19:57 14.09.2018
Թուրքիայի նախագահ Ռեջեփ Թայիփ Էրդողանի փաստաբան Հյուսեյին Այդընը հայց է ներկայացրել Անկարայի ընդհանուր իրավասության առաջին ատյանի դատարան՝ ընդդիմադիր «Ժողովուրդների հանրապետական» կուսակցության նախագահ Քեմալ Քըլըչդարօղլուի դեմ, հաղորդում է Ermenihaber-ը:
Մեղադրող կողմի պնդմամբ՝ Քըլըչդարօղլուն իր կուսակցության նահանգային կառույցների ղեկավարների նիստի ժամանակ Էրդողանի անձնական իրավունքները ոտնահարող հայտարարություններ է արել։ Հայցադիմումի մեջ նշվել է, որ Էրդողանին ուղղված մեղադրանքները լիովին տեղավորվում են «Ֆեթհուլլահական ահաբեկչական խմբավորման» (FETÖ) հռետորաբանության մեջ և աջակցում են այդ կառույցի նպատակներին։
«Ինչպես հայտնի է՝ FETÖ-ի ղեկավարությամբ արտասահմանում և մեր երկրի ներսում լայնածավալ արշավ է ընթանում՝ մեր հանրապետության նախագահի վերաբերյալ «միապետի» տպավորություն ստեղծելու նպատակով։ Պատասխանողը և նրա ղեկավարած կուսակցությունն էլ միացել են այդ արշավին և մեծ ջանքեր են թափում՝ մեր նախագահին որպես «միապետ» ներկայացնելու համար։
Ինչպես պարզվեց 2016թ․ հուլիսի 15-ի հեղաշրջման փորձից հետո ի հայտ եկած փաստերից՝ նշված արշավն, անկասկած, նախաձեռնվել էր հեղաշրջման փորձը արդարացնելու և հաղթանակի հասնելու դեպքում հատկապես արտերկրում դա որպես «միապետի անկում» ներկայացնելու նպատակով։ Պատասխանողն ու իր ղեկավարած կուսակցությունը այդ նպատակով դեռ շարունակում են մեր նախագահի վերաբերյալ անարդար և անհիմն մեղադրանքներ հնչեցնել և ջանք չեն խնայում՝ հանրությանը դրանց իսկության մեջ համոզելու համար։ Այդ պրոպագանդային երկրի ներսում և դրսում ակտիվորեն աջակցում են նաև PKK-ի («Քուրդիստանի բանվորական կուսակցություն») և FET-ի տարրերը»,- ասված է դատական հայցում։
Մեղադրող կողմը ընդգծել է, որ ԺՀԿ առաջնորդը նախկինում ևս Էրդողանին ուղղված նմանատիպ հայտարարություններ է արել։ Այսպիսով՝ 2018թ․ սեպտեմբերի 9-ին կուսակցության նահանգային կառույցների ժողովի ժամանակ հնչեցրած արտահայտությունների համար Էրդողանը Քըլըչդարօղլուից 250․000 թուրքական լիրայի՝ շուրջ 41․000 ԱՄՆ դոլար, բարոյական փոխհատուցում է պահանջել։
Անկարայի գլխավոր հանրապետական դատախազություն ներկայացված դատական հայցում նշվել է նաև, որ Քըլըչդարօղլուն խախտել է նաև Թուրքիայի Քրեական օրենսգրքի՝ «Հանրապետության նախագահին վիրավորելու մասին» 299-րդ հոդվածը, ուստի պահանջ է ներկայացվել վերջինիս դեմ նաև հանրության անունից քրեական գործ հարուցել։
14:30 05.07.2025
Թուրքիայում ձերբակալվել է ընդդիմադիր երեք քաղաքապետԹուրքիայի հարավային երեք խոշոր քաղաքի՝ Ադիյամանի, Ադանայի և Անթալիայի քաղաքապետերը ձերբակալվել են կաշառակերության, պաշտոնեական դիրքի չարաշահման և կազմակերպված հանցավորության մեղադրանքով։ «Արմենպրես»-ի հաղորդմամբ՝ այս մասին հայտնում է Associated Press-ը։ Ըստ աղբյուրի՝ ձերբակալվել է 10 անձ, այդ թվում՝ Ադիյամանի քաղաքապետ Աբդուրրահման Թութդերեն և Ադանայի քաղաքապետ Զեյդան Կարալարը։ Երկուսն էլ Թուրքիայի ընդդիմադիր Հանրապետական ժողովրդական կուսակցության (CHP) անդամներ են։ […] ...
14:14 05.07.2025
Ժաննա Անդրեասյանն այցելել է Հայաստանի գեղարվեստի պետական ակադեմիաՀՀ կրթության, գիտության, մշակույթի և սպորտի նախարար Ժաննա Անդրեասյանն այցելել է Հայաստանի գեղարվեստի պետական ակադեմիա։ Նախարարը ռեկտոր Վարդան Ազատյանի ուղեկցությամբ շրջայց է կատարել բուհում, ծանոթացել պայմաններին, գույքային հագեցվածությանը, իրականացված աշխատանքներին ու առկա խնդիրներին։ ԿԳՄՍ նախարարին ներկայացվել են արվեստանոցների, թեմատիկ լսարանների և մյուս ենթակառուցվածքների ներկա պայմանները։ Տեղում քննարկվել են խնդիրների լուծման հնարավորությունները։ Ժաննա Անդրեասյանը հետաքրքրվել է […] ...
14:00 05.07.2025
Սահմանադրությունն իրավական ու ժողովրդավարական պետության և հասարակության հիմնաքարն է. Անահիտ ՄանասյանՄարդու իրավունքների պաշտպան Անահիտ Մանասյանը շնորհավորական ուղերձ է հղել ՀՀ Սահմանադրության օրվա առթիվ: «Հարգելի՛ հայրենակիցներ, Շնորհավորում եմ բոլորիս՝ Հայաստանի Հանրապետության Սահմանադրության օրվա կապակցությամբ։ Սահմանադրությունն իրավական ու ժողովրդավարական պետության և հասարակության հիմնաքարն է։ Այն ոչ միայն սահմանում է պետության իրավական հիմքերը, այլև ճանաչում է մարդուն որպես բարձրագույն արժեք՝ ամրագրելով նրա անօտարելի իրավունքներն ու ազատությունները։ Իրավական պետության […] ...
13:48 05.07.2025
40-ամյա կինը հետախուզվում էր խարդախության մեղադրանքով․ խափանման միջոցը՝ կալանքՀամայնքային ոստիկանության Բազումի բաժնի ծառայողների ձեռնարկած օպերատիվ-հետախուզական միջոցառումների արդյունքում հուլիսի 3-ին Վանաձորի Տիգրան Մեծի փողոցում հայտնաբերվել և բաժին է ներկայացվել 40-ամյա մի կին, որը Քրեական ոստիկանության Շիրակի մարզային վարչության կողմից հետախուզվում էր խարդախության մեղադրանքով. խափանման միջոցը՝ կալանք: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական […] ...
13:34 05.07.2025
Առաջիկա օրերի եղանակային կանխատեսումըՀանրապետության տարածքում հուլիսի 5-ի ցերեկը, 6-ին գիշերը և կեսօրից հետո, 7-10-ին կեսօրից հետո, առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Հուլիսի 5-ին առանձին հատվածներում անձրևները կլինեն հորդառատ։ Քամին՝ հյուսիսարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 19-23 մ/վ արագությամբ։ Օդի ջերմաստիճանը հուլիսի 5-ի ցերեկը կնվազի 1-3 աստիճանով, հուլիսի 6-10-ին՝աստիճանաբար […] ...
13:20 05.07.2025
Իրավունքի գերակայությունը մեր պետական կյանքի կազմակերպման առանցքն է. նախագահի շնորհավորական ուղերձը Սահմանադրության օրվա առթիվՀանրապետության նախագահ Վահագն Խաչատուրյանը մասնակցել է ՀՀ Սահմանադրության 30-ամյակին և պետական խորհրդանիշերի օրվան առթիվ կազմակերպված հանդիսավոր միջոցառմանը: Միջոցառման մեկնարկին Հանրապետության նախագահը հանդես է եկել շնորհավորական ուղերձով. «Սրտանց շնորհավորում եմ բոլորիս մեր պետության հիմնարար իրավական փաստաթղթի՝ Հայաստանի Հանրապետության Սահմանադրության 30-ամյակի կապակցությամբ: 1995 թվականին կայացած հանրաքվեով մեր ժողովուրդը հաստատեց այն Սահմանադրությունը, որը պետք է դառնար պետականության զարգացման, […] ...
