14:57 06.09.2018
Եկամտահարկի առաջարկվող փոփոխությունների շուրջ վարչապետը խոսել է ֆեյսբուքյան ուղիղ եթերի ընթացքում:
«Այս հարկային համակարգը խրախուսում է ստվերը, և սեփականատերերը նախընտրում են հարկվել շահութահարկի և դիվիդենդի դաշտում: Նրանք աշխատավարձը չեն վճարում, որպեսզի շատ եկամտահարկ չվճարեն: Մարդը ստանում է 250 հազար դրամ աշխատավարձ, սակայն 100 հազարը վճարվում է առձեռն, և այդ դեպքում գումարը պակաս է հարկվում: Եկամտային հարկն ավելի բարձր է, քան շահութահարկը՝ գումարած դիվիդենդի հարկը»,- ասել է վարչապետը:
Նոր կառավարությունն առաջին սցենարով առաջարկում է հարկման 3 սանդղակների փոխարեն ձևավորել 2-ը:
Նիկոլ Փաշինյանի խոսքերով ՝ այս մոդելի դեպքում շեմը պետք է սահմանվի նախկին 150 հազարի փոխարեն 250 հազարը: Մինչև 250 հազար դրամ ստացող աշխատողները վճարեն 20 տոկոս եկամտահարկ, իսկ 250 հազար դրամից ավելի ստացողները եկամտային հարկի 25 տոկոս դրույքաչափով հարկվեն:
Վարչապետը կարծում է, որ այս տարբերակն ավելի շատ է համապատասխանում սոցիալական արդարության կանոններին:
Նիկոլ Փաշինյանի առաջարկած 2-րդ տարբերակով պետք է ունենալ այնպիսի հարկային համակարգ, որ եկամտահարկը լինի 20 տոկոս՝ համահարթ եկամտային հարկ և շահութահարկ: Կառավարության առաջարկով շահութահարկի և դիվիդենդի գումարը նույնպես լինի 23 տոկոս, լինի համահարթ հարկային մոդել՝ 23 տոկոս դրույքաչափով:
«Երկու տարբերակներից առաջինը կարող է թվալ ավելի շահեկան, սակայն, իմ կարծիքով, դա խաբուսիկ է: Եթե մենք այս տարբերակը կիրառենք, ապա 100 հազար դրամ աշխատավարձ ստացող քաղաքացու եկամուտը կավելանա ամսական ընդամենը 3 հազար դրամով: Մեր կատարած փոփոխությունների արդյունքում այժմ արդեն ավելացումներ արվել են: Այս երկաստիճան համակարգով առաջնորդվելու պարագայում 100 հազար դրամ ստացող քաղաքացու գումարը կավելանա 500 դրամով, իսկ 150 հազար աշխատավարձովը՝ 750 դրամով»,- ասել է վարչապետը:
Նիկոլ Փաշինյանի խոսքերով՝ երկաստիճան մոդելը խրախուսելու է ստվերային տնտեսությունը:
«Մենք հակված ենք համահարթ տարբերակին, քանի որ պոտենցիալ ներդրողներն այս ձևով աշխատում են աշխարհում: Նաև այս դեպքում պարզեցվում է հարկային համակարգը: Համահարթ տարբերակը խրախուսում է, որպեսզի դուրս գան ստվերից, գործատուն ծախս է կարողանում ցույց տալ, և տվյալ ընկերությունը ավելի լավ հարկային պատկեր է ունենում: Համահարթ համակարգի թերությունն այն է, որ այս համակարգից ամենաշատն օգտվում են բարձր աշխատավարձ ստացողները, իսկ սա թերություն է, քանի որ տոկոսը բարձր է: 38․5 միլիարդ հավելյալ դրամ կուտակվելու է բարձր աշխատավարձ ստացող քաղաքացիների մոտ: Կարծում եմ՝ այդ գումարը պիտի գնա բանկային ավանդ կամ տնտեսություն»,- նշել է Փաշինյանը:
Ն. Փաշինյանի խոսքերով՝ այսօր խնդիր է այն, որ 150 հազար դրամ աշխատավարձ ունեցող քաղաքացիների մի մասը ստանում է հավելյալ ստվերային աշխատավարձ:
«Նոր համահարթ հարկային համակարգի ժամանակ գործատուն շահագրգռված կլինի տալ աշխատավարձը սպիտակ ձևով»,- նշել է նա:
Վարչապետը նաև նշել է, որ 199.211 քաղաքացու համար փաստացի տնօրինվող եկամուտներն ավելացվել են 2․5 տոկոսով:
13:30 02.05.2025
Տնտեսության զարգացման վրա այդ ծրագրի ազդեցությունը եղել է ի սկզբանե ակնկալվածից ցածր. Էկոնոմիկայի նախարարության պարզաբանումըԷկոնոմիկայի նախարարությունը, ի պատասխան մամուլում շրջանառվող տեղեկության, թե ՀՀ էկոնոմիկայի նախարարության կողմից իրականացվող Բարձր որակավորում ունեցող մասնագետների ներգրավման ծրագրի շրջանակներում նախարարությունը ծախսել է 3,8 մլրդ դրամ, որից հետո նոր հասկացել է, որ ծրագիրն անարդյունավետ է, հարկ են համարում պարզաբանել հետևյալը․ «Նախ՝ վերը նշված ծրագիրը գործում է 2022 թվականից, որի իրականացման պատասխանատուն ի սկզբանե հանդիսացել է […] ...
13:00 02.05.2025
Օպերատիվ իրավիճակը հանրապետությունում ապրիլի 30-ից մայիսի 2-ըԲացահայտվել է 162 հանցագործություն, որոնցից 5-ը՝ նախկինում կատարված: Մասնավորապես՝ 26 դեպք՝ թմրանյութի հայտնաբերման, 18 դեպք՝ մարմնական վնասվածք պատճառելու, 12 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 10 դեպք՝ ֆիզիկական ներգործության, 9-ական դեպք՝ անձնական ունեցվածքի գողության ու խարդախության, 8 դեպք՝ խուլիգանության, 6-ական դեպք՝ հոգեկան […] ...
12:54 02.05.2025
Կրթաթոշակի տրամադրման մրցույթ՝ ՀՀ առևտրային կազմակերպությունների աշխատակիցների համարԿԳՄՍՆ բարձրագույն կրթության և գիտության կոմիտեն հայտարարում է օտարերկրյա հեղինակավոր բարձրագույն ուսումնական հաստատություններում ՀՀ ռեզիդենտ հանդիսացող առևտրային կազմակերպությունների աշխատակիցներին կրթաթոշակի տրամադրման նպատակով դիմում-հայտերի ընդունման մասին։ ՀՀ կառավարության 2025 թվականի մարտի 6-ի N 267-Ն որոշման պահանջներին համապատասխան՝ ՀՀ ռեզիդենտ հանդիսացող առևտրային կազմակերպությունների աշխատակիցները, որոնք հանդիսանում են աշխարհի լավագույն բուհերի ակադեմիական վարկանիշավորման http://www.shanghairanking.com կայքի տվյալ տարվա ցանկերում ուսումնառող կամ դիմորդ, 2025 թվականի մայիսի 1-ից մինչև […] ...
12:44 02.05.2025
Գերագույն ռադան ԱՄՆ-ի հետ համաձայնագրի վավերացման վերաբերյալ քվեարկությունը կանցկացնի մայիսի 8-ինՎաշինգտոնի և Կիևի միջև հանքային պաշարների վերաբերյալ համաձայնագիրը վավերացման քվեարկության կդրվի Գերագույն ռադայում մայիսի 8-ին։ Այս մասին հայտարարել է խորհրդարանի անդամ Յարոսլավ Ժելեզնյակը։ «ԱՄՆ-ի և Ուկրաինայի միջև հանքային պաշարների վերաբերյալ համաձայնագրի վավերացման քվեարկությունը նախատեսված է մայիսի 8-ին», – գրել է նա իր Telegram ալիքում։ ԱՄՆ-ի հետ ընդերքի վերաբերյալ համաձայնագրի ստորագրման մասին հայտնի դարձավ մայիսի 1-ի […] ...
12:37 02.05.2025
Ֆինանսների նախարարը պարզաբանել է, թե ինչ ազդեցություն կունենա Ամուլսարի հանքի գործարկումը ՀՆԱ-ի վրաԿառավարությունում համոզված են, որ կկարողանան հասնել 2025-ի բյուջեի մասին օրենքի հիմքում դրված տնտեսական աճի ցուցանիշին: «Արմենպրես»-ի փոխանցմամբ՝ նման վստահություն հայտնեց Ֆինանսների նախարար Վահե Հովհաննիսյանը: Անդրադառնալով Հայաստանի տնտեսական աճի վերաբերյալ տարբեր կառույցների կողմից արվող կանխատեսումներին՝ նախարարը նշեց, որ այդ կանխատեսումների մեջ դրված են տարբեր սցենարներ և տարբեր ենթադրություններ: Կարևոր է, թե ով ինչ ենթադրություն է անում: […] ...
12:19 02.05.2025
Միջազգային սուրհանդակային առաքանուց հայտնաբերվել է 970 գրամ «մարիխուանա» տեսակի թմրամիջոցԹմրանյութերի օգտագործումի ու դրանց վնասակար ազդեցությունից բնակչությանը զերծ պահելու նպատակով Պետական եկամուտների կոմիտեն շարունակում է հետևողական պայքարը թմրամիջոցների և հոգեմետ նյութերի` Հայաստանի Հանրապետության սահմանով անօրինական տեղափոխման ուղղությամբ: Օրերս ՊԵԿ մաքսանենգության դեմ պայքարի վարչության ու Էլեկտրոնային առևտրի և օդային տրանսպորտով իրականացվող փոխադրումների վարչության աշխատակիցները, «ՕՆԷՔՍ» ընկերության ժամանակավոր պահպանման պահեստի մաքսային հսկողության գոտում մաքսային զննման են ենթարկել […] ...
