19:50 30.12.2024
ՀՀ ՊԵԿ նախագահ Էդուարդ Հակոբյանը շնորհավորական խոսք է հղել գալիք տոների առթիվ.
«Հարգելի՛ գործընկերներ, սիրելի՛ հայրենակիցներ,
Շնորհավորում եմ Նոր տարվա և Սուրբ Ծննդյան տոների կապակցությամբ՝ շնորհակալություն հայտնելով իրականացված աշխատանքի համար։
Լիահույս եմ, որ 2025 թվականը լինելու է նոր հնարավորությունների, առաջընթացի և առկա հիմնախնդիրների լուծման մեջ բեկում մտցնելու տարի։
Մենք շարունակելու ենք բարեփոխումների ընթացքը՝ արմատական շտկումներ իրականացնելով համակարգի աշխատանքի սկզբունքներում։ Կիրականացվեն նոր ծրագրեր, որոնք կնպաստեն մարդ-պետություն և գործարար-պետություն փոխհարաբերությունների պարզեցմանը, համակարգի աշխատանքի թափանցիկության բարձրացմանը, մաքսային գործընթացների դյուրացմանը և կոռուպցիայի դեմ պայքարին:
Ձգտելու ենք հարկային համակարգը դարձնել հարկ վճարողի համար ավելի պարզ և ընկալելի։ ՊԵԿ-ի միասնական տեսլական ձևավորելը և համակարգի աշխատանքը բալանսավորելը գալիք տարվա մեր կարևոր թիրախներից է:
Ժամանակից առաջանցիկ մտածելակերպը մեր հաջողության հիմքն է: Թվային տեխնոլոգիաների և նորարարական լուծումների շնորհիվ կփորձենք բարելավել քաղաքացիներին մատուցվող ծառայությունների որակը։ Արհեստական բանականության գործիքներն այս ոլորտում ևս անսպառ հնարավորություններ են ստեղծում՝ հատկապես մեծածավալ տվյալների մշակման և գործառույթների արդյունավետության բարձրացման համար։
Առաջնորդվելով «Ինչ փոխվեց Ձեր կյանքում» կարգախոսով՝ պետք է ձգտենք յուրաքանչյուր քաղաքացու և տնտեսվարողի կյանքում նկատելի և շոշափելի դարձնել ՊԵԿ-ի ամենօրյա գործունեության արդյունքները՝ բարձրացնելով նաև հանրության վստահությունը պետական ինստիտուտների նկատմամբ։
Առաջիկա տարում անհրաժեշտ է նոր թափով շարունակել պայքարը ստվերային տնտեսության դեմ, առավել մեծ եռանդով աշխատել իրավախախտումների կանխարգելման և բացահայտման ուղղությամբ՝ պաշտպանելով օրինական դաշտում գործող քաղաքացիների և տնտեսվարողների շահերը:
2025 թվականի կարևոր առաջնահերթություններից է հասարակության կապի ամրապնդումը մեր մեծ ընտանեկան բյուջեի հետ: Համատեղ ջանքերով մենք կկերտենք ավելի հզոր ՊԵԿ, որն ավելի արդյունավետորեն կծառայի պետությանը և կանգնած կլինի հասարակության յուրաքանչյուր անդամի կողքին:
Համոզված եմ, որ 2025 թվականը համատեղ աշխատանքով կդառնա նոր նվաճումների տարի՝ ի շահ մեր պետության և քաղաքացիների։ Թող 2025 թվականն իր հետ բերի հաջողություններ, խաղաղություն և բարօրություն։ Շնորհավոր Ամանոր և Սուրբ Ծնունդ»:
21:16 23.05.2025
Սյունիքում ընթանում են լայնածավալ ճանապարհաշինական աշխատանքներՍյունիքի մարզում ընթանում են լայնածավալ ճանապարհաշինական աշխատանքներ: «Հորիզոնի» նկարահանող խումբը Տարածքային կառավարման և ենթակառուցվածքների նախարարության ներկայացուցիչների հետ երկու օր եղել է Սյունիքի մարզում, հետևել շինաշխատանքներին: Մանրամասները՝ ռեպորտաժում: ...
21:06 23.05.2025
ՈւԵՖԱ-ն ներողություն է խնդրել «Տոտենհեմից» մեդալների պակասի համարՈՒԵՖԱ-ն պաշտոնապես ներողություն է խնդրել «Տոտենհեմ» ակումբից 2024/2025 մրցաշրջանի Եվրոպայի լիգայի եզրափակչի պարգևատրման արարողության ժամանակ մեդալների պակասի համար։ Թիմի ավագ Սոն Հյոն Մինը ու ևս երկու խաղացողներ մեդալ չէին ստացել՝ կազմակերպչական բացթողման պատճառով։ Սոնը գավաթը բարձրացրել էր առանց մեդալի։ «Ցավով նշում ենք, որ պարգևատրման ժամանակ բեմում բավարար մեդալներ չեն եղել՝ խաղացողների թվի անսպասելի անհամապատասխանության պատճառով։ […] ...
20:54 23.05.2025
Փրկարարները գտել են որոնվող քաղաքացունՄայիսի 23-ին, ժամը 15:10-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արծվաբերդ գյուղի բնակիչներից մեկն անհետացել է «Եղնիկասար» կոչվող հանդամասում․ անհրաժեշտ է փրկարարների օգնությունը: Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Տաուշի հատուկ օբյեկտների պահպանության […] ...
20:45 23.05.2025
Լավրով. Ռուսաստանը պատրաստ է ներկայացնել կարգավորման փաստաթղթի նախագիծ, ռազմագերիների փոխանակումից հետոՌուսական կողմը պատրաստ կլինի Ուկրաինային ներկայացնել կարգավորման փաստաթղթի նախագիծ, հենց որ ռազմագերիների փոխանակումն ավարտվի։ Այս մասին լրագրողներին հայտարարել է Ռուսաստանի արտաքին գործերի նախարար Սերգեյ Լավրովը։ Նա ընդգծել է, որ Մոսկվան այժմ ակտիվորեն աշխատում է պայմանավորվածությունների երկրորդ մասի վրա, որը նախատեսում է կողմերից յուրաքանչյուրի կողմից փաստաթղթի նախագծի պատրաստում, որտեղ ուրվագծվում են «կայուն, երկարաժամկետ, համապարփակ կարգավորման համաձայնագրի […] ...
20:34 23.05.2025
ՃՏՊ Հաղարծին վանական համալիր տանող ավտոճանապարհին․ կա զոհ և տուժածՄայիսի 23-ին, ժամը 12:11-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Հաղարծին վանական համալիր տանող ավտոճանապարհի 5-րդ կմ-ին տեղի է ունեցել ՃՏՊ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ «Mitsubishi» մակնիշի ավտոմեքենան դուրս է եկել ճանապարհի երթևեկելի […] ...
20:26 23.05.2025
Փրկարարները եղնիկին դուրս են բերել Այգեշատ գյուղի ջրանցքիցՄայիսի 23-ին, ժամը 15:56-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Այգեշատ գյուղի ջրանցքը եղնիկ է ընկել․ դուրս բերելու համար անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Փրկարարները եղնիկին դուրս են բերել ջրանցքից և հանձնել Արմավիր քաղաքի կենդանաբանական այգի։ ...
