18:45 02.02.2018
ՀՀ քրեական վերաքննիչ դատարանում այսօր Հայաստան «Իգլա» բերելու մեղադրանքով վերաքննիչ բողոքը ներկայացնելիս ցուցմունք տվեցին ոչ միայն Սամվել Բաբայանը, այլև «Իգլա»-ի և «փողերի լվացման» գործով մյուս դատապարտյալները: Սանասար Գաբրեիլյանն այսօր փաստորեն հայտարարեց այն, ինչ մինչ այժմ չէր ասել առաջին ատյանի դատարանում: Ըստ նրա իրենց ազատազրկել են «Օհանյան-Րաֆֆի-Օսկանյան» դաշինքին աջակցելու համար․ «Իմ ընկերներին պադերժկա անելու համար․․․ ՕՐՕ-ին քյոմակ եմ արել, էդ ա պատճառը»:
«Իգլա»-ի գործով մեղավոր ճանաչված Արմեն Պողոսյանը ևս խոսեց: Նա ասաց, որ գործին իր առնչությունը միայն այն է, որ լուսանկարել է «Իգլա»-ն, փոխանցել լուսանկարները Սանասար Գաբրիելյանին, վերջինս էլ դրանք ցույց է տվել Սամվել Բաբայանին: Նշենք, որ բոլոր դատապարտվածներն իրենց մեղավոր չեն ճանարում: Պաշտպանները պահանջում են արդարացման դատավճիռ: Արմեն Պողոսյանը եւս իրեն մեղավոր չի ճանաչում, ինչպես Բաբայանն ու Գաբրիելյանը:
Դատավորները հարցեր ուղղեցին Արմեն Պողոսյանին.
–Ինչո՞ւ էիք նման ռիսկի դիմել, ինչո՞ւ էինք ձեր վրա վերցրել ՊՆ համապատասխան ստորաբաժանման գործառույթը եւ բանակի համար այդ «խողովակը» հայթայթել,-հետաքրքրվեցին նրանք:
–Սանասարի նպատակն էր՝ օգնել բանակին: Մտածում էի, որ դա նվիրաբերություն է, ուստի հանցանքի մասին խոսք չէր կարող լինել:
–Դուք զրկվա՞ծ էիք բանակի հետ գործակցելու հնարավորություններից: Ինչո՞ւ չեք ճշտել, թե ինչպես կարող էիք օգնել բանակին:
-Դե ես ինչ իմանայի, թե նա ում էր նվիրելու եւ ինչպես: Գիտեմ, որ Սանասարը մեծ հնարավորություններ ուներ բանակում, ընկերներ…
–Բայց անցել են, չէ,՞ ժամանակները, երբ 90-ականներին բանակի համար փորձում էին տարբեր ճանապարհներով զենք հայթայթել եւ օգնել: Հիմա դրա համար համապատասխան մարմին կա: Դուք ինչո՞ւ նման գործառույթ վերցրիք, որ հիմա էլ այստեղ նստած եք…
–Դե հիմա նման խոսակցություն եղավ…Սանասարն ասաց՝ «ես 90-ականներին իմ ավտոյով եմ բերել, հիմա ինչո՞ւ չբերենք»:
–Այսինքն, ուզում եք ասել, որ այն ժամանակվանից մինչ օրս ոչինչ չի՞ փոխվել:
-Դե հիմա, որ փոխված չլիներ, այդպես չէր ասի…
Դատավորներին հետաքրիքր էր նաև, թե ինչո՞ւ է Արմեն Պողոսյանը «Իգլա»-ն լուսանկարել «ՕՐՕ» դաշինքի նախընտրական բացիկի հետ միասին: Արմեն 
Պողոսյանը պատասխանեց. «Որ Սանասարը չմտածի, թե լուսանկարն ինտերնետից է ներբեռնվել»:
Սամվել Բաբայանի, Սանասար Գաբրիելյանի և Արմեն Պողոսյանի վերաքննիչ բողոքի քննությունը կշարունակվի փետրվարի 9-ին, 12 00-ին:
20:40 09.07.2025
Մի շարք թոփ տրանսֆերներ են սպասվում․ Marca
12:47 09.07.2025
Ի՞նչ անել, եթե անշարժ գույք եք հանձնել վարձակալության
20:40 09.07.2025
Մի շարք թոփ տրանսֆերներ են սպասվում․ MarcaԻսպանական Marca-ն հոդված է հրապարակել՝ անդրադառնալով առաջիկայում սպասվող խոշոր տրանսֆերներին: Ըստ իսպանական պարբերականի՝ շուտով իրենց ակումբները կփոխեն Վիկտոր Դյոկերեշը, Ռոդրիգոն, Մարկ-Անդրե տեր Շտեգենը, Վիկտոր Օսիմհենը, Ջեք Գրիլիշը, Լուիս Դիասը, Ալեխանդրո Գառնաչոն, Մարկուս Ռեշֆորդը, Քրիստիան Ռոմերոն, Այմերիկ Լապորտը, Ալվարո Մորատան, Ջեյդոն Սանչոն, Ժոաու Ֆելիքսն ու Դենզել Դյումֆրիսը: Դյոկերեշի տրանսֆերային իրավունքը գնելուն մոտ է «Արսենալը», Օսիմհենն էլ […] ...
20:30 09.07.2025
ԱՄՆ-ը օգոստոսի 1-ից մաքսատուրքեր կսահմանի Ալժիրից, Լիբիայից և Իրաքից ներմուծվող ապրանքների վրաԱՄՆ նախագահ Դոնալդ Թրամփը հայտարարել է նոր երկրների մասին, որոնցից ներմուծման վրա լրացուցիչ մաքսատուրքեր կսահմանվեն։ Սպիտակ տան ղեկավարի՝ Truth Social սոցիալական ցանցում հրապարակված նամակների համաձայն, օգոստոսի 1-ից մաքսատուրքեր կլինեն Ալժիրի, Լիբիայի, Իրաքի համար՝ 30 տոկոս, Բրունեյի և Մոլդովայի համար՝ 25 տոկոս, Ֆիլիպինների համար՝ 20 տոկոս։ Սպիտակ տուն վերադառնալուց հետո Թրամփը սկսեց խստացնել առևտրային քաղաքականությունը. նա […] ...
20:18 09.07.2025
Երևանի և մարզերի որոշ հասցեներում սպասվում են էլեկտրաէներգիայի անջատումներ«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հուլիսի 10-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Արմավիրի մարզ՝ 10:00-11:00 Էջմիածին քաղաք մասնակի, Աթարբեկյան գյուղն ամբողջությամբ, 11:00-15:00 Արշալույս գյուղն ամբողջությամբ, Արագածոտնի մարզ՝ 11:00-17:00 Մաստարա, Ծաղկասար, Զովասար, Գառնահովիտ գյուղերն ամբոջությամբ, Արարատի մարզ՝ 10:00-12:00 Արգավանդ գյուղ մասնակի և հարակից ոչ բնակիչ-բաժանորդներ, 10:00-11:30 Բյուրավան, […] ...
20:08 09.07.2025
Հանդիպել են Հայաստանի և Ռուսաստանի հեծանվասպորտի ֆեդերացիաների նախագահներըՄոսկվայում տեղի է ունեցել աշխատանքային հանդիպում Հայաստանի հեծանվասպորտի ֆեդերացիայի նախագահ Արա Սադոյանի և Ռուսաստանի հեծանվասպորտի ֆեդերացիայի նախագահ Յուրի Կուչերյավիի միջև, հայտնում է Հայաստանի հեծանվային սպորտի ֆեդերացիան: «Կողմերը քննարկել են հեծանվասպորտի զարգացման հեռանկարները, մարզական ճամբարների կազմակերպման, փոխայցելությունների, ինչպես նաև կրթական և մարզական համատեղ ծրագրերի իրականացման հնարավորությունները՝ նպատակ ունենալով խթանել հատկապես երիտասարդ հեծանվորդների առաջընթացը։ Ձեռք է բերվել […] ...
19:54 09.07.2025
Համայնքային ոստիկանության Վարդենիսի բաժնում արձանագրվել են ապօրինի զենք-զինամթերքի կամավոր հանձնման դեպքերՀամայնքային ոստիկանության Վարդենիսի բաժնի ծառայողների բնակչության շրջանում ակտիվ բացատրական աշխատանքի արդյունքում օրերս բաժնում արձանագրվել են ապօրինի պահվող զենք-զինամթերքի կամավոր հանձնման դեպքեր։ Մասնավորապես, ոստիկանություն զանգահարած քաղաքացին հայտնել էր, որ Վարդենիս-Սոթք ճանապարհին՝ կամրջի տակ, զենք-զենամթերք է թողել։ Մեկնած ոստիկանները նշված վայրում հայտնաբերել են ակոսափող հրացան, ինքնաշեն ատրճանակ, 7,62 մմ տրամաչափի գնդացրի 87 փամփուշտ, պայթուցիկ, բեկորային նռնակ եւ […] ...
