16:40 06.10.2018
«Ես միշտ կարծում եմ, որ իշխանությունը պետք է լինի մեծահոգի և լայնախոհ, սակայն այս հետհեղափոխական իրավիճակում իշխանությունը ունի ռիսկեր, քանի որ այս իշխանությունը դեռ խորհրդարանում չի ամրապնդել իր դիրքերը:
Այս պահին չկա համաձայնության կառավարություն. 3 ամենախոշոր խմբակցությունները, ըստ էության, կաբինետում մարդ չունեն և պարտավոր չեն որևէ հարցով քվեարկել կառավարության ծրագրերին, հետևաբար այս կառավարությունը ո՞նց է աշխատելու: Այս կառավարությունը հենց հիմա ունի 9 պատգամավորի աջակցություն խորհրդարանում, այսինքն՝ նա ինչպե՞ս է աշխատելու 105 հոգանոց խորհրդարանի հետ»,- ասել է «Լուսավոր Հայաստան» կուսակցության նախագահ Էդմոն Մարուքյանը «Շանթ» հեռուստաընկերությամբ հեռարձակվող «Հեռանկար» հաղորդաշարի ընթացքում:
Նա նաև նշել է, որ վարչապետը այս ռիսկերը հաշվի առնելով է ցանկանում դեկտեմբերին գնալ ընտրությունների, քանի որ պետք է այս թնջուկը հանգուցալուծվի:
Էդմոն Մարուքյանը ասել է, որ արտահերթ խորհրդարանական ընտրություններից հետո պետք է դադարեցնել հեղափոխական հռետորաբանությունը և բոլորը պետք է լծվեն գործի, քանի որ շատ անելիքներ կան:
«Այնքան գործ ունենք անելու, այնքան բան կա շտկելու, այնքան նոր գաղափար կա անելու, որ պետք է գիշեր- ցերեկ գործ անել, ոչ թե խոսել հեղափոխության կամ հակահեղափոխության մասին»,- նշել է նա:
Էդմոն Մարուքյանը նաև խոսել է ապագա խորհրդարանում ընդդիմության դերի մասին:
«Մենք առանձին ենք մասնակցելու ընտրություններին և հետևաբար իշխանություն չենք լինելու: Մենք նպատակ ունենք հասնելու նրան, որ 2-րդ ուժը լինենք Հայաստանի Հանրապետությունում և մեր ներդրումը ունենանք պետականաշինության գործում, ես կարծում եմ՝ մենք կհասնենք դրան: Երբ գիտես, որ վարչապետդ կոռուպցիայով չի զբաղվելու, երբ գիտես, որ նախարարներդ փողով չեն նշանակվել, ապա քննադատությունը այլ կերպ է կառուցված լինելու: Հայաստանում չեն պատկերացնում, որ ընդդիմությունը նույնպես իշխանություն է, որքան մանդատի իշխանություն, որ մենք ունենանք, այդքան իշխանություն էլ կբանեցնենք»,- նշել է նա:
Էդմոն Մարուքյանը ասել է, որ արտահերթ խորհրդարանական ընտրություններին իրենք կմասնակցեն հավանաբար նույն ձևաչափով, ինչ ավագանու ընտրություններին:
13:03 01.05.2025
Նոր Զելանդիայում արտակարգ դրություն է հայտարարվել ջրհեղեղի պատճառովՆոր Զելանդիայի Քրայսթչըրչ քաղաքում և Սելվին շրջանում արտակարգ դրություն է հայտարարվել՝ ուժեղ անձրևների հետևանքով առաջացած լայնածավալ ջրհեղեղներից հետո, հաղորդում է New Zealand Herald թերթը։ «Քրայսթչըրչում և Քենթերբերիի Սելվին շրջանում հայտարարվել է արտակարգ դրություն», – գրում է հրատարակությունը։ Հայտարարությունը արել է երկրի արտակարգ իրավիճակների նախարար Մարկ Միտչելը։ ...
12:50 01.05.2025
Վարազդատ Լալայանն այսօր տոնում է ծննդյան օրըՕլիմպիական խաղերի արծաթե մեդալակիր, աշխարհի և Եվրոպայի կրկնակի չեմպիոն Վարազդատ Լալայանը մայիսի 1-ին տոնում է ծննդյան օրը: «Հայաստանի ծանրամարտի ֆեդերացիայի ամբողջ անձնակազմն ի սրտե շնորհավորում է Վարազդատին` մաղթելով նորանոր նվաճումներ ու հպարտության բազմաթիվ պահեր»,-նշված է ֆեդերացիայի տարածած հաղորդագրության մեջ: ...
12:37 01.05.2025
Հրդեհ Աղավնավանք գյուղումՄայիսի 1-ին, ժամը 07։44-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աղավնավանք գյուղի 5-րդ փողոցի տներից մեկի բակում այրվում է անասնագոմ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է Աղավնավանք գյուղի 3-րդ փողոցի տներից մեկի բակում գտնվող անասնագոմի տանիքում: Հրդեհը մեկուսացվել է ժամը 08:30-ին, մարվել՝ 08:55-ին։ Այրվել է անասնագոմի […] ...
12:20 01.05.2025
Աշխատանքը չպետք է ընկալվի որպես պարտադրանք կամ բեռ, այլ որպես ինքնադրսևորման, կայուն ապագայի կառուցման հնարավորություն․ ՊապոյանՀՀ էկոնոմիկայի նախարար Գևորգ Պապոյանը շնորհավորական ուղերձ է հղել Աշխատանքի և աշխատավորների համերաշխության միջազգային օրվա կապակցությամբ։ «Հարգելի՛ հայրենակիցներ, Շնորհավորում եմ Աշխատանքի և աշխատավորների համերաշխության միջազգային օրվա կապակցությամբ։ Այս օրը մեզ հիշեցնում է, որ առանց նպատակային, համակարգված և գիտելիքի վրա հիմնված աշխատանքի հնարավոր չէ ապահովել տնտեսական իրական առաջընթաց։ Աշխատանքը չպետք է ընկալվի որպես պարտադրանք, տանջանք կամ […] ...
12:05 01.05.2025
Այսօր մեկնարկում է «Երևանի քաղաքապետի գավաթ 2025» գեղասահքի միջազգային բաց մրցաշարըԳեղասահքի մարզադպրոցի գեղասահորդները պատրաստվում են այսօր մեկնարկող «Երևանի քաղաքապետի գավաթ 2025» գեղասահքի միջազգային բաց մրցաշարին: «Սիրով հրավիրում ենք գեղասահքի սիրահարներին ներկա գտնվելու այս դիտարժան առաջնությանը, որը կանցկացվի Երևանի գեղասահքի և հոկեյի մարզադպրոցում։ Մրցաշարը կտևի մինչև մայիսի 4-ը։ Մուտքն ազատ է»,-նշված է Երևանի քաղաքապետարանի հաղորդագրության մեջ։ ...
11:51 01.05.2025
ԱՄՆ-ն և Ուկրաինան ստորագրել են բնական պաշարների մասին համաձայնագիրըԿիևը և Վաշինգտոնը համաձայնագիր են ստորագրել համատեղ հանքարդյունաբերության և Ուկրաինայի վերականգնման համար ներդրումային հիմնադրամի ստեղծման մասին, հաղորդում է ԱՄՆ ֆինանսների նախարարությունը։ ԱՄՆ ֆինանսների նախարարության կայքում հրապարակված մամուլի հաղորդագրության մեջ ասվում է, որ համաձայնագիրը կնքվել է «ի նշան այն նշանակալի ֆինանսական և նյութական աջակցության, որը ամերիկացի ժողովուրդը տրամադրել է Ուկրաինայի պաշտպանությանը Ռուսաստանի լայնածավալ ներխուժման սկզբից ի […] ...
