23:27 21.12.2018
Բյուջեի նախագծի հանրային քննարկումներից ու լսումներից հետո երեկ երեկոյան Գյումրիի ավագանին արտահերթ նիստով հաստատեց քաղաքի 2019 թվականի բյուջեն: Նիստի օրակարգում այլ հարցեր էլ կային, որոնց ավագանին միաձայն կողմ քվեարկեց: Համապատասխան որոշումներով` համայնքային սեփականություն հանդիսացող ինը բնակարաններն ու 12 սոցիալական բնակարանները անհատույց ու անժամկետ օգտագործման իրավունքով հատկացվել են անօթևան ընտանիքներին ու միայնակ տարեցներին։
Քաղաքի գլխավոր ֆինանսիստը հաջորդ տարվա բյուջեն անվանել է զարգացման բյուջե ու թվային տվյալներ ներկայացնելու պարտավորությունը ստանձնել: Նախ համեմատություն է կատարվել անցնող ու հաջորդ տարվա բյուջեների միջև: 2018-ին համայնքի բյուջեն 3 միլիարդ 470 միլիոն 200 հազար դրամ էր, իսկ 2019 -ին լինելու է գրեթե 114 միլիոնով ավելի, այսինքն՝ 3 մլրդ 584 մլն 873 հազար դրամ:
Ըստ էության, 2019-ի բյուջեի ավելացումը լինում է պետական բյուջեի դոտացիայի հաշվին: Պետական դոտացիա հաջորդ տարի Գյումրին 150 միլիոն դրամով ավելի կստանա, իսկ թե ինչու՝ չի մեկնաբանվել։ Զարգացման բյուջե հայտարարված ֆինանսական փաստաթուղթը կազմվել է հաջորդ տարվա եկամուտներն ու ծախսերը կանխատեսելով։ Իսկ որ ոլորտների համար է ավելի շատ գումար նախատեսվել, որոնցը կրճատվել: Նվազել են կանաչապատման, ավելացել են աղբահանության համար հատկացվող գումարները: Նախագծահաշվային փաստաթղթերի համար տրամադրվող ծախսերն էլ ավելացրել են հինգ անգամ։
Իսկ զարգացման բյուջեից արդյո՞ք հատկացում կա թափառող շների դեմ պայքարի համար: Սրանով էլ հետաքրքրված էին «Բարգավաճ Հայաստան» խմբակցության ավագանու անդամներից մի քանիսը, որոնք պարզաբանում են պահանջել, թե ինչպես է քաղաքապետարանը հաշվել, որ հաջորդ տարի քաղաքում կլինի հենց 1820 թափառող կենդանի:
Թե վնասազերծումը ինչ եղանակով է լինելու, լուրջ քննարկման չի արժանացել ու փաստորեն մնացել է նույն փորձված, բայց ոչ ընդունելի եղանակը: Ավագանու անդամ Լևոն Բարսեղյանն էլ նշել է, որ քաղաքի թափառող շների դեմ պայքարից առաջ պետք է նախ քաղաքն աղբից մաքրել, հենց աղբի կուտակման պատճառով են օրեցօր ավելանում թափառող կենդանիները:
Թափառող շների թեմայից անցում կատարվեց բյուջեում տարիներով կուտակված ու գրեթե անհուսալի վերադարձ համարվող ապառքներին: Քաղաքապետի գլխավոր խորհրդական Արարատ Բալաբեկյանը նշել է, որ միայն ավտոմեքենաների գույքահարկից մնացած ապառքը կազմում է 300 մլն դրամ, որը համարվում է անհուսալի գումար:
Անհուսալի ապառքը, սակայն, հաջորդ տարվա բյուջեում համարվում է կանխատեսվող եկամուտ։ Իսկ պահուստային ֆոնդ եկող գումարներով, որոնք տնտեսումների հաշվին են լինում, պլանավորում են ուղղել փողոցաշինությանն ու քաղաքի բարեկարգմանը:
20:20 05.08.2025
Կամավորական փրկարարական շարժման զարգացման գործընթացը շարունակվում էԿամավորական փրկարարական շարժմանն աջակցության նպատակով Ավստրիական զարգացման գործակալության և Ավստրիական կարմիր խաչի ընկերության ֆինանսավորմամբ Հայկական կարմիր խաչի ընկերության հետ իրականացվող «Հայաստանի Հանրապետությունում առաջին արձագանքման կամավորական ծառայության ինստիտուցիոնալիզացում» (VOLFIRE) ծրագրի շրջանակներում օգոստոսի 5-ին Արագածոտնի մարզի Թալին համայնքի Արագածավան բնակավայրում բացվեց հերթական կամավորական հրշեջ-փրկարարական հենակետը: Ողջույնի խոսքով հանդես եկան ՆԳՆ ՓԾ փրկարարական ուժերի վարչության պետ, փ/ծ գնդապետ […] ...
20:13 05.08.2025
«Նոայի» մրցակիցը ԵԼ-ում «Լինկոլնի» արգելքը հաղթահարելու դեպքումՀայաստանի չեմպիոն «Նոան» Եվրոպա լիգայի որակավորման երրորդ փուլում Ջիբրալթարը ներկայացնող «Լինկոլն Ռեդ Իմպսի» արգելքը հաղթահարելու դեպքում կմրցի «Կլուժ» (Ռումինիա) – «Բրագա» (Պորտուգալիա) զույգի հաղթողի դեմ։ «Լինկոլն Ռեդ Իմպս» – «Նոա» դիմակայության առաջին հանդիպումը կկայանա օգոստոսի 7-ին Ջիբրալթարում, իսկ պատասխան խաղը` օգոստոսի 14-ին Հայաստանում։ Եվրոպա լիգայի որակավորման փլեյ-օֆֆի առաջին հանդիպումները կկայանան օգոսոստի 21-ին, իսկ պատասխան մրցավեճերը` […] ...
20:04 05.08.2025
Նիկոլ Փաշինյանը ներկա է գտնվել Ազգային երիտասարդական երկրորդ համաժողովի բացման արարողությանըՎարչապետ Նիկոլ Փաշինյանը Գաբրիել Սունդուկյանի անվան ազգային ակադեմիական թատրոնում ներկա է գտնվել Ազգային երիտասարդական երկրորդ համաժողովի բացման արարողությանը: Համաժողովը, որի նախաձեռնողը ՀՀ սփյուռքի գործերի գլխավոր հանձնակատարի գրասենյակն է, կանցկացվի օգոստոսի 5-7-ը։ Միջոցառմանը մասնակցում են 18-35 տարեկան 600 սփյուռքահայ երիտասարդներ ավելի քան 50 երկրից։ Համաժողովի ընթացքում նրանց են միանալու 200 մասնակիցներ Հայաստանից։ Վարչապետն իր ելույթում ողջունել […] ...
19:52 05.08.2025
Քննարկվել են ՀԲ հետ Հայաստանում իրականացվող ծրագրերըՓոխվարչապետ Մհեր Գրիգորյանն ընդունել է Համաշխարհային բանկի (ՀԲ) Հարավային Կովկասի տարածաշրջանային տնօրեն Ռոլանդ Փրայսին և Համաշխարհային բանկի հայաստանյան գրասենյակի նորանշանակ ղեկավար Ֆաբրիցիո Ձարկոնեին: Հանդիպման սկզբում փոխվարչապետը շնորհավորել է Ֆաբրիցիո Ձարկոնեին նշանակման կապակցությամբ՝ մաղթելով հաջողություններ իր պատասխանատու պաշտոնում: Զրուցակիցները քննարկել են ՀԲ հետ Հայաստանում իրականացվող ծրագրերը: Մհեր Գրիգորյանն այդ համատեքստում շեշտել է ՀԲ հետ համագործակցության կարևորությունը […] ...
19:45 05.08.2025
Գուցե ես էլ վարվեի Տոպուրիայի նման․ ԾառուկյանUFC-ի առաջատար հայ մարտիկ Արման Ծառուկյանը խոսել է թեթև քաշային կարգի նոր չեմպիոն Իլյա Տոպուրիայի դեմ տիտղոսային մենամարտ անցկացնելու հավանականության մասին: «Կարծում եմ՝ 70% հավանականություն կա, որ ես տիտղոսի համար մենամարտեմ Տոպուրիայի դեմ։ UFC-ն նույնիսկ ոչ մեկին առաջարկ չի արել. նրանք խոսում են միայն տիտղոսի համար մենամարտի մասին: Օլիվեյրայի դեմ մենամարտից հետո Իլյան մարտահրավեր էր […] ...
