Samsung-ի փոխտնօրենն ազատվել է բանտից

Հարավային Կորեայի ամենահարուստ  գործարարներից  մեկը՝ Samsung Electronics ընկերության փոխտնօրեն Լի Չժե Յոնն ազատվել է բանտից: Օգոստոսին նա դատապարտվել էր 5 տարվա ազատազրկման՝ կաշառակերության մեղադրանքով: Կոռուպցիոն սկանդալի արդյունքում երկրի նախագահ  Պան ԿԻն Հեն  հրաժարական էր տվել:

Հարավային  Կորեայի վերաքննիչ դատարանը հաստատված է համարել Լի Չժե Յոնի մեղքը, սական ազատազարկումը փոխել է պայմանական պատժով:  Պետական մեղադրողը  մտադիր է բողոքարկել այդ որոշումը վճռաբեկ դատարանում: Կոռուպցիոն սկանդալը վերածվել է քաղաքականի: Հարավային Կորեայի տնտեսության հիմքը հանդիսացող խոշոր կորպորացիաները դժգոհ են դատարանի այդ որոշումից:  

Անսպասելի հանգուցալուծում  

Այսպիսի հանգուցալուծում ոչ ոք չէր կանխատեսել: Լի Չժե  Յոնի ազատումը համարվում էր ամենաանհավանական տարբերակը:

Հիմա   աշխարհի ամենախոշոր ընկերություններից  մեկը՝Samsung Electronics-ը կարող է  հանգիստ շունչ քաշել: Ընկերության աշխատակիցները նշում են, որ թեև  ոչ բաժնետոմսերի գինն էր ընկել, ոչ եկամուտներն էին նվազել, Լի Չժե Յոնի բանտարկմամբ, սակայն հետագայում ընկերությունը կարող էր լուրջ խնդիրների առջև կանգնել հատկապես բիզնեսի զարգացման  ռազմավարության տեսակետից:

Երկուշաբթի՝ Լի Չժե  Յոնի  ազատումից անմիջապես հետո, ընկերության արժեթղթերի գինը բարձրացավ: Դա նշանակում է, որ ներդրողները ողջունում են այն իրողությունը, որ Լի Չժե  Յոնը  դե-ֆակտո ընկերության տնօրենի իր պարտականություններն է կատարում: Դատարանի որոշումը, սակայն, ունի նաև քաղաքական ենթատեքստ: Երկրի նախագահ Մուն Չժե Ինը նախընտրական քարոզարշավի ժամանակ խոստացել է խոշորագույն ընկերությունները մաքրել կոռուպցիայից:

 Շատերը հիմա համոզված են, որ Լի Չժե Յոնի ազատումը հակասում է նախագահի խոստումներին: 

Լի Չժե  Յոնի մեղադրանքը 

49-ամյա Լի Չժե  Յոնը պաշտոնակես զբաղեցնում է Samsung Electronics ընկերության  փոխնախագահի պաշտոնը: Բայց այն պահից սկսած, երբ նրա հայրը՝ Լի  Հոն Հին սրտի կաթված է ստացել, նա ղեկավարում է ընկերությունը:  

 Կոռուպցիոն սկանդալի հիմքում նախագահ  Պան Կին Հեի ընկերուհու հետ կապված պատմությունն է: Քննչական մարմինները հաստատված են համարել այն , որ  Չհվե Սուն Սիլը՝ նախագահի ընկերուհին, խոշոր կորպորոցիաներին ստիպել է բազմամիլիոնանոց հանգանակություններ կատարել իր հետ սերտորեն կապված 2 ոչ կառավարական հիմնադրամների օգտին: Գումարների փոխանցումն ապահովել է Լի Չժե  Յոնը: 

Ըստ մեղադրանքի՝ խոսքը 36 մլն դոլարի մասին է: Չհվե Սուն Սիլը փոխանցել է այդ գումարը հիմնադրամին, որպեսզի ի թիվս այլ խնդիրների, կառավարությունը աչք  փակի այն փաստի վրա, որ  ղեկավարի պաշտոնը այդ հիմնադրամում փոխանցվում է ժառանգաբար: