20:53 16.07.2025
Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպել է Հունաստանի արտաքին գործերի նորանշանակ փոխնախարար Հարիս Թեոհարիսի հետ, ով պատասխանատու է տնտեսական դիվանագիտության ոլորտի համակարգման համար։ Այս մասին հայտնել են Հունաստանում ՀՀ դեսպանությունից:
Դեսպանն անդրադարձել է 2024 թ. դեկտեմբերին Հայաստան-Հունաստան միջկառավարական հանձնաժողովի 6-րդ նիստի ընթացքում արձանագրված պայմանավորվածություններին և դրանց իրականացման ընթացքին։ Անդրադարձ է կատարվել նաև 2024 թ․ փետրվարին ՀՀ վարչապետ Նիկոլ Փաշինյանի Հունաստան կատարած աշխատանքային այցի ընթացքում Հայաստանի “Ներդրումների աջակցության կենտրոն” հիմնադրամի և “Enterprise Greece”-ի միջև փոխըմբռնման հուշագրի ստորագրության հիման վրա այդ երկու կառույցների միջև համագործակցությանը։
Կողմերը քննարկել են երկու երկրների տարբեր գործադիր մարմնի տարբեր գերատեսչությունների միջեւ առկա ակտիվ համագործակցությանը, ինչպես նաև մի շարք ուղղություններով ձեռնարկվելիք նախաձեռնություններին ու քայլերին։ Կարևորվել է զբոսաշրջության ոլորտում բազմաշերտ համագործակցության ծավալումը` հաշվի առնելով ոլորտի ռազմավարական նշանակությունը Հայաստանի և Հունաստանի համար։
Դեսպան Մկրտչյանը հավելել է, որ Հայաստանը մշտապես մասնակցում է Սալոնիկում կազմակերպվող Միջազգային ցուցահանդեսին, ինչպես նաև Ֆիլոքսենիա զբոսաշրջային ցուցահանդեսին՝ 2022 թ-ին առաջին անգամ ունեցել է պատվավոր հյուրի կարգավիճակ, ինչը մեծ տեսանելիություն է ապահովել Հունաստանում։
Տնտեսական ակտիվություն ապահովելու նպատակով փոխադարձ ընդգծվել ոլորտային համագործակցության ծավալումը, B2B միջոցառումների, մասնագիտացված բիզնես ֆորումների կազմակերպումը, ինչը էլ ավելի կխթանի տնտեսվարողների հետաքրքրությունը երկկողմ ներդրումների ուղղությամբ։
Փոխնախարար Թեոհարիսն իր հերթին նշել էր, որ Հունաստանը աջակցում է Հայաստանին Համապարփակ և ընդլայնված գործընկերության համաձայնագրի (ՀԸԳՀ) իրագործման ընթացքում և այդ համատեքստում ու ԵՄ շրջանակներում ըստ անհրաժեշտության պատրաստ է անել ավելին։
12:55 17.07.2025
Երևանի մետրոպոլիտենում առաջին անգամ փոխվում են շարժասանդուղքներըԱվելի քան 40 տարի անց՝ Երևանի մետրոպոլիտենի գործարկումից ի վեր, առաջին անգամ փոխվում են շարժասանդուղքները: Գործընթացն այժմ իրականացվում է «Զորավար Անդրանիկ» կայարանում, մեկ տարվա ընթացքում չորս կայարաններում ամբողջությամբ կավարտվի ծրագիրը, մյուս 4-ում՝ «Գարեգին Նժդեհի հրապարակ», «Բարեկամություն», «Մարշալ Բաղրամյան» և «Երիտասարդական» կայարաններում աշխատանքները կիրականացվեն 2026թ.: ...
12:48 17.07.2025
Իրաքյան հիպերմարկետում բռնկված հրդեհի հետևանքով զոհերի թիվն ավելացել էԻրաքի արևելքում գտնվող Ալ-Քութ քաղաքի հիպերմարկետում բռնկված հրդեհի հետևանքով զոհերի թիվը հասել է 61-ի, հայտնել է Իրաքի ներքին գործերի նախարարությունը։ «Քութի առևտրի կենտրոնում բռնկված հրդեհի հետևանքով զոհերի թիվը հասել է 61-ի։ Այրված շենքում մնացած ավելի քան 45 մարդ փրկվել է», – ասվում է Ներքին գործերի նախարարության հայտարարության մեջ, որը տարածել է Իրաքի INA լրատվական գործակալությունը։ ...
12:40 17.07.2025
Օպերատիվ իրավիճակը հանրապետությունում հուլիսի 16-17-ըԲացահայտվել է 137 հանցագործություն, որոնցից 3-ը՝ նախկինում կատարված: Մասնավորապես՝ 39 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 16 դեպք՝ թմրանյութի հայտնաբերման, 9 դեպք՝ մարմնական վնասվածք պատճառելու, 7-ական դեպք՝ ֆիզիկական ներգործության, անձնական ունեցվածքի գողության, խարդախության և թմրամիջոցներ պարունակող բույսեր ցանելու կամ աճեցնելու, 4 դեպք՝ […] ...
12:28 17.07.2025
ՆԱՏՕ-ն հայտարարել է, որ Ռուսաստանը սպառնալիք կհամարի նույնիսկ Ուկրաինայում հակամարտության ավարտից հետոՆԱՏՕ-ն Ռուսաստանին սպառնալիք կհամարի նույնիսկ Ուկրաինայի հակամարտության խաղաղ կարգավորման դեպքում։ Այս տեսակետը հայտնել է ԱՄՆ ռազմաօդային ուժերի ամերիկացի գեներալ-լեյտենանտ Ալեքսուս Գրինկևիչը, որը գլխավորում է Եվրոպայում ՆԱՏՕ-ի միացյալ զինված ուժերը։ «Մեր շեմին` Ուկրաինայում պատերազմ է ընթանում։ Նույնիսկ եթե խաղաղ կարգավորում տեղի ունենա, Ռուսաստանը կկարողանա վերականգնել իր կարողությունները։ Իմ կարծիքով, Ռուսաստանը, անկասկած, կմնա անվտանգության սպառնալիք», – ասել […] ...
12:14 17.07.2025
68-ամյա այգեշատցու անասնագոմում առանձնապես խոշոր չափի թմրամիջոց է հայտնաբերվելՀամայնքային ոստիկանության Արմավիրի բաժնի ծառայողներն օպերատիվ տեղեկություններ էին ստացել, որ Այգեշատ գյուղի 68-ամյա բնակիչը տնամերձ հողամասում կանեփ է աճեցնում, նաև պահում է կանեփից պատրաստած թմրամիջոց։ Նախաձեռնվել է քրեական վարույթ, որի շրջանակում կատարված զննությամբ այգեշատցու տնամերձ հողամասում հայտնաբերվել են կանեփի բույսեր, իսկ անասնագոմում՝ 300 գրամից ավելի կանեփանման զանգված: 68-ամյա տղամարդը ձերբակալվել ու ներկայացվել է Արմավիրի մարզային […] ...
12:05 17.07.2025
Պատահարից հետո կիրականացվի Ողջի գետի ջրի որակի նախնական գնահատումՀուլիսի 16-ին, ժամը 21:39-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կապան-Քաջարան ավտոճանապարհին՝ Ձագեձոր գյուղի մոտակայքում, բեռնատարը ընկել է գետը. անհրաժեշտ է փրկարարների օգնությունը: Դեպքի վայր են մեկնել ՆԳՆ ՓԾ մարզային փրկարարական վարչության և հրշեջ-փրկարարական ջոկատներից օպերատիվ խմբեր և երկու մարտական հաշվարկ։ Տեղեկությունը սահմանված կարգով փոխանցվել է Տեղական ինքնակառավարման մարմիններին և […] ...
