17:59 24.08.2021
Օգոստոսի 23-ին էկոնոմիկայի նախարարի տեղակալ Արման Խոջոյանն այցելել է Սյունիքի մարզի տարբեր համայնքներ և ծանոթացել «Համայնքների գյուղատնտեսական ռեսուրսների կառավարման և մրցունակության» երկրորդ ծրագրով (ՀԳՌԿՄ֊2) իրականացված աշխատանքներին։
Այցի սկզբում Սիսիան համայնքում Արման Խոջոյանը հետևել է ծրագրի շրջանակում Գորիսի, Մեղրիի և Սիսիանի 16 համայնքների «Արոտօգտագործողների միավորում» սպառողական կոոպերատիվների համար կազմակերպված դասընթացներին, պատասխանել մասնակիցների հարցերին, տվել մի շարք պարզաբանումներ մասնակիցներին հուզող հարցերի վերաբերյալ։
Նույն օրը Արման Խոջոյանը ծանոթացել է Սիսիան համայնքի Տոլորս բնակավայրում ընթացիկ տարում ՀԳՌԿՄ-2 ծրագրի շրջանակում ներդրված ջրարբիացման համակարգերին: Ծրագրի շրջանակում կառուցվել է 30 մետր երկարությամբ խմոց՝ մոտ 100 մետր ջրագծով, և հովիվների կացարան։
Այնուհետև նախարարի տեղակալն այցելել է Սիսիանի «Շաքե֊1» հյութերի արտադրամաս, որը ՀԳՌԿՄ-2 աջակցության ծրագրի շրջանակում ձեռք է բերել արտադրական սարքավորումներ (շշալցնող սարքեր, սառնարաններ, եփման կաթսաներ), որոնց շնորհիվ վերջինս պատրաստվում է ընդլայնել արտադրական ծավալները․ մոտ ապագայում նախատեսվում է իրականացնել նաև չիչխանի, մասուրի, մոշի, հոնի և խնձորի բնական հյութերի արտադրություն։
Սյունքի մարզ կատարած այցի շրջանակում Արման Խոջոյանը այցելել է նաև Նժդեհ և Լոր համայնքներ։ Նժդեհ համայնքում ծրագրով կառուցվել է 18 մետր երկարությամբ խմոց, որի ջրագիծը կազմում է 900 մետր, ինչպես նաև նույն ծրագրով հիմնվել է փարախ և հովիվների կացարան։
Լոր համայնքում ևս իրականացվել են ջրարբիացման համակարգերի ներդրման աշխատանքներ․ կառուցվել է շուրջ 400մ ջրագիծ, 24 մետրանոց խմոց, նաև հովիվների կացարան։
«Այսօր Սյունիքի մարզում մենք ականատես եղանք, թե ինչպես են ջրարբիացման համակարգերի շինարարության արդյունքում արոտները դառնում օգտագործելի։ Այն մի քանի խնդիր է լուծում․ առաջինը՝ նպաստում է այս պահին առկա արոտների արդյունավետ օգտագործմանը, երկրորդը՝ չեն դեգրադացվում չօգտագործվող տարածքները», – նշել է Արման Խոջոյանը՝ հավելելով, որ 2021 թվականին ՀՀ կառավարությունը 700 մլն ՀՀ դրամ է ուղղել ջրարբիացման համակարգերի կառուցմանը, և այս պահին աշխատանքներն ընթանում են շուրջ 19 համայնքներում, որոնցից 7-ը՝ Սյունիքի մարզում։ Նախարարի տեղակալն առանձնահատուկ կարևորել է Սյունիքի մարզում ՀԳՌԿՄ֊2 ծրագրի իրականացումը և հորդորել մարզի համայնքներին ու գյուղատնտեսական կոոպերատիվներին՝ ավելի ակտիվ մասնակցություն ունենալ ծրագրի իրագործման աշխատանքներում։
Սյունիքի մարզի 7 համայնքում և բնակավայրերում (Լոր, Նորավան, Նժդեհ, Շաղատ, Շուռնուխ, Տոլորս և Գորիս) արոտների ջրարբիացման համակարգերի կառուցման 2021 թվականին մեկնարկած ծրագրով նախատեսված է կառուցել շուրջ 7,1 կմ ջրագիծ, 9 խմոց, 2 փարախ, հովվի 4 տնակ, ընդհանուր արժեքը՝ շուրջ 112 մլն ՀՀ դրամ։
09:00 21.06.2025
«Բարսելոնան» ցանկանում է ազատվել 7 ֆուտբոլիստիցԿատալոնական «Բարսելոնայի» ղեկավարությունը մտադիր է ազատվել 7 ֆուտբոլիստից։ Այս մասին հայտնում է Mundo Deportivo-ն: «Էսպանյոլի» դարպասապահ Ժոան Գարսիային ձեռք բերելուց հետո ակումբը մոտ է «Աթլետիկի» աստղ Նիկո Ուիլյամսի գործարքն ավարտելուն, և անհրաժեշտություն է առաջացել պահպանելու ֆինանսական ֆեյր-փլեյի կանոնները: Կատալոնացիները ցանկանում են ազատվել Մարկ-Անդրե տեր Շտեգենից, Անսու Ֆատիից, Պաու Վիկտորից, Պաբլո Տոռեից, Ինյակի Պենյայից, Անդրեաս Քրիստենսենից […] ...
08:30 21.06.2025
Հրդեհ ավտոմեքենայում. կան տուժածներՀունիսի 21-ին, ժամը 01:17-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Արարատ քաղաքի Սահմանապահների փողոցում կայանած ավտոմեքենայում։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Սահմանապահների փողոցի սկզբնամասում այրվում է «Nissan» մակնիշի ավտոմեքենայում։ Մինչ փրկարարների կանչի վայր հասնելը՝ երեք տուժած տեղափոխել է բժշկական կենտրոն։ Հրդեհը մեկուսացվել է ժամը 01։37-ին, մարվել՝ […] ...
23:59 20.06.2025
Օձերը մեր շրջապատում. ի՞նչ պետք է իմանալՀայաստանում կա 21 տեսակի օձ, որոնցից թունավոր են միայն 4-ը՝ տափաստանային իժը, Դարևսկու իժը, անդրկովկասյան գյուրզան և փոքրասիական իժը: Այս մասին հայտնել են ՀՀ ՆԳՆ ՓԾ-ից: Բաց տարածքներում օձ տեսնելիս խորհուրդ է տրվում խուճապի չմատնվել և փորձել զգուշորեն հեռանալ, իսկ փակ տարածքներում՝ տեղափոխվել անվտանգ գոտի և զանգահարել 911: Եթե ձեզ կծել է թունավոր օձ՝ նույնպես […] ...
23:48 20.06.2025
Հայաստանը նախկինի պես հավատարիմ է տարածաշրջանում կայունության ու խաղաղության կառուցմանը․ ՓաշինյանՀՀ վարչապետ Նիկոլ Փաշինյանը X-ի իր միկրոբլոգում գրառում է արել՝ անդրադառնալով Թուրքիայի նախագահ Ռեջեփ Թայիփ Էրդողանի հետ Ստամբուլում կայացած հանդիպմանը։ «Ստամբուլում մանրակրկիտ մտքերի փոխանակում ունեցա նախագահ Էրդողանի հետ։ Քննարկեցինք Հայաստանի ու Թուրքիայի միջև հարաբերությունների կարգավորման գործընթացը, տարածաշրջանային իրադարձություններն ու մշտական երկխոսության կարևորությունը։ Հայաստանը նախկինի պես հավատարիմ է տարածաշրջանում կայունության ու խաղաղության կառուցմանը»,- գրել է վարչապետը։ […] ...
23:41 20.06.2025
Փրկարարները ոստիկանների հետ համատեղ կանխել են քաղաքացու ինքնասպանության փորձըՀունիսի 20-ին, ժամը 19:53-ին Ճգնաժամային կառավարման ազգային կենտրոն տեղեկություն է ստացվել, որ քաղաքացին ցանկանում է ինքնասպանություն գործել՝ նետվելով Երևան քաղաքի Արտաշատի խճուղում գտնվող չշահագործվող շինություններից մեկի տանիքից։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի օպերատիվ և Հոգեբանական աջակցության բաժնի հերթապահ հոգեբանը։ […] ...
23:36 20.06.2025
Պետդեպ. Միայն Թրամփը կկայացնի որոշումներ Ռուսաստանի և Ուկրաինայի վերաբերյալ ԱՄՆ-ումՄիացյալ Նահանգներում Ռուսաստանի և Ուկրաինայի միջև հակամարտության վերաբերյալ որոշումներ կկայացնի միայն նախագահ Դոնալդ Թրամփը։ Այս մասին ճեպազրույցի ժամանակ հայտարարել է Պետդեպարտամենտի մամուլի ծառայության ղեկավար Թեմի Բրյուսը։ «Միայն նախագահը (Թրամփը) կարող է որոշել, թե ինչպես շարունակել (Ռուսաստանի և Ուկրաինայի միջև հակամարտության վերաբերյալ)», – ասել է Պետդեպարտամենտի ներկայացուցիչը։ Նրա խոսքով՝ Միացյալ Նահանգներն ուշադիր հետևում է Մոսկվայի և […] ...
