20:58 22.02.2019
ԱԺ փոխխոսնակ Ալեն Սիմոնյանը ֆեյսբուքյան իր էջում ուղիղ տեսակապով խոսել է օրհներգը փոխելու մասին: Նա հաղորդել է, որ ձևավորվել է աշխատանքային խումբ, հայտարարվել է Արամ Խաչատրյանի երաժշտության հիման վրա հիմնի համար տեքստի մրցույթ: Այս թեմայի շրջանակներում SHANTNEWS.am-ը բանավեճ է կազմակերպել Արևմտահայոց հարցերի ուսումնասիրության կենտրոնի տնօրեն, ՀՅԴ անդամ Հայկազուն Ալվրցյանի և դիրիժոր, երաժշտագետ Գրիգոր Դանիելյանի միջև:
Դիրիժորն իր խոսքում նշել է, որ ներկայիս հիմնի փոփոխությունը արդեն 30 տարի է օրակարգում կա: Ի պատասխան՝ Ալվրցյանը նշել է, որ չի կարծում, որ երբևէ հիմն փոխելու անհրաժեշտություն ու ժամանակ պետք է լինի: Ըստ ՀՅԴ գործչի՝ հիմնը չի կարելի փոխել, առավելևս վերականգնել Խորհրդային Հայաստանի հիմնը, Ալվրցյանը կարծում է, որ ԽՍՀՄ Հայաստանը չի կարելի պետականություն դիտարկել:
Հակադարձելով Ալվրցյանի տեսակետին՝ երաժշտագետը շեշտում է, որ անգամ եթե չի կարելի ԽՍՀՄ Հայաստանը պետականություն դիտարկել, այնուամենայնիվ, այդ ժամանակ եղել են ժողովուրդն ու ստեղծագործողները:
«Հայ ժողովուրդը չկա՞ր Սովետական Միությունում: Արամ Խաչատրյան, Տիգրան Պետրոսյան, Վիկտոր Համբարձումյան, Իսահակյան, չկայի՞ն այդ մարդիկ: Վարդի անունը փոխեք, հո բույրը չե՞ք փոխի: Ի՞նչ է, դու կարծում եք, որ մենք Արամ Խաչատրյանին սիրում ենք, որովհետև իր գրած երգի մեջ Լենինի անունը կա, մենք շատ ենք սիրում կոմունիստական բռնաճնշումներն ու նրանց համակենտրոնացման ճամբարները՝ դրա համար ենք ուզում էդ երգը բերել: Ոչ: Էդ երգը ներկայացնում է հայ ժողովրդին»,- ասել է դիրիժորը:
ՀՅԴ անդամը կարծում է, որ Արամ Խաչատրյանի երաժշտությունը արժեքավոր գործ է, բայց ներկայիս հիմնն ավելի զորեղ է որպես հիմն:
«Ոչ մեկը չի կարող վկայել, որ սա իտալացու երգ է, իտալացիներն այս երաժշտությանը բոլորովին ծանոթ չեն: Այս մասին իր հոդվածում ապացուցում է նաև Լորիս Ճգնավորյանը: Սա այլաբանորեն է «Իտալացի աղջկա երգ», քանի որ այն ժամանակ եթե Միքայել Նալբանդյանը գրեր «Հայ աղջկա երգ» կստացվեր, որ ցարական իշխանության դեմ կոչ էր անում»,- ասել է Հայկազուն Ալվրցյանը:
17:54 05.08.2025
Խաչանովը դուրս է եկել Տորոնտոյի մրցաշարի կիսաեզրափակիչՌուսաստանը ներկայացնող հայ թենիսիստ Կարեն Խաչանովը Տորոնտոյի «Մասթերսում» դուրս է եկել կիսաեզրափակիչ: Աշխարհի 16-րդ ռակետը քառորդ եզրափակչում 6-4, 7-6 հաշվով հաղթել է ԱՄՆ-ի ներկայացուցիչ Ալեքս Միկելսենին: Կիսաեզրափակչում 29-ամյա Խաչանովի մրցակիցը Ալեքսանդր Զվերևն է, որը քառորդ եզրափակչում 6-7, 6-4, 6-3 հաշվով առավելության է հասել Ավստրալիան ներկայացնող Ալեքսեյ Պոպիրինի նկատմամբ: ...
17:45 05.08.2025
«Սևան» քրեակատարողական հիմնարկի ծառայողները հայտնաբերել են անօդաչու թռչող սարքի միջոցով ներնետված արգելված իրերՀՀ արդարադատության նախարարության «Սևան» քրեակատարողական հիմնարկի անվտանգության ապահովման բաժնի ծառայողները հերթական շրջայցի ժամանակ լսել են առարկայի վայր ընկնելու ձայն և անմիջապես իրականացրել տեղանքի զննություն։ Արդյունքում՝ մասնաշենքերից մեկի հետնամասում հայտնաբերվել է մետաղյա կախիչով ամրացված պլաստմասե տարա, որը հիմնարկի տարածք ներնետվել էր անօդաչու թռչող սարքի միջոցով։ Տարայում առկա են եղել բջջային հեռախոս և 2 USB լար։ Դեպքի […] ...
17:34 05.08.2025
Տարածքային կառավարման, սահմանամերձ համայնքներում բնակարանային ապահովման ծրագրերն օրենսդրական աշխատանքների առանցքում ենՀՀ ԱԺ տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովն 8-րդ գումարման 9-րդ նստաշրջանի ընթացքում գումարել է 6 հերթական, 1 արտահերթ նիստ: Մանրամասները` ԱԺ տեսանյութում: ...
17:21 05.08.2025
57-ամյա տղամարդու տան բակում հայտնաբերվել է կանեփի 83 թուփՀամայնքային ոստիկանության Թումանյանի բաժնում օպերատիվ տեղեկություններ էին ստացվել, որ Շնող գյուղի 57-ամյա բնակիչը տան բակում կանեփ է աճեցնում: Տարածքային քննչական բաժնում նախաձեռնվել է քրեական վարույթ, որի շրջանակում իրականացված զննությամբ հայտնաբերվել է կանեփի 83 թուփ: 57-ամյա տղամարդը խոստովանել է, որ կանեփն ինքն է աճեցրել։ Դեպքի հանգամանքները նախաքննությամբ պարզվում են: Ծանուցում. Ենթադրյալ հանցանքի մեջ կասկածվողը կամ մեղադրվողը […] ...
17:11 05.08.2025
Նախագահը ելույթ է ունեցել Դեպի ծով ելք չունեցող երկրների երրորդ համաժողովումԹուրքմենստանի Թուրքմենբաշի քաղաքում Հանրապետության նախագահ Վահագն Խաչատուրյանը մասնակցել է Դեպի ծով ելք չունեցող երկրների երրորդ համաժողովի պաշտոնական բացման հանդիսավոր արարողությանը։ Պատվիրակությունների ղեկավարների ընդունելության և պաշտոնական լուսանկարահանման արարողությունից հետո մեկնարկել է համաժողովի պլենար նիստը, որի ընթացքում ելույթով հանդես է եկել նախագահ Վահագն Խաչատուրյանը։ Նախագահի ելույթը. «Անչափ ուրախ եմ այսօր դիմել ձեզ այս պատմական ու նշանակալից պահին, […] ...
