14:22 11.11.2024
2025 թվականին Ժնեւում ՄԱԿ-ի Մարդու իրավունքների խորհրդում տեղի է ունենալու Համընդհանուր պարբերական դիտարկման չորրորդ շրջանի` Հայաստանի Հանրապետության ազգային զեկույցի քննարկումը:
Հաշվի առնելով հարցի եւ մեր պատշաճ ներկայացվածության կարեւորությունը՝ Մարդու իրավունքների պաշտպանության եւ հանրային հարցերի մշտական հանձնաժողովը մի շարք աշխատանքներ է իրականացրել: Կազմակերպել ենք աշխատաժողովներ, որոնց ընթացքում պետական մարմինների, ոլորտային ՀԿ-ների ներկայացուցիչների, միջազգային գործընկերների, իրավասու եւ շահագրգիռ այլ անձանց ակտիվ մասնակցությամբ քննարկվել են Ազգային զեկույցում ներկայացվելիք առանձին հարցեր: Այս մասին ասել է ԱԺ մարդու իրավունքների պաշտպանության եւ հանրային հարցերի մշտական հանձնաժողովի նախագահի տեղակալ Ռուստամ Բաքոյանը՝ բացման խոսքով հանդես գալով «ՄԱԿ-ի Համընդհանուր պարբերական դիտարկման ընթացակարգի շրջանակներում ՀՀ չորրորդ ազգային զեկույցում երեխայի իրավունքների վերաբերյալ ներկայացվելիք հարցերը» խորհրդարանական լսումների ընթացքում, որը տեղի է ունեցել նոյեմբերի 11-ին:
Ռուստամ Բաքոյանի խոսքով Ազգային զեկույցում առանձնահատուկ տեղ ունի երեխայի իրավունքների վերաբերյալ հարցերի ներկայացումը:
«Երեխաները, հաշվի առնելով նրանց տարիքային եւ զարգացման առանձնահատկությունները, առավել խոցելի են իրենց իրավունքների պաշտպանության տեսանկյունից, հետեւաբար, երեխաների իրավունքները պետք է լինեն առանձնահատուկ ուշադրության ներքո»,- ասել է հանձնաժողովի փոխնախագահը: Ռուստամ Բաքոյանը նշել է, որ երեխաների իրավունքների պաշտպանությունը Մարդու իրավունքների պաշտպանության եւ հանրային հարցերի մշտական հանձնաժողովի գործունեության առաջնահերթություններից է, եւ երեխաները մշտապես հանձնաժողովի գործունեության առանցքում են: «Նրանք պետք է լինեն յուրաքանչյուրիս առանձնահատուկ հոգածության եւ ուշադրության ներքո՝ նրանց հոգեբանական առողջ զարգացման, սոցիալական ներգրավման գործընթացը լավագույնս իրականացնելու, նրանց գիտելիքները, տաղանդը, կարողությունները, հմտությունները դրսեւորելու նպատակով հնարավորություններ ստեղծելու, նրանց իրավունքների խախտումները նվազագույնի հասցնելու նպատակով»,- ասել է նա:
Ելույթ ունենալով՝ ՀՀ-ում ՄԱԿ-ի մշտական համակարգող Ֆղանսուազ Ժակոբը նշել է, որ չնայած բազում մարտահրավերներին, որոնք եղել են վերջին հինգ տարիներին, Հայաստանը կարողացել է համապատասխանեցնել եւ ընդունել նոր օրենսդրական ակտեր ու ռազմավարություններ, որպեսզի խթանի երեխաների պաշտպանությունը եւ երաշխավորի կրթության հասանելիություն բոլորի համար, ներառյալ՝ փախստական երեխաները ԼՂ-ից: «Ես տեղյակ եմ, որ երիտասարդության վերաբերյալ նոր օրենքը պետք է կամ ակնկալվում է, որ խորհրդարանի կողմից կընդունվի մոտ ապագայում»,- նշել է նա: Ֆղանսուազ Ժակոբն անդրադարձել է այն մարտահրավերներին, որոնց պետք է հատուկ ուշադրություն դարձվի: Նա հավելել է, որ ՄԱԿ-ը Հայաստանում շարունակում է հանձնառությունը՝ աջակցել բոլոր համապատասխան պետական մարմիններին եւ ժողովրդի ներկայացուցիչներին՝ հասնելու համար կայուն զարգացման նպատակներին:
«Իրավունքների եւ հավասարության համար պայքարը երբեք չի ավարտվում»,- ընդգծել է Ֆղանսուազ Ժակոբը:
ՀՀ արտաքին գործերի նախարարի տեղակալ Վահան Կոստանյանը նշել է, որ Արտաքին գործերի նախարարությունը՝ որպես ՄԱԿ-ի համընդհանուր պարբերական դիտարկման գործընթացում Հայաստանի ազգային զեկույցի նախապատրաստական աշխատանքները համակարգող գերատեսչություն, կարեւորում է երկրի օրենսդիր մարմնի ներգրավվածությունը եւ մինչ այս ընթացակարգն անցնելը հարցի վերաբերյալ քննարկումներ կազմակերպելը:
«Համընդհանուր պարբերական դիտարկումը մարդու իրավունքների ոլորտում Հայաստանի միջազգային հաշվետվողականության ապահովման տեսանկյունից ամենակարեւոր գործընթացներից է, եթե ոչ ամենակարեւորը»,- ընդգծել է փոխնախարարն ու անդրադարձել համընդհանուր պարբերական դիտարկման գործընթացի մանրամասներին: Առաջին զեկույցի քննարկումը եղել է 2010 թվականի մայիսին, երկրորդինը՝ 2015 թվականին, երրորդինը՝ 2020 թվականին, եւ այժմ մեր երկիրը պատրաստվում է 2025 թվականի զեկույցին: Հայաստանի ներկայիս զեկույցը պետք է անդրադառնա դիտարկման երրորդ շրջանի ընթացքում երկրին տրված հանձնարարականներին: Հայաստանը 2020 թվականին տեղի ունեցած դիտարկման երրորդ շրջանի ընթացքում ստացել է 252 հանձնարարական, որոնցից 239-ն ընդունվել է: Դա 54 տոկոսով ավելին է, քան երկրորդ շրջանի ընթացքում է եղել: Մեր 3-րդ միջանկյալ զեկույցն ընդգրկում է մինչեւ 2023 թվականի փետրվարն ընկած ժամանակահատվածը:
«Համընդհանուր պարբերական դիտարկման շահեկան առավելություններից մեկն այն է, որ այս մշտադիտարկումը չի սահմանափակվում միայն Կառավարության ներգրավմամբ, այլեւ ներառում է պետական եւ հասարակական ոլորտների գրեթե բոլոր շահառուներին: Գործընթացում առանցքային դերակատարում ունեն հասարակական կազմակերպությունները եւ մարդու իրավունքների պաշտպանի գրասենյակը»,- փաստել է Վահան Կոստանյանն ու հավելել, որ Հայաստանի Հանրապետությունը զեկույցների ներկայացման հետ կապված չունի ժամկետանց որեւէ պարտավորություն, ակտիվ համագործակցություն է ընթանում ՄԱԿ-ի հատուկ զեկուցողների, անկախ փորձագետների եւ ՄԱԿ-ի մարդու իրավունքների այլ մեխանիզմների հետ:
Այս տարվա սեպտեմբերին ՄԱԿ-ի երեխայի իրավունքների կոմիտեի 97-րդ նստաշրջանի ընթացքում տեղի է ունեցել երեխայի իրավունքների մասին ՄԱԿ-ի կոնվենցիայի իրականացման վերաբերյալ Հայաստանի Հանրապետության հինգերորդ եւ վեցերորդ համատեղ պարբերական զեկույցի քննարկումը: Այս ոլորտը բարելավելու եւ երեխաների իրավունքներն արդյունավետ ապահովելու նպատակով Հայաստանին տրվել են մի շարք հանձնարարականներ:
«Կոմիտեն գոհունակությամբ է նշել այն հանգամանքը, որ հաշվետու ժամանակահատվածում Հայաստանը վավերացրել է Լանսարոտեի կոնվենցիան, ինչպես նաեւ Երեխայի իրավունքների մասին կոնվենցիայի հաղորդագրություններ ներկայացնելու կարգի վերաբերյալ կամընտիր արձանագրությունները»,- տեղեկացրել է ԱԳ փոխնախարարը:
Արտաքին գործերի նախարարությունը մշակել է մարդու իրավունքների ոլորտում միջազգային հաշվետվողականության ամրապնդման ու դրանից բխող հետագա քայլերի ապահովման ազգային մեխանիզմը: ԱԳՆ-ն իրականացնում է նաեւ ցեղասպանությունների կանխարգելմանն ուղղված աշխատանքները շարունակելու վերաբերյալ հանձնարարականները:
«Ընդհանուր առմամբ համընդհանուր պարբերական դիտարկման շրջանակում Հայաստանին տրված հանձնարարականները կարելի է բաժանել հետեւյալ հիմնական ուղղությունների՝ միջազգային փաստաթղթերի ստորագրում եւ վավերացում, համագործակցություն ՄԱԿ-ի պայմանագրային մարմինների ու հատուկ ընթացակարգերի հետ, արդարադատության համակարգի բարեփոխումներ, խոցելի խմբերի իրավունքների ապահովում, գենդերային հավասարություն, պայքար կոռուպցիայի դեմ, քաղաքական եւ քաղաքացիական իրավունքների ապահովում, այդ թվում՝ անկախ եւ անկողմնակալ ընտրությունների անցկացում, խոսքի եւ հավաքների ազատություն, պայքար խոշտանգումների եւ մարդկանց թրաֆիքինգի դեմ»,- նշել է Վահան Կոստանյանը:
Որպես զեկույցի կատարման արդյունավետ գործիք՝ փոխնախարարը հիշատակել է Հայաստանի Հանրապետության մարդու իրավունքների ազգային ռազմավարությունից բխող գործողությունների 2020-2022 եւ 2023-2025 թվականների ծրագրերը: Դրանք մշակվում եւ իրականացվում են Արդարադատության նախարարության գործընկերների կողմից: Նշվել է, որ Արտաքին գործերի նախարարությունը կարեւորում է նշված ծրագրերի արդյունավետ իրականացումը՝ դիտարկելով դրանք որպես մարդու իրավունքների ոլորտում ստանձնած միջազգային պարտավորությունների եւ ազգային առաջնահերթությունների իրականացման կարեւոր գործիք:
22:18 20.05.2025
Ի՞նչ կարող է փոխվել զինվորական ծառայության համակարգում. Հայկ Սարգսյանի հարցազրույցըԱԺ-ում կքննարկվի զինվորական ծառայության համակարգում փոփոխություններ կատարելու մասին օրենսդրական նախաձեռնությունը: Դրա քննարկումն այսօր հետաձգվեց մինչև ուրբաթ: Խոսքը վերաբերում է այն նախաձեռնությանը, ըստ որի՝ մի շարք փոփոխություններ են նախատեսվում զինվորական ծառայության համակարգում: Օրենսդրական այս նախաձեռնությունը միանշանակ չընդունվեց: Բայց ո՞րն է դրա էությունը: Այս ու այլ հարցերի անդրադարձել է օրենսդրական նախաձեռնության հեղինակ, ԱԺ «Քաղաքացիական պայմանագիր» խմբակցության պատգամավոր […] ...
22:09 20.05.2025
ԿԳՄՍ նախարարն այցելել է Կումու ազգային արվեստի թանգարանՊաշտոնական այցով Տալլինում գտնվող ԿԳՄՍ նախարար Ժաննա Անդրեասյանն այցելել է Կումու ազգային արվեստի թանգարան, որը համարվում է Բալթիկայի և Հյուսիսային Եվրոպայի մեծագույն թանգարաններից մեկը։ Այս մասին հայտնել են ԿԳՄՍ նախարարությունից: Այցի ընթացքում թանգարանի տնօրեն Կադի Պոլլին նախարար Ժաննա Անդրեասյանին ներկայացրել է թանգարանի կառավարման համակարգը, քննարկվել է Հայաստանի ազգային պատկերասրահի և Կումու թանգարանի միջև համագործակցության հնարավորությունը։ […] ...
21:52 20.05.2025
Ջուդ Բելինգհեմի արդյունավետությունը նվազում է, «Ռեալում» մտահոգված ենՄադրիդի «Ռեալի» մարզչական շտաբին և ակումբի ղեկավարությանը մտահոգում է թիմի անգլիացի կիսապաշտպան Ջուդ Բելինգհեմի արդյունավետության անկումը, հաղորդում է Marca-ն: Նախորդ մրցաշրջանում Բելինգհեմը բոլոր մրցաշարերում 23 գոլ էր խփել, մի շարք խաղերում հաղթանակ կորզել մադրիդյան ակումբի համար: Ավարտվող մրցաշրջանում Անգլիայի հավաքականի ֆուտբոլիստը 13 գոլ ունի: Ակումբում ուշադիր ուսումնասիրում են իրավիճակը։ Ղեկավարներն ակնկալում են, որ Բելինգհեմը կրկին […] ...
21:44 20.05.2025
Էստոնիայի մշակույթի նախարարի հետ խոսեցինք, թե ինչ կարող են անել միասին․ ԿԳՄՍ նախարարՀՀ ԿԳՄՍ նախարար ժաննա Անդրեասյանը ֆեյսբուքի էջում լուսանկար է հրապարակել Էստոնիայի մշակույթի նախարարի հետ, որի կից գրել է. «Էստոնիայի մշակույթի նախարարի հետ խոսեցինք, թե ինչ կարող են անել միասին։ Առաջիկայում հատկապես շատ ավելի կոնկրետ քայլեր կունենանք կինոյի ոլորտում, գրահրատարակչության ասպարեզում, ծանոթացել եմ երեխաների ընթերցանության խրախուսման էստոնական ծրագրին, որում մեծ դեր ունեն գրադարանները։ Տիկին նախարարին հրավիրել […] ...
21:33 20.05.2025
Ազիզ Նասիրզադեն ՀՀ ՊՆ վարչական համալիրի տարածքում անվանական եղևնի է տնկելԻրանի Իսլամական Հանրապետության պաշտպանության և զինված ուժերի աջակցման նախարար, բրիգադի գեներալ Ազիզ Նասիրզադեն ՀՀ պաշտպանության նախարարության վարչական համալիրի տարածքում անվանական եղևնի է տնկել։ Այս մասին հայտնում են ՀՀ ՊՆ-ից։ Ավելի վաղ, հայտնել էինք, պաշտոնական այցով ՀՀ է ժամանել ԻԻՀ պաշտպանության և զինված ուժերի աջակցման նախարար Ազիզ Նասիրզադեն։ Նրան ընդունել է ՀՀ պաշտպանության նախարար Սուրեն Պապիկյանը։ […] ...