16:07 11.04.2018
«Արդեն ավարտվեց այն թնջուկը, պարոն Կարապետյան, որ շուրջ տարիուկես մենք ասում էինք՝ կարո՞ղ ա դուք լինեք վարչապետը, ասում էիք՝ կարող ա, ասում էինք՝ պատրա՞ստ եք Դուք աշխատել վարչապետ, ասում էիք՝ կաշխատեմ: Բայց ի՞նչն է հարցը: Մարդիկ Ձեզ հետ հույսեր են կապել: ՀՀԿ-ն Ձեզ շատ լավ որպես տեխնոլոգիա կիրառեց ընտրությունների ժամանակ, և մարդիկ այդ տեխնոլոգիային տրվեցին»,- ահա այսպես սկսեց իր հարցը ԱԺ «Ելք» խմբակցության անդամ Էդմոն Մարուքյանը՝ ուղղված վարչապետի պաշտոնակատար Կարեն Կարապետյանին:
Պատգամավորը նշեց, որ հիմա կա շատ լուրջ հիասթափություն կոնկրետ նրանից, որովհետև մարդիկ սպասում էին, որ նա է լինելու վարչապետ:
«Բայց նաև Ձեզ ասում էինք այս ընթացքում, որ ԵԱՏՄ-ն, տնտեսական ուղղվածությունը, եվրոպացի գործընկերների հետ չաշխատելը խնդիր է, որովհետև մենք մեր ունեցած ձվերը դնում ենք մի զամբյուղի մեջ: Հիմա ռուբլին գահավիժում է, գիտեք սանկցիաների մասին, գիտեք, որ նոր պատերազմ է սկսվելու և հիմա, ըստ էության, լուրջ խնդիրներ է ունենալու նաև մեր տնտեսությունը: Ունե՞ք Դուք, որպես տեսլական, որպես առաջին հավանական փոխվարչապետ, թե ինչպես ենք մենք այս իրավիճակից դուրս գալու և ի՞նչ ենք անելու, այսինքն՝ ռուբլին գահավիժում է, ԵԱՏՄ տնտեսությունն ավելի է հարվածի տակ ընկնելու, և ՀՀ-ի տնտեսությունը, որ Դուք այսքան շատ կապել եք այդ տնտեսության հետ, ինչպե՞ս ենք մենք այս իրավիճակից դուրս գալու»,- հարցրեց Մարուքյանը:
Կարեն Կարապետյանը, անդրադառնալով հարցի սկզբնամասին, նշեց, որ բազմիցս է պատասխանել նման հարցերի, բայց մեկ անգամ ևս կխոսի այդ մասին:
«Նախ և առաջ, ճիշտն ասած, որ Դուք ռեպլիկի տեսքով սկզբից ասացիք, չի վերաբերում կառավարության գործունեությանը, չնայած ես բազմիցս պատասխանել եմ, նորից կանդրադառնամ: Հիասթափություն կա, թե չէ, դա Ձեր գնահատականն է: Ինչքանո՞վ է դա համընկնում շատ մարդկանց գնահատականների հետ, երկրորդը՝ իմ ելույթը, եթե լսել եք, իմ պատկերացմամբ, չի հակասում բոլոր մնացած ելույթներին, որ ես ասել եմ: Ինչ վերաբերում է՝ ինչքանով ենք մենք ԵԱՏՄ-ից կախված, ճի՞շտ ենք արել, թե՞ ոչ, համոզված եմ, որ ճիշտ ենք արել: Մի պարզ տրամաբանությամբ, որ մեր տնտեսությունը, մեր պոտենցիալն ուղղված է այդ շուկաների վրա: Եվ, ունենալով արտոնյալ առևտրային ռեժիմներ, մենք 180 միլիոնանոց շուկա ունենք»,- ասաց Կարեն Կարապետյանը:
Անդրադառնալով Ռուսաստանում հայ վարորդների այն խնդրին, որ չեն կարողանում աշխատել ՌԴ–ում՝ փոխադրումների ոլորտում, Կարեն Կարապետյանն ասաց, որ կառավարությունն այնքան մեծ ուշադրություն չի հատկացնում այդ հարցին, որքան «Ելք»–ը։
«Դիմում են մեզ, ուրեմն կլուծվի…Ի՞նչ են ասում վարորդներին։ Նրանց ասում են՝ եթե ցանկանում եք աշխատել Ռուսաստանում, պետք է ռուսերեն իմանաք»,–եզրափակել է նա։
08:45 06.08.2025
Սլովակիայի նախագահը հրաժարվել է քաղաքացիներին թույլ տալ ծառայել օտարերկրյա բանակներումՍլովակիայի նախագահ Պետեր Պելեգրինին մերժել է իր համաքաղաքացիների բոլոր խնդրանքները՝ օտարերկրյա բանակներում ծառայելու թույլտվության վերաբերյալ, հաղորդում է TASR լրատվական գործակալությունը։ Սլովակիայի նախագահի պաշտոնը 2024 թվականի հունիսի 15-ին ստանձնած Պելեգրինիին դիմել են հանրապետության յոթ քաղաքացիներ՝ օտարերկրյա պետությունների բանակներում ծառայելու թույլտվություն ստանալու խնդրանքով։ Նրանցից վեցը մտադիր էին միանալ Ուկրաինայի զինված ուժերին, իսկ մեկ անձ խնդրել էր Ռուսաստանի […] ...
08:35 06.08.2025
Իսրայելի արտգործնախարարը կոչ է արել միջազգային ճնշում գործադրել ՀԱՄԱՍ-ի վրաՄիջազգային հանրությունը պետք է ճնշում գործադրի արմատական պաղեստինյան ՀԱՄԱՍ շարժման վրա՝ արմատականների կողմից պահվող պատանդների ազատ արձակումն ու Գազայի հատվածում պատերազմի դադարեցումն ապահովելու համար, ՄԱԿ-ի կենտրոնակայանում լրագրողներին հայտարարել է Իսրայելի արտաքին գործերի նախարար Գիդեոն Սաարը։ «ՀԱՄԱՍ-ը պատասխանատու է Գազայի հատվածում պատերազմը սկսելու համար՝ Իսրայել ներխուժելով և վայրագություններ կատարելով։ ՀԱՄԱՍ-ը նաև պատասխանատու է այս պատերազմը շարունակելու […] ...
08:25 06.08.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Ըստ Ճանապարհային դեպարտամենտի՝ ճանապարհաշինական աշխատանքներով պայմանավորված՝ հուլիսի 4-ից Մ-1 միջպետական ճանապարհի (Երևան-Գյումրի) կմ38+030 հատվածից (Ուջանի մոտից) երթևեկությունը կտեղափոխվի Հյուսիս-հարավի նորակառույց ճանապարհ։ ...
08:15 06.08.2025
Հրդեհի ահազանգ Վաղարշապատ քաղաքումՕգոստոսի 6-ին, ժամը 06։42-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Արմավիրի մարզի Վաղարշապատ քաղաքի Սպանդարյան փողոցի շենքերից մեկում։ Դեպքի վայր են մեկնել ՆԳՆ ՓԾ Երևան քաղաքի և մարզային փրկարարական վարչությունների հրշեջ-փրկարարական ջոկատից չորս մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթապահ խումբը և մեկ ավտոսանդուղք։ Ըստ նախնական տվյալների հրդեհը […] ...
08:10 06.08.2025
Օգոստոսի 7-8-ին Նիկոլ Փաշինյանն ԱՄՆ-ում հանդիպում կունենա Թրամփի և Ալիևի հետՕգոստոսի 7-8-ին Հայաստանի Հանրապետության վարչապետ Նիկոլ Փաշինյանը այց կկատարի Ամերիկայի Միացյալ Նահանգներ։ Վաշինգտոնում վարչապետ Փաշինյանը երկկողմ հանդիպում կունենա Ամերիկայի Միացյալ Նահանգների նախագահ Դոնալդ Ջ. Թրամփի հետ՝ Հայաստան-ԱՄՆ ռազմավարական գործընկերությունը խորացնելու նպատակով, ինչպես նաև եռակողմ հանդիպում՝ ԱՄՆ նախագահ Դոնալդ Ջ. Թրամփի և Ադրբեջանի նախագահ Իլհամ Ալիևի հետ՝ միտված տարածաշրջանում խաղաղության, բարօրության և տնտեսական համագործակցության առաջմղմանը։ ...
08:00 06.08.2025
Հրդեհ Արտանիշ գյուղումՕգոստոսի 5-ին, ժամը 17։05-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արտանիշ գյուղի 11-րդ փողոցի տներից մեկում հրդեհ է բռնկվել։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։ Հրդեհը մեկուսացվել է ժամը 19։40-ին, մարվել՝ 22:00-ին։ Այրվել է երկհարկանի տունը (240 քմ)։ ...
