17:20 15.05.2018
ԱԺ պետաիրավական հարցերի մշտական հանձնաժողովում այսօր գլխավոր դատախազի հետ ունեցած հարց ու պատասխանից հետո լրագրողների հետ զրույցում «Ելք» խմբակցության պատգամավոր Էդմոն Մարուքյանն ընդգծեց, թե «գլխավոր դատախազը այդպես էլ չկարողացավ իրավական հիմքեր նշել, թե ինչու ձերբակալեցին Նիկոլ Փաշինյանին և ինչու Սերժ Սարգսյանի հետ ձախողված բանակցություններից հետո բաց թողեցին»:
Մարուքյանը մնում է այն համոզմունքին, որ Նիկոլ Փաշինյանին ձերբակալելու հարցում գլխավոր դատախազը շարժվել է միայն քաղաքական դրդապատճառներով:
Լրագրողների այն հարցին, թե կիսո՞ւմ է Մարուքյանը «Հիմնադիր խորհրդարանի» համակիրների կողմից բարձրացրած պահանջը, որ գլխավոր դատախազը պետք է հրաժարական տա, թեև գլխավոր դատախազի պաշտոնը ընտրովի է և որին ընտրում է խորհրդարանը, Էդմոն Մարուքյանը պատասխանեց, որ բոլոր այն պաշտոնյաները, որոնք չեն համապատասխանում նոր իրողություններին, պետք է հրաժարական տան: Չմասնավորեցնելով գլխավոր դատախազի մասով, այդուհանդերձ, Մարուքյանը նշել է.
«Հստակ փաստեր եմ ներկայացնում, որ գնացել ենք Արթուր Դավթյանի մոտ, ասել ենք՝ եթե Արթուր Սարգսյանին ազատ չարձակեք, նա կմահանա, դուրս չի գալու հացադուլից: Խնդրել ենք իրեն, 20 օր անցել է, վիճակը շատ է վատացել, մեզ կանչել են, ասել են՝ եթե էլի պատրաստ եք վճարել այդ 500 հազար դրամը, ազատ կարձակենք: Գնացել ենք Փաշինյանի հետ, երկուսով 1 մլն դրամ ենք վճարել, ազատ են արձակել, մարդը մահացել է հիվանդանոցում: Մոտ երկու տարի է անցել, որևէ մեկը պատասխանատվության չի ենթարկվել: Ասում է՝ ով մահանա, պետք է մե՞նք պատասխան տանք, բա ո՞վ պետք է պատասխան տա»:
Երկրորդ փաստը, ըստ Մարուքյանի, «Զիբիլիքսի» գործն է: Նա անտրամաբանական է համարում, որ այդ գործը կարճել ու քրեական գործ չեն հարուցել:
«Ակնհայտ է դառնում, որ իրավապահ համակարգը ծառայել և ծառայեցվել է քաղաքական իշխանությանը, այդ թվում՝ պարոն Դավթյանը»,- նշեց պատգամավորը:
Լրագրողների հարցին՝ եթե գլխավոր դատախազը հրաժարականի դիմում չներկայացնի, ապա ի՞նչ քայլեր կձեռնարկեն «Ելք»-ի ներկայացուցիչները, չե՞ն պատրաստվում արդյոք անվստահություն հայտնելու նախագիծ ներկայացնել, Էդմոն Մարուքյանը արձագանքեց.
«Ես չգիտեմ, դա խմբակցությունում քննարկվող հարց է: Համենայնդեպս, մեծամասնությունից ավելի ձայնով է ընտրվում գլխավոր դատախազը: Եթե գլխավոր դատախազը հրաժարական կտա, կսկսի պրոցես, բայց մենք մեր օրակարգում չունենք ինչ-որ պաշտոնյաներին անվստահություն հայտնելու հարցեր, բայց կոնկրետ հիմա հարցեր ունենք, որոնք ներկայացնում ենք, պատասխանները չեն գոհացնում որևէ մեկին»:
Մարուքյանը հերքել է նաև մամուլում շրջանառվող այն լուրերը, որ ինքը հավակնում է գլխավոր դատախազի պաշտոնին՝ պնդելով որ նման քննարկում չի եղել,ու ինքն էլ այդ պաշտոնին չի հավակնում:
18:44 17.06.2025
Պանրի գործարանի արտադրության առանձին գործառույթը կասեցվել է. ՍԱՏՄՀՀ սննդամթերքի անվտանգության տեսչական մարմնի Շիրակի մարզային կենտրոնի տեսուչները ստուգում են իրականացրել «Ամասիայի գլխավորող պանրագործարան» ՍՊԸ-ին պատկանող կաթնամթերքի արտադրամասում (Շիրակի մարզ, գ․ Ամասիա), որի ընթացքում կատարել են ապրանքնատեսակների նմուշառում և հանձնել լաբորատոր հետազոտության: Այս մասին հայտնել են ՍԱՏՄ-ից: Ըստ լաբորատոր փորձաքննության արդյունքների՝ պանիր «Չեչիլ» և պանիր «Լոռի» արտադրատեսակների նմուշները չեն համապատասխանել կանոնակարգերով սահմանված պահանջներին։ Ի […] ...
18:39 17.06.2025
Դանիել Դանիելյանը հետևել է «Փայտփորիկ» սոլֆեջոյի օլիմպիադայի եզրափակիչ փուլինՀՀ կրթության, գիտության, մշակույթի և սպորտի նախարարության աջակցությամբ և Երևանի Սայաթ-Նովայի անվան երաժշտական դպրոցի նախաձեռնությամբ իրականացվում է «Փայտփորիկ» սոլֆեջոյի առաջին հանրապետական օլիմպիադիան: Այս մասին հայտնել են ԿԳՄՍ նախարարությունից: ԿԳՄՍ նախարարի տեղակալ Դանիել Դանիելյանն օլիմպիադայի եզրափակիչ փուլի ընթացքին հետևելու նպատակով այցելել է Երևանի Սայաթ-Նովայի անվան երաժշտական դպրոց։ Հաստատության տնօրեն Գարիկ Նազարյանի ուղեկցությամբ Դանիել Դանիելյանը շրջել է […] ...
18:28 17.06.2025
Փոխվարչապետ Մհեր Գրիգորյանն ընդունել է ԱՄՀ հայաստանյան առաքելության ղեկավարինՓոխվարչապետ Մհեր Գրիգորյանն ընդունել է Արժույթի միջազգային հիմնադրամի (ԱՄՀ) հայաստանյան առաքելության նորանշանակ ղեկավար Ալեքսանդր Թիմանին: Հանդիպման սկզբում փոխվարչապետը կարևորել է ԱՄՀ հետ համագործակցությունը՝ ընդգծելով ընթացիկ 3-ամյա Պահուստային ծրագրում ընդգրկված միջոցառումների նշանակությունը Կառավարության կողմից իրականացվող բարեփոխումների շրջանակներում: Զրուցակիցները քննարկել են կապիտալի շուկային, կանխիկի կրճատմանը, էլեկտրոնային առևտրին և թվայնացմանը վերաբերող հարցեր: Մտքեր են փոխանակվել երկրում ներդրումային միջավայրի […] ...
18:21 17.06.2025
ՀՀ ԱԳ նախարարության գլխավոր քարտուղար Դավիթ Կարապետյանն ընդունել է Հայաստանում Լյուքսեմբուրգի դեսպանինՀունիսի 17-ին ՀՀ ԱԳ նախարարության գլխավոր քարտուղար Դավիթ Կարապետյանն ընդունել է Հայաստանի Հանրապետությունում Լյուքսեմբուրգի դեսպան Ալեն դը Մյույզեին: Այս մասին հայտնել են ԱԳՆ-ից: Զրուցակիցները գոհունակությամբ արձանագրել են Հայաստանի և Լյուքսեմբուրգի միջև առկա ամուր քաղաքական երկխոսությունը՝ հիմնված ընդհանուր արժեքների, փոխադարձ հարգանքի և համատեղ շահերի վրա։ Մտքեր են փոխանակվել Հայաստանի և Լյուքսեմբուրգի միջև համագործակցությունն ինչպես երկկողմ, այնպես […] ...
18:13 17.06.2025
Դեսպան Խաչատրյանը Փարիզի Սորբոն-Պանթեոն 1 համալսարանում ներկայացրել է «Խաղաղության խաչմերուկ» նախագիծըՀունիսի 16-ին Ֆրանսիայում ՀՀ դեսպան Արման Խաչատրյանը Փարիզի Սորբոն-Պանթեոն 1 համալսարանում հանդես է եկել «Հայաստանի Հանրապետությունը միջազգային հարաբերություններում. աշխարհաքաղաքականություն, ազգային առաջնահերթություններ և դիվանագիտական աշխատանք» խորագրով բանախոսությամբ։ Միջոցառումը կազմակերպվել էր Փարիզի Սորբոնի համալսարանի «Միջազգային հարաբերություններ» և Փարիզի Բարձրագույն նորմալ դպրոցի «Համաժողովներ» ասոցիացիաների համատեղ նախաձեռնությամբ։ Այս մասին հայտնել են Ֆրանսիայում ՀՀ դեսպանությունից: Հայաստանի դեսպանը խոսել է Հարավային […] ...
18:08 17.06.2025
Կատարն աշխատում է Իրան-Իսրայել հակամարտությունը կարգավորելու ուղղությամբԿատարը համագործակցում է իր գործընկերների, այդ թվում՝ Միացյալ Նահանգների հետ՝ Իրանի և Իսրայելի միջև հակամարտությունը լուծելու ուղիներ գտնելու համար, ճեպազրույցի ժամանակ հայտարարել է Կատարի վարչապետի խորհրդական և արտաքին գործերի նախարարության պաշտոնական խոսնակ Մաջիդ բին Մոհամմեդ ալ-Անսարին։ «Կատարը կապի մեջ է իր բոլոր գործընկերների, այդ թվում՝ Միացյալ Նահանգների, և միջազգային կազմակերպությունների հետ՝ հակամարտությունը լուծելու համար», – […] ...
