21:08 25.07.2025
ՀՀ կրթության, գիտության, մշակույթի և սպորտի նախարարի տեղակալ Հասմիկ Ավագյանն այսօր այցելել է Արտաշատի Ռազմիկ Գոլեցյանի անվան օլիմպիական հերթափոխի մարզադպրոց։ Այցի շրջանակում փոխնախարարը հանդիպել է մարզադպրոցի անվանի սաներին՝ ազատ ոճի ըմբշամարտի հավաքականի առաջատար մարզիկներ Արման Անդրեասյանին, Վազգեն Թևանյանին և Լևիկ Միքայելյանին։ Այս մասին հայտնել են ԿԳՄՍ նախարարությունից:
Արման Անդրեասյանը և Վազգեն Թևանյանը վերջերս մեդալներ են նվաճել Բուդապեշտում տեղի ունեցած Պոլյակ Իմրեի և Վարգա Յանոսի անվան վարկանիշային մրցաշարում՝ համապատասխանաբար դառնալով արծաթե և բրոնզե մեդալակիրներ։ Լևիկ Միքայելյանը ևս բարձր արդյունք է արձանագրել՝ այս տարվա ընթացքում նվաճելով Եվրոպայի մինչև 23 տարեկանների առաջնության հաղթողի կոչումը:
Հանդիպման ընթացքում Հասմիկ Ավագյանը շնորհավորել է մարզիկներին վերջին ձեռքբերումների կապակցությամբ՝ ընդգծելով, որ նրանց հաղթանակները ոչ միայն հպարտության առիթ են, այլև ոգեշնչման աղբյուր պատանի սերնդի համար։ Հասմիկ Ավագյանն ընդգծել է՝ Ռազմիկ Գոլեցյանի անվան օլիմպիական հերթափոխի մարզադպրոցը մեծ ավանդույթներ ունեցող դարբնոց է, որտեղ տարիներ շարունակ մարզվել և ձևավորվել են ոչ միայն հանրապետության, այլև միջազգային հարթակներում Հայաստանը ներկայացնող անվանի մարզիկներ: Այս համատեքստում Հասմիկ Ավագյանը հատկապես շեշտել է մարզադպրոցի մեծ ներդրումը Արտաշատում ազատ ոճի ըմբշամարտի և ընդհանրապես՝ մարզական կյանքի զարգացման գործում:
Մարզիկները շնորհակալություն են հայտնել փոխնախարարին ուշադրության և գնահատանքի համար՝ տեղեկացնելով, որ առաջիկայում ուսումնամարզական հավաքներ են անցկացնելու Գյումրիում, ապա՝ Վրաստանում՝ պատրաստվելով սեպտեմբերին կայանալիք ըմբշամարտի աշխարհի առաջնությանը։
Այցի ընթացքում ԿԳՄՍ նախարարի տեղակալ Հասմիկ Ավագյանը՝ Արտաշատի համայնքի ղեկավարի տեղակալ Գագիկ Մուրադյանի և մարզադպրոցի տնօրեն Ռաֆիկ Գոլեցյանի ուղեկցությամբ շրջել է հաստատության տարածքում, ծանոթացել գործող ենթակառուցվածքներին, պայմաններին և տեխնիկական հագեցվածությանը։ Քննարկվել է մարզադպրոցի շենքային պայմանների բարելավման, գույքի արդիականացման և նյութատեխնիկական բազայի համալրման անհրաժեշտությունը։
Այնուհետև Հասմիկ Ավագյանը եղել է նաև Արտաշատի քաղաքային մարզադաշտում՝ տեղում ծանոթանալու վերջին շրջանում իրականացված շինարարական և վերանորոգման աշխատանքներին։
Արտաշատի քաղաքային մարզադաշտում ԿԳՄՍ նախարարության հատկացումներով կառուցվել է միջազգային չափանիշներին համապատասխան վազքուղի, ամբողջությամբ վերանորոգվել են տրիբունաները, տեղադրվել է որակյալ խոտածածկ, բարեկարգվել է շրջակա տարածքը։ Բացի դրանից, հիմնանորոգվել են մարզադպրոցի վարչական շենքը, հանդերձարանները և սանհանգույցները։
11:48 26.07.2025
Թրամփը պնդում է, որ ներգաղթը կոչնչացնի ԵվրոպանԱՄՆ նախագահ Դոնալդ Թրամփը հայտարարել է, որ ներգաղթը կոչնչացնի Եվրոպան։ «Մենք պետք է դադարեցնենք ներգաղթը, հակառակ դեպքում Եվրոպա չի մնա», – ասել է Թրամփը ՝ մասնավոր այցով Շոտլանդիա ժամանելիս։ Օդանավակայանում լրագրողների հետ զրույցը հեռարձակվել է ամերիկյան հեռուստաալիքներով։ Ինչպես Թրամփը մանրամասնեց, իր կարծիքով, այս պահին «ներգաղթը սպանում է Եվրոպան»։ ...
11:31 26.07.2025
«ԵՄ եռյակը» Իրանին տեղեկացրել է պատժամիջոցների վերականգնման հնարավոր հետաձգման մասինՍտամբուլում Իրանի ներկայացուցիչների հետ հանդիպման ժամանակ «Եվրոպական եռյակը» (Մեծ Բրիտանիա, Ֆրանսիա, Գերմանիա) իրանական կողմին ասել է, որ կարող է հետաձգել ՄԱԿ-ի Անվտանգության խորհրդի պատժամիջոցների երկարաձգումը, եթե Թեհրանը կատարի «իր իրավական պարտավորությունները» և «որոշակի պայմանները», հաղորդում է Գերմանիայի արտաքին գործերի նախարարությունը։ Իրանը և եվրոպական երեք երկրներ ուրբաթ օրը Ստամբուլում բանակցություններ են անցկացրել միջուկային ծրագրի շուրջ , […] ...
11:10 26.07.2025
Մենք տեսանք, որ այս մրցակցից վախենալ հարկավոր չէ․ Մանուել ՏուլիպաՀայաստանի փոխչեմպիոն «Արարատ-Արմենիայի» գլխավոր մարզիչ Մանուել Տուլիպան ամփոփել է «Ունիվերսիտատեա Կլուժի» դեմ ՈՒԵՖԱ-ի Կոնֆերենցիաների լիգայի որակավորման երկրորդ փուլի առաջին խաղը սեփական հարկի տակ։ Հիշեցնենք, այն ավարտվել էր 0-0 հաշվով: «Մենք տեսանք, որ այս մրցակցից վախենալ հարկավոր չէ: Մենք կարող ենք հաղթել այս դիմակայությունը»,- ասել է Տուլիպան: Հաղթանակի շանսերը նա գնահատել է 50/50։ ...
10:47 26.07.2025
Կամբոջան ՄԱԿ-ի ԱԽ նիստում կոչ է արել Թաիլանդին դադարեցնել կրակըԿամբոջան Անվտանգության խորհրդի փակ նիստի ժամանակ կոչ է արել հրադադար հաստատել, հայտարարել է ՄԱԿ-ում երկրի մշտական ներկայացուցիչ Կեո Չհեան։ «Կամբոջան կոչ է արել անհապաղ դադարեցնել կրակը», – լրագրողներին ասել է նա։ Իրենց հերթին, ՄԱԿ-ի Անվտանգության խորհրդի անդամները, ըստ նրա, կոչ են արել երկու կողմերին ցուցաբերել առավելագույն զսպվածություն և դիվանագիտություն։ ...
10:32 26.07.2025
Իրանում զինված անձինք հարձակվել են դատական վարչության վրաԻրանի Սիստան և Բելուջիստան նահանգի հարավ-արևելքում գտնվող Զահեդան քաղաքի դատական դեպարտամենտը հարձակման է ենթարկվել զինված անձանց կողմից, հաղորդում է IRIB գործակալությունը։ «Մի քանի րոպե առաջ անհայտ զինված անձինք հարձակվել են Զահեդանի դատական վարչության վրա», – ասվում է գործակալության հայտարարության մեջ։ ...
10:09 26.07.2025
Փրկարարները քաղաքացիներին իջեցրել են խափանված կռունկիցՀուլիսի 25-ին, ժամը 20:36-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Արշակունյաց պողոտայում գտնվող շինհրապարակում վերամբարձ կռունկը խափանվել է. քաղաքացիները մնացել են բարձրության վրա։ Դեպքի վայր են մեկնել ՆԳՆ ՓԾ Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը և ավտոսանդուղք: Փրկարարները երեք քաղաքացու անվնաս իջեցրել են խափանված կռունկից։ ...
