17:50 04.07.2025
ՀՀ հակակոռուպցիոն կոմիտեի նախագահ Արթուր Նահապետյանի գլխավորությամբ այսօր անցկացվել է աշխատանքային խորհրդակցություն, որին մասնակցել են Կոմիտեի նախագահի տեղակալները, քննչական և օպերատիվ-հետախուզական ստորաբաժանումների ղեկավարները, ինչպես նաև Կոմիտեի այլ ծառայողներ:
Հակակոռուպցիոն կոմիտեի նախագահն անձնակազմին է ներկայացրել իր նորանշանակ տեղակալ Արմեն Ասատրյանին՝ նրան և Կոմիտեի կազմը համալրած նոր ծառայողներին մաղթելով արդյունավետ գործունեություն:
Կոմիտեի նախագահն անդրադարձել է իր՝ 2025 թվականի հունիսի 6-ի հրամանով ստեղծված խորհրդակցական մարմնի (Կոլեգիայի) գործունեության կարգին, որի հիմնական նպատակը առավել հրատապ և արդիական հարցերի քննարկման, դրանց արագ և համարժեք արձագանքման ապահովումն է:
Արթուր Նահապետյանը խոսել է նաև Հակակոռուպցիոն կոմիտեում իրականացված կառուցվածքային փոփոխությունների, այդ թվում՝ նոր ստեղծված ստորաբաժանմանը՝ Ներքին անվտանգության և վերահսկողության վարչությանը վերապահված վերահսկողական լիազորությունների ու գործառույթների մասին:
Կառուցվածքային փոփոխությունների համատեքստում, ինչպես նաև կոռուպցիայի դեմ առավել արդյունավետ պայքար մղելու տեսանկյունից Կոմիտեի նախագահը կարևորել է մարզային ստորաբաժանումներ ունենալու անհրաժեշտությունը՝ նշելով, որ առաջիկայում աշխատանքներ կիրականացվեն նաև այդ ուղղությամբ:
Նիստի ընթացքում քննարկվել են նաև Կոմիտեի նախագահի կողմից տրված հանձնարարականների կատարման ժամկետներին ու ծառայողների աշխատանքի գնահատման չափանիշներին վերաբերող հարցեր:
Արթուր Նահապետյանը անդրադարձել է Կոմիտեում մեկ տարուց ավել քննվող քրեական վարույթներով իրականացվող նախաքննության ժամկետներին՝ ևս մեկ անգամ ընդգծելով, որ իր պահանջն է՝ հնարավորինս արագ ավարտել տևական ժամանակ քննվող գործերը և ուշադրություն դարձնել բոլոր վարույթներով նախաքննության որակի բարձրացմանը:
Անդրադարձ է եղել նաև Հակակոռուպցիոն կոմիտեի կողմից ներկայացված օրենսդրական մի շարք նախաձեռնությունների, ինչպես նաև կարգապահական և մրցութային հանձնաժողովների գործունեության լավարկմանը վերաբերող հարցերին:
Ըստ Հակակոռուպցիոն կոմիտեի նախագահի՝ Կոլեգիայի որոշումների կենսագործումն առավել կբարձրացնի Կոմիտեի առջև դրված խնդիրների կատարման արդյունավետությունը:
21:50 04.07.2025
Մեկ օր՝ բարձրաստիճան զինվորականի հետ․ ՊՆՄեկ օր՝ բարձրաստիճան զինվորականի հետ. բանակային կորպուսի հրամանատար, գնդապետ Սիմոն Նազարյան: ՀՀ ՊՆ-ը տեսանյութ է ներկայացրել։ ...
21:45 04.07.2025
Ռուսաստանում իրավապահները մեղադրանքներ են առաջադրում նաև Իլհամ Ալիևի մտերիմ օլիգարխներինԲաքվի ու Մոսկվայի միջև լարվածության ֆոնին Ռուսաստանում շարունակվում են ադրբեջանցիների ձեռբակալությունները: Իրավապահները մեղադրանքներ են ուղղում արդեն ոչ միայն անօրինական միգրանտներին, այլև՝ Իլհամ Ալիևին մտերիմ օլիգարխներին: Հայտնի անուններ կա՞ն ձերբակալվածների թվում: Թեմային՝ «Հորիզոնի» տաղավարում անդրադարձել է Արտյոմ Երկանյանը. «Առաջին հերթին, իհարկե, ձերբակալությունները տարածվում են քրեական հեղինակությունների վրա: Մոսկվայում, Սանկտ Պետերբուրգում, Եկատերինբուրգում, Օրենբուրգում ու այլ քաղաքներում ազգությամբ […] ...
21:40 04.07.2025
Կենտրոն վարչական շրջանում ստեղծվել են նոր, անվտանգ և ժամանակակից խաղահրապարակներԵրևանի քաղաքապետ Տիգրան Ավինյանը Ֆեյսբուքյան իր էջում տեսանյութ է հրապարակել և գրել է. «Կենտրոն վարչական շրջանում ստեղծել ենք նոր, անվտանգ և ժամանակակից խաղահրապարակներ՝ նախատեսված մեր երեխաների անհոգ ժամանցի համար։ Խաղասարքերը պատրաստված են էկոլոգիապես մաքուր և բարձրորակ նյութերից, չեն գունաթափվում արևի ազդեցությունից և չեն դեֆորմացվում ջերմաստիճանի տատանումներից: Ստեղծելով նոր խաղային միջավայր՝ մենք ապահովում ենք, որ երեխաները […] ...
21:30 04.07.2025
Վրաստանի նախագահը ներկայացրել է ընդդիմության անդամներին ներում շնորհելու պայմաններըՎրաստանի նախագահ Միխեիլ Կավելաշվիլին հայտարարել է, որ ներում կշնորհի խորհրդարանական հանձնաժողովի նիստին չներկայանալու համար դատապարտված ընդդիմության առաջնորդներին, եթե նրանք հայտարարեն հոկտեմբերի 4-ին նախատեսված տեղական ինքնակառավարման մարմինների ընտրություններին մասնակցելու մտադրության մասին։ «Ինչպես հայտնի է, մի քանի քաղաքական կուսակցությունների կոնկրետ առաջնորդներ իրենց պատիժը կրում են Վրաստանի օրենսդրության համաձայն՝ քրեակատարողական հիմնարկում։ Հաշվի առնելով այս հանգամանքը՝ առաջարկում եմ, որ […] ...
21:18 04.07.2025
Ֆոտոթակարդները կրկին արձանագրել են բեզոարյան այծի մեծ ու փոքր առանձնյակներիՇՄՆ «Հայանտառ» ՊՈԱԿ-ի «Սյունիքի անտառտնտեսություն» մասնաճյուղի ֆոտոթակարդները կրկին արձանագրել են բեզոարյան այծի մեծ ու փոքր առանձնյակների։ ...
