14:50 20.07.2021
ՀՀ կրթության, գիտության, մշակույթի և սպորտի նախարարի պաշտոնակատար Վահրամ Դումանյանն աշխատանքային խորհրդակցություն է անցկացրել նախարարության Ժամանակակից արվեստի, Մշակութային ժառանգության և ժողովրդական արհեստների, Պատմության և մշակույթի հուշարձանների պահպանության վարչությունների աշխատակիցների հետ:
Հանդիպմանը ներկա է եղել նաև նշյալ ոլորտները համակարգող նախարարի տեղակալ Արա Խզմալյանը:
Խորհրդակցության ընթացքում քննարկվել են մշակույթի ոլորտային առանձնահատկություններին, պետական քաղաքականության մշակմանը, մշակույթի միջոցով հասարակական միջավայրի բարելավմանը վերաբերող հարցեր:
«Մեր նպատակն է մշակույթի և կրթության ճիշտ համադրմամբ և հստակ քայլերով լրացնել հասարակության մշակութային պահանջմունքը, որն այսօր բաց է»,- ասել է նախարարի պաշտոնակատար Վահրամ Դումանյանը:
ԿԳՄՍՆ մշակույթի ոլորտը համակարգող վարչությունների աշխատակիցները ներկայացրել են իրենց ոլորտների խնդիրները, հուզող հարցերն ու առաջարկները: Քննարկման առանցքում գրադարանային և թանգարանային միջավայրերի բարելավումն էր, արդիականացումն ու դրանք «հասարակական առողջացման» կենտրոններ դարձնելը:
«Գրադարանում պետք է այնպիսի պայմաններ լինեն, որտեղ ընթերցողն ապրի, ժամանակ անցկացնի, իսկ թանգարանն այնտեղ պահվող ժառանգությամբ պետք է սոցիալ-կրթական միջավայր դառնա»,- ընդգծել է Վ. Դումանյանը:
Առանձնակի քննարկվել են թանգարաններում նախատեսված կրթական ծրագրերի պատշաճ իրականացումն ու շարունակականության ապահովումը՝ թիրախավորելով նաև մարզային կենտրոնների ներգրավումը, հուշարձանների պահպանությանն ու դրանց վերականգնմանն առնչվող հարցերը:
Նախարարի պաշտոնակատարն առաջնահերթ է համարել մեր պատմությունն ամբողջականացնող ցաքուցրիվ քանդակների հավաքագրումը և դրանց՝ մեկ վայրում տեղակայումը՝ որպես մշակութային ժառանգություն. «Այսօր անհայտ է, թե որտեղ է գտնվում Բանվորի արձանը, մինչդեռ այն մի ամբողջ պատմական ժամանակաշրջան է բնորոշել և մշակութային արժեք էր: Ու թեև արձանը չկա, բայց տեղանքը շարունակում է նույն կերպ կոչվել. սա էլ է մշակույթ»:
Անդրադառնալով արվեստի ոլորտին և մատնանշելով արվեստագետների, մտավորականների դերը հասարակության կյանքում՝ Վահրամ Դումանյանը փաստել է, որ մարդիկ այսօր, ավելի քան երբևէ, կարիք ունեն հոգևոր սննդի: Այս համատեքստում քննարկվել են նաև Ժամանակակից արվեստի թանգարանը, Պատանի հանդիսատեսի թատրոնը ԿԳՄՍ համակարգման ոլորտ ներառելու, թատերարվեստի որակը բարելավելու, դերասանական կազմի ընտրությանը վերաբերող հարցեր:
Խորհրդակցության ավարտին ԿԳՄՍ նախարարի պաշտոնակատար Վահրամ Դումանյանի կողմից տրվել են համապատասխան հանձնարարականներ՝ աշխատանքները ժամանակին, արդյունավետ ու նպատակային կազմակերպելու և իրականացնելու համար:
00:00 30.04.2025
PFAS պոլիմերների ազդեցությունը առողջության և շրջակա միջավայրի վրաԵվրոպական շրջակա միջավայրի գործակալության նոր զեկույցը ահազանգում է՝ նախկինում համեմատաբար անվնաս համարվող PFAS պոլիմերները (հայտնի որպես “հավերժ քիմիական նյութեր”) կարող են լուրջ ռիսկեր ներկայացնել ինչպես մարդու առողջության, այնպես էլ շրջակա միջավայրի համար։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: PFAS պոլիմերներն օգտագործվում են ամենօրյա ապրանքներում՝ տեքստիլ, կոսմետիկա, էլեկտրոնիկա և նույնիսկ «կանաչ» տեխնոլոգիաներում։ Ինչո՞վ […] ...
23:58 29.04.2025
Կաթիլային և անձրևացման ոռոգման համակարգեր. Արդյունավետության բարձրացում գյուղատնտեսությունումԿաթիլային և անձրևացման ոռոգման համակարգերը կազմում են ժամանակակից գյուղատնտեսական ոռոգման հիմքը՝ խնայելով ջրային ռեսուրսները և բարձրացնելով բերքի որակական և քանակական հատկանիշները: Այս մասին հայտնել են ՀՀ էկոնոմիկայի նախարարությունից: Կաթիլային և անձրևացման ոռոգման համակարգերը բաղկացած են հետևյալ հանգույցներից և տարրերից՝ Ջրաղբյուր (պոմպակայան կամ ինքնահոս ճնշումային) Ֆիլտրացման հանգույց Պարարտանյութի պատրաստման և ներմուծման հանգույց Գլխավոր խողովակաշար Ճնշման կարգավորիչներ […] ...
23:57 29.04.2025
Հաջողության պատմություն՝ Նոր ԿյանքիցԱշխատելու համար հարազատ գյուղից Գյումրի տեղափոխվելու միտքը Քրիստինան փոխեց համավարակից հետո: Նա դիմեց Կառավարության աջակցության կորոնավիրուսի հետևանքների հաղթահարման 19-րդ ծրագրին ու Վարդաքարում հիմնեց սեփական ընտանեկան փոքրիկ բիզնեսը, իսկ ամիսներ առաջ տեղափոխվել է Նոր Կյանք ու գործին նոր տեմպ տվել: Մանրամասները՝ տեսանյութում: ...
23:56 29.04.2025
Ամենայն Հայոց Կաթողիկոսը հյուրընկալեց Վրաստանի նախագահինԱպրիլի 29-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հյուրընկալեց պաշտոնական այցով Հայաստանում գտնվող Վրաստանի նախագահ Միխեիլ Կավելաշվիլիին։ Ողջունելով նախագահի այցը Հայաստան և Մայր Աթոռ Սուրբ Էջմիածին` Հայոց Հայրապետն անդրադարձավ երկու ժողովուրդների դարավոր բարեկամությանը։ Այս առնչությամբ Նորին Սրբությունը նկատեց, որ պատմության ընթացքում հայ և վրաց ժողովուրդները, ապավինած իրենց քրիստոնեական […] ...
23:53 29.04.2025
Երևանում անցկացվել է պարին նվիրված ֆլեշմոբՊարի միջազգային օրվա շրջանակում ԿԳՄՍ նախարարության նախաձեռնությամբ ՀՀ մարզերում և Երևանում անցկացվել է պարին նվիրված հանրային արշավ՝ ֆլեշմոբի ձևաչափով: Այս մասին հայտնել են ԿԳՄՍ նախարարությունից: Երևանում ֆլեշմոբն իրականացվել է 4 հարթակում՝ Ազատության հրապարակում, Հյուսիսային պողոտայում, Հանրապետության հրապարակում և ԿԳՄՍ նախարարության մուտքին հարող տարածքում: Ֆլեշմոբը մեկնարկել է ավանդական քոչարու երաժշտությամբ․ քոչարին ընդգրկված է ՅՈՒՆԵՍԿՕ-ի ոչ նյութական […] ...
23:49 29.04.2025
Հայտնաբերվել է որպես անհետ կորած որոնվող 50-ամյա տղամարդու դինԱպրիլի 22-ին հաղորդվել էր 1975 թվականին ծնված Արման Մարտիրոսյանի անհետ կորելու մասին: Համայնքային ոստիկանության Լոռու մարզային վարչության, Ստեփանավանի բաժնի և Փրկարար ծառայության Լոռու մարզի ծառայողների համատեղ ձեռնարկած որոնողական աշխատանքների արդյունքում ապրիլի 25-ին՝ ժամը 13.30-ի սահմաններում, Ստեփանավան քաղաքի Աշոտաբերդ թաղամասի հարակից անտառում հայտնաբերվել է Արման Մարտիրոսյանի դին՝ ծառից կախված վիճակում: Կատարվում է նախաքննություն: Ծանուցում. Ենթադրյալ հանցանքի […] ...
