Այս պահին SHANTNEWS-ի թղթակիցները քաղաքի տարբեր հատվածներում են, և աշխատանքի հասնել չեն կարող, բայց իրենց գտնվելու վայրերից լուսանկարներ ու տեսանյութեր են ուղարկում, որոնք վկայում են քաղաքի տարբեր փողոցների փակված լինելու մասին: Ձեզ այդ ամենը կներկայացնենք պարբերական թարմացումներով: Հետևե՛ք նաև մեր ուղիղ միացումներին:

Նիկոլ Փաշինյանը կոչ է արել ցուցարարներին ժամը 17.00-ից բացել բոլոր փողոցները, որպեսզի քաղաքացիները կարողանան հասնել Հանրապետության հրապարակ:

Ցուցարարների մի մասը ավտոերթով, մյուսները քայլերթով ուղևորվում են դեպի Հանրապետության հրապարակ, որտեղ ժամը 19.00-ին նախատեսված է Նիկոլ Փաշինյանի հերթական հանրահավաքը:

Հաշվի առնելով հանրապետության սահմաններին առաջացած սննդամթերքով լի բեռների կուտակումները՝ Սննդամթերքի անվտանգության պետական ծառայությունն անցնում է աշխատանքային հատուկ ռեժիմի:

Վաղ առավոտից երկկողմանի փակ է Սևան-Երևան ավտոճանապարհի Սևան քաղաքի հատվածը և Գագարինի հատվածը:

Պետական եկամուտների կոմիտեն, արձագանքելով երեկ՝ մայիսի 1-ին, ԱԺ հատուկ նիստի ընթացքում ՊԵԿ գործունեության վերաբերյալ հնչած քաղաքական գնահատականներին, տեղեկացնում է, որ կոմիտեն ապաքաղաքական կառույց է, որն օրենսդրությամբ իրեն վերապահված լիազորությունների շրջանակներում իրականացնում է իր գործառույթները, և, որի առաքելությունը ՊԵԿ-ի կողմից վերահսկվող պետական բյուջեի եկամուտների ապահովումն է:

Փակ է նաև Աշտարակի կենտրոնական փողոցը:

Արցախի Հանրապետության նախագահ Բակո Սահակյանը մայիսի 2-ին այցելել է պաշտպանության նախարարություն և հանդիպում ունեցել պաշտպանության բանակի բարձրագույն հրամկազմի հետ:

Դերասան, հանդիսավար Սարգիս Գրիգորյանի կինը՝ դերասանուհի, պարուսույց՝ Մանոն Instagram-ի իր էջում, story հավելվածում տեսանյութեր է հրապարակել։

Ավելի ուշ Սիսիանի Սիսակ Նահապետի անվան հրապարակում հանրահավաք է նախատեսվում:

Հանրապետության տարբեր մարզերում քաղաքացիները շարունակում են բողոքի ակցիաներ կազմակերպել և իրականացնել:

Թավշյա հեղափոխության ալիքը ժամ առ ժամ ավելի լայն ընդգրկում է ստանում:

«Պետք է սթափ գնահատեն իրավիճակը և հրաժարվեն իրենց B, C և D ստվերային պլաններից»,- այսօր SHANTNEWS.am-ի հետ զրույցում ասել է «Ծառուկյան» դաշինքի պատգամավոր Նաիրա Զոհրաբյանը:

«Ազատություն» ռադիոկայանի լրագրող Արուս Հակոբյանի մասնագիտական գործունեությանը խոչընդոտելու համար մեղադրանք է առաջադրվել: Այս մասին հայտնում են Հայաստանի քննչական կոմիտեից:

Բողոքի ակցիան այս գյուղերում արտահայտվում է բարձր տրամադրությամբ: Հենց մայրուղու մեջտեղում նվագում են, երգում ու պարում:

ՀՀ առաջին նախագահ Լևոն Տեր-Պետրոսյանը դիտարկում է արել Աժ պատգամավորների՝ մանդատից հրաժարվելու պահանջի վերաբերյալ:

Տրանսպորտի, կապի և տեղեկատվական տեխնոլոգիաների նախարարությունը հորդորում է ձեռնպահ մնալ ավտոճանապարհներին արհեստական խոչընդոտներ ստեղծելուց:

Արցախի Հանրապետության պետական նախարար Արայիկ Հարությունյանը մայիսի 2-ին ընդունել է Հարավային Օսիայի Հանրապետության արտաքին գործերի նախարար Դմիտրի Մեդոևին:

Իսրայելի վարչապետ Բենիամին Նեթանյահուն մայիսի 1-ի ուշ երեկոյան պաշտոնապես հայտարարել է, որ իսրայելական հատուկ ծառայությունների ձեռքում են հայտնվել իրանական միջուկային ծրագրի գաղտնի փաստաթղթերը:

Մարդիկ հավաքվում են հրապարակի տարածքում՝ մարզպետարանի առջև:

«Ազգային ժողովի կանոնակարգ» Հայաստանի Հանրապետության սահմանադրական օրենքի 140-րդ հոդվածի 3-րդ մասի համաձայն՝ ՀՀ վարչապետի ընտրությունը տեղի կունենա մայիսի 8-ին՝ ժամը 12:00-ին, իրավունքի ուժով գումարվող Ազգային ժողովի հատուկ նիստում:

Պետական եկամուտների կոմիտեից հայտնում են, որ Հայաստան մտնող բեռնատար՝ հատկապես սննդամթերքով բեռնված մեքենաներն արգելքի առաջ են կանգնում՝ պայմանավորված ճանապարհները փակելու քաղաքական ակցիայով:

Ոստիկանությունից հայտնում են, որ հանրահավաքի որոշ վայրերում, մասնավորապես` Հանրապետության հրապարակում, երթևեկում են բեռնատար մեքենաներ, որոնց թափքերում քաղաքացիների խմբեր կան, որոնց մեջ զգալի թիվ են կազմում անչափահասները:

Սարգսյանն ասում է, թե հարգում է ժողովրդի շարժումը, ընդունում է, գնահատում, բայց չի ընդունում պայքարի այս ձևը, երբ ուսապարկերով քայլում են ու փակում փողոցները: ՀՀԿ-ականների շարքերում նախկին ոստիկանապետը պառակտում չի տեսնում:

SHANTNEWS-ի աշխատակիցն ԱԺ կարողացել է հասնել հեծանիվով: Այլ կերպ ասած՝ հեծանիվը ոչ միայն էկոլոգիապես, մաքուր այլև այս օրերին նույնիսկ անհրաժեշտ փոխադրամիջոց է մասնագիտական պարտակությունները կատարելու համար:

Արտակարգ իրավիճակների նախարարությունը հորդորում է ավտոճանապարհներին և մարդաշատ վայրերում պահպանել զգուշություն:

Օդանավակայանի տարածքից քիչ առաջ ավտոբուսներով հեռացան ոստիկանները:

Ֆրանսիայի հրապարակում ցուցարարները նարդի են խաղում, իսկ տարբեր խմբեր վեր ու վար են անում Մաշտոցի պողոտայով:

Իրանի հարավ-արևմուտքում 5.2 մագնիտուդ հզորությամբ երկրաշարժ է գրանցվել:

Ազգային ժողովի նախագահ Արա Բաբլոյանը հորդորում է ցուցաբերել զսպվածություն, հրաժարվել սոցիալական ցանցերում, փողոցներում և հանրային այլ վայրերում Ազգային ժողովի պատգամավորների հասցեին վիրավորանքներ և սպառնալիքներ հնչեցնելուց, դադարեցնել Ազգային ժողովի պատգամավորների հեռախոսահամարների և հասցեների հրապարակումը: