11:20 04.11.2021
Նոյեմբերի 3-ին նախարար Վահան Քերոբյանն ընդունել է Հայաստանի Հանարապետությունում Ֆինլանդիայի Հանրապետության արտակարգ և լիազոր դեսպան Կիրստի Նարինենին։ Հանդիպմանը մասնակցել են նաև նախարարի տեղակալ Արշակ Ասլանյանը, Հայաստանում Ֆինլանդիայի պատվավոր հյուպատոս Թիմոտի Դեյվիդ Սթրայթը, նախարարության այլ ներկայացուցիչներ։
Ողջունելով դեսպանին՝ նախարարը կարևորել է երկու երկրների միջև տնտեսական կապերը և նշել, որ տարբեր ոլորտներում համագործակցության չօգտագործված մեծ ներուժ կա։
Կիրստի Նարինենը տեղեկացրել է, որ հանդիպման հիմնական նպատակն է ուսումնասիրել Ֆինլանդիայի և Հայաստանի միջև տնտեսական կապերի ամրապնդման հնարավորությունները, նաև ուրվագծել երկարաժամկետ համագործակցության ուղիները, ինչը դրական ազդեցություն կունենա երկու երկրների առևտրատնտեսական հարաբերությունների զարգացման վրա։
Կողմերը հաստատել են համագործակցության զարգացման և առկա ներուժի լիարժեք օգտագործման ուղղությամբ քայլեր ձեռնարկելու փոխադարձ պատրաստակամությունը:
Նշելով, որ արդեն իսկ ֆիննական ընկերությունների հետ համագործակցության լավ օրինակներ կան՝ Վահան Քերոբյանը տեղեկացրել է դեսպան Նարինենին, որ Հայաստանում նախատեսվում է կառուցել նոր պղնձաձուլարան, որի տեխնիկական զինման համար, երկար ուսումնասիրությունից հետո, ընտրվել է ընտրվել է այդ ոլորտում առաջատար ֆիննական ընկերություն, որը բարձրակարգ տեխնիկայով կապահովի նոր կառուցվող պղնձաձուլարանը։
Նախարարը հակիրճ ներկայացրել է Հայաստանի գործարար միջավայրը, ներդրումային գրավչությունները, որոնք կարող են հետաքրքրել ֆին գործարարներին։ Վահան Քերոբյանը կարևորել է նաև Հայաստանի անդամակցությունը Եվրասիական տնտեսական միությանը՝ նշելով, որ Հայաստանը լավ հարթակ կարող է դառնալ ֆիննական ընկերությունների համար, որոնք ցանկություն կունենան մուտք գործել ԵԱՏՄ անդամ մյուս երկրների շուկաներ։
Որպես համագործակցության լավ հնարավորություններ, Վահան Քերոբյանն առանձնացրել է գյուղատնտեսությունը, մասնավորապես՝ գյուղատնտեսական ապրանքների արտահանմումը, ձկնորսությունը, տեղեկատվական տեխնոլոգիաները և վենչուրային հիմնադրամները։ Նախարարը նաև նշել է, որ Հայաստանը վենչուրային հիմնադրամների համար առաջարկում է գրավիչ պայմաններ և հարկային արտոնություններ։Տրամադրվող արտոնությունների նպատակը Հայաստանի ստարտափերի ու բիզնեսի համար ֆինանսական այլընտրանքային միջոցների հասանելիության ապահովումն է։
Վահան Քերոբյանը կարևորել է երկու երկրների գործարարների համար գործարար համաժողովների կազմակերպումը։ Նա նաև հետաքրքրվել է առաջիկայում Ֆինլանդիայում նախատեսվող ցուցահանդեսներով, որտեղ հայկական ընկերությունները կարող են մասնակցություն ունենալ։ Պայմանավորվածություն է ձեռք բերվել անցկացվելիք ցուցահանդեսների վերաբերյալ տեղեկատվության փոխանակման վերաբերյալ։
Ֆինլանդիայի դեսպանը պատրաստակամություն է հայտնել աջակցել Հայաստանի բրենդը Ֆինլանդիայում զարգացնելու հարցում։ Դեսպանը նաև առաջարկել է հայկական ընկերություններին մասնակցել ամեն տարեսկզբին Հելսինկիում կազմակերպվող զբոսաշրջությանը և սննդին նվիրված ցուցահանդեսին։
Հանդիպման ավարտին պայմանավորվածություն է ձեռք բերվել Ֆինլանդիայի առևտրի ներկայացուցչի հետ կազմակերպել առանձին հանդիպում և աշխատել երկու երկրների միջև համագործակցության օրակարգի նախագծման ուղղությամբ։
Ինչպես նաև համաձայնություն է ձեռք բերվել կազմակերպել Ֆինլանդիայում հայտնի տնտեսական և զբոսաշրջային ուղղվածություն ունեցող լրագրողների ճանաչողական այցը Հայաստան, ինչը կնպաստի Հայաստանի ճանաչողության բարձրացմանը Ֆինլանդիայում և զբոսաշրջային հոսքերի ակտիվացմանը։
22:42 29.07.2025
Հիմնանորոգվում է Վանաշեն-Այգավան-Եղեգնավան մարզային նշանակության ավտոճանապարհի 2.5կմ հատվածըԱրարատի մարզում հիմնանորոգվում է Վանաշեն-Այգավան-Եղեգնավան մարզային նշանակության ավտոճանապարհի 2.5կմ հատվածը։ Այս մասին հայտնել են «Ճանապարհային դեպարտամենտ» հիմնադրամից: Մանրամասները՝ տեսանյութում: ...
22:29 29.07.2025
Վազող թիրախ մրցաձևի Եվրոպայի առաջնություն. Հովհաննես Մարգարյանը՝ չեմպիոն, Լիլիթ Մկրտչյանը՝ բրոնզե մեդալակիրՀայաստանի հրաձգության հավաքականի անդամ Հովհաննես Մարգարյանը ոսկե մեդալ է նվաճել Ֆրանսիայի Շատորու քաղաքում անցկացվող վազող թիրախ մրցաձևի Եվրոպայի առաջնությունում՝ 50մ վազող թիրախ նորմալ վազք մրցաձևի տղամարդկանց անհատական պայքարում: Այս մասին հայտնել են ԿԳՄՍ նախարարությունից: Հովհաննես Մարգարյանը, խոցելով 591 միավոր, գրանցել է համաշխարհային ռեկորդ և դարձել Եվրոպայի չեմպիոն։ Հայաստանի տղամարդկանց թիմը 1738 միավորով նվաճել է նաև […] ...
22:17 29.07.2025
Արդյո՞ք կհաջողվի Պաղեստինի պետության ճանաչման գործընթացը. Արմեն Պետրոսյանի հարցազրույցըՄԱԿ-ի կենտրոնակայանում այս օրերին միջազգային համաժողով է ընթանում Պաղեստինի հարցի խաղաղ կարգավորման և երկու պետությունների ստեղծման տարբերակի իրագործման շուրջ: Այն նախաձեռնեցին Ֆրանսիան և Սաուդյան Արաբիան։ Ընդ որում, սա հետևեց Ֆրանսիայի հայտարարությանը, թե պատրաստ է ճանաչել Պաղեստինի պետությունը: Ի՞նչ տեղաշարժեր են տեղի ունենում Պաղեստինի շուրջ: Այս ու այլ հարցերի անդրադարձել է տարածաշրջանային հարցերով վերլուծաբան Արմեն Պետրոսյանը […] ...
22:09 29.07.2025
Արթուր Մարտիրոսյանն ընդունել է Նիգերիայի դեսպանության գործերի հավատարմատարինՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանն ընդունել է Նիգերիայի դեսպանության գործերի հավատարմատար Աբդուլռաշիդ Օմար Լավալիի (նստավայրը՝ Իրան) գլխավորած պատվիրակությանը։ Այս մասին հայտնել են ԿԳՄՍ նախարարությունից: Ողջունելով հյուրերին՝ Արթուր Մարտիրոսյանն ընդգծել է, որ ՀՀ կառավարությունն ակտիվորեն զարգացնում է համագործակցությունն աֆրիկյան պետությունների հետ՝ մասնավորապես կարևորելով նաև համագործակցությունը կրթության, գիտության, մշակույթի, սպորտի և երիտասարդության […] ...
21:48 29.07.2025
Mix Fight 58-ին Հայաստանը կներկայացնի 12 մարզիկ12 մարզիկ կներկայացնի Հայաստանը Երևանում կայանալիք խառը մենամարտերի Mix Fight 58 մրցաշարում։ 1․Արմեն Օհանյան 2․Կամո Ունանյան 3․Հրաչ Ազիզյան 4․Ռաֆայել Աբրահամյան 5․Արման Ավանեսյան 6․Գեորգի Օհանյան 7․Գեղամ Վարդանյան 8․Գագիկ Հայրապետյան 9․Նարեկ Աղաջանյան 10․Կառլեն Թևոյան 11․Մաքսիմ Խաչատրյան 12․Հովհաննես Ղազարյան։ Հայ մարզիկների մրցակիցների անունները կհրապարակվեն ավելի ուշ։ Մրցաշարը կկայանա սեպտեմբերի 13-ին ու կհեռարձակվի ավելի քան 200 երկրում։ ...
