16:25 10.05.2023
ՀՀ կրթության, գիտության, մշակույթի և սպորտի նախարարությունում այսօր հյուրընկալվել էին «Երիտասարդ եվրոպական դեսպաններ» (ԵԵԴ) նախաձեռնության անդամները, որոնք ներկայացնում են ՀՀ տարբեր համայնքները (Գյումրի, Սևան, Էջմիածին, Եղվարդ, Արմավիր, Ոսկեհատ և այլն):
Հայաստանի եվրոպական դեսպաններին ընդունել է ԿԳՄՍՆ երիտասարդական քաղաքականության, լրացուցիչ և շարունակական կրթության վարչության պետ Զարա Ասլանյանը: Նա ողջունել է ներկաներին՝ անդրադառնալով հանդիպման նպատակին. «Այս հանդիպմամբ ցանկանում ենք ծանոթանալ համայնքներում ձեր գործունեությանը և զուգահեռ ներկայացնել ԿԳՄՍ նախարարության՝ երիտասարդության ոլորտում իրականացվող քաղաքականությունը: Քննարկման արդյունքում կհասկանանք ռեսուրսների համադրելիությունը և հետագա համագործակցության հնարավորությունները»:
Երիտասարդական քաղաքականության, լրացուցիչ և շարունակական կրթության վարչության պետն ընդգծել է, որ պետական քաղաքականության առաջիկա մարտահրավերներից է երիտասարդության մասին օրենքի մշակումը, ինչից կբխի նաև ռազմավարությունը: Այս համատեքստում նա կարևորել է երիտասարդական կազմակերպությունների քարտեզագրումը, որի նպատակն է երիտասարդներին օրենքի մշակման գործընթացի մաս դարձնելը:
Երիտասարդ եվրոպական դեսպանները համառոտ ներկայացրել են իրենց գործունեությունը՝ նշելով, որ աշխատանքները չեն սահմանափակվում միայն տվյալ համայնքում. դրանց սահմաններն ընդգրկում են այլ համայնքներ ևս՝ ստեղծելով համագործակցային պայմաններ:
Հանդիպմանը քննարկվել են պետության և «Երիտասարդ եվրոպական դեսպաններ» (ԵԵԴ) նախաձեռնության հնարավոր համագործակցության հեռանկարները տարբեր ոլորտներում: Կողմերն անդրադարձել են պետական կառավարման համակարգում կամավորների ներգրավումը խթանելու անհրաժեշտությանը, մասնավորապես՝ պետական միջոցառումների կազմակերպման, դպրոցներում մասնագիտական կողմնորոշման աջակցության, երիտասարդական կենտրոնների ստեղծման ու կայացման և այլ հարցերում: Քննարկվել են նաև եվրաակումբների ցանցի ընդլայնումը դպրոցների միջոցով, ինչպես նաև Հայաստանի երիտասարդության ազգային խորհրդի գործունեությանն առնչվող հարցեր: Հաշվի առնելով միջազգային փորձը՝ երիտասարդ դեսպաններն առաջնահերթ են համարել Հայաստանի երիտասարդության ազգային խորհրդի ակտիվացմանն ուղղված քայլերի ձեռնարկումը:
Հանդիպման ավարտին պայմանավորվածություն է ձեռք բերվել հանդիպումները դարձնել շարունակական և հստակեցնել հետագա անելիքները:
00:30 07.08.2025
NYT. Թրամփը նախատեսում է հաջորդ շաբաթ հանդիպել Պուտինի հետ
00:09 07.08.2025
Լուսակունք գյուղում բռնկված հրդեհը մարվել է
00:30 07.08.2025
NYT. Թրամփը նախատեսում է հաջորդ շաբաթ հանդիպել Պուտինի հետԱՄՆ նախագահ Դոնալդ Թրամփը հաջորդ շաբաթ նախատեսում է անձնական հանդիպում ունենալ իր ռուս գործընկեր Վլադիմիր Պուտինի հետ, իսկ դրանից անմիջապես հետո՝ եռակողմ հանդիպում Վլադիմիր Զելենսկու հետ։ Այս մասին հաղորդում է The New York Times-ը՝ հղում անելով իր աղբյուրներին։ Ըստ թերթի՝ Թրամփը իր ծրագրերը բացահայտել է չորեքշաբթի օրը եվրոպացի առաջնորդների հետ հեռախոսազրույցի ժամանակ։ Սպիտակ տան ղեկավարից, […] ...
00:18 07.08.2025
Հայ շախմատիստների արդյունքները «Batumi Municipality Cup-2025» միջազգային մրցաշարում 7 խաղափուլից հետոՎրաստանի Բաթումի քաղաքում անցկացվող «Batumi Municipality Cup-2025» շախմատի միջազգային մրցաշարի ավարտին մնացել է 2 խաղափուլ: Այս մասին հայտնել են Հայաստանի շախմատի ֆեդարացիայից: 7 խաղափուլից հետո «A» խմբում միանձնյա առաջատարն է միջազգային վարպետ Ռոբերտ Փիլիպոսյանը, ով ունի 6 միավոր։ «B» խմբում 5.5 միավորով առաջատարների շարքում են Արարատ Ստեփանյանը, Արտուշ Ավագյանը և Վարդան Մելքոնյանը: «C» խմբում 6.5 […] ...
00:09 07.08.2025
Լուսակունք գյուղում բռնկված հրդեհը մարվել էՕգոստոսի 6-ին, ժամը 18։40-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Լուսակունք գյուղի դպրոցի մոտակայքում այրվում է կուտակած անասնակեր։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է Լուսակունք գյուղի 1-ին փողոցի տներից մեկի բակում։ Հրդեհը մեկուսացվել է ժամը 19։15-ին, […] ...
23:59 06.08.2025
Երևանի յուրաքանչյուր վարչական շրջան պետք է ունենա հարմարավետ և բարեկարգ բակային միջավայր. ԱվինյանԵրևանի յուրաքանչյուր վարչական շրջան, անկախ տարածքից և բնակիչների թվից, պետք է ունենա հարմարավետ և բարեկարգ բակային միջավայր ՝ կանաչապատ գոտիներով և հանգստի հարմարավետ պայմաններով: Այս մասին Ֆոյսբուքի իր էջում գրել է Երևանի քաղաքապետ Տիգրան Ավինյանը: «Նուբարաշենում շարունակվում են բակերի բարեկարգման աշխատանքները։ Կկառուցվեն զրուցարաններ, հանգստի գոտիներ և կստեղծվեն ժամանակակից պայմաններ՝ երևանցիների առօրյան հարմարավետ դարձնելու համար»,-գրել է […] ...
23:57 06.08.2025
Զախարյանը կրկին անհատական ծրագրով է մարզվում«Ռեալ Սոսյեդադի» կիսապաշտպան Արսեն Զախարյանը կրկին անհատական ծրագրով է մարզվում, հայտնում է Sport24-ը։ «Զախարյանը դեռ պատրաստ չէ, և այսօր նա ընդհանուր խմբից առանձին է մարզվել։ Տեսնենք` պատրաստ կլինի՞ շաբաթ «Բորնմութի» դեմ կայանալիք խաղին, թե՞ ոչ»,- ասել է ակումբի մամուլի քարտուղար Յոն Անդեր Մունդուատեն։ Հուլիսի 28-ին նշվեց, որ Ռուսաստանի ազգային հավաքականի հայ կիսապաշտպանն ապաքինվել է վիրուսից […] ...
23:55 06.08.2025
«Scania» բեռնատարը, որը բարձված էր 24 տոննա սենդվիչ-բլոկներով, Վերին Խոտանան ճանապարհին կողաշրջվել էՕգոստոսի 6-ին, խոշոր ավտովթար է տեղի ունեցել Սյունիքի մարզում։Ժամը 13:20-ի սահմաններում Իրանի Իսլամական Հանրապետության քաղաքացի, 57-ամյա Գաբալու Հոսենգոլը, իր վարած «Scania» մակնիշի բեռնատարով, Վերին Խոտանան շրջանցող ավտոճանապարհին կողաշրջվել է։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, բարեբախտաբար տուժածներ չկան։ Օպերատիվորեն ժամանել են ՀՀ Ներքին գործերի նախարարության փրկարար ծառայության Սյունիքի մարզային փրկարարական վարչության և […] ...
