20:17 17.12.2018
Գյումրիի թիվ 18 միջնակարգ դպրոցում դարձյալ պարապմունքներ չկան. լրացուցիչ արձակուրդները երկարաձգվել են, հայտնում է SHANTNEWS.am-ի թղթակիցը: Հիշեցնենք՝ լրացուցիչ արձակուրդ տալու որոշումն ընդունվել էր նոյեմբերի 16-ին, երբ ծնողները հրաժարվեցին իրենց երեխաներին չջեռուցվող դպրոց ուղարկել:
Լրացուցիչ արձակուրդը տևելու էր մինչև դեկտեմբերի 15-ը, իսկ այդ ընթացքում դպրոցում ջեռուցման նոր համակարգ էր անցկացվելու: Նոր ջեռուցման համակարգի անցկացման աշխատանքները դեռ անավարտ են, ինչը հնարավորություն չի տալիս դասերը վերսկսել:
Մարտկոցները տեղադրվել են, իսկ կաթսաները՝ ոչ: Ամենակարևորը՝ գազի մուտքը դեպի կաթսաներ ապահովող խողովակները անցկացված չեն: Լրացուցիչ արձակուրդները դպրոցում տևելու էին մինչև դեկտեմբերի 15-ը, այսինքն՝ նույն ժամկետում էլ շինարարն էր իր գործն ավարտելու, իսկ հիմա ասում են, թե ժամկետների հարցում համաձայնություն չի եղել:
«Շինարարին ժամկետներ տրված չեն: Ես հարցրել եմ շինարարներին, ասում են, որ իրենք ժամկետներով չեն աշխատում: Այսօր դեկտեմբերի 17-ն է, արձակուրդը տրված էր մինչև դեկտեմբերի 15-ը, բայց տեսնում եք, որ շինարարն ուշանում է»,- SHANTNEWS.am-ի հետ զրույցում ասել է թիվ 18 միջնակարգ դպրոցի տնտեսվար Գագիկ Մարտիրոսյանը:
Լրացուցիչ արձակուրդը սահմանելու ժամանակ Շիրակի մարզպետարանի կրթության վարչության պետ Հրայր Կարապետյանը նշում էր, որ հաշվարկները հստակ են՝ տալիս են այնքան արձակուրդ, որ ջեռուցման նոր համակարգի անցկացումն ավարտեն: Հիմա արդեն կրթության վարչությունում սխալը ոչ թե իրենց են համարում, այլ շինարարինը:
«Չենք սխալվել մեր հաշվարկների մեջ: Պարզապես խնդիրը գազի մուտքն է դեպի դպրոց, որը չի կատարվել, այլապես հենց այսօր հնարավոր էր գործարկել ջեռուցման համակարգը: Հույս ունենք՝ 2-3 օրվա ընթացքում կազմակերպել: Գոնե վերջին մի քանի օրը դասերը կազմակերպենք, կիսամյակային գնահատականները նշանակվեն, իսկ ուսումնական ծրագրի բացը կլրացվի հաջորդ կիսամյակ»,- ասաց Հրայր Կարապետյանը:
Ուսումնական ծրագիրը գարնանային արձակուրդների և վեցօրյա աշխատանքային շաբաթվա հաշվին լրացնելու հաշվարկները նույնն էին նաև այն ժամանակ, երբ լրացուցիչ արձակուրդ էր տրվել մինչև դեկտեմբերի 15-ը:
Հիմա կրթության և գիտության նախարարությունում քննարկում են, թե ինչպես թիվ 18 դպրոցում ամփոփեն առաջին կիսամյակը: Ըստ Շիրակի մարզպետարանի կրթության վարչության պետի՝ սեպտեմբեր, հոկտեմբեր և նոյեմբեր ամիսների գնահատականներով հնարավոր է կիսամյակ ամփոփել, իսկ ավարտական քննություններ դեկտեմբերին այս դպրոցում չեն լինի:
Հիմա մարզպետարանը որոշելու է, թե դեռ որքան են թիվ 18 դպրոցի արձակուրդները տևելու: Ու պարզ է արդեն, որ այդ ժամկետը վերաբերելու է նրան, թե մինչև այս շաբաթվա վերջ կհասցնե՞ն գոնե մեկ օրով դպրոց գալ ու գնահատականներ ամփոփել:
21:48 24.07.2025
Մեկնարկել է քոլեջների և ուսումնարանների ընդունելությունը
23:59 24.07.2025
Ավտոկայանատեղիների հատվածում տեղադրված կանգնակները հեռացվում ենԱվտոկայանատեղիների հատվածում տեղադրված կանգնակները խոչընդոտում են երթևեկությունն ու կայանումը: Այս մասին հայտնել են Երևանի քաղաքապետարանից: Խնդիրը լուծելու համար Երևանի քաղաքապետարանի հասարակական կարգի պահպանության ծառայությունը Ոստիկանության պարեկային ծառայության հետ համատեղ պարբերաբար ուժեղացված ստուգայցեր է իրականացնում քաղաքում: Հերթական ստուգայցի ընթացքում կազմվել են բազմաթիվ արձանագրություններ, իսկ արհեստական խոչընդոտները՝ մետաղական ձողեր, արկղեր, վահանակներ և այլ իրեր, առգրավվել և առանձին […] ...
23:57 24.07.2025
Օրինազանց վարորդները հայտնաբերվել են ու ենթարկվել պատասխանատվությանՕրերս համացանցում տեսանյութ էր տարածվել, որ «Վոլկսվագեն»-ի վարորդը Մարտունի-Սևան ավոտճանապահին մեքենան վարում էր անկանոն՝ վտանգելով երթևեկության այլ մասնակիցներին։ Վայոց ձորի պարեկները պարզել են վարորդի ինքնությունը։ Նա հայտնաբերվել է։ Մեքենան տեղափոխվել է Համայնքային ոստիկանության Եղեգնաձորի բաժնի պահպանվող հատուկ տարածք: Նրա նկատմամբ կազմվել է վարչական իրավախախտման վերաբերյալ արձանագություն։ Հաջորդ տեսանյութը կրկին տարածվել էր համացացում, որում մեքենաները խոչընդոտում […] ...
23:49 24.07.2025
Կամչատկայում 4.9 մագնիտուդով երկրաշարժ է տեղի ունեցելԿամչատկայի երկրամասում գրանցվել է 4.9 մագնիտուդով երկրաշարժ։ Այս մասին նշվում է Ռուսաստանի գիտությունների ակադեմիայի Միացյալ երկրաֆիզիկական ծառայության Կամչատկայի մասնաճյուղի Telegram ալիքում։ Ծառայության տվյալներով՝ երկրաշարժը տեղի է ունեցել Պետրոպավլովսկ-Կամչատկայից 161 կմ հեռավորության վրա։ Էպիկենտրոնը գտնվել է 39 կմ խորության վրա։ ...
23:44 24.07.2025
Մակրոն. Ֆրանսիան կճանաչի Պաղեստին պետությունը սեպտեմբերին ՄԱԿ-ի Գլխավոր ասամբլեայի նստաշրջանումՖրանսիան պաշտոնապես կճանաչի Պաղեստին պետությունը սեպտեմբերին ՄԱԿ-ի Գլխավոր ասամբլեայի նստաշրջանում։ Այս մասին հայտարարել է Ֆրանսիայի նախագահ Էմանուել Մակրոնը X-ի իր միկրոբլոգումում։ «Ես որոշել եմ, որ Ֆրանսիան կճանաչի Պաղեստին պետությունը։ Ես հանդիսավոր կերպով կհայտարարեմ այս մասին ՄԱԿ-ի Գլխավոր ասամբլեայում այս տարվա սեպտեմբերին։ Հիմա գլխավորը Գազայում պատերազմը անհապաղ դադարեցնելն ու խաղաղ բնակչությանը օգնություն ցուցաբերելն է», – ասել […] ...
23:39 24.07.2025
46-ամյա մարմարաշենցին կանեփ էր աճեցնում և պահում թմրանյութ․ Շիրակի քրեական ոստիկանների բացահայտումըՀուլիսի 22-ին Շիրակի մարզի քրեական ոստիկանները օպերատիվ տեղեկություն էին ստացել, որ Մարմարաշեն գյուղի 46-ամյա բնակիչը տնամերձ հողամասում կանեփ է աճեցնում։ Նախաձեռնվել է քրեական վարույթ, որի շրջանակում կատարված զննությամբ նշված հողամասում հայտնաբերվել է կանեփի 233 բույս, իսկ ավտոտնակում՝ մոտ 3 գրամ մարիխուանայի նմանվող դեղնականաչավուն զանգված։ Նախաքննությամբ հանգամանքները պարզվում են: Ծանուցում. Ենթադրյալ հանցանքի մեջ կասկածվողը կամ մեղադրվողը […] ...
23:35 24.07.2025
Ստեղծվում է կանաչապատ սահմանագիծ՝ գերեզմանատների և բնակելի հատվածների միջևԴավթաշենի գերեզմանատան ճանապարհամերձ և բնակելի թաղամասերին մոտ գտնվող հատվածները պարսպապատվում են կանաչապատ զանգվածով: Այս մասին հայտնել են Երևանի քաղաքապետարանից: Տնկվել է շուրջ 40 ծառ, տարածքում անցկացվում է ոռոգման նոր համակարգ: Ծրագիրը շարունակական է․ առաջիկայում կանաչապատման աշխատանքներ կիրականացվեն նաև Կենտրոնական (Թոխմախի), Սպանդարյանի և Շահումյանի գերեզմանատներում։ Մանրամասները՝ տեսանյութում: ...
