11:48 25.01.2022
Վրաստանի Բակուրիանիի 5 958 քմ տարածքով անտառն անցած տարվա դեկտեմբերին 49 տարով տրվել է վարչապետ Իրակլի Ղարիբաշվիլիի կնոջը՝ Նունու Թամազաշվիլիին, հայտնում է Aliq.ge-ն։
Պետական գույքի փոխանցումը կատարվել է Գույքի ազգային գործակալության 2021 թվականի դեկտեմբերի 2-ի հրամանով։ Անտառի հատուկ օգտագործման պայմանագիրը Հանրային ռեգիստրը գրանցել է դեկտեմբերի 28-ին։
Ըստ փաստաթղթերի՝ նշված տարածքը դեռևս ոչ գյուղատնտեսական է և ներառված է անտառային ֆոնդի մեջ։ Այդ հատվածի կողքին Նունու Թամազաշվիլին ունի նաև առանձին 1 530 քմ հողատարածք, որը գյուղատնտեսական նպատակների համար է։
Փաստաթղթերի համաձայն՝ Թամազաշվիլին այս տնամերձ հողամասը 2017 և 2019 թվականներին 2 փուլով գնել է մասնավոր անձանցից, այնուհետև այն միավորել մեկ հողամասի մեջ։
Նունու Թամազաշվիլիին 49 տարով հատուկ օգտագործման փոխանցելու պետական գույքի մասին տեղեկությունն առաջին անգամ հաղորդել է հանրային հեռուստաընկերությունը՝ նշելով, որ Թամազաշվիլին հողամասի օգտագործման համար տարեկան կվճարի 6 հազար 255 լարի 90 թեթրի, և նա իրավունք ունի տարածքն օգտագործել առողջարանային, հանգստյան, սպորտային և այլ մշակութային-առողջապահական նպատակներով։
Ազգային անտառային գործակալությունը հունվարի 22-ին հայտարարություն է տարածել նշված հողամասի վերաբերյալ՝ հայտնելով, որ Նունու Թամազաշվիլին տարածքից օգտվելու իրավունք է ստացել էլեկտրոնային աճուրդի միջոցով, որին մասնակցելու իրավունք ունեին բոլոր իրավաբանական կամ ֆիզիկական անձինք։ Անտառի հատուկ օգտագործումը առողջարանային, ռեկրեացիոն, սպորտային և այլ մշակութային-առողջապահական նպատակներով հայտարարվել է 49 տարի ժամկետով՝ հաշվի առնելով տարբեր պարտավորություններ։
Գործակալության տվյալներով՝ աճուրդն ավարտվել է 2021 թվականի դեկտեմբերի 24-ին, և հաղթող է ճանաչվել ֆիզիկական անձ Նունու Թամազաշվիլին։ Ինչ վերաբերում է վաճառքի գնին, ապա գումարը կազմում է 6 255,90 լարի։
Միաժամանակ, ըստ գործակալության, 2021 թվականից ի վեր տրվել է ընդհանուր առմամբ 22 վարձակալություն՝ 255 948 քմ ընդհանուր մակերեսով, որից պետությունն ունի տարեկան 55 225 լարի եկամուտ։
15:45 28.06.2025
Իրանը կոչ է անում Թրամփին դադարեցնել Խամենեիի նկատմամբ անհարգալից տոնըԱՄՆ նախագահ Դոնալդ Թրամփը պետք է դադարեցնի անհարգալից խոսույթ օգտագործել Իրանի գերագույն առաջնորդ այաթոլլա Ալի Խամենեիի նկատմամբ, եթե նա անկեղծ է Թեհրանի հետ համաձայնության գալու իր ցանկության մեջ, սոցիալական ցանցերում հայտարարել է Իրանի արտաքին գործերի նախարար Աբբաս Արաղչին։ «Եթե նախագահ Թրամփը անկեղծ է համաձայնության գալու իր ցանկության մեջ, նա պետք է դադարեցնի անհարգալից և անընդունելի […] ...
15:25 28.06.2025
Պաղեստինցիներին որպես մարդասիրական օգնություն տրամադրված ալյուրի մեջ թմրանյութեր են հայտնաբերվելԳազայի իշխանությունները հայտարարել են, որ պաղեստինցիներին որպես մարդասիրական օգնություն տրամադրվող ալյուրի մեջ թմրանյութեր են հայտնաբերվել։ «Մենք խորը մտահոգություն ենք հայտնում և դատապարտում ենք, այսպես կոչված, ամերիկա-իսրայելական մարդասիրական օգնության բաշխման կենտրոններում քաղաքացիներին տրամադրվող ալյուրի պարկերում թմրամիջոցային ազդեցություն ունեցող օքսիկոդոնի հաբերի հայտնաբերումը», – ասվում է սոցիալական ցանցերում տեղադրված հայտարարության մեջ։ Ինչպես նշել են անկլավի իշխանությունները՝ հայտնի է […] ...
15:10 28.06.2025
ՊՍԺ-ն օգնել է «Լիոնին»Ֆրանսիական ՊՍԺ-ն «Լիոնին» օգնելու համար վճարել է Բրեդլի Բարկոլայի տրանսֆերի ամբողջ գումարը, հայտնում է RMC Sport-ը: Փարիզյան ակումբը որոշել է այս կերպ օգնել «Լիոնին», որպեսզի ակումբը կարողանա բարելավել ֆինանսական վիճակը: Ավելի վաղ վերահսկողության և կառավարման Ազգային կոմիտեն ֆինանսական խնդիրների պատճառով «Լիոնին» տեղափոխել էր Ֆրանսիայի երկրորդ դիվիզիոն՝ Լիգա 2: ...
14:54 28.06.2025
Նուբարաշենցու հողամասում կանեփի 210 բույս է հայտնաբերվել․ նա ձերբակալվել էՀամայնքային ոստիկանության Նուբարաշենի բաժնի ծառայողները տեղեկություն են ստացել, որ վարչական շրջանի 8-րդ փողոցի 50-ամյա բնակիչը հողամասում աճեցնում է թմրաբույսեր։ Տարածքային քննչական բաժնում նախաձեռնված քրեական վարույթի շրջանակներում զննվել է տղամարդու հողամասը։ Իրավապահները հայտնաբերել են կանեփի 210 բույս։ 50-ամյա տղամարդը ձերբակալվել է։ Հանգամանքները նախաքննությամբ պարզվում են։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի […] ...
14:44 28.06.2025
Առաջիկա օրերի եղանակային կանխատեսումըՀանրապետության տարածքում հունիսի 28-ին ուշ երեկոյան, 29-30-ին, հուլիսի 1-ի գիշերը և կեսօրից հետո, հուլիսի 2-3-ին կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Քամին՝ հյուսիսարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։ Օդի ջերմաստիճանը հունիսի 29-30-ին աստիճանաբար կնվազի 3-5 աստիճանով։ Երևան քաղաքում հունիսի 28-ին ուշ […] ...
