պուշկաշ Ակադեմիան» 60 միավորով երկրորդն է և երեք միավորով է հետ գործող չեմպիոն «Ֆերենցվարոշից»: ...
