14:00 10.05.2022
ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը ընդունել է Գերմանիայի միջազգային համագործակցության ընկերության (ԳՄՀԸ) «Լավ կառավարում հանուն տեղական զարգացման Հարավային Կովկասում» ծրագրի տարածաշրջանային ղեկավար Քրիստոֆ Բայերին և ծրագրի հայաստանյան թիմի ղեկավար Պիեռ Բոնիֆասիին։
Տերտերյանը ողջունել է հյուրերին, շնորհակալություն հայտնել հանդիպման համար՝ ընդգծելով ԳՄՀԸ-ի հետ ակտիվ համագործակցության, ինչպես նաև տնտեսական զարգացման ծրագրերի իրականացման կարևորությունը հատկապես համայնքների խոշորացման գործընթացից հետո, երբ խոշոր համայնքների համար տնտեսական զարգացման լավ հնարավորություն և ռեսուրսներ են ձևավորվել։
«ԳՄՀԸ-ի հետ համագործակցության շրջանակներում համայնքները ներկայացրել են աննախադեպ՝ ավելի քան 200 զարգացման ծրագրային առաջարկներ, որոնցից ընտրվել է 21 ծրագիր, իսկ մնացած ծրագրերը կիրականացվեն այլ ծրագրերի միջոցով։ Հարկ է նշել, որ վերջերս ներդրված տնտեսական զարգացման պատասխանատուների ինստիտուտը դրական արդյունքներ է տվել։ Պատասխանատուներից 14-ը ընդգրկվել են ԳՄՀԸ-ի առաջարկով ստեղծված աշխատանքային խմբում նշված 21 համայնքային զարգացման ծրագրերի իրագործման, ինչպես նաև համայնքներում տնտեսական զարգացման այլ նախաձեռնությունների շրջանակներում մասնագիտական խորհրդատվություն և օժանդակություն տրամադրելու համար»- նշել է փոխնախարարը։
Հանդիպման ընթացքում քննարկվել է հարևան Վրաստանի Հանրապետության հետ համագործակցությունը Եվրամիության «Անդրսահմանային համագործակցություն» ծրագրով, որի շրջանակներում մայիսին Վրաստանի Հանրապետության տարածաշրջանային զարգացման և ենթակառուցվածքների (ՏԶԵ) և ֆինանսների նախարարների տեղակալները և 10 համայնքների ղեկավարներ կայցելեն Հայաստան՝ տեղում ծանոթանալու համայնքների տնտեսական զարգացման և մասնավորապես՝ վերոնշյալ հիմնադրամի գործադրման փորձին և մանրամասներին՝ դրանք Վրաստանում իրականացնելու նպատակով։
Հյուրերը շնորհակալություն են հայտնել ընդունելության և ամբողջական տեղեկատվության տրամադրման համար՝ նշելով, որ Հայաստանի տարբեր համայնքներում իրականացվող ծրագրերը նորարար մոտեցումներ ունեն և մոտ ապագայում զարգացման նոր հնարավորություններ կընձեռեն։
15:40 05.07.2025
Ձեր ամուր կամքով ու Ձեր ընտրությամբ մեր երկրում իշխանությունը պատկանում է Ձեզ` Հայաստանի Հանրապետության ժողովրդին, և դա անշրջելի է այլևս. ՏԿԵ նախարարՀՀ ՏԿԵ նախարար Դավիթ Խուդաթյանը շնորհավորական ուղերձ է հղել Սահմանադրության 30-ամյակի առթիվ: «Հայաստանի Հանրապետության սիրելի՛ քաղաքացիներ, շնորհավորում եմ բոլորիս Սահմանադրության օրվա առիթով: Ձեր ամուր կամքով ու Ձեր ընտրությամբ մեր երկրում իշխանությունը պատկանում է Ձեզ` Հայաստանի Հանրապետության ժողովրդին և դա անշրջելի է այլևս: Ձեր ամուր կամքով և Ձեր ընտրությամբ Հայաստանը հիմա ավելի անկախ է, քան երբևէ, […] ...
15:28 05.07.2025
ՀՀ-ին անհրաժեշտ է նոր՝ ժողովրդի քվեով հաստատված Սահմանադրություն, որպեսզի ժողովուրդն այն համարի իրենը, իր հայրենիք-պետության մեջ ապրելու այն կանոնը, որն ինքն է ստեղծել. վարչապետՀայաստանի Հանրապետության Սահմանադրության 30-ամյա հոբելյանի առթիվ Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի է ունեցել տոնական միջոցառում: Վերջինիս ներկա են գտնվել վարչապետ Նիկոլ Փաշինյանը, Հանրապետության նախագահ Վահագն Խաչատուրյանը, Սահմանադրական դատարանի նախագահ Արման Դիլանյանը, օրենսդիր, գործադիր մարմինների ներկայացուցիչներ, Հայաստանում հավատարմագրված օտարերկրյա պետությունների դիվանագիտական առաքելությունների ղեկավարներ: Շնորհավորական խոսքով հանդես են եկել վարչապետ Փաշինյանը, նախագահ […] ...
15:14 05.07.2025
ՀՀ ՄԻՊ-ը Ստրասբուրգում մասնակցել է ԵԽ Խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման կոմիտեի լիագումար նիստինՄարդու իրավունքների պաշտպան Անահիտ Մանասյանը հունիսի 30-ից հուլիսի 4-ը Ստրասբուրգում մասնակցել է Եվրոպայի խորհրդի Խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման կոմիտեի (ԽԿԿ/CPT) 117-րդ լիագումար նիստին` որպես Կոմիտեի` Հայաստանը ներկայացնող անդամ։ Նիստի շրջանակում հաստատվել է 2026 թվականի պարբերական այցերի ծրագիրը, ընդունվել են 2024 և 2025 թվականներին մի շարք երկրներ կատարված այցերի վերաբերյալ […] ...
14:54 05.07.2025
Արարատ Միրզոյանը մասնակցել է ՀՀ Սահմանադրության 30-ամյակին նվիրված հանդիսավոր միջոցառմանըԱԳ նախարար Արարատ Միրզոյանը ՀՀ բարձրագույն ղեկավարության հետ մասնակցել է ՀՀ Սահմանադրության 30-ամյակին նվիրված հանդիսավոր միջոցառմանը։ Միջոցառմանը ներկա են եղել նաև ՀՀ-ում հավատարմագրված դիվանագիտական ներկայացուցչությունների ղեկավարներ: ...
14:44 05.07.2025
Մախաչևն արժանի է լինել երկու քաշային կարգերի չեմպիոն․ ԾառուկյանUFC-ի առաջատար, հայ մարտիկ Արման Ծառուկյանն ESPN-ին տված հարցազրույցում անդրադարձել է դաղստանցի Իսլամ Մախաչևի` կիսամիջին քաշային կարգ տեղափոխվելուն: Արմանին հարցրել են, թե արդյո՞ք նա հիասթափված է, որ Մախաչևը լքել է թեթև քաշային կարգը։ «Ոչ, որովհետև Իսլամը արժանի է լինել UFC-ի երկու քաշային կարգերի չեմպիոն: Ես պարզապես ուրախ եմ նրա համար, հուսով եմ, որ նա կնվաճի […] ...
