Ոստիկանությունը ստիպված է եղել միջամտել և արցունքաբեր գազ ու ջրցան մեքենա կիրառել սադրիչների դեմ:

«Ծառուկյան» խմբակցությունը, հաշվի առնելով ստեղծված ներքաղաքական իրավիճակը, բոյկոտում է այսօրվա նիստը: Այս մասին նշել է խմբակցության քարտուղար Վահե Էնֆիաջյանը:

Գյումրիում բողոքի ակցիաները վերսկսվել են։ Այսօր վաղ առավոտյան՝ ժամը 8։15-ին, գյումրեցի ցուցարարները հավաքվել են Շիրակի մարզպետարանի դիմաց։ Մինչ այդ, նրանք մեքենաներով փակել էին տվյալ հատվածի փողոցներն ու վարորդներին հորդորում էին միանալ իրենց: Մարզպետարանի մուտքը փակվել է բողոքի ակցիայի մասնակիցների կողմից:

ԱԺ նիստի սկզբում գրանցվել է ընդամենը 27 պատգամավոր, այսինքն քվորում չի ապահովվել: Նիստը հետաձգվում է:

Այսօր առավոտվանից փակ են Երևանի և հանրապետության այլ քաղաքների մի շարք գլխավոր փողոցներ, պողոտաներ, մայրուղիներ, այդ թվում` նաև հանգուցային կարևոր հատվածներ:

Եվրամիությունը հայտարարել է, որ վերահաստատում է աջակցությունը Հայաստանին՝ բարգավաճ և ժողովրդավարական հասարակություն կառուցելու իր ջանքերում: Այս մասին ասել է Եվրամիության արտգործնախարարության պաշտոնական ներկայացուցիչ Մայա Կոսիյանչիցը իր հայտարարությունում:

«Շանթ» հեռուստաընկերության «Հեռանկար» ծրագրի տաղավարում է Էդմոն Մարուքյանը։

«ՀՀԿ-ական մի պատգամավոր, գեներալ Ֆելիքս Ցոլակյանն այսօր կողմ է քվեարկել իմ թեկնածությանը»,- Հանրապետության հրապարակում հայտարարել է Նիկոլ Փաշինյանը՝ հավելելով, որ Ցոլակյանն իր անունը ոսկե տառերով է գրել ժողովրդի սրտերում և հոգիներում:

«Ժառանգություն» կուսակցությունը կշարունակի խաղաղ, իրավական, արժանապատիվ պայքարը մինչև վերջ: Այս մասին ասվում է կուսակցության տարածած հաղորդագրության մեջ:

Ընդդիմադիր գործիչն իր ելույթում մի քանի անգամ նշել է, որ «սիրո և հանդուրժողականության հեղափոխությունը շարունակվում է»:

Քաղաքական գործիչն ասել է, որ հեղափոխությունը շարունակվում է:

«Հանրապետական վերնախավին պետք է թողնել հայաստանյան հասարակական կյանքի լուսանցքում»,- այսօր Հանրապետության հրապարակում ասել է Նիկոլ Փաշինյանը՝ խնդրելով հասարակությանը Հանրապետական վերանախավի ներկայացուցիչներից որևէ մեկին որևէ տեղ տեսնելու դեպքում ուշադրություն չդարձնել:

ԱԺ նիստից հետո ընդդիմադիր գործիչ Նիկոլ Փաշինյանը Հանրապետության հրապարակում ասել է, որ այս պայքարը չի կարող չպսակվել հաղթանակով:

Նիկոլ Փաշինյանը դիմել է նաև ոստիկանությանը՝ կոչ անելով ցած դնել վահաններն ու մահակները և միանալ ժողովրդին:

Քվեարկությանը մասնակցած պատգամավորներից 45-ը կողմ է քվեարկել նրա թեկնածությանը, իսկ 56-ը՝ դեմ: Որոշումը չի ընդունվել:

ՀՀ վարչապետի թեկնածու Նիկոլ Փաշինյանը եզրափակիչ ելույթի սկզբում նշեց, որ նախ` ցանկանում է ողջունել վաղ առավոտից Հանրապետության հրապարակում կանգնած հարյուր հազարավոր քաղաքացիների և արձանագրել, որ նրանց հաղթանակը չի կարող կասկածի տակ առնվել:

ԱԺ նախագահ Արա Բաբլոյանը հանդես է եկել հայտարարությամբ, որում ասվում է.

Ըստ ԱԺ կանոնակարգ ՀՀ սահմանադրական օրենքի ի 140-րդ հոդվածի 5-րդ կանոնակարգի համաձայն՝ վարչապետն ընտրվում է անվանական քվեարկությամբ, պատգամավորների թվի ձայների մեծամասնությամբ:

ԱԺ նախագահ Արա Բաբլոյանն իր ելույթից առաջ շնորհակալություն հայտնեց էմոցիոնալ, շահագրգիռ և կառուցողական քննարկումների համար: Նա իր ելույթում վստահություն հայտնեց, որ բոլորի ցանկությունը մեկն է՝ փոփոխություններն իրականացնել անցնցում:

«Մենք պետք է ականջալուր լինենք հրապարակում հավաքված մարդկանց պահանջներին, քանի որ բոլորս մի նավի մեջ ենք: Եվ միայն նավավարի սթափ ընկալումները կարող են մեզ ափ հանել: Իսկ այդ նավավարը մեր ժողովուրդն է և նա կարող է մեզ ափ հանել, առանց «մերոնց»-ի և «ձերոնց»-ի, առանց «իմ»-ի և «քո»-ի»: ՀՀ Ազգային ժողովում ընթացող հատուկ նիստի ընթացքում, խոսքն ուղղելով Հանրապետության հրապարակում հավաքվածներին, ասել է ՀՀԿ խմբակցության անդամ Մարգարիտ Եսայանը:

ՀՀԿ խմբակցության ղեկավար Վահրամ Բաղդասարյանը ներկայացրել է խմբակցության միասնական դիրքորոշումը՝ նշելով, որ ՀՀԿ-ն դեմ է քվեարկելու Նիկոլ Փաշինյանի թեկնածությանը:

ԱԺ-ում հատուկ նիստի ժամանակ «Ծառուկյան» խմբակցության անունից ելույթ ունեցավ ԱԺ փոխնախագահ Միքայել Մելքումյանը: Նա նշեց, որ այսօր մեր հանրապետությունը կանգնած է կարևորագույն բեկումնային շրջադարձի պահին, երբ բոլորս պետք է հասկանանք պահի լրջությունը:

«Ելք» խմբակցության պատգամավոր Սասուն Միքայելյանն իր ելույթում համեմատական է անցկացրել 2008-ի և 2018-ի միջև, հիշեցրել, որ 2008թ. ոստիկանները մտնում էին դպրոցներ ու ահաբեկում, ծեծում էին, որ աշակերտները չըմբոստանան: Այսօր էլ ոստիկանները վրաերթի են ենթարկում՝ տեխնիկան է փոխվել միայն, հիմա ոտքով չեն վազում:

«Ես դիմում եմ մեզ հետևող ժողովրդին: Նախապայման եմ ստեղծում, որ ի սկզբանե հանրապետականի ելույթը չընդունվի սրերով, վատ տոնայնությամբ»- այսպես է իր արտահերթ ելույթը այսօր խորհրդարանում սկսել ԱԺ փոխնախագահ Արփինե Հովհաննիսյանը:

Ռուստամյանը նշել է, որ Դաշնակցության դիրքորոշումը նույնն է մնացել:

ՀՅԴ Հայաստանի Գերագույն Մարմինը հայտնում է, որ այսօր Ազգային ժողովում ԱԺ ՀՅԴ խմբակցության պատգամավոր Աղվան Վարդանյանի հնչեցրած տեսակետը անձնական որոշում է և չի համապատասխանում Հ.Յ. Դաշնակցության պաշտոնական դիրքորոշմանը:

«88 թ.-ին Հայաստանի բնակչությունը 3.5 մլն էր և հանրահավաքները ունեին նաև տեղեկություն ստանալու նպատակ: Այսօր բնակչությունը շատ ավելի քիչ է և դադարել է լինել տեղեկություն ստանալու աղբյուր, սակայն այսօրվա չափ մարդ փողոցում երբեք չի եղել», – ԱԺ-ում իր ելույթի ժամանակ ասել է «Ելք» խմբակցության պատգամավոր Արտակ Զեյնալյանը:

Հարությունյանը չի կիսում այն տեսակետը, ըստ որի, ճգնաժամից դուրս գալու միակ ճանապարհը վարչապետի ընտրությունն է:

Նա փորձեց գնահատել Նիկոլ Փաշինյանի կազմակերպչական կարողությունները իրավական տեսանկյունից՝ գնահատելով հանրահավաքային գործունեությունը՝ չափանիշ ընդունելով այն, որ բոլորն ականատես են եղել, թե ինչպես էր Փաշինյանը հանրահավաքները, ճանապարհ փակելը համարում օրինական, քաղաքացիական անհնազանդության դրսևորումը՝ օրինական:

Երբևէ քաղաքական փոքրամասնությունը որևէ երկրում չի թելադրել իր պահանջը քաղաքական մեծամասնությանը: Այս մասին այսօր ԱԺ-ում իր ելույթի ժամանակ հայտարարել է ՀՀԿ-ական Կարինե Աճեմյանը: