00:36 21.11.2018
Գյումրիի դրամատիկական թատրոնը պրեմիերայի է պատրաստվում: Ջոն Օսբորնի «Ետ նայիր զայրացած» պիեսի հիման վրա բեմադրում է «Ոչինչ չի մնա» ներկայացումը: Համանուն ֆիլմը նույն ռեժիսորը՝ Հրաչ Քեշիշյանը, նկարահանել է 2007-ին: Ըստ ստեղծագործական կազմի՝ ներկայացումը և՜ նման է, և՜ տարբեր ֆիլմից: Թատրոնի պիեսը յուրովի է ներկայացնում: Նոր ներկայացումը հրավիրյալ դերասան ունի, գլխավոր դերերից մեկն էլ հրավիրված դերասանն է կատարում: Թատրոնի գլխավոր ռեժիսորն ու միևնույն ժամանակ տնօրենի ժամանակավոր պաշտոնակատարը նախ նշեց հրավիրյալ մասնագետների օգնությամբ աշխատելու անհրաժեշտությունը: Հրավիրում են նրանց, ովքեր իրենց հետ նոր մոտեցումներ են բերում Գյումրիի թատրոն: Հրավիրված ռեժիսոր Հրաչ Քեշիշյանը հանդիսատեսին արդեն հայտնի պիեսով է ներկայանում: Նույն ստեղծագործության բեմադրումը էկրանավորումից տարբերվում է, բայց զուգահեռներ չանցկացնել հնարավոր չէ:
«Սա նույն ստեղծագործության այլ մեկնաբանությունն է: Ներկայացնել նույն բանը պարզապես իմաստ չուներ: Սա ֆիլմ-ներկայացում է՝ այլ մեկնաբանությամբ: Երբ 2 մարդ նույն անունն ունեն, մենք փորձում ենք համեմատել նրանց տեսակները: Ֆիլմն ու ներկայացումը ունեն նույն անունը, բայց և անհնար է չտարանջատել իրարից»,- ասել է ներկայացման գլխավոր դերակատարաներից Մանե Մխոյանը:
Իսկ՝ ինչ է նշանակում ֆիլմ-ներկայացում, պարզ դարձավ, երբ հերթական փորձի համար վարագույրը բացվեց: Ներկայացման տեսարաններն ուղեկցվում են տեսաուղերձներով ու ենթագրերով: Տեխնիկական լուծումները լրացնում են դերասանական խաղը , միևնույն ժամանակ, բեմադրությունը յուրօրինակ դարձնում:
«Իր տեսակով ներկայացումը բավականին բարդ է, թե՜ հոգեբանական տեսանկյունից, թե՜ դերասանական խաղի տեսանկյունից, թե՜ տեխնիկապես: Դրա համար ամեն ինչ անում ենք, որ ներկայացումը կայանա տեխնիկապես և էմոցիոնալ հարթության վրա»,- ասել է բեմադրող-ռեժիսոր Հրաչ Քեշիշյանը:
90-ականների սերնդի մութ ու ցուրտ տարիների պատմությունները միահյուսվել են ու վերածվել հոգեբանական դրամայի: «Ոչինչ չի մնա» ներկայացման պրեմիերան Աճեմյանի թատրոնում նոյեմբերի 24-ին և 25-ին է: 
12:05 06.05.2025
Խորհրդարանը սկսել է հերթական նիստերի աշխատանքը. քննարկվել է ԲԴԽ անդամի ընտրության հարցըԱզգային ժողովը մայիսի 6-ին սկսել է հերթական նիստերի աշխատանքը: Քննարկվել եւ հաստատվել են ԱԺ ութերորդ գումարման իններորդ նստաշրջանի օրակարգում լրացումներ կատարելու մասին եւ մայիսի 6-ին գումարվող հերթական նիստերի օրակարգի նախագծերը: ԱԺ որոշմամբ հերթական նիստերի օրակարգում ընդգրկված որոշ հարցերի քննարկումը կիրականացվի հատուկ ընթացակարգով. դրանց երկրորդ ընթերցմամբ քննարկումը կիրականացվի առաջին ընթերցմամբ ընդունվելուց հետո` քսանչորս ժամվա ընթացքում: Խորհրդարանը […] ...
11:53 06.05.2025
Արշալույս գյուղում կատարված բնակարանային գողությունը բացահայտվեց թարմ հետքերովԲնակարանային գողության վերաբերյալ հաղորդումը ոստիկանության օպերատիվ կառավարման կենտրոն ստացվեց ապրիլի 30-ին: Արշալույս գյուղի բնակիչ 58-ամյա կինը հայտնեց, որ մեկ շաբաթ առաջ տնից և բակից գողացել են իրեր: Հաղորդումը փոխանցվեց Համայնքային ոստիկանության Վաղարշապատի բաժին, իսկ բացահայտման գործում աջակցության եկան նաև Արմավիրի մարզի քրեական ոստիկանները: Չնայած հանցագործության վերաբերյալ հաղորդումն ուշացած էր` բացահայտումն արագ արդյունք տվեց: Համատեղ միջոցառումների […] ...
11:46 06.05.2025
Եղեգիս բնակավայրում գործարկվելու են էլեկտրական շչակներՄայիսի 7-ին՝ ժամը 10:00-ից մինչև 14:00-ն ընկած ժամանակահատվածում, Վայոց ձորի մարզի Եղեգիս համայնքի Եղեգիս բնակավայրում և միջնակարգ դպրոցում անցկացվելու է «Ազդարարում, տարհանում, պատսպարում» թեմայով հատուկ տակտիկական ուսումնավարժություն, որի ընթացքում գործարկվելու են էլեկտրական շչակներ։ ...
11:34 06.05.2025
ՀԱՄԱՍ-ն անիմաստ է համարում Իսրայելի հետ զինադադարի բանակցություններըՊաղեստինյան արմատական ՀԱՄԱՍ շարժումը կարծում է, որ անիմաստ է շարունակել հրադադարի շուրջ բանակցությունները Իսրայելի հետ , քանի դեռ շարունակվում է հակամարտությունը և անկլավի շրջափակումը։ Այս մասին հայտարարել է շարժման քաղբյուրոյի անդամ Բասեմ Նաիմը։ «Անիմաստ է բանակցել կամ քննարկել հրադադարի նոր առաջարկներ, քանի դեռ Գազայի հատվածում շարունակվում է սովի պատերազմը, ոչնչացման պատերազմը», – ֆրանսիական AFP-ին ասել […] ...
11:04 06.05.2025
Անձը մանկական պոռնոգրաֆիա պարունակող տեսանյութեր է տարածելՀՀ քննչական կոմիտեի հատկապես կարևոր գործերի քննության գլխավոր վարչության կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության վարչությունում քննվող քրեական վարույթի նախաքննության ընթացքում պարզվել է, որ Մ.Բ.-ն ձեռք է բերել և իր բջջային հեռախոսում պահպանել է մանկական պոռնոգրաֆիա պարունակող տեսանյութեր: Այնուհետև, «Տելեգրամ» հեռահաղորդակցման հավելվածի ալիքում հրապարակված հայտարարությամբ անորոշ անձանց առաջարկել է մանկական պոռնոգրաֆիա պարունակող տեսանյութերը […] ...
