23:00 05.04.2023
Երևանում կայանալիք Էնդրյու Լլոյդ Ուեբերի բրոդվեյյան լեգենդար մյուզիքլի՝ «Սանսեթ Բուլվարի» առաջնախաղին ընդառաջ՝ ՀՀ կրթության, գիտության, մշակույթի, սպորտի նախարար Ժաննա Անդրեասյանը և նախարարի տեղակալ Արա Խզմալյանն այցելել են Կ․ Դեմիրճյանի անվան մարզահամերգային համալիր, հանդիպել ստեղծագործական խմբի հետ և հաջողություն մաղթել նրանց առաջիկա ներկայացումներում։
Հայաստանում «Սանսեթ Բուլվար» մյուզիքլն իրականացնում է SKYFIST STUDIO պրոդյուսերական ընկերությունը՝ Պողոս Հարությունյանի ղեկավարությամբ։ Կ․ Դեմիրճյանի անվան մարզահամերգային համալիրում կատարած շրջայցի ընթացքում Պողոս Հարությունյանը ԿԳՄՍ նախարարին մանրամասներ է ներկայացրել նախապատրաստական աշխատանքներից։ Նրանց ուղեկցել է նաև Մարզահամերգային համալիրի տնօրեն Կարեն Ղազարյանը։
Ժաննա Անդրեասյանը վստահություն է հայտնել՝ երևանյան հանդիսատեսը բարձր է գնահատելու ստեղծագործական խմբի ջանքերը։
«Ուրախ եմ, որ Ձեր սկսած գործը հասցրել եք այս ամենակարևոր կետին։ Այս ուղղությունը մեզ համար շատ կարևոր է. մենք ներկայացումների որակի բարելավման և այս ժանրի զարգացման խնդիր ունենք։ Վստահ եմ՝ հանդիսատեսը կգնահատի ձեր ստեղծագործական ջանքերը։ Գնահատելով Ձեր աշխատանքը՝ պատրաստ ենք քննարկել հետագա համագործակցության հնարավորությունները»,- ասել է Ժաննա Անդրեասյանը։
Պողոս Հարությունյանը ևս հույս է հայտնել, որ երևանյան հանդիսատեսը բավականություն կստանա սպասվելիք ներկայացումներից․ «Իսկապես շատ մասշտաբային և աննախադեպ իրադարձություն է սպասվում։ Հավատացնում եմ՝ սա նորություն է լինելու հայ հանդիսատեսի համար։ Հուսով եմ՝ մեր նախագծի միջոցով հնարավորինս շատ երիտասարդներ կսկսեն հետաքրքրվել այս արվեստով»։
ԿԳՄՍ նախարարը հանդիպել է նաև վրացի նշանավոր երգչուհի Թամարա Գվերդծիթելիին, որը լեգենդար մյուզիքլի երևանյան տարբերակում կմարմնավորի գլխավոր հերոսուհի Նորմա Դեսմոնդին։ Ժաննա Անդրեասյանը հաջողություն է մաղթել անվանի երգչուհուն և ողջ ստեղծագործական թիմին՝ ընդգծելով, որ երևանյան հանրությունն անհամբերությամբ է սպասում համաշխարհային բեմեր նվաճած մյուզիքլի պրեմիերային։
«Փայլուն կոլեկտիվ է հավաքվել․ հիանալի է այսպիսի թիմի հետ աշխատելը։ Կարծում եմ՝ կկարողանանք ուրախացնել և հաճելի պահեր պարգևել մեր հանդիսատեսին»,- ասել է Թամարա Գվերդծիթելին՝ շնորհակալություն հայտնելով ԿԳՄՍ նախարարին այցի համար։
Իր գրեթե երեսնամյա պատմության ընթացքում «Սանսեթ Բուլվարը» բեմադրվել է աշխարհի բազում երկրներում և տարբեր լեզուներով։ Չնայած միջազգային ճանաչմանը՝ «Սանսեթ Բուլվարը» դեռևս բեմադրված չի եղել ԱՊՀ երկրներում։ Երևանի հանդիսատեսն ու հյուրերը կդառնան Ուեբերի այս մյուզիքլի առաջին հանդիսատեսը։ Ներկայացմանը մասնակցում է մոտ երեսուն դերասան՝ Հայաստանից, Ռուսաստանից, Ղազախստանից և Վրաստանից։ «Սանսեթ Բուլվարը» Հայաստանում օրինական և պաշտոնապես բեմադրված առաջին բրոդվեյյան մյուզիքլն է: Այն կբեմականացվի ռուսերենով։
Նշենք նաև, որ մյուզիքլի բեմադրությունն իրականացվում է հեղինակային իրավունքի թույլտվությամբ՝ Ուեբեր թատերական ընկերության հետ բացառիկ համաձայնագրի համաձայն։ Բեմադրությունը վստահվել է ռուս ռեժիսոր Անտոն Մուզիկանտսկուն: Ուեբերի լեգենդար երաժշտությունը կհնչի Հայաստանի պետական սիմֆոնիկ նվագախմբի կատարմամբ։
«Սանսեթ Բուլվար» մյուզիքլի երևանյան ներկայացումները նախատեսված են ապրիլի 6-12-ը։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
