18:14 14.03.2022
Ինքնակամ շինությունների հաշվառման գործընթացի մեկնարկի օրվանից՝ 2.5 ամսում, Կադաստրի կոմիտե քաղաքացիները ներկայացնելու էին չափագրման փաստաթղթերը, որից հետո միայն ինքնակամ կառուցված շինությունները կհամարվեն հաշվառված։ Հաջորդ քայլն արդեն կառույցների օրինականացման կամ մերժմանն է վերաբերում, որը ՏԻՄ-ի գործառույթն է։
Բազմաթիվ բնակավայրերում ու քաղաքներում խախտվել են քաղաքաշինական նորմերը և ճարտարապետական տեսքերը: Ոլորտում խնդիրները կարգավորելու և ապօրինի շինությունների գույքագրում կատարելու որոշումն եղավ տարեսկզբին, որով և 2021 թվականի ընթացքում կառուցված ինքնակամ շինությունները հաշվառելու և օրինականացնելու հնարավորություն տրվեց: Մինչ Կադաստրի կոմիտե հաշվառման ներկայացնելը, ինքնակամ շինությունները չափագրում են լիցենզավորված ընկերությունները, հետո փաստաթղթավորվում:
«Դիմումները շատ-շատ են։ Քաղաքացիները պետք է տեղեկացված լինեն, որ եթե 2021 թվականի կառույց չէ, պարտադիր չէ չափագրում անել և ներկայացնել Կադաստրի կոմիտե, խոսքը հիմա վերաբերում է միայն 2021 թվականի ընթացքում կառուցված ինքնակամ շինություններին»,- պարզաբանում է Գյումրիի քաղաքապետարանի անշարժ գույքի կառավարման բաժնի պետի ԺՊ Գևորգ Գրիգորյանը։
Չափագրող ընկերություններին ու քաղաքապետարան քաղաքացիները անցած երկու ամիսների ընթացքում դիմել են տարբեր ինքնակամ շինություններ չափագրելու և օրինականացնելու խնդրանքով: Շինության կառուցման ժամանակաշրջանը ճշտվում է հին ու նոր էլեկտրոնային քարտեզների և փաստաթղթերի միջոցով: Ինքնակամ կառույցների հայտերը քաղաքային ու գյուղական բնակավայրերում էապես տարբերվում են:
«Քաղաքներում հիմնականում ավտոտնակներն են ապօրինի կառուցված, բնակելի տներին կից օժանդակ կառույցները, իսկ գյուղական բնակավայրերում ավելի շատ անասնաշենքեր են, էլի ավտոտնակներ։ Քաղաքներում էլ, գյուղերում էլ շատ կան բնակելի տներ, որոնք ամբողջությամբ կառուցված են ապօրինի»,- նշել է անշարժ գույքի հաշվառող-չափագրող Հարություն Հարությունյանը։
Շիրակի մարզում գործող մոտ 20 չափագրող լիցենզավորված կազմակերպություններ կան, բոլորն էլ այժմ աշխատում են ծանրաբեռնված: Չափագրումներից հետո ինքնակամ կառույցների տվյալները էլեկտրոնային եղանակով մուտքագրվում են Կադաստրի պետական կոմիտեի շտեմարան, իսկ տրված ժամկետում հաշվառված լինելու ապացույց քաղաքացուն տրամադրվում է տեղեկանք։
Այն քաղաքացիները, որոնք սահմանված ժամկետներում չեն հասցնի չափագրել ու հաշվառել իրենց 2021 թվականի ընթացքում կառուցած ինքնակամ շինությունները, դրանք այլևս օրինականացնելու հնարավորություն չեն ունենա: Իսկ քաղաքապետարանը կամ համայնքապետարանը ինքնակամ շինությունների օրինականացման թույլտվության դեպքում առաջնորդվելու է մի քանի չափորոշիչներով:
«Քաղաքացին չափագրումից հետո, երբ որ դիմում է համայնքին՝ սեփականաշնորհելու իր ինքնակամ կառույցը, ամենաառաջինը դիտարկվում է, թե որ գոտում է գտնվում կառույցը, 2-րդը՝ արդյոք շինարարական նորմերը համապատասխանում են, թե ոչ, 3-րդ՝ կան արդյոք հարևաններից բողոքներ, անվտանգության հրշեջ նորմատիվները պահպանված են, թե ոչ, շենքի մուտքերը խանգարում են անցուդարձին, թե ոչ։ Էս ամբողջը դիտարկվում է և հետո նոր միայն խորհուրդով հաստատվում է՝ ենթակա է օրինականացման, թե ոչ»,- նշել է Գևորգ Գրիգորյանը։
Ինքնակամ շինություններից բացի, քաղաքապետարանն ավարտում է նաև տնակների ու ժամանակավոր կացարանների հաշվառման հերթական գործընթացը: Այս պահին քաղաքում կա 2769 տնակ, մի մասը՝ չբնակեցված։ Տնակների ու ժամանակավոր կացարանների նոր էլեկտրոնային քարտեզում ներառված են բոլոր տնակային ավանները:
10:00 05.07.2025
Տեխասում ջրհեղեղների հետևանքով 13 մարդ է զոհվելԱՄՆ Տեխաս նահանգում երկարատև հեղեղատարափ անձրևների հետևանքով առաջացած ջրհեղեղների հետևանքով ուրբաթ օրվա դրությամբ հաստատվել է 13 մարդու մահը, հաղորդում է Associated Press (AP)-ը։ Քեր շրջանի շերիֆ Լարի Լեյտան հայտարարել է, որ «ջրհեղեղի հետևանքով զոհվել է 13 մարդ և աշխատանքներ են տարվում զոհերի ինքնությունը պարզելու համար», – ասվում է հրապարակման մեջ։ AP-ն գրում է, որ տեղեկություններ […] ...
09:29 05.07.2025
Թուրքիան հետևում է խաղաղության բանակցությունների առաջընթացին և ակնկալում, որ համաձայնագիրը կբավարարի Ադրբեջանի պահանջները․ ԷրդողանԹուրքիան հետևում է Երևանի և Բաքվի միջև խաղաղության բանակցությունների առաջընթացին և ակնկալում է համաձայնագրի ստորագրում, որը կբավարարի Ադրբեջանի պահանջները, հայտարարել է Թուրքիայի նախագահ Ռեջեփ Թայիփ Էրդողանը։ Ստեփանակերտում Տնտեսական համագործակցության կազմակերպության գագաթնաժողովի շրջանակներում Էրդողանը հանդիպել է Ադրբեջանի նախագահ Իլհամ Ալիևի հետ։ Հանդիպման ընթացքում քննարկվել են երկկողմ հարաբերությունները, տարածաշրջանային և համաշխարհային հարցեր։ Հանդիպման ժամանակ նախագահ Էրդողանը հայտարարել […] ...
09:00 05.07.2025
Թրամփը չի բացառել, որ կարող է այցելել ՉինաստանԱմերիկայի առաջնորդ Դոնալդ Թրամփը խոստովանել է, որ կայցելի Չինաստան, ինչպես նաև ենթադրել է, որ Չինաստանի նախագահ Սի Ծինփինը կայցելի Միացյալ Նահանգներ։ «Ինձ հրավիրեցին գնալ այնտեղ։ Սի Ծինփինը հարցրեց, թե արդյոք ես կգնամ։ Եվ նա նույնպես կարող է գալ այստեղ՝ ԱՄՆ։ Մենք լավ ենք շփվում», – լրագրողներին ասել է Թրամփը Նյու Ջերսի մեկնող իր ինքնաթիռում։ Թրամփը […] ...
21:50 04.07.2025
Մեկ օր՝ բարձրաստիճան զինվորականի հետ․ ՊՆՄեկ օր՝ բարձրաստիճան զինվորականի հետ. բանակային կորպուսի հրամանատար, գնդապետ Սիմոն Նազարյան: ՀՀ ՊՆ-ը տեսանյութ է ներկայացրել։ ...
21:45 04.07.2025
Ռուսաստանում իրավապահները մեղադրանքներ են առաջադրում նաև Իլհամ Ալիևի մտերիմ օլիգարխներինԲաքվի ու Մոսկվայի միջև լարվածության ֆոնին Ռուսաստանում շարունակվում են ադրբեջանցիների ձեռբակալությունները: Իրավապահները մեղադրանքներ են ուղղում արդեն ոչ միայն անօրինական միգրանտներին, այլև՝ Իլհամ Ալիևին մտերիմ օլիգարխներին: Հայտնի անուններ կա՞ն ձերբակալվածների թվում: Թեմային՝ «Հորիզոնի» տաղավարում անդրադարձել է Արտյոմ Երկանյանը. «Առաջին հերթին, իհարկե, ձերբակալությունները տարածվում են քրեական հեղինակությունների վրա: Մոսկվայում, Սանկտ Պետերբուրգում, Եկատերինբուրգում, Օրենբուրգում ու այլ քաղաքներում ազգությամբ […] ...
